Полные или частичные строительные работы и публичные работы (Грузия - Тендер #52897464)

1.1.1 სხვადასხვა სამშენებლო სამუშაოები;

1.2.1 შესასრულებელი სამუშაოების სახეობები და მოცულობები მოცემულია ხარჯთაღრიცხვაში (იხ. დანართი N1), რომელიც მომავალში წარმოადგენს სამუშაოების შესყიდვაზე გაფორმებული სახელმწიფო შესყიდვის ხელშეკრულების განუყოფელ ნაწილს.
1.2.2 მიმწოდებელმა უნდა უზრუნველყოს სამშენებლო სამუშაოების შესრულება ხარჯთაღრიცხვაში მითითებული სახეობებისა და მოცულობების შესაბამისად მშენებლობის უსაფრთხოების წესებისა და საქართველოში მოქმედი სამშენებლო ნორმების მოთხოვნათა სრული დაცვით;
1.2.3 სამუშაოებში გამოყენებული მასალები უნდა იყოს ახალი, ექსპლოატაციაში არნამყოფი. ,,შემსყიდველს“ უფლება აქვს, მოითხოვოს გამოყენებული მასალების შესაბამისობის სერტიფიკატი;
1.2.4 მიმწოდებელმა სამუშაოების შესასრულებლად გამოსაყენებელი მასალების ფერი და ფაქტურა უნდა შეათანხმოს შემსყიდველთან;
1.2.5 გაუთვალისწინებელი სამუშაოების ხარჯების ანაზღაურება განხორციელდება მხოლოდ ასეთი ხარჯების არსებობის შემთხვევაში. გაუთვალისწინებელი ხარჯების არსებობისას მიმწოდებელმა უნდა უზრუნველყოს ასეთი ხარჯების დეტალური გაშიფვრა და დასაბუთება, რომლის საფუძველზეც განხორციელდება ფორმა #2 -ის გაფორმება. გაუთვალისწინებლი სამუშაოების გაწევის უფლება მიმწოდებელს ეძლევა შემსყიდველის თანხმობის შემთხვევაში;
1.2.6 ,,მიმწოდებელი“ ვალდებულია, სამუშაოების მიმდინარეობის პროცესში დაიცვას უსაფრთხოების წესები „შრომის უსაფრთხოების შესახებ“ საქართველოს ორგანული კანონის მოთხოვნათა შესაბამისად, მინიმუმამდე დაიყვანოს ხმაურის დონე და მტვრის რაოდენობა, ყოველი სამუშაო დღის ბოლოს მაქსიმალურად დაასუფთაოს სამუშაოს ჩატარების ადგილი და გაიტანოს სამშენებლო ნარჩენები ეზოში გამოყოფილ ადგილზე, ხოლო სამუშაოების დასრულების შემდეგ გაათავისუფლოს სამუშაო ადგილი და მიმდებარე ტერიტორია სამშენებლო ნარჩენებისგან.
1.2.7 სამუშაოების წარმოების პროცესში მიმწოდებლის მიერ მიწისქვეშა კომუნიკაციების დაზიანების შემთხვევაში დაზიანების აღმოფხვრას უზრუნველყოფს მიმწოდებელი საკუთარი ხარჯებით შემსყიდველიგან დამატებითი დანახარჯების გარეშე.

1.4.1 სამშენებლო სამუშაოები უნდა დასრულდეს ხელშეკრულების გაფორმებიდან არაუგვიანეს 90(ოთხმოცდაათი) კალენდარული დღისა.
1.4.2 იმ შემთხვევაში, თუ სამუშაოების მიწოდების ვადა ემთხვევა არასამუშაო დღეს, მიწოდების ვადა გრძელდება შემდეგი პირველი სამუშაო დღის დამთავრებამდე.

1.5.1 სამუშაოების მიწოდება უნდა განხორციელდეს მისამართზე: ქ. თბილისი, ვასო გოძიაშვილის ქუჩა N49 (საკადასტრო კოდი 01.10.10.015.052) შესასრულებელ სამუშაოთა მოცულობათა უწყისი - დანართი №1-ის შესაბამისად.
1.5.2 გამარჯვებული პრეტენდენტი ვალდებულია, სრულად უზრუნველყოს სატენდერო დოკუმენტაციით, საპროექტო დოკუმენტაციითა და მოქმედი კანონმდებლობით გათვალისწინებული უსაფრთხოების ნორმებისა და სტანდარტების დაცვა.

1.6.1 შესრულებულ სამუშაოებზე და გამოყენებულ მასალებზე მიმწოდებლის მხრიდან უნდა ვრცელდებოდეს საგარანტიო ვადა საბოლოო მიღება-ჩაბარების აქტის გაფორმების თარიღიდან არანაკლებ 2(ორი) წელი.
1.6.2 გარანტია უნდა ვრცელდებოდეს საგარანტიო პერიოდში ნებისმიერი ხარვეზისა და დეფექტის აღმოფხვრაზე (შეკეთება/შეცვლა ახლით), გარდა შემსყიდველის მხრიდან გაუფრთხილებლობით გამოწვეული მექანიკური დაზიანებისა.
1.6.3 საბოლოო მიღება-ჩაბარების აქტის გაფორმებიდან 5(ხუთი) სამუშაო დღის ვადაში მიმწოდებელმა უნდა წარმოადგინოს საბანკო/სადაზღვევო დაწესებულების მიერ გაცემული შესრულებული სამუშაოების ხარისხის უზრუნველყოფის საბანკო გარანტია შესრულებული სამუშაოების ღირებულების 2%-ის ოდენობით. გარანტიის მოქმედების ვადა მინიმუმ 30(ოცდაათი) კალენდარული დღით უნდა აღემატებოდეს საგარანტიო ვადას.
1.6.4 მიმწოდებლის მიერ 1.6.3 პუნქტით გათვალისწინებული საბანკო გარანტიის წარმოუდგენლობის შემთხვევაში, შემსყიდველი იტოვებს უფლებას, არ აანაზღაუროს საბანკო გარანტიის შესაბამისი თანხა გარანტიის წარმოდგენამდე.
1.6.5 შესრულებული სამუშაოების საგარანტიო ვადის გასვლის შემდეგ, მიმწოდებლის მიერ ნაკისრი ვალდებულებების შესრულების შემთხვევაში, მიმწოდებლის წერილობითი მოთხოვნიდან 10 (ათი) სამუშაო დღის ვადაში შემსყიდველი დაუბრუნებს მას შესრულებული სამუშაოების ხარისხის უზრუნველყოფის საბანკო გარანტიას. მიმწოდებლის მიერ ნაკისრი ვალდებულებების შეუსრულებლობის ან/და ნაწილობრივ შესრულების შემთხვევაში, შემსყიდველი ხარვეზების გამოსასწორებლად გამოიყენებს საგარანტიო თანხას და იმოქმედებს საქართველოს მოქმედი კანონმდებლობის შესაბამისად.

2.2.1.1 პრეტენდენტს 2022 წლის 01 იანვრიდან ტენდერის გამოცხადების დღისთვის დასრულებული ხელშეკრულებების ფარგლებში უნდა ჰქონდეს შესრულებული არანაკლებ 250000 (ორას ორმოცდაათი ათასი) ლარის ღირებულების მსგავსი, ან/და ანალოგიური სამუშაოები. მათ შორის ერთი დასრულებული ხელშეკრულების ფარგლებში - მსგავსი, ან/და ანალოგიური სამუშაოები, რომელთა ღირებულებაც ჯამში არ უნდა იყოს შესყიდვის სავარაუდო ღირებულების 80%-ზე ნაკლები. შესრულებულ მსგავს, ან/და ანოლოგიურ სამუშაოებში იგულისხმება ძირითადად ყველა ის სამშენებლო-სარემონტო სამუშაოს სახეობა (CPV45200000; 45300000; 45400000), რომელიც მოცემულია სატენდერო პირობებით გათვალისწინებული შესასრულებელი სამუშაოების ხარჯთაღრიცხვაში (იხ. დანართი N1) და არა მხოლოდ ერთი ან რამოდენიმე სამშენებლო სამუშაოები.
2.2.1.2 თუ სამუშაოების შესრულების დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, საკმარისია, ინფორმაცია წარმოდგენილ იქნას მხოლოდ დანართი N2-ის შესაბამისად. სხვა შემთხვევაში დანართი N2-თან ერთად წარმოდგინილ უნდა იქნას ხელშეკრულებ(ები)ა შესაბამისი ფორმა N2-ებით და მიღება-ჩაბარების აქტ(ებ)ით.

2.5.1.1 გამარჯვებული პრეტენდენტი ვალდებულია, სამშენებლო სამუშაოები დაიწყოს სახელმწიფო შესყიდვის შესახებ ხელშეკრულების გაფორმებიდან არაუგვიანეს 3(სამი) სამუშაო დღის ვადაში და დაასრულოს ხელშეკრულების გაფორმებიდან არაუგვიანეს 90(ოთხმოცდაათი) კალენდარულ დღეში მის მიერ სისტემაში წარმოდგენილი გეგმა-გრაფიკის შესაბამისად.

2.9.1 ვაჭრობის ძირითად დროში ხარჯთაღრიცხვის წარმოუდგენლობა იწვევს პრეტენდენტის დისკვალიფიკაციას.
2.9.2 სატენდერო წინადადებაში ერთეულის ფასები ცალკეულ პოზიციებზე და საერთო ფასი გამოსახული უნდა იყოს ეროვნულ ვალუტაში, ლარში, არანაკლებ მეასედი სიზუსტით.
2.9.3 სატენდერო წინადადებაში საერთო ფასი გამოსახული უნდა იყოს ეროვნულ ვალუტაში, ლარში საქართველოს კანონმდებლობით გათვალისწინებული ყველა გადასახადის, მოსაკრებელისა და შესყიდვის ობიექტის მიწოდებასთან დაკავშირებული ხარჯების გათვალისწინებით.
2.9.4 პრეტენდენტის მიერ ხარჯთაღრიცხვაში პოზიციების ნუმერაციის და თანმიმდევრობის შეცვლა დაუშვებელია. აღნიშნული ქმედება გამოიწვევს პრეტენდენტის დისკვალიფიკაციას.
2.9.5 პრეტენდენტის მიერ ხარჯთაღრიცხვის შედგენისას ზედნადები ხარჯებისა და გეგმიური მოგების ზღვრული პროცენტული მაჩვენებლები უნდა განისაზღვროს „სამშენებლო სამუშაოების სახელმწიფო შესყიდვისას ზედნადები ხარჯებისა და გეგმიური მოგების განსაზღვრის წესის დამტკიცების შესახებ“ საქართველოს მთავრობის 2014 წლის 14 იანვრის #55 დადგენილების შესაბამისად.

4.1.1.1 თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით და მეტით დაბალია შესყიდვის ობიექტის სავარაუდო ღირებულებაზე, მაშინ პრეტენდენტმა შემსყიდველის მოთხოვნის შესაბამისად, უნდა დაასაბუთოს ფასწარმოქმნის ადეკვატურობა სსიპ ლევან სამხარაულის სახელობის სასამართლო ექსპერტიზის ეროვნული ბიუროს, ან სსიპ “აკრედიტაციის ერთიანი ეროვნული ორგანოს – აკრედიტაციის ცენტრი”-ს მიერ შესაბამის სფეროში აკრედიტებული საექსპერტო დაწესებულების/ექსპერტის მიერ გაცემული დასკვნით, რითაც დადასტურდება მის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა.
სსიპ “აკრედიტაციის ერთიანი ეროვნული ორგანო – აკრედიტაციის ცენტრი”-ს მიერ აღნიშნულ სფეროში საექსპერტო დაწესებულების/ექსპერტის მიერ გაცემული ექსპერტიზის დასკვნის წარმოდგენის შემთხვევაში, დასკვნასთან ერთად წარმოდგენილი უნდა იქნას აღნიშნულ საექსპერტო დაწესებულებაზე/ექსპერტზე სსიპ “აკრერდიტაციის ერთიანი ეროვნული ორგანო – აკრედიტაციის ცენტრი”-ს მიერ გაცემული აკრედიტაციის მოწმობა.
4.1.1.2 ექსპერტიზის ღირებულებას ანაზღაურებს პრეტენდენტი.

7.1.1.1ანგარიშსწორება შეიძლება განხორციელდეს წინასწარი, საავანსო ანგარიშსწორების ფორმით არაუმეტეს ხელშეკრულების ღირებულების 30%-ის ოდენობით პრეტენდენტის მიერ მოთხოვნილ თანხაზე საბანკო/სადაზღვევო დაწესებულების მიერ გაცემული უპირობო საავანსო ანგარიშსწორების საბანკო გარანტიის საფუძველზე (აუცილებელი პირობა: ავანსის მოთხოვნის შემთხვევაში პრეტენდენტმა უნდა წარმოადგინოს საბანკო/სადაზღვევო დაწესებულების მიერ გაცემული უპირობო საავანსო ანგარიშსწორების საბანკო გარანტია მის მიერ მოთხოვნილ თანხაზე, რომლის თანახმადაც გარანტიის გამცემი დაწესებულება თანახმაა, შემყიდველის მოთხოვნიდან 10 (ათი) საბანკო დღის ვადაში აანაზღაუროს შემსყიდველის მიერ მოთხოვნილი თანხა) რომლის მოქმედების ვადაც 30 კალენდარული დღით უნდა აღემატებოდეს ხელშეკრულების მოქმედების ვადას;
7.1.1.2 ავანსად გადარიცხული თანხის გაქვითვა განხორციელდება მხარეთა შორის გაფორმებული მიღება-ჩაბარების აქტ(ებ)ისა და ფორმა #2-ის საფუძველზე შესრულებული სამუშაოების ღირებულების პროპორციულად.
7.1.1.3 თეთრ სიაში დარეგისტრირებული მიმწოდებელი ვალდებულია, წარუდგინოს შემსყიდველს წინასწარ მოთხოვნილი თანხის ნახევრის ოდენობის საბანკო გარანტია, რომლის მოქმედების ვადაც ასევე 30 დღით უნდა აღემატებოდეს მიმწოდებელთან გაფორმებული ხელშეკრულების მოქმედების ვადას.
7.1.1.4 დარჩენილი თანხის ანაზღაურება განხორციელდება ასევე მხარეთა შორის გაფორმებული მიღება-ჩაბარების აქტ(ებ)ისა და ფორმა #2-ის საფუძველზე.

7.2.2 ანგარიშსწორება განხორციელდება ეტაპობრივად, უნაღდო ანგარიშსწორების წესით ეროვნულ ვალუტაში, ლარში მიმწოდებლის მიერ ფაქტიურად შესრულებულ სამუშაოთა მოცულობების შესაბამისად შედგენილი ფორმა #2-ის და მხარეთა უფლებამოსილი წარმომადგენლების მიერ შედგენილი და ხელმოწერილი მიღება-ჩაბარების აქტის საფუძველზე.
7.2.2 მიმწოდებელმა უნდა უზრუნველყოს მის მიერ წარმოდგენილი თითოეული ფორმა #2-ის ექსპერტიზა სსიპ ,,ლევან სამხარაულის სახელობის სასამართლო ექსპერტიზის ეროვნული ბიურო“-ში ან სხვა აკრედიტებული ექსპერტის/ექსპერტიზის დაწესებულების მიერ.
7.2.3 სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტირებული ექსპერტის/ექსპერტიზის დაწესებულების დასკვნ(ებ)ის მოპოვება არის მიმწოდებლის ვალდებულება და აღნიშნული მომსახურების ღირებულების ანაზღაურებას უზრუნველყოფს მიმწოდებელი.

7.3.1ანგარიშსწორება განხორციელდება სამუშაოების შესრულების შესაბამისი მიღება-ჩაბარების აქტის გაფორმების თარიღიდან 10 (ათი) საბანკო დღის ვადაში;

ასლან ცეცხლაძე, 577079779, aslan.tsetskhladze@lma.gov.ge ტექნიკურ საკითხებზე იოსებ ჩორგოლაშვილი, ტელ: 599 983344; ხარჯთაღრიცხვასთან დაკავშირებით რევაზ სიჭინავა, ტელ: 595 222218;

10.1.1პრეტენდენტმა ელექტრონული სისტემის საშუალებით უნდა წარმოადგინოს:
10.1.1.1 ინფორმაცია ანალოგიური ან მსგავსი სამუშაოების შესრულების გამოცდილების შესახებ სატენდერო დოკუმენტაციის 2.2.1 პუნქტისა და დანართი N2-ის შესაბამისად:
10.1.1.2 შესასრულებელ სამუშაოთა მოცულობათა უწყისი, ხარჯთაღრიცხვა (ფასების ცხრილი) დანართი №1-ის მიხედვით ;
10.1.1.3 სამუშაოების შესრულების გეგმა-გრაფიკი ხარჯთაღრიცხვისა და სატენდერო პირობების გათვალისწინებით;
10.1.2 ტენდერში მონაწილეობით პრეტენდენტი ავტომატურად ადასტურებს, რომ გაცნობილია ტექნიკური დავალებითა და მისი ყველა დანართით გათვალისწინებულ მოთხოვნებს, ასევე სატენდერო დოკუმენტაციით და მისი დანართებით გათვალისწინებულ ყველა მოთხოვნას და შესაბამისად სამუშაოთა მიწოდებას უზრუნველყოფს მათი განუხრელი დაცვით.