Мебельные аксессуары (Грузия - Тендер #52821552)

ახალციხის მუნიციპალიტეტის ტერიტორიაზე მდებარე ქუჩების დაგვა-დასუფთავებისათვის საჭირო ინვენტარის შეძენის უზრუნველყოფა.

1. მრავალჯერადი გამოყენების მინდვრის (ქუჩის) ცოცხი- გამომშრალი, მრავალჯერადი გამოყენებისთვის ვარგისი, მინდვრის ცოცხი. ერთი შეკვრა (ცალი) ცოცხი უნდა შედგებოდეს არანაკლებ 2-3 მმ სისქის 30-35 ღეროსაგან, სიგრძე არაუმცირეს 60 სმ. თითოეულ ღეროს უნდა გააჩნდეს არანაკლებ 8 ძირითადი განშტოება. ცოცხი არ უნდა იყოს მზისაგან დამწვარი. ცოცხს გაშრობის შემდგომ შენარჩუნებული უნდა ჰქონდეს ყვავილოვანი მასა. 1 ცოცხის (შეკრულ მდგომარეობაში) გარშემოწერილობა ტარის გასაკეთებელ ადგილზე (ტარის გარეშე) უნდა იყოს არანაკლებ 80 მმ, ხოლო დიამეტრი 40-50 მმ.უნდა იყოს შეკრული არანაკლებ 4 ადგილას - 10 000 ცალი;

2. ოთახის ცოცხი- საყოფაცხოვრებო დანიშნულების, ბუნებრივი მცენარისგან დამზადებული. ზომები: მთლიანი სიგრძე 1 მ (±5 სმ), ტარის სიგრძე 40(±5) სმ, მოსაგველი ნაწილის სიგანე 35(±5) სმ,
ტარი შეკრული უნდა იყოს მყარი კანაფით-თოკით (არა მავთულით), მოსაგველი ნაწილი შეკრული უნდა იყოს მყარი კანაფით-თოკით (არა მავთულით) არანაკლებ 10(ათი) ადგილზე- 300 ცალი.


შენიშვნა: ნიმუში გამოიყენება საქონლის აღწერილობის მიზნით და არ წარმოადგენს მოსაწოდებელი საქონლის ზუსტ ასლს.

საქონლის მიწოდება უნდა მოხდეს ეტაპობრივად, ხელშეკრულების გაფორმებიდან 2024 წლის 31 დეკემბრის ჩათვლით, შემსყიდველის მოთხოვნიდან 05 (ხუთი) კალენდარული დღის ვადაში.

საქონლის მიწოდება უნდა მოხდეს შემდეგ მისამართზე: ქ. ახალციხე, თამარაშვილის ქუჩის მიმდებარე ტერიტორია (საქმიანი ეზო);

- მიმწოდებელი ვალდებულია შეტყობინების მიღებისთანავე განახორციელოს უხარისხოდ მიწოდებული საქონლის ან მისი ნაწილის გამოსწორება შემსყიდველის მხრიდან რაიმე დამატებითი დანახარჯების გაწევის გარეშე.
- საქონლის წუნის (დეფექტის) შემთხვევაში მიმწოდებელმა უნდა უზრუნველყოს აღნიშნული დეფექტური საქონლის შეცვლა შემსყიდველის მოთხოვნის შესაბამისად, მოთხოვნიდან 05 (ხუთი) სამუშაო დღის განმავლობაში.
- საგარანტიო მომსახურების აუცილებლობის შემთხვევაში, ტრანსპორტირება უნდა უზრუნველყოს მიმწოდებელმა.

პრეტენდენტი ვალდებულია დანართი N2-ში შემოთავაზებულ საქონელზე მიუთითოს შესყიდვის ობიექტის წარმოშობის ქვეყანა, მწარმოებელი კომპანია და მოდელი (მოდელის არ არსებობის შემთხვევაში მიუთითოს ინფორმაცია აღნიშნულის თაობაზე).

შენიშვნა: დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის წარმოშობის ქვეყნის, მწარმოებლის და მოდელის შესახებ (მოდელის არ არსებობის შემთხვევაში მიუთითოს ინფორმაცია აღნიშნულის თაობაზე).

1. პრეტენდენტს 2021 წლის პირველი იანვრიდან მოცემული ტენდერის გამოცხადების დღემდე უნდა ჰქონდეს განხორციელებული არანაკლებ ტენდერის ღირებულების (37 400 ლარის) ანალოგიური ტიპის გამოცდილება.
2. გამოცდილება უნდა დადასტურდეს მხარეთა მიერ ხელმოწერილი დოკუმენტებით:ხელშეკრულებებითა და მათი შესრულების დამადასტურებელი დოკუმენტებით: მიღება-ჩაბარების აქტებით, საგადასახადო ანგარიშ-ფაქტურებით (არსებობის შემთხვევაში).
სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

1. ხელშეკრულების გაფორმების შემდგომ მიმწოდებელმა წერილობით უნდა აცნობოს შემსყიდველს ქვეკონტრაქტორ(ებ)ის აყვანის ან/და შეცვლის შესახებ (ქვეკონტრაქტორის აყვანის აუცილებლობის მიზეზების დასაბუთებით). ქვეკონტრაქტორ(ებ)ის დასაშვებობის საკითხს წყვეტს შემსყიდველი და მიმწოდებელი ერთობლივი მოლაპარაკების საფუძველზე, რომელიც გაფორმდება წერილობითი ფორმით.
2. ქვეკონტრაქტორი ნებისმიერი პრეტენდენტი/მიმწოდებელი (როგორც ფიზიკური, ისე იურიდიული პირი) არ უნდა იყვნენ რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“;
3. ქვეკონტრაქტორზე წარმოდგენილი იქნას შემდეგი სახის ინფორმაცია:
•მისაწოდებელი საქონლის დასახელება და ღირებულება;
• ქვეკონტრაქტის ასლი.
4. ამ ხელშეკრულების ფარგლებში დადებული ყველა ქვეკონტრაქტის ხელშეკრულების ასლი უნდა წარედგინოს შემსყიდველს.
5. მისაწოდებელი საქონლის ნაწილის ქვეკონტრაქტორზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებებიდან.

1. იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N 3 შესაბამისად. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.
2. ამხანაგობის არც ერთი წევრი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება ამხანაგობის დისკვალიფიკაცია წინამდებარე ტენდერიდან დაზუსტების გარეშე.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

1.მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.
2. ანგარიშსწორება შესაძლებელია განხორციელდეს ეტაპობრივად, მიწოდებული საქონლის ღირებულების შესაბამისად, საქართველოს კანონმდებლობით გათვალისწინებული დოკუმენტების დადასტურებიდან და მიღება-ჩაბარების აქტის გაფორმების შემდეგ.

მიღება-ჩაბარების აქტის მხარეთა მიერ ხელმოწერიდან 10 (ათი) სამუშაო დღის განმავლობაში.

ნინო ნარიმანიძე, 577721277, akhaltsikhe.servis.group@gmail.com ირაკლი კურტანიძე-სატენდერო კომისიის წევრი, ა(ა)იპ “ახალციხის სერვის ჯგუფი“-ს მთავარი ინჟინერი 579 75 75 70

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ შესაბამისად.
2. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
3. პრედენდენტს არა აქვს უფლება წარმოადგინოს ალტერნატიული სატენდერო წინადადება.
4. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა. სატენდერო დოკუმენტაციის დანართები უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით.
5. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი დამოწმებული უნდა იყოს ტენდერის დასრულების დღეს მოქმედი მარეგულირებელი კანონმდებლობის შესაბამისად.
6. დანართი N1-ის წარმოუდგენლობა ან/ და განუფასებლად წარმოდგენა და დანართი N2-ის წარმოუდგენლობა გამოიწვევს პრეტენდენტის დისკვალიფიკაციას.