Ремонт и техническое обслуживание строительных сооружений (Грузия - Тендер #52897497)

1.1.1. შესყიდვის ობიექტია ქალაქ თბილისსა და რეგიონებში მდებარე შენობა-ნაგებობებისა და მოწყობილობების სისტემების შეკეთება და ტექნიკური მომსახურება კითხვარის 1,2 მითითებულის შესაბამისად.

1.2.1. მიმწოდებელმა უნდა უზრუნველყოს შენობა-ნაგებობებისა და მოწყობილობების სისტემების ტექნიკური მომსახურება და დაზიანების შემთხვევაში სისტემის ან სისტემის ცალკეული დეტალების შეკეთება-აღდგენა (რაც გულისხმობს დაზიანებული დეტალების შეცვლას, სისტემის გამართულ მდგომარეობაში მოყვანა-რეგულირებას და ექსპლუატაციაში გაშვებას).
1.2.2. ტექნიკური მომსახურება უნდა განხორციელდეს დანართ N1-ში (პრეისკურანტში) მითითებული შესაბამისი საქონლის და მომსახურების შესაბამისად.
1.2.3. მიმწოდებელი ვალდებულია შემსყიდველის ქონებაზე მიყენებული ზიანი აღმოფხვრას საკუთარი ხარჯებით.
1.2.4. მიმწოდებელმა მომსახურე პერსონალი უნდა უზრუნველყოს შესაბამისი ინსტრუმენტებით, საჭირო ინვენტარითა და სხვა საშუალებებით, რომელიც საჭიროა მომსახურების გაწევის პროცესში.
1.2.5 მომსახურე პერსონალი უნდა იყოს კვალიფიციური სპეციალისტ(ებ)ი.
1.2.6 მიმწოდებელს უნდა შეეძლოს ერთდროულად არანაკლებ 2 (ორი) გეოგრაფიულად დაშორებულ ობიექტზე (საქართველოს მაშტაბით) შენობა-ნაგებობებისა და მოწყობილობების სისტემების დანადგარების შეკეთება და ტექნიკური მომსახურება.
1.2.7. მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
1.2.8. მილების მონტაჟისას საჭიროების შემთხვევაში იგულისხმება მიწაში ან კედელში მილების ჩადების სამუშაოები და პირვანდელ მდგომარეობამდე მიყვანა პრეისკურანტით გათვალიწინებული შესაბამისი სამუშაოებით.
1.2.9. მიღება-ჩაბარების აქტის გაფორმებამდე რაიმე ხარვეზის აღმოჩენის შემთხვევაში (თუ მომსახურება არ არის გაწეული სრულყოფილად) მიმწოდებელი ვალდებულია უზრუნველყოს მისი გამოსწორება (გაწიოს საჭირო მომსახურება და/ან ახალი შესყიდვის ობიექტის მიწოდება) არაუგვიანეს 24 საათის განმავლობაში დამატებითი სატრანსპორტო ღირებულების ანაზღაურების გარეშე.
1.2.10. შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები;
1.2.11. მიმწოდებელმა სამუშაოების შესრულებისას საქართველოს მოქმედი კანონმდებლობის და არსებული ნორმების შესაბამისად, უნდა მიიღოს აუცილებელი ზომები ტექნიკური უსაფრთხოების და გარემოს დაცვის უზრუნველსაყოფად.
1.2.12. ტექნიკური მომსახურების პრეისკურანტში, საქონლის ან მომსახურების რომელიმე ერთეულის არარსებობისას, ახალი პოზიციის ერთეულის ფასი (მისი შესყიდვის აუცილებლობისას) დადგინდება შემსყიდველისა და მიმწოდებლის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში დანადგარის ტექნიკური მომსახურების ერთულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.13. მიმწოდებლის მიერ გამოყენებული უნდა იქნას ახალი (არამეორადი) სათადარიგო ნაწილები, მეორადი სათადარიგო ნაწილები შესაძლებელია გამოყენებული იქნას მხოლოდ შემსყიდელთან შეთანხმებით, რა შემთხვევაშიც მეორადი სათადარიგო ნაწილის ფასი დადგინდება ურთიერთშეთანხმებით საბაზრო ფასის გათვალისწინებით.
1.2.14. მიმწოდებელმა შეცვლილი დეტალები უნდა დატოვოს ობიექტზე, შესაბამის უფლებამოსილ პირთან.

1.4.1.მომსახურების გაწევა უნდა განხორციელდეს ხელშეკრულების გაფორმებიდან 2024 წლის 31 დეკემბრის ჩათვლით, ეტაპობრივად - კვირის ნებისმიერ დღეს, შემსყიდველის მოთხოვნის შესაბამისად.

1.4.2.მიმწოდებელი ვალდებულია ობიექტებზე, გამოცხადდეს გამოძახებიდან (გამოძახება შეუზღუდავად, კვირის ნებისმიერ დღეს) არაუმეტეს 1 საათის განმავლობაში, შეადგინოს შესაბამისი დეფექტური აქტი და შემსყიდველთან შეთანხმებით (შეთანხმება გულისხმობს, რომ მიმწოდებელი ობიექტის მონახულებიდან იმავე დღეს, მობილური ტელეფონის საშუალებით, შემსყიდველს) მოახდინოს დაზიანების აღმოფხვრა.

1.4.3. იმ შემთხვევაში თუ დადასტურებულია ვადის გაზრდის ობიექტური აუცილებლობა, დეფექტური აქტის შედგენის შემდეგ შემსყიდველი განუსაზღვრავს დამატებითი გონივრულ ვადას, რომლის პერიოდშიც მიწოდებელმა უნდა უზრუნველყოს ხარვეზის აღმოფხვრა დამატებითი სატრანსპორტო ღირებულების ანაზღაურების გარეშე.

შენიშვნა: შემსყიდველის მხრიდან შეტყობინება განხორციელდება ელექტრონული ფოსტის ან სატელეფონო შეტყობინების გზით.

1.5.1.მომსახურება უნდა განხორციელდეს ეტაპობრივად მოთხოვნის შესაბამისად საქართველოს მთელ ტერიტორიაზე 1.2 პუნქტში ატვირთული დანართი N2-ით განსაზღვრულ მისამართებზე.

1.7.1.1.კონკრეტული გამოცვლილი ნაწილის საგარანტიო ვადა უნდა შეადგენდეს მიღება-ჩაბარების აქტის გაფორმებიდან არანაკლებ 1 (ერთი) წელს, შეკეთებული ნაწილის საგარანტიო ვადა უნდა შეადგენდეს მიღება-ჩაბარების აქტის გაფორმებიდან არანაკლებ 6 თვეს.
1.7.1.2. მიმწოდებელი თავად ანაზღაურებს მის მიერ არაჯეროვანი შესრულებით (ან საქონლის მიწოდებით) გამოწვეულ ზიანს სრულად.

პრეტენდენტს 2020-2021-2022-2023 წლების განმავლობაში (მისაღებია ერთ ერთ წელს არსებული გამოცდილებაც) უნდა გააჩნდეს ანალოგიური მომსახურებების (ანალოგიური მომსახურება გულისხმობს შენობის ელექტრო- და მექანიკური მოწყობილობების შეკეთება და ტექნიკური მომსახურებას) გამოცდილება ჯამურად არანაკლებ 20 000,00 (ოციათასი) ლარის შესრულებით. იმ შემთხვევაში თუ პრეტენდენტის მიერ გაწეული მომსახურების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (იხილეთ დანართი 3).
იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N3-ის შესაბამისად CON, SPA, NAT ან CMR ნომრების მითითების გარეშე), მიმწოდებლის/შემსრულებლის და შემსყიდველის/დამკვეთის მიერ ორმხრივად ხელმოწერილი რომელიც, უნდა იყოს დამოწმებული კვალიფიციური ხელმოწერით ან კვალიფიციური შტამპით,ხოლო რამდენიმე შემსყიდველის/დამკვეთის არსებობის შემთხვევაში ცალ-ცალკე.

2.9.1. თუ მომსახურების პერიოდში მოხდა რომელიმე თბილისსა და/ან რეგიონში მდებარე განყოფილების მისამართის ცვლილება (ან რეგიონის/არსებულ რეგიონში განყოფილების დამატება), მიმწოდებელი ვალდებულია ხელშეკრულებით განსაზღვრული პირობებით მოახდინოს მომსახურება ახალ რეგიონში/განყოფილებაში/მისამართზე.


2.9.2. სატენდერო წინადადების ფასში გათვალისწინებული უნდა იყოს მომსახურების სრულყოფილად გაწევასთან დაკავშირებული ყველა ხარჯი, მათ შორის თბილისსა და რეგიონებში ტრანსპორტირების/მივლინების, კომუნიკაციის და კანონმდებლობით დადგენილი გადასახადების ჩათვლით დღგ-ს ჩათვლით. ხარჯები, რომელიც არ იქნება სატენდერო წინადადებით გათვალისწინებული არ ანაზღაურდება.

2.9.3. პრეტენდენტის მიერ შემოთავაზებული ფასი არცერთ პოზიციაზე არ უნდა აღემატებოდეს სატენდერო დოკუმენტაციით განსაზღვრულ პრეისკურანტში მითითებულ ფასს (აღნიშნული დაზუსტებას არ ექვემდებარება). შემოთავაზებული ფასები უნდა მოიცავდეს მომსახურების სრულყოფილად გაწევასთან დაკავშირებულ ყველა ხარჯს,

2.9.4. პრეტენდენტის მიერ წარმოდგენილ მომსახურების პრეისკურანტში მოცემული საქონლისა და მომსახურების ერთეულის ფასების კლება უნდა განხორციელდეს სატენდერო დოკუმენტაციაში მოცემული პრეისკურანტის ზღვრული ერთეულის ფასებიდან, არანაკლებ სატენდერო დოკუმენტაციასა და სატენდერო განცხადებაში მოცემული პრეისკურანტის ჯამურ სავარაუდო ღირებულებასა და პრეტენდენტის მიერ სისტემაში დაფიქსირებულ ფასს შორის არსებული პროცენტული სხვაობით, რომელიც დამრგვალებული უნდა იყოს მეასედის სიზუსტით. აღნიშნული მოთხოვნა გათვალისწინებული უნდა იქნას თავდაპირველად ატვირთულ პრეისკურანტშიც.

2.9.5. გამარჯვებულ პრედენდენტთან დადებული ხელშეკრულების ჯამური ღირებულების ფარგლებში (ხელშეკრულება დადებული იქნება შესყიდვის ობიექტის სახელშეკრულებო ღირებულებაში მოცემულ თანხაზე) მიმწოდებელმა უნდა განახორციელოს მომსახურება მის მიერ შემოთავაზებული ერთეულის ფასების - პრეისკურანტის შესაბამისად.

2.9.7. ტექნიკური დოკუმენტაციის სახით პრეტენდენტმა უნდა წარმოადგინოს :
2.9.7.1 ხარჯთაღრიცხვა 1.3 პუნქტის შესაბამისად;
2.9.7.2. ინფორმაცია საგარანტიო ვადების შესახებ 1.7.1. პუნქტის შესაბამისად;
2.9.7.3. ინფორმაცია გამოცდილების შესახებ 2.2.1. პუნქტის სესაბამისად.

4.1.1.1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

4.1.1.2. ფასწარმოქმნის ადეკვატურობის 20%-ით მეტი ფასის კლების შემთხვევაში,დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1.ანგარიშსწორება მიმწოდებელთან წარმოებს ლარში, უნაღდო ანგარიშსწორების ფორმით, ანგარისსწორება მოხდება ეტაპობრივად თვეში ერთხელ, საანგარიშო თვეში, ფაქტიურად გაწეული მომსახურების შესაბამისად, მიმწოდებლის მიერ წარმოდგენილი დეფექტური აქტის და მიღება ჩაბარების აქტის საფუძველზე/ხელშეკრულებაში მითითებული დოკუმენტაციის წარმოდგენიდან არაუგვიანეს 10 (ათი) სამუშაო დღის ვადაში.

7.3.1. ანგარიშსწორება განხორციელდება ეტაპობრივად 7.2.1 პუნქტით განსაზღვრული დოკუმენტაციის წარმოდგენიდან 10 (ათი) სამუშაო დღის ვადაში.

ირინე ყარაულაშვილი, 595031183, irina.karaulashvili@gmail.com შესყიდვის სპეციფიკურობის გათვალისწინებით, საკონტაქტო პირად დამატებით განისაზღვრა ზურაბ გოგილიძე 599558000 ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევბში) უნდა მიუთითოს დღგ-ს გათვალისწინებით.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.8. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.