Текстильные изделия (Грузия - Тендер #52749149)

ა(ა)იპ თბილისის საბავშვო ბაგა-ბაღების მართვის სააგენტოს მიერ ქ. თბილისის N124, N71, N2, N30 და N19 საბავშვო ბაგა-ბაღებისთვის საჭირო უსაფრთხოების ბადეების, ვერტიკალური ფარდა-ჟალუზების და მწერებისგან დამცავი ბადეების თანმდევი სამონტაჟო სამუშაოებით შესყიდვა

1.2.1. შესყიდვის ობიექტის ზოგადი მახასიათებლები:
ა) მწერებისგან დამცავი ბადე - მინაბოჭკოვანი ბადე ალუმინის პროფილში ჩასმული. გამძლე და მდგრადი ყვეელანაირი ამინდის პირობებში. მწერებისგან შეუღწევადი. მონტაჟით;
ბ) ვერტიკალური ფარდა ჟალუზი - ნაჭრის ფერი - შეთანხმებით, კარნიზის მასალა: ალუმინი; კარნიზის ფერი: თეთრი; ნაჭრის ზომის სიგანე: 127 მმ; ნაჭრის მასალა: 100% პოლიესტერი; ნაჭრის წონა - არანაკლებ 170 გრ. კარნიზის ზომები: 25მმX45მმ. მონტაჟით.
გ) უსაფრთხოების ბადე - ბადე უნდა იყოს მოქსოვილი კაპროლაქტამის ბოჭკოსგან მიღებული 4.5-5 მმ სისქის მაღალი ხარისხის კაპრონის თოკისგან. ბადის უჯრედები არ უნდა აღემატებოდეს 10*10 სმ. ბადის შემადგენელი თოკების დაშორების მანძილი უნდა იყოს არაუმეტეს 10 სმ. ბადეები უნდა დამონტაჟდეს მყარად მეტალოპლასტმასის არმირებულ ჩარჩოზე, რომელიც თავის მხრივ უნდა დამონტაჟდეს მეტალოპლასტმასის ფანჯრის ჩარჩოზე - გარედან მეტალის თვითმჭრელი ხრახნების მეშვეობით. კაპრონის ბადე ჩარჩოზე უნდა გადაიჭიმოს, კაპრონის თოკით, რომლის სისქე უნდა იყოს არანაკლებ 5 მმ. დამონტაჟებული ჩარჩო/ბადე უნდა უძლებდეს არანაკლებ 60 კგ. წონის დატვირთვას. მონტაჟით.

1.4.1. შესყიდვის ობიექტის მიწოდება და მონტაჟი უნდა განხორციელდეს შემსყიდველის წერილობითი მოთხოვნიდან არაუგვიანეს 30 კალენდარული დღის განმავლობაში.

საქონლის მიწოდება უნდა განხორციელდეს თანმდევი მომსახურებით (მონტაჟით) თბილისის ხუთ ახალაშენებულ (N19, N2, N124, N30, N71) საბავშვო ბაგა-ბაღში, შემდეგ მისამართებზე:
1. N19 - ქ. თბილისი, დიღმის მასივი IV კვ. ახმეტელის 2;
2. N2 - ბაგა-ბაღი; ქ. თბილისი, უ. ჩხეიძის ქ. 13;
3. N124 - ქ. თბილისი, ისნის რაიონში, აშოტ კურაპალატის ქუჩა;
4. N30 - ქ. თბილისი, ნავთლუღის ქ. 8;
5. N71 - ქ. თბილისი, ქვემო ფონიჭალა სადგურის შესახვევი 3.

1.7.1. შესყიდვის ობიექტზე უნდა ვრცელდებოდეს საგარანტიო ვადა არანაკლებ 1 (ერთი) წლის ვადით მიღება-ჩაბარების აქტების გაფორმებიდან.
1.7.2. საგარანტიო პერიოდის განმავლობაში რაიმე სახის ნაკლის, ხარვეზის, ქარხნული წუნის აღმოჩენის შემთხვევაში მიმწოდებელი ვალდებულია საკუთარი ხარჯებით (სატრანსპორტო საშუალებების ჩათვლით), შემსყიდველის მხრიდან დამატებითი დანახარჯების გაწევის გარეშე, სათანადო შეტყობინებიდან 10 (ათი) კალენდარული დღის განმავლობაში საქონელი შეაკეთოს/შეცვალოს ახლით.

2.1.1.1. პრეტენდენტმა ფასების ცხრილში უნდა მიუთითოს შემოთავაზებული საქონლის მწარმოებელი ქვეყანა, მწარმოებელი ან/და ბრენდი და მოდელი (არსებობის შემთხვევაში); იმ შემთხვევაში, თუ საქონელს მოდელი არ გააჩნია, ფასების ცხრილის მოდელის გრაფაში უნდა გაკეთდეს შესაბამისი მითითება ("არ გააჩნია"). მათი მიუთითებლობა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე.
2.1.1.2. ტექნიკური დოკუმენტაციის დაზუსტების საჭიროების შემთხვევაში, შემოთავაზებული საქონლის მწარმოებელი ქვეყნის, მწარმოებლის ან/და ბრენდის შეცვლა გამოიწვევს პრეტენდენტის დისკვალიფიკაციას.

2.2.1.1. პრეტენდენტს 2021 წლის 1 იანვრიდან წინამდებარე ტენდერისთვის "წინადადებების მიღება დამთავრებულია" სტატუსის მინიჭებამდე პერიოდში უნდა გააჩნდეს ფარდა-ჟალუზ(ებ)ის და დამცავი ბადეების მიწოდებისა და მონტაჟის გამოცდილება არანაკლებ 70 000 ლარის ოდენობით, რომლის დამადასტურებლად პრეტენდენტმა ელექტრონულ სისტემაში უნდა ატვირთოს გამოცდილების დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი.
2.2.1.2. იმ შემთხვევაში თუ პრეტენდენტის მიერ შესრულებული სამუშაოების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და შესყიდვისა და სამუშაოების შესრულების დამადასტურებელი დოკუმენტ(ებ)ი ატვირთულია სახელმწიფო შესყიდვების ერთიან ელექტრონულ სისტემაში, გამოცდილების დამადასტურებელი დოკუმენტაციის წარმოდგენა სავალდებულო არ არის. ასეთ შემთხვევაში საკმარისია სატენდერო განცხადების ან CMR ნომრების შესახებ ინფორმაციის წარმოდგენა. შესაბამის სატენდერო განცხადების ან CMR ნომრებს მინიჭებული უნდა ჰქონდეს სტატუსი "შესრულებული ხელშეკრულება" ან "მიმდინარე ხელშეკრულება - საგარანტიო პერიოდი".

2.9.1. შემოთავაზებული საქონლის ფასი უნდა შეიცავდეს მიმწოდებლის ყველა ხარჯს, მათ შორის ტრანსპორტირების ხარჯსა და საქართველოს კანონმდებლობით დადგენილ ყველა გადასახადს, დაკავშირებულს საქონლის მიწოდებასთან და შემსყიდველის საკუთრებაში გადაცემასთან.

2.9.2. შემოთავაზებული საქონლის საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარში.

2.9.3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები განისაზღვრება მრავალნიშნა ათწილადის სახით, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე (თეთრების სიზუსტით), შესაბამისად შეამციროს საერთო ღირებულებაც.

2.9.4. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

2.9.5. პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს ხელმძღვანელის ან უფლებამოსილი პირის მიერ (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

2.9.6. პრეტენდენტს არ აქვს უფლება წარმოადგინოს ალტერნატიული წინადადება.

2.9.8. შემსყიდველი უფლებამოსილია ხელშეკრულების გაფორმებიდან, საქონლის მიწოდების სრულად განხორციელებამდე, მოთხოვოს მიმწოდებელს შესყიდვის ობიექტის/მისი შემადგენელი ნაწილის მიწოდებასთან დაკავშირებული ინფორმაცია.

2.9.9. შემსყიდველი იტოვებს უფლებას, სრულად არ იქნეს ათვისებული შესყიდვის ობექტით გათვალისწინებული საქონელი. ფაქტიური საჭიროებიდან გამომდინარე, მხარეთა შეთანხმებით, შესაძლებელია საქონლის მიწოდების კონკრეტული ეტაპის დაწყებამდე, განხორციელდეს ცვლილებ(ები)ა შესყიდვის ობიექტით განსაზღვრული კონკრეტული საქონლის რაოდენობ(ებ)ის დაკორექტირების საფუძველზე.

2.9.10. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება შემოთავაზებული საქონლის მწარმოებელი ქვეყნით, მწარმოებლით ან/და ბრენდით).

შენიშვნა:
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით;
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება განხორციელდება უნაღდო ანგარიშსწორებით ლარში, ა(ა)იპ „თბილისის მუნიციპალური ლაბორატორია“-ს მიერ დადასტურებული ფაქტიურად მიწოდებული საქონლის, გამოყენებული მასალის ხელშეკრულების პირობებთან შესაბამისობის ამსახველი დოკუმენტაციის და შემსყიდველსა და მიმწოდებელს შორის გაფორმებული მიღება-ჩაბარების აქტის საფუძველზე;

ანგარიშსწორება განხორციელდება 7.2 პუნქტით განსაზღვრული დოკუმენტაციის წარმოდგენიდან არაუგვიანეს 10 (ათი) სამუშაო დღის ვადაში.

დავით მესხიშვილი, 577171188, d.meskhishvili@kids.org.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.
10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.
10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.
10.1.4. იმ შემთხვევაში, თუ პრეტენდენტს, სახელმწიფო შესყიდვების ერთიან ელექტრონულ სისტემაში, მისი მომხმარებლის პროფილში, მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია დანართი N4-ის შესაბამისად.