Осветительное оборудование и электрические лампы (Грузия - Тендер #52897487)

გარე განათების სხვადასხვა ზომის და ტიპის LED სანათები, დიოდური ნათებით

შესყიდვის ობიექტის აღწერილობა:

1. გარე განათების ლედ სანათი (პროჟექტორი) - 10 ცალი.
სიმძლავრით არანაკლებ 200w, განათების სიმძლავრე არანაკლებ 4000K-არაუმეტეს 6500K, სანათის კორპუსი დამზადებული უნდა იყოს ალუმინისაგან, ან კომპოზიტური მასალისგან, დაცვის კლასი IP65. სანათს უნდა გააჩნდეს ქარხნული სამაგრები ჭანჭიკებზე, სანათი უნდა მუშაობდეს 220-240V დიაპაზონში. სანათის ფერი შესაძლებელია იყოს ვერცხლისფერი, ნაცრისფერი ან შავი.

2. გარე განათების ლედ სანათი - 50 ცალი.
სიმძლავრით არანაკლებ 50w, განათების სიმძლავრე არანაკლებ 5000K არაუმეტეს 6500K, სანათის კორპუსი დამზადებული უნდა იყოს ალუმინისაგან, ან კომპოზიტური მასალისგან, დაცვის კლასი IP65. სანათს უნდა გააჩნდეს ქარხნული სამაგრები ჭანჭიკებზე, სანათი უნდა მუშაობდეს 220-240V დიაპაზონში. სანათის ფერი შესაძლებელია იყოს ვერცხლისფერი, ნაცრისფერი ან შავი.

3. გარე განათების ბოძზე დასამაგრებელი ლედ სანათი - 15 ცალი.
სიმძლავრით არანაკლებ 150W-არაუმეტეს 200W, განათების სიმძლავრე არანაკლებ 5000K არაუმეტეს 6500K, სანათის კორპუსი დამზადებული უნდა იყოს ალუმინისაგან, ან კომპოზიტური მასალისგან, დაცვის კლასი IP65. სანათს უნდა გააჩნდეს ქარხნული სამაგრები ლითონის ბოძზე ჭანჭიკებით დამაგრებისთვის, სანათი უნდა მუშაობდეს 220-240V დიაპაზონში. სანათის ფერი შესაძლებელია იყოს ვერცხლისფერი, ნაცრისფერი ან შავი.

1.4.1 შესყიდვის ობიექტის მიწოდება უნდა განხორციელდეს ხელშეკრულების გაფორმებიდან 5 (ხუთი) სამუშაო დღის ვადაში.

1.5.1 შესყიდვის ობიექტის მიწოდების ადგილია ქ.თბილისი, რ.გაბაშვილის ქ#71.

1.7.1.1 შემოთავაზებული საქონელი უნდა იყოს ახალი და უნაკლო.
1.7.1.2 შესყიდვის ობიექტის საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 1 წელი (იხ. დანართი N1 - ფასების ცხრილი).
1.7.1.3 საგარანტიო ვადის პერიოდში მიმწოდებელმა უნდა უზრუნველყოს დაუყოვნებლივ, შეტყობინების მიღებისთანავე, არაუმეტეს 3 (სამი) სამუშაო დღის განმავლობაში - რეაგირება, ხარვეზის აღმოჩენის შემთხვევაში - მისი გამოსწორება არაუმეტეს 5 (ხუთი) სამუშაო დღის განმავლობაში და თუკი შეკეთებას არ ექვემდებარება, არაუმეტეს 10 (ათი) სამუშაო დღის განმავლობაში მოახდინოს მისი ახლით შეცვლა.
1.7.1.4 წუნის/ხარვეზის/დეფექტის მქონე საქონლის შეკეთების ან შეცვლის შემთხვევაში საქონლის ტრანსპორტირება უნდა უზრუნველყოს მიმწოდებელმა.

2.1.1.1 პრეტენდენტი ვალდებულია ფასების ცხრილში მიუთითოს შესყიდვის ობიექტის (მისაწოდებელ საქონელზე) წარმოშობის ქვეყანა, მწარმოებელი კომპანია და მარკა/მოდელი.
2.1.1.2 თუ შემოთავაზებულ საქონელს არ გააჩნია მოდელი, მიუთითეთ "არ გააჩნია მოდელი/ მოდელი არ გააჩნია".
2.1.1.3 დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ.

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. პრეტენდენტმა უნდა წარმოადგინოს რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ მიმწოდებლის პროფილში;
2. დანართი №2 ფასების ცხრილი (სატენდერო პირობების პუნქტი 1.3-ის შესაბამისად);

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს საექსპერტო,აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (დასკვნას თან უნდა ახლდეს დასკვნის გამცემი ორგანოს შესაბამისი უფლებამოსილების დამადასტურებელი დოკუმენტი);
4.1.1.2 პრეტენდენტმა, აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.
4.1.1.3 იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

7.2.1 ანგარიშსწორება მოხდება უნაღდო ანგარიშსწორებით ლარში, ფაქტიურად მიწოდებული შესყიდვის ობიექტის ღირებულების შესაბამისად.
7.2.2. ანგარიშსწორება მიმწოდებელთან განხორციელდება მიღება–ჩაბარების აქტის გაფორმებისა და მიმწოდებლის მიერ სასაქონლო ზედდებულის და ანგარიშფაქტურის წარდგენის საფუძველზე.

7.2. პუნქტის შესაბამისად, შესაბამისი დოკუმენტების სრულად წარდგენიდან არაუგვიანეს 30 (ოცდაათი) სამუშაო დღის ვადაში.

რუსლან მამარდაშვილი, 598204502, rmamardashvili@nasp.gov.ge ტექნიკურ საკითხებზე: ირაკლი კვაჭანტირაძე ტელ:577 050 655

10.1.1. სატენდერო წინადადების ერთეული და საერთო ფასი გამოსახული უნდა იყოს მხოლოდ ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა გადასახადის ჩათვლით, დღგ-ს ჩათვლით;
10.1.2. პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. პრეტენდენტი ვალდებულია, მის მიერ შექმნილი, წინადადების სახით წარსადგენ დოკუმენტებზე (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.) შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). აღნიშნულისთვის პრეტენდენტს აქვს ორი შესაძლო გზა:
10.1.2.1 ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
10.1.2.2 გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით (GEO Signing CA) ან/და კვალიფიციური შტამპით (GEO Eseal CA).
10.1.3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. არაქართულენოვანი დოკუმენტაცია არ განიხილება. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით, შესრულებული თარგმანები ქართულ ენაზე, ნოტარიულად დამოწმებული. დოკუმენტთან დაკავშირებული სადავო საკითხ (ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.4. პრეტენდენტმა უნდა უზრუნველყოს განფასება დ.ღ.გ-ს ჩათვლით დანართი №1-ის მიხედვით;
10.1.5. სხვადასხვა ვალუტაში გამოსახული სატენდერო წინადადება არ განიხილება;
10.1.6. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.7 სატენდერო პირობებში, შესყიდვის ობიექტის ტექნიკური და ხარისხობრივი მახასიათებლების აღწერისას, იმ შემთხვევაში თუ მითითებულია კონკრეტული სასაქონლო ნიშანი, მოდელი, პატენტი ან მწარმოებელი კომპანია, იგულისხმება „მსგავსი“ ან/და „ეკვივალენტური“. ასეთ შემთხვევაში, პრეტენდენტი ვალდებულია წარმოადგინოს სატენდერო პირობებით განსაზღვრული შესყიდვის ობიექტის მსგავსი ან/და ეკვივალენტური მახასიათებლების მქონე საქონელი/მომსახურება;