Полные или частичные строительные работы и публичные работы (Грузия - Тендер #52821609)

საქართველოს ფინანსთა სამინისტროს მიერ საქართველოს ფინანსთა სამინისტროს საგამოძიებო სამსახურის სპეციალური დანიშნულების რაზმის მიმდებარე ტერიტორიაზე არსებული სტადიონის დაზიანებული ხელოვნური საფარის შეცვლის სამუშაოების აუქციონის გარეშე ელექტრონული ტენდერის საშუალებით შესყიდვა.

საქართველოს ფინანსთა სამინისტროს საგამოძიებო სამსახურის სპეციალური დანიშნულების რაზმის მიმდებარე ტერიტორიაზე არსებული სტადიონის დაზიანებული ხელოვნური საფარის შეცვლის სამუშაოები შესრულებული უნდა იქნას დანართი N1-ის (ხარჯთაღრიცხვისა) და დანართი N2-ით განსაზღვრული ხელოვნური ბალახის საფარის ტექნიკური სპეციფიკაციების შესაბამისად.

განფასებული ხარჯთაღრიცხვის წარმოდგენა სავალდებულოა „ტექნიკური რეგლამენტის - „სამშენებლო სამუშაოების სახელმწიფო შესყიდვისას ზედნადები ხარჯების და გეგმიური მოგების განსაზღვრის წესის“ დამტკიცების შესახებ საქართველოს მთავრობის 2014 წლის 14 იანვრის №55 დადგენილების მოთხოვნათა სრული დაცვით.

სამუშაოები უნდა დასრულდეს სახელმწიფო შესყიდვების შესახებ ხელშეკრულების გაფორმებიდან 15 (თხუთმეტი) კალენდარული დღის ვადაში (ექსპერტიზის მომსახურების ვადის გარეშე).

სამუშაოების დასრულების თარიღად ჩაითვლება მიმწოდებლის მიერ შესრულებული სამუშაოების დადასტურებისა და შესაბამისი ექსპერტიზის დასკვნის გაკეთების მიზნით ექსპერტიზაზე განაცხადის წარდგენის თარიღი. აღნიშნულის შესახებ შემსყიდველს უნდა ეცნობოს განაცხადის წარდგენიდან არაუგვიანეს 5 (ხუთი) სამუშაო დღის ვადაში.

სამუშაოები შესრულებულ უნდა იქნას სატენდერო დოკუმენტაციის შესაბამისად.

სამუშაოები უნდა შესრულდეს შემდეგ მისამართზე: ქ. თბილისი, უნივერსიტეტის ქუჩა №2ა (საქართველოს ფინანსთა სამინისტროს საგამოძიებო სამსახურის სპეციალური დანიშნულების რაზმის მიმდებარე ტერიტორია).

პრეტენდენტმა ერთიან ელექტრონულ სისტემაში უნდა ატვირთოს ინფორმაცია საგარანტიო ვადის შესახებ ქვემოთ ჩამოთვლილი მოთხოვნების გათვალისწინებით.

1. მიმწოდებლის მიერ შესრულებულ სამუშაოებზე საგარანტიო ვადა უნდა შეადგენდეს მიღება-ჩაბარების აქტის გაფორმებიდან არანაკლებ 2 (ორი) წელს;

2. საგარანტიო პერიოდის განმავლობაში, ექსპლუატაციის პირობების დაცვისას, დეფექტის ან ხარვეზის აღმოჩენის შემთხვევაში მიმწოდებელი ვალდებულია გამოვლენილი დეფექტი გამოასწოროს შემსყიდველთან შეთანხმებულ გონივრულ ვადაში (შეტყობინების მიღებიდან აღნიშნულ ფაქტთან დაკავშირებით დეფექტურ აქტში მითითებული გონივრული ვადების შესაბამისად), თავისი ხარჯებით, შემსყიდველის მხრიდან რაიმე დანახარჯის გაწევის გარეშე.

პრეტენდენტმა ერთიან ელექტრონულ სისტემაში უნდა ატვირთოს ინფორმაცია გამოცდილების შესახებ ქვემოთ ჩამოთვლილი მოთხოვნების გათვალისწინებით.

პრეტენდენტს 2021 წლის 01 იანვრიდან ტენდერის გამოცხადებამდე პერიოდში უნდა გააჩნდეს სპორტული მოედნის რეაბილატაციის ან/და მოწყობის სამუშაოების შესრულების გამოცდილება და ამ პერიოდის განმავლობაში შესრულებული სამუშაოების ჯამური ღირებულება არ უნდა იყოს 80000 ლარზე ნაკლები. აღნიშნულის დასადასტურებლად ელექტრონულ სისტემაში უნდა ატვირთოს შესრულებული ხელშეკრულებ(ებ)ის და ამავე ხელშეკრულებ(ებ)ის შესრულებულ სამუშაოთა ფორმა N2 ან/და მიღება/ჩაბარების აქტ(ებ)ის (მათ შორის საბოლოო) ასლ(ებ)ი.

იმ შემთხვევაში, თუ აღნიშნულის დამადასტურებელი დოკუმენტები ატვირთულია ერთიან ელექტრონულ სისტემაში (შესყიდვების ოფიციალური პორტალი https://tenders.procurement.gov.ge), საკმარისია მხოლოდ მითითება შესაბამისი რეგისტრაციის ნომრებზე (მაგ: NAT/CMR/SPA და ა.შ).

პრეტენდენტმა ხარჯთაღრიცხვის მე-2 პოზიციით შემოთავაზებულ საქონელზე (ხელოვნური ბალახი) ერთიანი ელექტრონული სისტემის მეშვეობით უნდა წარმოადგინოს ვებ-ბმული მწარმოებლის ოფიციალური ვებ-გვერდიდან (ვებ-გვერდზე ინფორმაცია განთავსებული უნდა იყოს ინგლისურ ენაზე მინიმუმ), ან/და საქონლის მწარმოებელი კომპანიის მიერ გაცემული დოკუმენტი, ან/და კატალოგი რომლითაც დადასტურდება შემოთავაზებული საქონლის შესაბამისობა ხარჯთაღრიცხვითა და სატენდერო პირობების 1.2 პუნქტით განსაზღვრულ ტექნიკურ მახასიათებლებთან.

ზემოაღნიშნული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი, გარდა მწარმოებლის ოფიციალური ვებ-ბმულისა.

1. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია.

2. პრეტენდენტი ვალდებულია, მის მიერ შექმნილი, წინადადების სახით წარმოდგენილი დოკუმენტები დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.

3. განფასებული ხარჯთაღრიცხვა პრეტენდენტის მიერ წარმოდგენილ უნდა იქნას „MS Excel“ ფორმატით, რომელიც არ საჭიროებს კვალიფიციურ ხელმოწერას ან/და კვალიფიციურ შტამპს.

4. დაინტერესებულ პირებს სამუშაოების ჩასატარებელი ადგილის დათვალიერება შეუძლიათ მისამართზე: ქ. თბილისი, უნივერსიტეტის ქ. N2ა, საქართველოს ფინანსთა სამინისტროს საგამოძიებო სამსახურის სპეციალური დანიშნულების რაზმის შენობის მიმდბარე ტერიტორია.

5. მიმწოდებელი ვალდებულია სამუშაოები შეასრულოს იმგვარად, რომ არ შეფერხდეს საქართველოს ფინანსთა სამინისტროსსაგამოძიებო სამსახურის ნორმალური ფუნქციონირება, შესაძლებელია, დღის წესრიგში დადგეს გარკვეული სამუშაობის არასამუშაო საათებსა და დღეებში განხორციელება. სამუშაოები აწარმოოს შრომის უსაფრთხოების მოქმედი კანონმდებლობით დადგენილი ნორმების სრული დაცვით.

6. სატენდერო დოკუმენტაციით გათვალისწინებული სამუშაოები შესრულებული უნდა იქნას განსაფასებელი ხარჯთაღრიცხვის მოთხოვნების სრული დაცვით, რომელიც წარმოადგენს სატენდერო დოკუმენტაციის განუყოფელ ნაწილს და თან ერთვის მას.

7. მიმწოდებელი ვალდებულია იზრუნოს სამუშაოების დასრულების შემდეგ გარემოს საჭირო და სათანადო აღდგენაზე, აგრეთვე შეასრულოს სამუშაო უსაფრთხო და ეკოლოგიურად მისაღები გზით და მინიმუმამდე დაიყვანოს მუშაობით გამოწვეული ხმაურის, ვიბრაციის და მტვრის გავლენა.

8. სამუშაოების შესრულების პროცესში გამოყენებული მასალების, მოწყობილობების და ა.შ. ხარისხი, ტექნიკური აღწერილობა და სხვა მახასიათებლები სრულად უნდა შეესაბამებოდეს განსაფასებელ ხარჯთაღრიცხვაში და დანართებში მითითებულ მოთხოვნებს. ასევე, აღნიშნული მასალების, მოწყობილობების და ა.შ. ხარისხი, ტექნიკური აღწერილობა და სხვა მახასიათებლები თანხმდება შემსყიდველთან და შესაბამისი შეთანხმება შეიძლება განხორციელდეს, როგორც წერილობით, ასევე მის გარეშე. იმ შემთხვევაში, თუ მიმწოდებლის მიერ წარმოდგენილი მასალების, მოწყობილობების და ა.შ. ხარისხი, ტექნიკური აღწერილობა და სხვა მახასიათებლები ან/და შესრულებული სამუშაო სრულად არ შეესაბამება განსაფასებელი ხარჯთაღრიცხვისა და შემსყიდველთან შეთანხმებულ ხარისხსა და მოთხოვნებს, მიმწოდებელი ვალდებულია თავისი ხარჯებით გამოასწოროს წუნდებული მასალა, მოწყობილობა და ა.შ. ან/და სამუშაო.

9. ხელშეკრულებით გათვალისწინებული დასრულებული სამუშაოების მიღება მოხდება ინსპექტირების განმახორციელებელი პირის/პირების დადებითი დასკვნის/დასკვნების და ინსპექტირების განმახორციელებელი პირის/პირების მიერ დადასტურებული შესრულებული სამუშაოების ფორმა №2-ის და შესრულებული სამუშაოების მოცულობების და ხარისხის დადგენის მიზნით სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული ორგანოს მიერ გაცემული დასკვნ(ებ)ის (ექსპერტიზის ხარჯებს ანაზღაურებს მიმწოდებელი) საფუძველზე (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი აკრედიტაციის დამადასტურებელი დოკუმენტი). ამასთან, შესრულებული სამუშაოების ფორმა №2-ის დადასტურებას მოახდენს მიღება-ჩაბარებაზე უფლებამოსილი პირიც.

10. სამუშაოების დასრულების შემდგომ მიმწოდებელი ვალდებულია უზრუნველყოს სამუშაო მოედნის დასუფთავება, მიმდებარე ტერიტორია გაათავისუფლოს სამუშაო ნარჩენებისაგან, ნაგავი მოაგროვოს და გაიტანოს.

11. აღნიშნულ ობიექტზე, სამუშაოების პროცესში პრეტენდენტის (შემდგომში მიმწოდებლის) მიერ გამოყენებული ყველა მასალა და მოწყობილობა უნდა იყოს ახალი და ქარხნული წარმოების. ამასთან, მიმწოდებელი სამუშოების დაწყებამდე მასალებსა და მოწყობილობებს ათანხმებს შემსყიდველთან.

12. მიმწოდებელმა უნდა უზრუნველყოს, სამუშაოს შესრულების პროცესში, მიმწოდებლის მიზეზით (მ/შ გაუფრთხილებლობით), შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი ხარჯით.

13. სატენდერო დოკუმენტაციაში ჩამოთვლილ საქონელზე, სადაც მითითებულია კონკრეტული სასაქონლო ნიშანი, მოდელი, წარმოშობის წყარო ან მწარმოებელი იგულისხმება ,,მსგავსი’’ ან ,,ეკვივალენტური.

14. თუ პრეტენდენტი გეგმავს რომელიმე პოზიციაზე საქონელი, მომსახურება და სამუშაო მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0” ან ,,0.00". ცარიელი სიმბოლოს ან სხვა აღნიშვნის ( „-“, „* “ ან მსგავსი) მითითება დაუშვებელია, ასეთ შემთხვევაში იგულისხმება რომ აღნიშნულ პოზიციაზე პრეტენდენტის მიერ საქონელი და/ან მომსახურება განუფასებლადაა წარმოდგენილი, შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

15. პრეტენდენტის წარმოდგენილ განფასებულ ხარჯთაღრიცხვაში გაუთვალისწინებელი ხარჯების ოდენობა მითითებული უნდა იყოს 2%-ის ოდენობით, რომლის გაზრდა ან შემცირება დაუშვებელია.

16. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეული და საერთო ფასები გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი).

17. ელექტრონულ ტენდერში ამხანაგობის მონაწილეობის შემთხვევაში, სატენდერო წინადადება წარმოდგენილი უნდა იყოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 24-ე მუხლისა და საქართველოს კანონმდებლობის მოთხოვნების დაცვით.

18. მიმწოდებელი ვალდებულია სამუშაოები შეასრულოს საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების მიხედვით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მიერ წერილობითი მიმართვით განსაზღვრულ გონივრულ ვადაში, პრეტენდენტი ვალდებულია სისტემაში ატვირთოს ფასწარმოქმნის ადეკვატურობის დამადასტურებელი დოკუმენტი. დასაბუთება შესაძლებელია განხორციელდეს სსიპ „ლევან სამხარაულის სახელობის ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული შესაბამისი დადებითი დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი აკრედიტაციის დამადასტურებელი დოკუმენტი), რომლიც შედგენილი იქნება საქართველოს მთავრობის 2017 წლის 26 სექტემბრის №439 დადგენილებით დამტკიცებული "ტექნიკური რეგლამენტის - სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის" შესაბამისად.
ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ხელშეკრულების ფარგლებში დასრულებული სამუშაოების ღირებულების ანაზღაურების საფუძველს წარმოადგენს მიღება - ჩაბარების აქტი, რომელიც გაფორმდება ინსპექტირების განმახორციელებელი პირის/პირების დადებითი დასკვნის/დასკვნების, დადასტურებული ფორმა N2-ის და შესრულებული სამუშაოების მოცულობების და ხარისხის დადგენის მიზნით სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული ორგანოს მიერ გაცემული დასკვნ(ებ)ის (ექსპერტიზის ხარჯებს ანაზღაურებს მიმწოდებელი) საფუძველზე (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი აკრედიტაციის დამადასტურებელი დოკუმენტი). შესაბამისად, ანაზღაურება განხორციელდება მიღება - ჩაბარების აქტის გაფორმებიდან და საგადასახადო ანგარიშ-ფაქტურ(ებ)ის (იმ შემთხვევაში თუ მიმწოდებელი დღგ-ს გადამხდელია) წარმოდგენიდან 10 სამუშაო დღის ვადაში.

1. ანგარიშსწორება მოხდება უნაღდო ანგარიშსწორებით ლარში.

2. ანგარიშსწორების განხორციელების ვადები:
სატენდერო დოკუმენტაციის 7.2 მუხლით განსაზღვრულ შემთხვევებში, დოკუმენტების სრულყოფილად წარმოდგენიდან 10 (ათი) სამუშაო დღის განმავლობაში.

მზია ნანეტაშვილი, 591222281, mziananetashvili@mof.ge

1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

2. სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა).

3. შემსყიდველი ორგანიზაცია იტოვებს უფლებას მის ხელთ არსებული ყველა კანონიერი გზით გადაამოწმოს პრეტენდენტის მიერ წარმოდგენის ინფორმაციის ნამდვილობა.

4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

5. პრეტენდენტმა ერთიანი ელექტრონული სისტემის საშუალებით უნდა წარმოადგინოს:
5.1 იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია;
5.2 ხარჯთაღრიცხვა „MS Excel“ ფორმატით (პუნქტი 1.3);
5.3 ინფორმაცია სამუშაოების შესრულების ვადის (პუნქტი 1.4) შესახებ;
5.4 ინფორმაცია შესასრულებელი სამუშაოს საგარანტიო ვადის (პუნქტი 1.6) შესახებ;
5.5 ინფორმაცია გამოცდილების შესახებ (პუნქტი 2.2.1) შესახებ.
5.6 დოკუმენტაცია/ინფორმაცია 2.7.1 პუნქტის შესაბამისად .

6. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში დანართის სახით, რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად.