Услуги по программированию и консультационные услуги в области программного обеспечения (Грузия - Тендер #52749170)

შესყიდვის ობიექტს წარმოადგენს აივ ინფექციის/შიდსის, ტუბერკულოზისა და მალარიის წინააღმდეგ ბრძოლის გლობალური ფონდის (The Global Fund to Fight AIDS, Tuberculosis and Malaria) მიერ დაფინანსებული„საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება“ (GEO-С-NCDC) პროგრამის ფარგლებში, ტექნიკური და ფუნქციონალური მხარდაჭერის მომსახურება, ორი დამოუკიდებელი ონლაინ პლატფორმისთვის AdhereTB და TraceTB (ვებ-პლატფორმა, Android და iOS აპლიკაციები) - (CPV 72212500 - პროგრამული უზრუნველყოფის შემუშავება საკომუნიკაციო და მულტიმედიური მომსახურებისათვის).

შესყიდვის ობიექტი:

შესყიდვის ობიექტს წარმოადგენს აივ ინფექციის/შიდსის, ტუბერკულოზისა და მალარიის წინააღმდეგ ბრძოლის გლობალური ფონდის (The Global Fund to Fight AIDS, Tuberculosis and Malaria) მიერ დაფინანსებული„საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება“ (GEO-С-NCDC) პროგრამის ფარგლებში, ხელშეკრულების გაფორმებიდან - 2025 წლის 31 იანვრის ჩათვლით (საორიენტაციო პერიოდი 10 თვე), ტექნიკური და ფუნქციონალური მხარდაჭერის მომსახურება არსებული ორი დამოუკიდებელი ონლაინ პლატფორმისთვის AdhereTB და TraceTB (ვებ-პლატფორმა, Android და iOS აპლიკაციები) - (CPV 72261000 - პროგრამული უზრუნველყოფის ტექნიკურ მხარდაჭერასთან დაკავშირებული მომსახურებები (ან CPV72200000-პროგრამული უზრუნველყოფის შემუშავება და საკონსულტაციო მომსახურებები))


ტექნიკური დავალება:

2003 წლიდან აივ ინფექციის/შიდსის, ტუბერკულოზისა და მალარიის წინააღმდეგ ბრძოლის გლობალური ფონდის (The Global Fund to Fight AIDS, Tuberculosis and Malaria) მხარდაჭერით ქვეყანა უზრუნველყოფს ტუბერკულოზის წინააღმდეგ მიმართული პრევენციული და სამკურნალო ღონისძიებების დაფინანსებას. 2014 წლიდან გლობალური ფონდის გრანტის ძირითადი მიმღები სსიპ - ლ. საყვარელიძის დაავადებათა კონტროლისა და საზოგადოებრივი ჯანმრთელობის ეროვნული ცენტრია. გლობალური ფონდის მიერ დაფინანსებული „ტუბერკულოზის ყველა ფორმის ხარისხიან დიაგნოსტიკასა და მკურნალობაზე საყოველთაო ხელმისაწვდომობის მდგრადობის უზრუნველყოფა“ პროგრამის ფარგლებში, შექმნილია ვიდეო მეთვალყურეობით მკურნალობის (Video Supported treatement) აღრიცხვის ელექტრონული პლატფორმა და მობილური აპლიკაცია (Android, iOS) - AdhereTB (განცხადების ნომერი NAT170005903), ასევე ტუბერკულოზით დაავადებული ინდექს-პაციენტების კონტაქტებისა და ტუბერკულოზური ინფექციის მკურნალობაზე მყოფი პირების აღრიცხვის ელექტრონული პლატფორმა და მობილური აპლიკაცია (Android) TraceTB (განცხადების ნომერი NAT210001074).

აღნიშნულ პლატფორმებზე, მათი შექმნის დღიდან, ფაქტობრივად უწყვეტად ხორციელდებოდა დეველოპერების მხრიდან ტექნიკური მხარაჭერის მომსახურება, რომლის ვადაც იწურება 2024 წლის 24 თებერვალს.

AdhereTB - ტუბერკულოზისთ დაავადებულ პაციენტებს, ტუბერკულოზის ეროვნული პროგრამის ფარგლებში, სამკურნალო მედიკამენტები ეძლევათ უფასოდ, თუმცა დაავადების სპეციფიკიდან გამომდინარე ჯანდაცვის მუშაკი უნდა დარწმუნდეს, რომ პაციენტი მიცემულ მედიკამენტებს ნამდვილად სვამს. ამის განხორციელება შესაძლებელია მედიკამენტების ექთნის უშუალო მეთვალყურეობის ქვეშ მიღებით (DOT – Direct Observed Treatement) ან ვიდეო მეთვალყურეობით მკურნალობით (VST - Video Supported Treatement). AdhereTB შექიმნა 2017 წელს და არის ვიდეო მეთვალყურეობით მკურნალობის (Video Supported treatement) აღრიცხვის ელექტრონული პლატფორმა (web based) და Android და iOS ოპერაციულ სისტემებზე დაფუძნებული სმარტფონ აპლიკაცია (https://play.google.com/store/apps/details?id=com.leavingstone.adheregeo&hl=en_US&gl=US&pli=1 და https://apps.apple.com/us/app/adhere-tb/id1602375965), რომლის ვებ-პლატფორმის მომხმარებლები არიან სამედიცინო პერსონალი ხოლო აპლიკაციას იყენებენ პაციენტები. აპლიკაცია საშუალებას აძლევს პაციენტებს მათთვის სასურველ დროს მიიღონ მედიკამენტები, მიღების პროცესი ჩაიწერონ AdhereTB აპლიკაციით და ღილაკზე ერთი დაჭერით ატვირთონ ვიდეო სერვერზე. თავის მხრივ, ექთანი ვებ პლატფორმაზე ნახავს პაციენტის მიერ ატვირთულ მედიკამენტის მიღების ვიდეოს და დაადასტურებს ან უარყოფს მედიკამენტის მიღებას.

აპლიკაციის ტექნიკური დოკუმენტაციისთვის იხილეთ დანართი#1 - დანართი 1 - AdhereTB ტექნიკური დოკუმენტაცია


TraceTB - ტუბერკულოზის (TB) კონტაქტები არიან ადამიანები, რომლებიც ექსპოზიციაში იმყოფებიან ფილტვის ტუბერკულოზით დაავადებულ პირებთან. ვინაიდან კონტაქტები ინფექციის მაღალი რისკის წინაშე დგანან, ისინი საჭიროებენ ტუბერკულოზზე სისტემატურ და აქტიურ გამოკვლევას. კონტაქტების კვლევა ხელს უწყობს აქტიური ტუბერკულოზის ადრეულ გამოვლენას, რაც თავის მხრივ ამცირებს დაავადების სიმძიმეს და ტუბერკულოზის სხვებზე გადაცემის რისკს, გამოავლენს ლატენტურ ტუბერკულოზურ ინფექციას (LTBI) და ხელს უწყობს შესაბამისი პროფილაქტიკური ზომების გატარებას. TraceTB შეიქმნა 2022 წელს, საქართველოში ტუბერკულოზით დაავადებული პაციენტის ახლო კონტაქტებისა და ტუბერკულოზური ინფექციის მკურნალობაზე მყოფი პირების აღრიცხვისა და საერთო ბაზის შექმნისთვის. ამ პლატფორმის საშუალებით ასევე ხდება ინფორმაციის მუდმივი მიმოცვლა დაავადებათა კონტროლის ეროვნულ ცენტრსა და ტუბერკულოზის ეროვნულ პროგრამას შორის. TraceTB ასევე შედგება ელექტრონული პლატფორმისა (web based) და Android ოპერაციულ სისტემებზე დაფუძნებული სმარტფონ აპლიკაციისგან (https://play.google.com/store/apps/details?id=com.leavingstone.tracetbgeo&hl=en_US&gl=US). აპლიკაციის საშუალებით ხდება ინდექს-პაციენტების, კონტაქტების და ლატენტური ტუბერკულოზური ინფექციის რისკ-ჯგუფების შეყვანა/დარეგისტრირება/მიდევნება, ხოლო ვებ-პლატფორმში, თავს იყრის ყველა დარეგისტრირებული პირი და ფორმირდება მონაცემთა ბაზა.
აპლიკაციის ტექნიკური დოკუმენტაციისთვის იხილეთ დანართი#2 - დანართი 2 - TraceTB ტექნიკური დოკუმენტაცია.

ორივე ზ.ა. პლატფორმა და მათი სორს კოდები არის სსიპ „ლ. საყვარელიძის დაავადებათა კონტროლისა და საზოგადოებრივი ჯანმრთელობის ეროვნული ცენტრის“ მფლობელობაში.

პლატფორმების გამართულად და შეუფერხებლად მუშობისთვის, ხარვეზების და პრობლემების დროულად იდენტიფიცირებისა და გამოსწორებისთვის 2024 წლის ბოლომდე, საჭიროა ტექნიკური და ფუნქციონალური მხარდაჭერის მომსახურება (სერვისული მომსახურება).

ტექნიკური მხარდაჭერის განმავლობაში პლატფორმები განთავსებული იქნება შემსყიდველის ინფრასტრუქტურაში (სერვერზე).


შესყიდვის მიზანი:

მომსახურების შესყიდვის მიზანია AdhereTB და TraceTB პლატფორმების გამართული და შეუფერხებელი მუშობისთვის ხელშეკრულების გაფორმებიდან 2025 წლის 31 იანვრის ჩათვლით (საორიენტაციოდ 10 თვის განმავლობაში), ტექნიკური და ფუნქციონალური მხარდაჭერა.

AdhereTB და TraceTB პლატფორმების ტექნიკური და ფუნქციონალური მხარდაჭერა 2025 წლის იანვრის ჩათვლით, მოიცავს შემდეგ საკითხებს:

• მომსახურების პერიოდის მანძილზე არსებული პროგრამული ხარვეზების სრულფასოვანი აღმოფხვრა;

• AdhereTB პლატფორის პროგრამული უზრუნველყოფის ნებისმიერი შეცდომის, დაზიანების, გაუმართაობის და დეფექტის იდენტიფიცირება და გასწორება/კორექტორება, როგორც ვებ-გვერდზე, ისე Android და iOS ოპერაციულ სისტემიაზე მორგებულ აპლიკაციებში;

• TraceTB პლატფორის პროგრამული უზრუნველყოფის ნებისმიერი შეცდომის, დაზიანების, გაუმართაობის და დეფექტის იდენტიფიცირება და გასწორება/კორექტორება, როგორც ვებ-გვერდზე, ისე Android ოპერაციულ სისტემაზე მორგებულ აპლიკაციაში;

• AdhereTB და TraceTB პლატფორმების ვებ-გვერდზე და სმარტფონ აპლიკაციებში ისეთი ინფორმაციის (ტექსტური, გრაფიკული, სურათი, ცვლადები და ა.შ.) ცვლილება, რაც პლატფორმის ადმინისტრატორის მომხმარებლის გამოყენებით შეუძლებელია;

• AdhereTB და TraceTB პლატფორმების პროგრამული უზრუნველყოფის მდგომარეობის რევიზია და მუშაობის ოპტიმიზაცია;

• AdhereTB და TraceTB პლატფორმებზე, მოთხოვნის შესაბამისად არსებული ფუნქციონალის მცირე ცვლილება/გაუმჯობესება;

• AdhereTB სმარტფონ აპლიკაციის Android და iOS ოპერაციულ სისტემების ახალ ვერსიებთან თავსებადობის შემოწმება და უზრუნველყოფა;

• TraceTB სმარტფონ აპლიკაციის Android ოპერაციული სისტემის ახალ ვერსიებთან თავსებადობის შემოწმება და უზრუნველყოფა;

• AdhereTB და TraceTB პლატფორმებზე, Google Play და Playstore აპლიკაციის სამართავ პანელში შემოსული ხარვეზების მონიტორირება და გასწორება. გასწორებული აპლიკაციების ატვირთვა შესაბამის მარკეტზე და ატვირთვაზე კონტროლი;

• AdhereTB პლატფორმის, Google Play და Playstore-ზე განთავსების უწყვეტობის უზრუნველყოფა;

• TraceTB პლატფორმის, Google Play-ზე განთავსების უწყვეტობის უზრუნველყოფა;

• ყოველთვიური გეგმიური ოპტიმაზაციის სამუშაოები;

• საჭიროების შემთხვევაში, AdhereTB და/ან TraceTB პლატფორმების, ცალმხრივი ან ორმხრივი ბმის განხორციელება API სერვისით (კომუნიკაციის განხორციელება/ინფორმაციის მიმოცვლა), სხვა ისეთ სისტემებთან რომელსაც აქვს შესაძლებლობა განახორციელოს ბმა აღნიშნულ პლატფორმებთან (მაგ: ტუბერკულოზის ახალი ელექტრონული სისტემა). ბმის განხორციელება მოიცავს სერვისის მეთოდის და აღწერილობის მომზადებას და ჩაშენებას AdhereTB და/ან TraceTB აპლიკაციების მხარეს, ან წინასწარ მომზადებული მეთოდების და აღწერილობის ჩაშენებას AdhereTB და/ან TraceTB აპლიკაციების მხარეს.

• მხარდაჭერა ტელეფონითა და ელ. ფოსტით (ინფორმაციის მიწოდება და/ან კონსულტაციის გაწევა პრობლემის მოსაგვარებლად და/ან პროგრამული უზრუნველყოფის ფუნქციონირებისთვის);

• მომხმარებლებიდან შემოსული ხარვეზების მონიტორირება და გასწორება. გადაუდებელი ხარვეზების შემთხვევაში 24 საათში პრობლემის მოგვარება;

• მომსახურების პერიოდის ამოწურვისთვის პროგრამული კოდის სრულფასოვანი ტრანსფერის განხორციელება;

• მომსახურების პერიოდის ამოწურვამდე 4 თვით ადრე პროგრამული კოდის სრულფასოვანი ტრანსფერისთვის მზადების დაწყება.



შენიშვნა:

სატენდერო წინადადების ღირებულება უნდა მოიცავდეს ამ ტენდერით გათვალისწინებულ მომსახურებასთან და მიწოდებასთან დაკავშირებულ ყველა ხარჯსა და კანონმდებლობით გათვალისწინებულ გადასახადებს.

მომსახურება უნდა განხორციელდეს ხელშეკრულების გაფორმებიდან 10 თვის განმავლობაში.

მომსახურების გაწევის ადგილია ქ. თბილისი, შემსყიდველის მიერ მითითებულ მისამართი.

სისტემაზე და ტექნიკურ მხარდაჭერაზე უნდა გავრცელდეს გარანტია არანაკლებ ერთი წელი

მოთხოვნა პრეტენდენტის გამოცდილების შესახებ:

ორგანიზაციას/ფიზიკურ პირს უნდა გააჩნდეს:

- პრეტენდენტს უნდა გააჩნდეს ანალოგიური მომსახურების გაწევის გამოცდილება 2020-2023 წლებში, სულ მცირე 1 მიწოდება თითოეულ წელს.

- Android ოპერაციული სისტემისთვის აპლიკაციების შემუშავების და ტექნიკური მხარდაჭერის გამოცდილება.

- iOS ოპერაციული სისტემისთვის აპლიკაციების შემუშავების და ტექნიკური მხარდაჭერის გამოცდილება.

- ორგანიზაციის/ფიზიკური პირის პორტფოლიო უნდა მოიცავდეს არანაკლებ 10 განვითარებულ/დასრულებულ ბიზნეს (არასათამაშო) პროდუქტს. აუცილებელია დასრულებული ბიზნეს აპლიკაციების ჩამონათვალთან ერთად წარმოდგენა. აპლიკაციები უნდა იყოს მიმდინარე, აქტიური;

- საერთაშორისო დონეზე განხორციელებული აპლიკაცია/ები;

- დიდი მასშტაბის მომხმარებელზე გათვლილი აპლიკაცია/ები (100 000+ გადმოწერა) მენეჯმენტსა და მხარდაჭერაზე;

- სამი ან მეტი საერთაშორისო აღიარება;

ზემოაღნიშნულის დასადასტურებლად პრეტენდენტმა უნდა წარმოადგინოს ინფორმაცია თითოეული პუნქტის შესახებ (აუცილებელია წინადადებასთან ერთად დოკუმენტირებული პორტფოლიოს წარმოდგენა).

1. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. დოკუმენტაციის უცხო ენაზე წარმოდგენის შემთხვევაში მას უნდა დაერთოს ნოტარიულად დამტკიცებული ქართული თარგმანი.

2. პრეტენდენტმა მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, საგარანტიო პირობები და ა.შ.) უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.

რამდენადაც მომსახურება წარმოადგენს ინტელექტუალური მომსახურების ხასიათის შესყიდვას, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს არ მოეთხოვება ფასწარმოქმნის ადექვატურობის დასაბუთება.

ანაზღაურება განხორციელდება ყოველთვიურად, გაფორმებული მიღება-ჩაბარების აქტის საფუძველზე.

მიღება-ჩაბარების აქტის გაფორმებიდან არაუგვიანეს 20 (ოცი) სამუშაო დღის განმავლობაში.

გიორგი ირემაძე, 591196619, g.iremadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა- პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1 დამატებითი ინფორმაცია/დოკუმენტები (ველის შევსება არ არის სავალდებულო)

10.1.1. ტენდერში მონაწილეობის მიღება შეუძლიათ მხოლოდ სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ მომხმარებლებს;

10.1.2. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის ჩათვლით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;

10.1.3. ტენდერში გამარჯვებულად ჩაითვლება ის პრეტენდენტი, რომელიც დააფიქსირებს ყველაზე დაბალ სატენდერო წინადადების ფასს და ამასთან, დააკმაყოფილებს სატენდერო დოკუმენტაციითა და შესაბამისი სამართლებრივი აქტებით დადგენილ მოთხოვნებს;

10.1.4. სატენდერო კომისია სატენდერო წინადადებებს განიხილავს კანონმდებლობით დადგენილ ვადაში და შედეგები გამოქვეყნდება სისტემის მეშვეობით;

10.1.5. ტენდერთან დაკავშირებული დოკუმენტები ან/და ინფორმაცია შესაძლებელია წარმოდგენილ იქნეს ქართულ ან/და უცხო ენაზე. დოკუმენტების ან/და ინფორმაციის უცხო ენაზე წარმოდგენის შემთხვევაში, მათ უნდა დაერთოს ქართული თარგმანი;

10.1.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;

10.1.7. პრეტენდენტი სატენდერო წინადადების წარმოდგენით ეთანხმება სატენდერო დოკუმენტაციითა და ხელშეკრულების პროექტით განსაზღვრულ ყველა მოთხოვნას. თუ ხელშეკრულების გასაფორმებლად მოწვევის შემდგომ აღმოჩნდება, რომ გამარჯვებული პრეტენდენტი არ ეთანხმება სატენდერო დოკუმენტაციითა და ხელშეკრულების პროექტით განსაზღვრულ რომელიმე პირობას, აღნიშნული აღქმული იქნება, როგორც მიმწოდებლის მხრიდან ხელშეკრულების გაფორმებაზე უარის თქმა, რისი გათვალისწინებითაც მოხდება მისი დისკვალიფიკაცია ტენდერიდან;

10.1.8. პრეტენდენტს არ აქვს უფლება წარმოადგინოს ალტერნატიული სატენდერო წინადადება;

10.1.9. მიმწოდებელი ვალდებულია გაეცნოს და დაიცვას გლობალური ფონდის (დონორის მიერ პერიოდულად განახლებადი და გლობალური ფონდის ვებ.გვერდზე განთავსებული) „მიმწოდებლების ქცევის კოდექსი“-https://www.theglobalfund.org/media/3275/corporate_codeofconductforsuppliers_policy_en.pdf/, იხელმძღვანელოს საინფორმაციო სისტემებისა და მონაცემთა გაცვლის სახელმძღვანელოს (https://www.theglobalfund.org/media/9564/core_criticaldatamanagement_guidance_en.pdf) პირობებით.