Архитектурные и сопутствующие услуги (Грузия - Тендер #52821581)

საგარეჯოს მუნიციპალიტეტში ქვემო სამგორის სარწყავი სისტემის მარჯვენა მაგისტრალური არხის და გ-1 - გ-31 გამანაწილებელი არხების დეფექტების გამოსწორების სამშენებლო სამუშაოებზე ზედამხედველობის მომსახურება.

1. მშენებლობის ზედამხედველობა მოიცავს:
1.1. სამშენებლო ტექნოლოგიების, შესრულებული სამუშაოთა მოცულობების პროექტთან და მოქმედ ნორმატიულ-ტექნიკურ დოკუმენტებთან შესაბამისობის კონტროლს;
1.2. შუალედური და საბოლოო შესრულებული სამუშაოების აქტებში (ფორმა N2) მოყვანილი სამუშაოთა მოცულობებისა და ფასების შედარებას ხარჯთაღრიცხვასთან და ფაქტიურად შესრულებულ სამუშაოებთან, შესაბამისობის შემთხვევაში მათ დადასტურებას, შესაბამისი ინსპექტირების ანგარიშის მომზადებას;
1.3. სამუშაოთა შესრულების პროცესში შეუსაბამობებისა და დეფექტების გამოვლენას, ფოტოფიქსაციასა და შემსყიდველის დაუყოვნებლივ ინფორმირებას;
1.4. ისეთი სამუშაოებისა და კონსტრუქციული ელემენტების დამოწმებასა და შეფასებას, რომლებიც დაიფარებიან შემდგომი სამუშაოების შესრულების შედეგად. შესაბამისი აქტების შედგენაში (ფარული სამუშაოების აქტები) მონაწილეობის მიღებას;
1.5. სამუშაოების მწარმოებელი კომპანიის მიერ ლაბორატორიული კვლევების ჩატარების (ასეთის საჭიროების არსებობის შემთხვევაში) კონტროლს ნორმატიულ-ტექნიკური დოკუმენტების შესაბამისად;
1.6. შესრულებული სამუშაოების აღრიცხვასა და ზედამხედველობის ყოველდღიური ჟურნალის წარმოებას;
1.7. წარმოებული სამშენებლო სამუშაოების პროგრესის, ტემპის და შეთანხმებული გეგმა-გრაფიკის შესრულების კონტროლს, რაც გულისხმობს სამუშაოს დაწყების თარიღის, სამუშაოს (როგორც მთლიანი სამუშაოს, ასევე, გეგმა-გრაფიკით გათვალისწინებული რომელიმე ნაწილის) შესრულების ვადების, სამუშაოს დასრულების ვადის მონიტორინგს და შემსყიდველის ინფორმირებას, შემსყიდველისათვის შესაბამისი რეკომენდაციებისა და წინადადებების წარდგენას;
1.8. საჭიროების შემთხვევაში, სხვადასხვა სახის სამშენებლო მასალის ან/და ექსპლუატაციაში გასაშვები სისტემების გამოცდის პროცესზე დაკვირვებას, მათი არსებულ ნომრებთან შესაბამისად ჩატარების კუთხით და შესაბამისი აქტების შედგენაში მონაწილეობას;
1.9. მშენებლობის პროცესში მშენებლობის მიმდინარეობის შესახებ დამკვეთისთვის ყოველთვიური ანგარიშის მიწოდებას წერილობითი ფორმით, სადაც მითითებული იქნება სამუშაოების მიმდინარეობა და მათი ყველა ძირითადი კომპონენტის რეალური პროგრესის ანალიზი დაგეგმილთან მიმართებაში;
1.10. შემსყიდველის დაუყოვნებელ ინფორმირებას სამუშაოთა შეჩერების, შეფერხების ან/და სხვა ნებისმიერი დამაბრკოლებელი გარემოების წარმოშობისთანავე;
1.11. საჭიროების შემთხვევაში, საკუთარი ან/და სამუშაოების მწარმოებელი კომპანიის ინიციატივით პროექტსა და შესასრულებელი სამუშაოების ხარჯთაღრიცხვაში ცვლილებების შეტანის მიზანშეწონილობისა და აუცილებლობის შესახებ შემსყიდველისათვის არგუმენტირებული წინადადებების წარდგენას;
1.12. გამოსაყენებელი ძირითადი სამშენებლო მასალების საპროექტო-სახარჯთაღრიცხვო დოკუმენტაციით და მსგავსი სამუშაოებისათვის დადგენილ ნორმებთან შესაბამისობის კონტროლს;
1.13. სამუშაოების მწარმოებელი კომპანიის მიმართ მითითებებისა და მიწერილობების შესრულებაზე კონტროლს, რომლებიც მიეკუთვნება სამუშაოების ხარისხის, გამოყენებული მასალების, ცალკეული სამუშაოების დეფექტებისა და ნაკლოვანებების აღმოფხვრის საკითხებს;
1.14. სამუშაოების წარმოების პროცესში სამშენებლო კანონმდებლობისა და მშენებლობის ნებართვის დადგენილი პირობების შესრულების კონტროლს.
1.15. საჭიროების შემთხვევაში სამშენებლო კომპანიისაგან საშემსრულებლო ნახაზების წარმოდგენის მოთხოვნას.

შემსყიდველის წერილობითი დავალებიდან 2025 წლის 30 იანვრის ჩათვლით პერიოდი.

თუ საგარეჯოს მუნიციპალიტეტში ქვემო სამგორის სარწყავი სისტემის მარჯვენა მაგისტრალური არხის და გ-1 - გ-31 გამანაწილებელი არხების დეფექტების გამოსწორების სამშენებლო სამუშაოების შესყიდვის მიზნით გამოცხადებული DEP240000015 შესყიდვის ელექტრონული პროცედურის (დონორის სახსრებით) ფარგლებში, შემსყიდველსა და სამშენებლო სამუშაოების მწარმოებელ მიმწოდებელს შორის გაფორმებული შეთანხმებით გაიზრდება სამშენებლო სამუშაოების შესრულების ვადა, იგივე ვადით გაიზრდება ამ ხელშეკრულებით განსაზღვრული მომსახურების გაწევის ვადა, რის თაობაზეც გაფორმდება შეთანხმება. აღნიშნულ შემთხვევაში, მიმწოდებელი არ არის უფლებამოსილი უარი თქვას შეთანხმების გაფორმებაზე ან მოითხოვოს ხელშეკრულების ღირებულების გაზრდა.

-საგარეჯოს მუნიციპალიტეტი.

-ანგარიშები წარმოდგენილი უნდა იყოს შპს "საქართველოს მელიორაცია"-ში მისამართზე: ქ.თბილისი, ვლადიმერ წითლანაძის I შესახვევი N1.

მინიმალური მოთხოვნები პერსონალის მიმართ:
1) 1 პროექტის მენეჯერი
უმაღლესი განათლება საინჟინრო სფეროში
სპეციალისტს შესრულებული უნდა ჰქონდეს არანაკლებ 2`800`000.00 (დღგ-ს ჩათვლით) ლარის ღირებულების პროექტ(ებ)ის ზედმხედველობის მართვა. აღნიშნული პროექტ(ებ)ი დასრულებული უნდა იყოს ბოლო სამი წლის განმავლობაში*.
2) 1 ინჟინერ-ჰიდროტექნიკოსი
უმაღლესი განათლება ჰიდროტექნიკურ სფეროში
საანგარიშო პერიოდში* კვალიფიკაციის მიხედვით მინიმუმ 3, ჰიდროტექნიკური დანიშნულების ობიექტის მშენებლობაში/პროექტირებაში/ზედამხედველობაში მონაწილეობა.

საანგარიშო პერიოდი* მოიცავს უკანასკნელ 3 (სამი) სრულ წელს ტენდერის გამოცხადების დღიდან (მაგალითად, თუ ტენდერი გამოცხადდა 2024 წლის 1 იანვარს, გამოცდილების პერიოდი იქნება 2021 წლის 1 იანვრიდან - 2024 წლის 1 იანვრამდე მონაკვეთი).

პრეტენდენტმა თითოეულ სპეციალისტთან დაკავშირებით, უნდა წარმოადგინოს:
• დანართში "მინიმალური მოთხოვნები პერსონალის მიმართ" მოცემული ცხრილის მე-6 სვეტით განსაზღვრული განათლების დამადასტურებელი დოკუმენტი (უცხოენოვანი დოკუმენტის წარმოდგენის შემთხვევაში პრეტენდენტმა სისტემაში დამატებით უნდა ატვირთოს დოკუმენტის ნოტარიულად დამოწმებული ქართული თარგმანი);
• „სპეციალისტისა და პრეტენდენტის თანხმობა“ (დანართი N3);
• „სპეციალისტების სამუშაო გამოცდილების ამსახველი ცხრილი“ (დანართი N4).

ხელშეკრულების გაფორმების შემდეგ, შემსყიდველი ორგანიზაციის მიერ მისაღებად მიჩნეული სპეციალისტ(ებ)ის შემადგენლობაში ცვლილების შემთხვევაში, მიმწოდებელმა შემსყიდველს დაუყოვნებლივ უნდა შეატყობინოს და შეუთანხმოს შესაბამისი კვალიფიკაციის მქონე სხვა სპეციალისტ(ებ)ით ჩანაცვლების საკითხი. ახალი სპეციალისტი უნდა აკმაყოფილებდეს შესაბამისი ელექტრონული ტენდერით (აუქციონის გარეშე) დადგენილ მოთხოვნებს სპეციალისტის გამოცდილებასთან დაკავშირებით, წინააღმდეგ შემთხვევაში, შემსყიდველი უფლებამოსილია შეწყვიტოს ხელშეკრულება და მიმწოდებლის წინააღმდეგ გამოიყენოს, ხელშეკრულებითა და კანონმდებლობით გათვალისწინებული სანქციები.

2.7.1 მოთხოვნა ლიცენზიასთან, აკრედიტაციასთან, სტანდარტებთან, ხარისხის შესაბამისობასთან და სხვ. დოკუმენტების შესახებ

2.7.1.1. პრეტენდენტი უნდა წარმოადგენდეს ინსპექტირების ორგანოს სსტ ისო/იეკ 17020:2012/2013 შესაბამისად და აკრედიტებული უნდა იყოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ შემდეგ სფეროებში:
• ობიექტის სამშენებლო სამუშაოებზე ტექნიკური ზედამხედველობის - ინსპექტირების სფეროში (ამასთან, ინსპექტირების ტიპი და ზღვარი უნდა მოიცავდეს ჰიდროტექნიკური ნაგებობების სამშენებლო სამუშაოების პროცესის ინსპექტირებას);
• ობიექტზე შესრულებული სამუშაოების ინსპექტირების (მათ შორის ფორმა N2-ის მიხედვით) სფეროში.

აღნიშნულის დამადასტურებლად პრეტენდენტმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული აკრედიტაციის მოწმობა შესაბამის დანართებთან ერთად.

2.7.1.2. პრეტენდენტი შესაძლებელია იყოს OECD და ევროკავშირის წევრ ქვეყნებში აკრედიტირებული პირი. ასეთ შემთხვევაში იგი რეგისტრირებული უნდა იყოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ ინსპექტირების ორგანოდ, რის დამადასტურებლად პრეტენდენტმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული აკრედიტაციის მოწმობა შესაბამის დანართებთან ერთად. იმ შემთხვევაში თუ აკრედიტაციის ცენტრის მიერ რეგისტრირებულ აკრედიტაციის სფეროში ნათლად არ იკვეთება 2.7.1.1. ქვეპუნქტით მოთხოვნილი ინფორმაცია, პრეტენდენტმა უნდა წარმოადგინოს OECD ან ევროკავშირის შესაბამისი ქვეყნის მარეგისტრირებელი ორგანოდან ცნობა, სადაც მკაფიოდ იქნება ასახული, რომ პრეტენდენტის აკრედიტაცია მოიცავს 2.7.1.1. ქვეპუნქტით განსაზღვრულ სფეროებს (უცხოენოვანი დოკუმენტ(ებ)ის წარმოდგენის შემთხვევაში პრეტენდენტმა სისტემაში დამატებით უნდა ატვირთოს დოკუმენტის ნოტარიულად დამოწმებული ქართული თარგმანი).

პრეტენდენტმა წინამდებარე ელექტრონული ტენდერის ფარგლებში, სახელმწიფო შესყიდვების ერთიან ელექტრონულ სისტემაში უნდა ატვირთოს შემდეგი დოკუმენტები:
1. შევსებული დანართი N1 Excel ფორმატში (წინამდებარე სატენდერო პირობების 1.3 პუნქტი);
2. შევსებული დანართი N3 (წინამდებარე სატენდერო პირობების 2.4.1 პუნქტი);
3. შევსებული დანართი N4 (წინამდებარე სატენდერო პირობების 2.4.1 პუნქტი);
4. განათლების დამადასტურებელი დოკუმენტ(ებ)ი (წინამდებარე სატენდერო პირობების 2.4.1 პუნქტი);
5. სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული აკრედიტაციის მოწმობა შესაბამის დანართებთან ერთად. (წინამდებარე სატენდერო პირობების 2.7.1 პუნქტში მოცემული პირობების/მოთხოვნების შესაბამისად).

შესყიდვის ობიექტი არის მომსახურება, რომელიც ძირითადად გაიწევა ადამიანური რესურსის გამოყენებით. იგი დამოკიდებულია ბევრ ისეთ ფაქტორებზე (მაგალითად, პერსონალის კვალიფიკაცია, მუშაობის ხანგრძლივობა, ანაზღაურების ოდენობა, შრომის ორგანიზაციის წესი და სხვა), რომლის შეფასება ერთობლიობაში ფასწარმოქმნის ადეკვატურობის მხრივ რთულია. აღსანიშნავია, რომ შესყიდვაში მონაწილეობა შეუძლიათ მიიღონ მხოლოდ იმ კომპანიებმა, რომლებიც აკრედიტებული არიან სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ, ამასთან, მომსახურების ფარგლებში მათ მიერ შექმნილი ყველა სახის დოკუმენტი უნდა დადასტურდეს სსიპ „აკრედიტაციის ერთიანი ეროვნული ორგანოს - აკრედიტაციის ცენტრის“ მიერ დამტკიცებული პროცედურების შესაბამისად. აღნიშნულის გათვალისწინებით, უნდა ვივარაუდოთ რომ მათი შემოთავაზება იქნება გონივრული (სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაშიც).

1. ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში - ლარში, მიმწოდებლის საბანკო ანგარიშზე.
2. ანგარიშსწორება განხორციელდება ეტაპობრივად, ფაქტიურად შესრულებული მომსახურების შესაბამისად, კერძოდ, ზედამხედველის მიერ დადასტურებული, ფაქტობრივად შესრულებული სამუშაოების ღირებულების იმ პროცენტული ოდენობით, რომელიც მხარეების მიერ არის დაფიქსირებული ხელშეკრულებაში.
3. წინასწარი საავანსო ანგარიშსწორება არ გამოიყენება.
4. იმ შემთხვევაში, თუ განსაზღვრული გარემოებების გამო ზედამხედველის მიერ გაწეული მომსახურების ღირებულებამ არ შეადგინა ხელშეკრულებით გათვალისწინებული თანხა, შემსყიდველი აუნაზღაურებს ზედამხედველს მის მიერ ფაქტობრივად გაწეული მომსახურების ღირებულებას ხელშეკრულებით განსაზღვრული ფასების (პროცენტების) შესაბამისად. აღნიშნულიდან გამომდინარე ზედამხედველს პრეტენზია არ უნდა გააჩნდეს აუთვისებელ მომსახურების მოცულობათა შესრულებაზე და მის გადახდაზე.
5. შემსყიდველი უფლებამოსილია, ხოლო მიმწოდებელი თანახმაა ხელშეკრულების 9.3, 9.4 და 9.7 პუნქტ(ებ)ით დაკისრებული პირგასამტეხლოს თანხა (ასეთის არსებობის შემთხვევაში) გამოქვითოს ყოველი მიღება-ჩაბარების აქტის შესაბამისი, მიმწოდებელზე გადასარიცხი თანხიდან.
6. საქართველოს კანონმდებლობით გათვალისწინებული ყველა გადასახადის გადახდაზე პასუხისმგებელია მიმწოდებელი.

ანგარიშსწორება განხორციელდება მხარეთა შორის გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარმოდგენიდან 10 (ათი) სამუშაო დღის განმავლობაში.

ნოდარ სადუნიშვილი, 595800908, Nodar.Sadunishvili@ag.ge

- ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

- დაუშვებელია წინამდებარე ტენდერით გათვალისწინებული მომსახურების გაწევა ქვეკონტრაქტორის მეშვეობით.

- სატენდერო კომისია ახდენს პრეტენდენტის დისკვალიფიკაციას, თუ მის მიერ სისტემაში ატვირთულ ტექნიკურ დოკუმენტაციაში, სატენდერო დოკუმენტაციის მოთხოვნის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

- 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ, მის მიერ შექმნილ, ელექტრონულ დოკუმენტებზე შეასრულონ უფლებამოსილი პირის კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით, გარდა საქართველოს კანონმდებლობით გათვალისწინებული შემთხვევებისა (იხილეთ სახელმძღვანელო ინსტრუქცია).