Услуги в области лесного хозяйства (Грузия - Тендер #53007903)

ხე-ტყის/მერქნული რესურსის დამზადების და მარადმწვანე ქვეტყისაგან ფართობის გაწმენდის მომსახურება.

1. ზესტაფონის სატყეო უბანში დაავადებულ წაბლნარ კორომებში სანიტარიული ჭრებით ხე-ტყის დამზადება და ფართობის გაწმენდა მარადმწვანე ქვეტყისაგან, სავარაუდოდ (საორიენტაციოდ) 3675,25 კუბური მეტრი ხე-ტყის დამზადების მომსახურება და 276600 კვადრატული მეტრი ფართობის მარადმწვანე ქვეტყისაგან გაწმენდის მომსახურება.

2. ტყეკაფები უზრუნველყოფილია მისასვლელი გზებით. ტყეკაფიდან დამზადებული ხე-ტყის და ქვეტყის დასაწყობების ადგილამდე მანძილი დაახლოებით (ზესტაფონის სატყეო უბანი, ქ. ზესტაფონში მდებარე საქმიან ეზოში, საქმიანი ეზოს N005-000-000066) 30 კმ.

3. გასაწევი მომსახურების აღწერა:
3.1 ზეზემდგომი ხის ჭრა და ძირნაყარი ხე-ტყის გამოტანა (საპროგნოზო მოცულობით 500 კუბური მეტრი): სამუშაო ადგილის მომზადება (ხის ირგვლივ ადგილის გასუფთავება ქვეტყისგან, ამონაყრების, ეკალ-ბარდების და ბუნებრივი ნაყარისაგან), განსაზღვრული მიმართულებით ხის წაქცევა, ტოტების შეჭრა.
3.2 მორების (შოლტების) მორთრევა ტრაქტორით ზედა საწყობამდე (ბაქანი).
3.3 მორებზე (შოლტზე) გადასაჭრელი ადგილის მონიშვნა მრგვალი ხე-ტყის მორის მიღების მიზნით და შოლტების დამორვა ბენზოხერხით. ძირზე დარჩენილი ღეროს ნაწილის მოჭრა - შესწორება.
3.4 მოჭრილი ხის ღეროდან საქმისი მერქნის ამოღება
3.4.1 მრგვალი მორი, 0,6-დან 6 მეტრამდე სიგრძის.
3.4.2 საშეშე მერქნის დაკოტრვა 35 სმ ან 40 სმ სიგრძის კოტრებად.
3.5 ხე-ტყის დატვირთვა ტრანსპორტზე, ტრანსპორტირება ხე-ტყის საბოლოო დასაწყობების ადგილამდე და გადმოტვირთვა.
3.6 ქვეტყისაგან ხელშეკრულებით დადგენილი ფართობის გაწმენდა.
3.7 ფართობის გაწმენდა 2 მ-მდე სიმაღლის მარადმწვანე ქვეტყისაგან (მოჭრა,შეგროვება, საქმიან ეზომდე ტრანსპორტირება).
3.8 მოჭრილი-დამზადებული მერქნული რესურსის და ქვეტყის გაწმენდით მიღებული ბიომასის დასაწყობება ხელშეკრულებით განსაზღვრულ ადგილზე.

4. მომსახურების გაწევისას მიმწოდებელი ვალდებულია:
4.1 საქართველოს მთავრობის 2021 წლის 27 ივლისის № 383 ტყის დაცვის, აღდგენის და მოვლის წესის შესახებ დებულების დამტკიცების თაობაზე 33-ე მუხლის მე-5 პუნქტის მოთხოვნათა დაცვით უზრუნველყოს მოჭრილი ხე-ტყისა და ჭრის შედეგად მიღებული ნარჩენების გამოზიდვა.
4.2 ტყეკაფზე ხე-ტყის დამზადების შედეგად მიღებული ნარჩენების განთავსება მოქმედი კანონმდებლობის შესაბამისად.
4.3 დამზადებული მერქნული რესურსის ხე-ტყის დასაწყობების ადგილზე შტაბელებად დალაგება.
4.4 მომსახურების გაწევის პერიოდში საჭიროების შემთხვევაში სააგენტოსთან ან/და სააგენტოს ტერიტორიულ ორგანოსთან შეთანხმებით გამოსაყენებელი სატყეო სამეურნეო გზების რეაბილიტაცია.
4.5 მომსახურების გაწევისას საქართველოს კანონმდებლობით (მ.შ. უსაფრთხოების ნორმები) დადგენილი მოთხოვნების დაცვა.
4.6 მხოლოდ სსიპ ეროვნული სატყეო სააგენტოს მიერ ჭრაში დანიშნული ხეების მოჭრა.
4.7 მომსახურების გაწევის პერიოდში დამზადების პროცესის გამართულად წარმოების უზრუნველსაყოფად სააგენტოს ან/და სააგენტოს ტერიტორიული ორგანოს წერილობითი მითითებების შესრულება.

5. წარმოდგენილი დასამზადებელი მერქნული რესურსი საორიენტაციო ხასიათისაა და საქართველოს მთავრობის 2021 წლის 18 მაისის №221 დადგენილების 26-ე მუხლის მე-4 პუნქტის მოთხოვნებიდან გამომდინარე შემსყიდველი უფლებამოსილია არ განახორციელოს მომსახურების შესყიდვა სრული რაოდენობით.

6. შემსყიდველი უფლებამოსილია მიმწოდებლის მიერ ზემოთაღნიშნული 4.1 პუნქტის დარღვევის შემთხვევაში დააკისროს გარემოსთვის მიყენებული ზიანის ანაზღაურება საქართველოს მთავრობის 2022 წლის 15 ივლის №368 დადგენილების მე-5 მუხლის მე-4 დანართის მე-8 პუნქტის შესაბამისად.

მომსახურება (ხე-ტყის დამზადება და ფართობის გაწმენდა მარადმწვანე ქვეტყისაგან) და ამ მომსახურებასთან დაკავშირებით მიმწოდებლის მიერ ნაკისრი ყველა ვალდებულება სრულად უნდა განხორციელდეს ხელშეკრულების გაფორმებიდან 2025 წლის 31 დეკემბრამდე, საიდანაც: ბოსლევის სატყეოში 2000 კუბური მეტრი ხე-ტყის დამზადება უნდა განხორციელდეს 2024 წლის 07 სექტემბრამდე, საწაბლეს სატყეოში 1675,25 კუბური მეტრი ხე-ტყის დამზადება უნდა განხორციელდეს 2025 წლის 24 ივნისამდე, ბოსლევის და საწაბლეს სატყეოებში 276600 კვადრატული მეტრი (ბოსლევის სატყეოში 218000 და საწაბლეს სატყეოში 58600) ფართობის მარადმწვანე ქვეტყისაგან გაწმენდის მომსახურება უნდა განხორციელდეს 2025 წლის 31 დეკემბრამდე.

მომსახურება უნდა განხორციელდეს იმერეთის რეგიონში: იმერეთის სატყეო სამსახურის ზესტაფონის სატყეო უბნის ბოსლევის და საწაბლეს სატყეოებში; ბოსლევის სატყეოში ტყეკაფის ნომერია ,,005-08-0042023“, ხოლო საწაბლეს სატყეოში ტყეკაფის ნომერია ,,005-08-0043144“; ბოსლევის სატყეოს 26-ე კვარტლის 1-ელ, მე-2, მე-3, მე-4, მე-5, მე-6, მე-7, მე-8, მე-9, მე-10, მე-11, მე-12, მე-13, მე-14, მე-15, მე-16, მე-17 ლიტერებში და საწაბლეს სატყეოს მე-6 კვარტალის მე-9, 10, 11, 13, 14 ლიტერებში.

ბოსლევის სატყეოში 2000 კუბური მეტრი ხე-ტყის დამზადება უნდა განხორციელდეს 2024 წლის 07 სექტემბრამდე, საწაბლეს სატყეოში 1675,25 კუბური მეტრი ხე-ტყის დამზადება უნდა განხორციელდეს 2025 წლის 24 ივნისამდე, ბოსლევის და საწაბლეს სატყეოებში 276600 კვადრატული მეტრი (ბოსლევის სატყეოში 218000 და საწაბლეს სატყეოში 58600) ფართობის მარადმწვანე ქვეტყისაგან გაწმენდის მომსახურება უნდა განხორციელდეს 2025 წლის 31 დეკემბრამდე.

სატენდერო პროცედურების განხორციელების ეტაპზე ქვეკონტრაქტორ(ებ)ის არსებობის შემთხვევაში სახელმწიფო შესყიდვების ერთიან ელექტრონულ სისტემაში ატვირთული უნდა იქნას პრეტენდენტსა და ქვეკონტრაქტორ(ებ)ს შორის გაფორმებული ხელშეკრულებ(ები)ა. ასევე, ატვირთული უნდა იქნეს ქვეკონტრაქტორის შესახებ ყველა ის ინფორმაცია და დოკუმენტი, რომლებიც მოეთხოვება პრეტენდენტს.

1. პრეტენდენტმა უნდა წარმოადგინოს სატენდერო წინადადების ფასი დანართის (ფასების ცხრილი) მიხედვით.
2. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ხელმოწერით/კვალიფიციური შტამპით, უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). (excel ფორმატში წარმოდგენილი ფასების ცხრილი არ საჭიროებს კვალიფიციური ხელმოწერით/კვალიფიციური შტამპით დამოწმებას).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მოთხოვნიდან პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს ექსპერტიზის ან/და აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. დასკვნა გაცემული უნდა იყოს ლიცენზირებული ან აკრედიტირებული ან/და უფლებამოსილი პირის მიერ. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ამასთან, ფასწარმოქმნის ადეკვატურობის დამადასტურებელი დოკუმენტებით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

4 Процентов

8 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას, რომლის მოქმედების ვადაც განისაზღვრება 2026 წლის 31 იანვრამდე.

1. ხელშეკრულების შესრულების უზრუნველყოფის გარანტია გაცემული უნდა იყოს საბანკო, სადაზღვეო ან სხვა საკრედიტო დაწესებულების მიერ.
2. ტენდერში გამოიყენება ხელშეკრულების შესრულების უზრუნველყოფის გარანტია, ხელშეკრულების საერთო ღირებულების 4%–ის ოდენობით (თეთრ სიაში დარეგისტრირებული მიმწოდებლის შემთხვევაში აღნიშნული ოდენობა ნახევრდება).
3. ხელშეკრულების შესრულების უზრუნველყოფის გარანტია წარმოდგენილი უნდა იყოს გამარჯვებული პრეტენდენტის მიერ ხელშეკრულების დადებამდე.
4. ხელშეკრულების შესრულების უზრუნველყოფის გარანტიის წარმოდგენა ხორციელდება მატერიალური სახით, სისტემის გამოყენების გარეშე.
5. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ტენდერში გამოიყენება ხელშეკრულების შესრულების უზრუნველყოფის გარანტია, ხელშეკრულების საერთო ღირებულების 8%–ის ოდენობით (თეთრ სიაში დარეგისტრირებული მიმწოდებლის შემთხვევაში აღნიშნული ოდენობა ნახევრდება).

ანგარიშსწორება მიმწოდებელთან განხორციელდება ეტაპობრივად, ფაქტიურად გაწეული მომსახურების მიხედვით, მომსახურების გაწვევის შემდეგ, მიღება-ჩაბარების აქტის ან მიღება-ჩაბარების აქტისა და საგადასახადო ანგარიშ-ფაქტურის (კანონმდებლობით დადგენილ შემთხვევაში) საფუძველზე.

ანგარიშსწორება მიმწოდებელთან განხორციელდება ეტაპობრივად, ფაქტიურად გაწეული მომსახურების მიხედვით, მომსახურების გაწვევის შემდეგ, მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

მარიამი სამსონია, 599455556, mariami.samsonia@yahoo.com

1. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი. სხვადასხვა ვალუტაში გამოსახული სატენდერო წინადადებები არ განიხილება.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
3. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
4. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრედენდენტს არა აქვს უფლება წარმოადგინოს ალტერნატიული წინადადება.
6. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნების შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს. ასეთ შემთხვევაში, სახელმწიფო შესყიდვების სააგენტოს თავმჯდომარის 2017 წლის 14 ივნისის № 12 ბრძანებით დამტკიცებული ,,ელექტრონული ტენდერის ჩატარების წესის’’ 27-ე მუხლის მე-3 პუნქტისა და 32-ე მუხლის პირველი პუნქტის ,,ბ’’ ქვეპუნქტის შესაბამისად სატენდერო კომისია განახორციელებს პრეტენდენტის დისკვალიფიკაციას.
7. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით.