Ремонт и техническое обслуживание транспортных средств и оборудования и сопутствующие услуги (Грузия - Тендер #52821529)

ა(ა)იპ წყალტუბოს მუნიციპალიტეტის დასუფთავების ცენტრის სატრანსპორტო საშუალებების შეკეთება და ტექნიკური მომსახურება.

ა/მანქანის დაზიანებული სათადარიგო ნაწილი უნდა შეიცვალოს ახალი სათადარიგო ნაწილით. ურთიერთშეთანხმების საფუძველზე შესაძლებელია მეორადი სათადარიგო ნაწილის გამოყენება.
ა/მანქანის შეკეთებისა და მომსახურებისთვის გამოყენებული სათადარიგო ნაწილები უნდა იყოს ქარხნული, ხარისხიანი და არ ავლენდეს დეფექტებს, რაზედაც მიმწოდებელმა უნდა გაავრცელოს არანაკლებ 6 (ექვსი) თვიანი გარანტია, გარდა ცვეთადი ნაწილებისა, როგორიცაა: სამუხრუჭე ხუნდები, ზეთის, ჰაერის, კონდენციონერისა და საწვავის ფილტრები, მინის მწმენდები და ა.შ.) მიმწოდებელი პასუხისმგებელია წუნდებული საქონლის (ასეთის არსებობის შემთხვევაში) გამოცვლაზე და შესაბამისი მომსახურების გაწევის განხორციელებაზე, შემსყიდველის მხრიდან რაიმე დამატებითი ხარჯების გაწევის გარეშე შეტყობენების მიღებიდან არაუგვიანეს 10 (ათი) დღის განმავლობაში;
მიმწოდებელი ვალდებულია შემსყიდველის მიმართვის შემთხვევაში ჩაატაროს ა/მანქანის დათვალიერება, რის შემდგომაც, მიმწოდებელი,დირექტორის მოადგილე და მძღოლი ადგენენ დეფექტურ აქტს, რომელშიც მითითებული უნდა იყოს გასაწევი მომსახურების დეტალური აღწერა. თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია საკუთარი ხარჯით აღმოფხვრას აღმოჩენილი ხარვეზი;
პრეტენდენტს აუცილებლად საკუთრებაში უნდა გააჩნდეს არანაკლებ ერთი მოქმედი სერვისცენტრი, პრეტენდენტის მიერ წარმოდგენილ უნდა იქნეს სერვისცენტრის საკუთრებაში არსებობის დამადასტურებელი დოკუმენტაცია.
მომსახურება გაწეული უნდა იქნას დაუყოვნებლივ, რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს:
• სავალი ნაწილებისათვის - არაუმეტეს 2 დღეს;
• აგრეგატებისათვის - არაუმეტეს 3 დღეს;
• ელექტროობისათვის - არაუმეტეს 2 დღეს;
• სათუნუქე-სამღებრო სამუშაოებისათვის - არაუმეტეს 5 დღეს, აღნიშნული ვადა შეაძლებელია გაგრძელებული იქნეს შემსყიდველთან შეთანხმებით;
• იმ შემთხვევაში თუ საჭირო იქნება ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით
გამარჯვებულ პრეტენდენტთან ხელშეკრულების გაფორმების შემდეგ პრეისკურანტში ა/მანქანების შეკეთებისათვის საჭირო რომელიმე ერთეულის არარსებობისას, აღნიშნული ობიექტის ერთეულის ფასი, მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით (გაფორმებულ იქნება შეთანხმების აქტი) საბაზრო ფასის გათვალისწინებით. ასეთ შემთხვევაში პრეისკურანტში მომსახურების (სერვისი სათადარიგო ნაწილების გათვალისწინებით) რომელიმე ერთეულის არსებობით გამოწვეული ხვედრითი წილი არ შეიძლება აღემატებოდეს ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს; მიმწოდებლის მხრიდან შეთანხმებაზე უარის თქმა, შესაძლებელია გახდეს ხელშეკრულების შეწყვეტის საფუძველი.

მიმწოდებელმა უნდა უზრუნველყოს მომსახურების გაწევა ხელშეკრულების გაფორმების დღიდან 2024 წლის 27 დეკემბრის ჩათვლით. მომსახურება გაწეული უნდა იქნას დაუყოვნებლივ, რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს:
• სავალი ნაწილებისათვის - არაუმეტეს 2 დღეს;
• აგრეგატებისათვის - არაუმეტეს 3 დღეს;
• ელექტროობისათვის - არაუმეტეს 2 დღეს;
• სათუნუქე-სამღებრო სამუშაოებისათვის - არაუმეტეს 5 დღეს, აღნიშნული ვადა შეაძლებელია გაგრძელებული იქნეს შემსყიდველთან შეთანხმებით;
• იმ შემთხვევაში თუ საჭირო იქნება ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით.

მიმწოდებლის მიერ მომსახურების გაწევა უნდა მოხდეს ეტაპობრივად შემსყიდველის მოთხოვნის შესაბამისად მიმწოდებლის სერვის ცენტრ(ებ)ში.

სათადარიგო ნაწილი მისი ხარისხით სრულად უნდა შეესაბამებოდეს ორიგინალი დეტალების მონაცემებს. მიმწოდებელი იძლევა გარანტიას რომ დეფექტის გამოვლენის შემთხვევაში მიმწოდებელი უზრუნველყოფს წუნდებული (უხარისხო) საქონლის შეცვლას და განახორციელებს შეცვლასთან დაკავშირებულ ყველა მოქმედებას საკუთარი ძალებით და საშუალებებით, შემსყიდველის მხრიდან ყოველგვარი დამატებითი დანახარჯების გაწევის გარეშე, შეტყობინების მიღებიდან არაუგვიანეს 10 (ათი) დღის განმავლობაში. ამ ვადაში შედის საქონლის წაღება და ახლით შეცვლა
მინიმალური საგარანტიო ვადები ნაწილებზე:
1. აგრეგატებზე- საგარანტიო ვადა 1 (ერთი) წელი
2. კვანძებზე- 6 (ექვსი) თვე
3. დეტალებზე- 6 (ექვსი) თვე
გამოსაყენებელ სათადარიგო ნაწილებზე უნდა გავრცელდეს მინიმუმ 6 თვიანი გარანტია, გარდა იმ სათადარიგო ნაწილებისა და საცხ-საპოხი საშუალებებისა, რომელთა ექსპლუატაციის ვადა დამოკიდებულია ავტომანქანის გარბენზე. აღნიშნულმა სათადარიგო ნაწილებმა და საცხ-საპოხმა ნაწილებმა უნდა უძრუნველყოს ავტომანქანის ექსპლუატაცია მინიმუმ ქვემოთ ჩამოთვლილ გარბენზე:
1. ძრავის ღვედი-50000კმ
2.ძრავის ზეთი-5000კმ
3.ზეთის ფილტრი-5000კმ.

პრეტენდენტს მოეთხოვება ინფორმაციის წარმოდგენა (როგორიცაა წარმოშობის ქვეყანა ან/და მწარმოებელი ან/ და მოდელი) აღნიშნულზე ინფორმაციის წარმოუდგენლობა დაზუსტებას არ ექვემდებარება.

პრეტენდენტს 2020-2023 წლების განმავლობაში უნდა გააჩნდეს ანალოგიური მომსახურების (ავტო ტექ.მომსახურება) გაწევის გამოცდილება, პრეტენდენტმა ელექტრონულ სისტემაში უნდა ატვირთოს შესაბამისი მომსახურების გაწევის დამადასტურებელი არანაკლებ ერთი ხელშეკრულება და შესაბამისი მიღება-ჩაბარების აქტ(ებ)ი თითოეულ წელზე. თუ აღნიშნული შესყიდვები განხორციელებულია ელ.ტენდერების საშუალებით საკმარისია ტენდერის ნომრები.

პრეტენდენტს საკუთრებაში უნდა გააჩნდეს არანაკლებ ერთი მოქმედი სერვისცენტრი, პრეტენდენტის მიერ წარმოდგენილ უნდა იქნეს სერვისცენტრის საკუთრებაში არსებობის დამადასტურებელი დოკუმენტაცია.პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს ავტო ტექ. მომსახურეობის ობიექტის საკუთრების დამადასტურებელი დოკუმენტი, ასევე უსაფრთხოების მიზნით სერვისცენტრის ტერიტორიაზე უნდა იყოს სათვალთვალო ვიდეო კამერები.სერვისცენტრში უნდა არსებობდეს: სპეცავტომანქანებისათვის დახურული ანგარი, სადაც მოხდება დაზიანებული სპეცავტომანქანის დაყენება შეკეთებამდე და მის პროცესში, ასევე უნდა იყოს ავტომანქანის არანაკლებ 3 ამწე მექანიზმი და სამუშაო ორმო; საბურავის დაშლა აწყობის და ბალანსირების დანადგარი; თვლების შეყრის კომპიუტერული (რაზვალი) დანადგარი; კომპიუტერული დიაგნოსტიკის მოწყობილობა; საყრდენი დისკოს გასაჩარხი მოწყობილობა; ავტომატურ გადაცემათა კოლოფში ზეთის შეცვლის აპარატი; ძრავში ზეთის შესაცვლელი აპარატი; მაღალი წნევით საწვავის სისტემის გამოსარეცხი აპარატი; წყლის სისტემის გამოსარეცხი აპარატი; საწვავის მფრქვევანას (ფარსუნკა) საწმენდი აპარატი (დიზელის); ფრისკის საწმენდი აპარატი; ელექტრო მომარაგების სარეზერვო წყარო (გენერატორი); სერვისცენტრში სამუშაო ფართობი დაფარული უნდა იყოს ბეტონის
ან მსგავსი ზედაპირით; დაცული უნდა იყოს ჰიგიენური და უსაფრთხოების ნორმები. ამასთან, სერვისცენტრებში უნდა არსებობდეს საჭირო ფართი შემსყიდველის ა/მანქანების აღნიშნულ ტერიტორიაზე განთავსებისათვის. პრეტენდენტს უნდა გააჩნდეს სასაწყობო მარაგი (სერვისცენტრში) რომელშიც უნდა შედიოდეს სავალი ნაწილის სწრაფადცვეთადი დეტალები, ასევე ზეთის, ჰაერის და კონდენციონერის ფილტრები, მინის მწმენდები, ძრავის ზეთი (რომელსაც ექნება მწარმოებლის დაშვება თითოეულ მოდელზე), ანტიფრიზი. სერვის ცენტრში პრეტენდენტმა უნდა უზრუნველყოს შემსყიდველი ორგანიზაციის ერთი წარმომადგენლისათვის სათანადო პირობების შექმნა (შენობაში განთავსებული სკამი, მაგიდა). პრეტენდენტი ვალდებულია წარმოადგინოს შესაბამისობის დადასტურებისთვის სათანადო მასალები(ფოტო ან სხვა სახის ინფორმაცია)შემსყიდველი უფლებამოსილია, ყველაზე დაბალი ფასის (ასეთის არსებობის შემთხვევაში) მქონე პრეტენდეტის მიმართ განახორციელოს სერვისცენტრის დათვალიერება ზემოთ აღნიშნულ სტანდარტებთან შესაბამისობაზე და შეუსაბამობის შემთხვევაში მოახდინოს პრეტენდენტის დისკვალიფიკაცია კანონით დადგენილი ნორმების შესაბამისად.

პრეტენდენტის სატენდერო წინადადება უნდა შეიცავდეს პრეისკურანტს შემსყიდველის მიერ სატენდერო დოკუმენტაციაში წარმოდგენილი პრეისკურანტის მიხედვით.
პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.
პრეტენდენტის მიერ პრეისკურანტის წარმოუდგენლობა ან არსებითად შეუსაბამო პრეისკურანტის წარმოდგენა (თუ პრეტენდენტის მიერ პრეისკურანტის შესაბამის გრაფაში მითითებული ერთეულის ფას(ებ)ი აღემატება, შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს) გამოიწვევს პრეტენდენტის დისკვალიფიკაციას აღნიშნული ტენდერიდან, პრეისკურანტის დაზუსტების მოთხოვნის გარეშე, ,,ელექტრონული ტენდერის ჩატარების წესის დამტკიცების შესახებ’’ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების 32-ე მუხლის პირველი პუნქტის ,,ბ’’ ქვეპუნქტის საფუძველზე.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე საერთო ღირებულებასთან მიმართებით. ამასთან, ფასწარმოქნის ადეკვატურობის დასაბუთების წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის შესაბამისად.

იურიდიული პირისათვის-ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში ;

ინდივიდუალური მეწარმისათვის - ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში.

ფიზიკური პირისათვის – ცნობა ნასამართლობის შესახებ შესაბამისად უფლებამოსილი ორგანოდან, რომლითაც დასტურდება, რომ პირი არ არის ნასამართლევი საქართველოს სისხლის სამართლის კოდექსის XXVI (დანაშაული სამეწარმეო ან სხვა ეკონომიკური საქმიანობის წინააღმდეგ) და XXXIX (სამოხელეო დანაშაული) თავებით გათვალისწინებული ქმედებისათვის;

წარმომადგენლობამ /ფილიალმა, უნდა წარმოადგინოს სარეგისტრაციო/უფლებრივი მონაცემების ამსახველი დოკუმენტით მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული.

არარეზიდენტმა პირმა უნდა წარმოადგინოს სარეგისტრაციო/უფლებრივი მონაცემების ამსახველი დოკუმენტით მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება ნათარგმნი, დამოწმებული ან ლეგალიზებული.

წარმომადგენლობამ /ფილიალმა, უნდა წარმოადგინოს სარეგისტრაციო/უფლებრივი მონაცემების ამსახველი დოკუმენტით მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 60 კალენდარული დღით უნდა აღემატებოდეს ხელშეკრულების მოქმედების ვადას (ხელშეკრულების მოქმედების ვადად განისაზღვრება 2025 წლის 28 იანვარი).

6.4.1. გამარჯვებულმა პრეტენდენტმა ხელშეკრულების დადებამდე უნდა წარმოადგინოს ხელშეკრულების შესრულების უზრუნველყოფის საბანკო გარანტია;
6.4.2. ხელშეკრულების შესრულების უზრუნველყოფის საბანკო გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში;
6.4.3. არარეზიდენტი პირის შემთხვევაში უცხო ქვეყნის საბანკო დაწესებულებიდან გაცემული საბანკო გარანტია დამოწმებული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებისაგან.

7.2.1 მიმწოდებელთან ანგარიშსწორება შემსყიდველის მიერ განხორციელდება, ეტაპობრივად, უნაღდო ანგარიშსწორების ფორმით, ეროვნულ ვალუტაში;
7.2.2 მიმწოდებელთან ანგარიშსწორება იწარმოებს ხელშეკრულებით გათვალისწინებული ფაქტიურად გაწეული მომსახურების შესრულების შესახებ გაფორმებული მიღება-ჩაბარების აქტისა და შესაბამისი საანგარიშსწორებო დოკუმენტის საფუძველზე მომწოდებლის მიერ ხელშეკრულებაში მითითებულ საბანკო რეკვიზიტებზე;

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო დოკუმენტაციის წარდგენიდან 10 (ათი) სამუშაო დღის ვადაში, მიმწოდებლის მიერ მითითებული რეკვიზიტების მიხედვით.

ნანა ფრუიძე, 577959094, nankakoba@gmail.com თეა ჟორჟოლიანი 551904204
wyaltubodasuftaveba@gmail.com ბესარიონ ფანცხავა 595 95 07 55

1. პრეტენდენტის მიერ წარმოდგენილ სატენდერო წინადადებაში საერთო ფასი წარმოდგენილი უნდა იყოს საქონლის მიწოდებასთან დაკავშირებული ყველა ხარჯისა და საქართველოს კანონმდებლობით გათვალისწინებულ გადასახადების გათვალისწინებით.
2. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
3. პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ სატენდერო წინადადებაზე ან მის შემადგენელ დოკუმენტზე, უნდა იყოს შესრულებული კვალიფიციური ელექტრონული ხელმოწერა ან/და დასმული უნდა იყოს კვალიფიციური ელექტრონული შტამპი. იგივე წესი უნდა იქნეს დაცული პრეტენდენტის მიერ სხვა, შემდგომი დოკუმენტების წარდგენის საჭიროების წარმოშობის შემთხვევაში (მაგალითად, დაზუსტებული ტექნიკური დოკუმენტაცია და სხვა).
4. კვალიფიციური ელექტრონული ხელმოწერა ან/და დასმული კვალიფიციური ელექტრონული შტამპი უნდა იყოს შესრულებული უფლებამოსილი ან მისი ნდობით აღჭურვილი (ნოტარიულად დამოწმებული მინდობილობის საფუძველზე) პირის მიერ.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო პირობების შესახებ დამატებითი ინფორმაციისა და განმარტებების მიღების საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
7. წინამდებარე შესყიდვა ხორციელდება ,,სახელმწიფო შესყიდვის შესახებ’’ საქართველოს კანონისა და ,,ელექტრონული ტენდერის ჩატარების შესახებ წესის’’ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების შესაბამისად.