Автомобили (Грузия - Тендер #52821620)

შესყიდვის ობიექტია 2 (ორი) ერთეული პიკაპის ტიპის ავტოსატრანსპორტო საშუალების სახელმწიფო შესყიდვა.

ავტომანქანის მინიმალური ტექნიკური მახასიათებლები იხილეთ ტექნიკურ დავალებაში (დანართი №1).

1.2.1. შემოთავაზებული ავტომობილები უნდა იყოს ახალი, არაუადრეს 2023 წლის გამოშვების, მარცხენა საჭიანი, ექსპლუატაციაში არმყოფი (გარბენი არაუმეტეს 200კმ), ნივთობრივად და უფლებრივად უნაკლო და განბაჟებული. ამასთან, მიმწოდებელმა საკუთარი ხარჯებით უნდა უზრუნველყოს ავტომანქანების შემსყიდველზე გადაფორმება.
1.2.2. შემოთავაზებული სატრანსპორტო საშუალებები შეიძლება იყოს ნებისმიერი ფერის.
1.2.3. მიმწოდებელი ვალდებულია უზრუნველყოს სატრანსპორტო საშუალებების უკან გაწვევა იმ შემთხვევაში, თუ სატრანსპორტო საშუალების მწარმოებელი ქარხანა საწარმოო დეფექტის აღმოჩენის შემთხვევაში განახორციელებს შესაბამის ღონისძიებებს სატრანსპორტო საშუალების უკან გაწვევის მიზნით.

შესყიდვის ობიექტის მიწოდება უნდა განხორცილდეს ხელშეკრულების გაფორმებიდან არაუგვიანეს 10 (ათი) სამუშაო დღის ვადაში.

1.5.1. მიმწოდებელი ვალდებულია ავტომანქანების მიწოდება განახორციელოს ქ. თბილისში.
1.5.2. სატენდერო დოკუმენტაციის 1.4.1 პუნქტში განსაზღვრულ ვადაში მიმწოდებელმა უნდა უზრუნველყოს ავტომანქანების მიწოდება საკუთარი ხარჯებით, საქართველოს კანონმდებლობით განსაზღვრული ყველა სახის გადასახადის, მოსაკრებლის ჩათვლით, მათ შორის, განბაჟებისა და სახელმწიფო რეგისტრაციის (შემსყიდველზე გადაფორმებისა და სტანდარტული ფასის სახელმწიფო სანომრე ნიშნების ჩათვლით) ხარჯების ჩათვლით.

1.7.1.1. ავტომანქანაზე გარანტია უნდა ვრცელდებოდეს მიღება-ჩაბარების აქტის გაფორმებიდან არანაკლებ 5 წელი ძირითად აგრეგატებზე (ძრავი, ხიდი, გადაცემათა კოლოფი), არანაკლებ 3 წელი ან 150000 კილომეტრი, (რომელიც ადრე შესრულდება) სრულ ავტომანქანაზე, გარდა სწრაფცვეთადი ნაწილებისა და მასალებისა (ანტიფრიზი, ფრეონი, საბურავები, ელექტრონათურები, ელექტრომცველები, შუშის საწმენდი ჯაგრისები, გადაცემათა კოლოფის გადაბმულობის ქურო, გადაცემათა კოლოფის მომჭიმი საკისარი, გადაცემათა კოლოფის გადაბმულობის დისკი და საყრდენი დისკი).

1.7.1.2. საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად სატრანსპორტო საშუალების შესყიდვის ხელშეკრულების მოქმედების ვადის ამოწურვისა.

1.7.1.3. თუ სატრანსპორტო საშუალების მიწოდებიდან 30 კალენდარული დღის ან 1 000 კმ. გარბენის შემთხვევაში (რომელიც უფრო ადრე დადგება), ავტომობილს აღმოაჩნდება საწარმოო დეფექტი ძირითად აგრეგატზე (ძრავა, გადაცემათა კოლოფი, ხიდი), მიმწოდებელი ვალდებულია სატრანსპორტო საშუალება შეცვალოს ახლით, საწარმოო დეფექტის დადგენიდან 45 (ორმოცდახუთი) კალენდარული დღის განმავლობაში, თუ აღნიშნულ ავტომობილს არ გააჩნია საწარმოო დეფექტის გარდა სხვა დაზიანება (ბუნებრივი ცვეთის გათვალისწინებით).

პრეტენდენტი ვალდებულია ფასების ცხრილის შესაბამის გრაფებში მიუთითოს ინფორმაცია ავტომანქანის მწარმოებელი ქვეყნის, მწარმოებლის/ბრენდის და მარკა-მოდელის შესახებ.

2.3.1.1. თბილისში ან/და აღმოსავლეთ საქართველოში უნდა არსებობდეს პრეტენდენტის მიერ შემოთავაზებული ავტომობილის მწარმოებლის ავტორიზებული მინიმუმ 1 სერვის ცენტრი, რომელშიც საგარანტიო ვადის განმავლობაში უნდა მოხდეს ავტომობილის ტექნიკური მომსახურებისათვის აუცილებელი ყველა საჭირო სერვისის მიღება. პრეტენდენტმა უნდა წარმოადგინოს ინფორმაცია სერვის ცენტრის მისამართის და სამუშაო საათების შესახებ.
2.3.1.2. პრეტენდენტმა უნდა წარმოადგინოს სერვის ცენტრის საკუთრების ან/და სარგებლობის უფლების დამადასტურებელი დოკუმენტები (ამონაწერი საჯარო რეესტრიდან ან ხელშეკრულება ან სხვა სახის დოკუმენტი) რითაც დადასტურდება სერვის ცენტრის საკუთრებაში ან/და სარგებლობის უფლებით ფლობა, ამასთანავე სარგებლობის უფლებით ფლობის შემთხვევაში წარმოდგენილი დოკუმენტი ძალაში უნდა იყოს მინიმუმ შესყიდვის ობიექტის საგარანტიო ვადის განმავლობაში.
2.3.1.3. თუ მომწოდებელს არ აქვს საკუთარი სერვის ცენტრი, მას შეუძლია წარმოადგინოს ხელშეკრულება კონტრაქტორ სერვის ცენტრთან, ან სერვის ცენტრის წერილი, რომლითაც დადასტურდება, რომ სერვის ცენტრი განახორციელებს შემოთავაზებული პიკაპების მომსახურებას თბილისში ან/და აღმოსავლეთ საქართველოში არანაკლებ შესყიდვის ობიექტის საგარანტიო პერიოდის ვადით.
2.3.1.4. პრეტენდენტმა უნდა წარმოადგინოს სატენდერო დოკუმენტაციის 2.3.1.1.1 და 2.3.1.2 ან 2.3.1.3. პუნქტებით მოთხოვნილი ინფორმაცია წერილობითი სახით.
შემსყიდველი იტოვებს უფლებას ტენდერში მონაწილე პრეტენდენტს (გამარჯვებულად გამოვლენამდე) გადაუმოწმოს მის მიერ წამოდგენილი ინფორმაცია და სერვის ცენტრი.

2.7.1.1. პრეტენდენტმა უნდა წარმოადგინოს დანართი №1-ით განსაზღვრული უსაფრთხოების დამადასტურებელი დოკუმენტი (ქრაშ ტესტის შედეგი) ან დოკუმენტის გამცემი ორგანიზაციის (NCAP (ევრო ქრაშ ტესტი) ან IIHS (ამერიკული ქრაშ ტესტი) ან JNCAP (იაპონური ქრაშ ტესტი) ვებ-გვერდის ბმული, სადაც უნდა ფიქსირდებოდეს ინფორმაცია ქრაშ ტესტის შესახებ.

კონტრაქტორი სერვის ცენტრის გამოყენების შემთხვევაში პრეტენდენტმა უნდა წარმოადგინოს 2.3.1.3 პუნქტით მოთხოვნილი დამადასტურებელი დოკუმენტაცია, რომ ქვეკონტრაქტორს გააჩნია საკუთარ მფლობელობაში მინიმუმ 1 სერვის ცენტრი თბილისში ან/და აღმოსავლეთ საქართველოში (ამონაწერი საჯარო რეესტრიდან ან ხელშეკრულება ან სხვა სახის დოკუმენტი), რომელშიც საგარანტიო ვადის განმავლობაში უნდა მოხდეს ყველა საჭირო სერვისის მიღება (ქვეკონტრაქტორთან გაფორმებული ხელშეკრულება ან ქვეკონტრაქტორის წერილი).

პრეტენდენტის მიერ სახელმწიფო შესყიდვების ერთიან ელექტრონულ სისტემაში წარმოსადგენი დოკუმენტები:

ა) დანართი №1 - ტექნიკური დავალება;
ბ) დანართი №2 - ფასების ცხრილი;
გ) სატენდერო დოკუმენტაციის 2.3.1.1 პუნქტით გათვალისწინებით ინფორმაცია ავტორიზებული სერვის ცენტრის შესახებ;
დ) სატენდერო დოკუმენტაციის 2.7.1 პუნქტით გათვალისწინებით ინფორმაცია უსაფრთხოების დამადასტურებელი დოკუმენტის (ქრაშ ტესტის) შესახებ ვებ-ბმული ან/და დოკუმენტი;
ე) პრეტენდენტმა უნდა წარმოადგინოს შემოთავაზებული სატრანსპორტო საშუალების ფოტოსურათები (წინხედი, გვერდხედი და უკანა ხედი).

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი ან სარეგისტრაციო ნომერი/სერტიფიკატის ნომერი, რომლითაც შესაძლებელი უნდა იყოს პირის გადამოწმება შესაბამის რეესტრში), შესყიდვის ობიექტის მიწოდებასთან დაკავშირებით პრეტენდენტის მიერ შესრულებული ხელშეკრულებით, (ხელშეკრულებასთან ერთად წარმოდგენილ უნდა იქნას ხელშეკრულების შესრულების დამადასტურებელი დოკუმენტ(ებ)ი) ან/და დადასტურებული საგადასახადო ანგარიშფაქტურით.

7.1.1.1. შესაძლებელია განხორციელდეს წინასწარი ანგარიშსწორება (ავანსი) არაუმეტეს ხელშეკრულების ჯამური ღირებულების 100%-სა.
7.1.1.2. წინასწარი ანგარიშსწორება განხორციელდება მიმწოდებლის მიერ მოთხოვნილი თანხის შესაბამისი ოდენობის საბანკო გარანტიის წარმოდგენის საფუძველზე.
7.1.1.3. საბანკო გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებებიდან, ან სსიპ "საქართველოს დაზღვევის ზედამხედველობის სამსახური"-ს მიერ ლიცენზირებული სადაზღვეო კომპანიებიდან, ეროვნულ ვალუტაში ლარში;
7.1.1.4. არარეზიდენტი „მიმწოდებლის“ მიერ წარმოდგენილი უნდა იყოს საქართველოში ლიცენზირებული ბანკის მიერ დამოწმებული საბანკო გარანტია.
7.1.1.5. საბანკო გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულების მოქმედების ვადას (ხელშეკრულების მოქმედების ვადა 30 კალენდარული დღით უნდა აღემატებოდეს საქონლის მოწოდების ვადას).
7.1.1.3. წინასწარი ანგარიშწორების შემთხვევაში თანხის ანაზღაურება მოხდება საბანკო გარანტიის წარმოდგენიდან არაუმეტეს 10 (ათი) სამუშაო დღის განმავლობაში.

ეტაპობრივი ან/და საბოლოო ანგარიშსწორება განხორციელდება ფაქტიურად მიწოდებული საქონლის მიწოდების შემდეგ, უნაღდო ანგარისშწორებით, ეროვნულ ვალუტაში (ლარში), მიღება-ჩაბარების აქტის გაფორმების და შესაბამისი საგადასახადო დოკუმენტაციის წარმოდგენის საფუძველზე.

ანგარიშსწორება მოხდება მიღება–ჩაბარების აქტის გაფორმებიდან და შესაბამისი საგადასახადო დოკუმენტების წარმოდგენიდან 10 სამუშაო დღის ვადაში.

გიორგი, 577180881, glekiashvili@delta.gov.ge

1. პრეტენდენტი ვალდებულია წინადადების წარმოდგენისას ერთიანი ელექტრონული სისტემის საშუალებით ატვირთოს სატენდერო დოკუმენტაციის 2.9 პუნქტში მითითებული ინფორმაცია/დოკუმენტაცია.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე.
3. დოკუმენტების ან/და ინფორმაციის უცხოურ ენაზე წარდგენის შემთხვევაში, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 21-ე მუხლის მე-6 პუნქტის შესაბამისად, მას უნდა დაერთოს ნოტარიულად დამოწმებული ქართული თარგმანი.
4. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
5. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
6. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
7. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
8. შემსყიდველის მოთხოვნის შემთხვევაში ფასების ცხრილის დაზუსტებამ ფასების ცხრილის არცერთ პოზიციაზე არ უნდა გამოიწვიოს შესყიდვის ობიექტების ერთეულის ღირებულების გაზრდა.
9. წინამდებარე ტენდერში მონაწილეობით პრეტენდენტი ავტომატურად ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10. სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში), აღნიშნული განპირობებულია საქონლის უკეთ აღწერის მიზნით და იგულისხმება ,,მსგავსი“ ან ,,ექვივალენტური".
11. ერთიან ელექტრონულ სისტემაში ატვირთულ დოკუმენტებზე „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად შესრულებული უნდა იყოს უფლებამოსილი პირის (მინდობილი პირის შემთხვევაში ასევე წარმოდგენილი უნდა იყოს შესაბამისი მინდობილობა) კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით.