Инженерные услуги (Грузия - Тендер #52712486)

ისნის რაიონის ტერიტორიაზე, ბინათმესაკუთრეთა ამხანაგობების საერთო საკუთრებაში (წითელ ხაზებში) არსებული საცხოვრებელი სახლების ბრტყელი /ქანობიანი სახურავების, წყალსაწრეტი მილების და სართულშუა ნაპრალების სარეაბილიტაციო სამუშაოებზე დეფექტური აქტების, ხარჯთაღრიცხვების და ესკიზური ნახაზების მომზადება.

1. შემსყიდველის მიერ გაცემული წერილობითი დავალების საფუძველზე ობიექტზე გასვლა, აღმოჩენილი დეფექტების აღმოფხვრის მიზნით საჭირო ჩასატარებელი სამუშაოების მოცულობების დათვლა, დეფექტური აქტისა (სამუშაოთა მოცულობებისა და გამოსაყენებელი მასალების ზუსტი აღწერით) და შესაბამისი ხარჯთაღრიცხვის შედგენა (შემსყიდველის მიერ გადაცემული, შესაბამისი სამუშაოების ტენდერში გამარჯვებული კომპანიის მიერ დაფიქსირებული ერთეულის ფასების მიხედვით). საჭიროების შემთხვევაში, მიმწოდებელმა უნდა წარმოადგინოს შესაბამისი სქემატური ნახაზი და ობიექტის მდგომარეობის ამსახველი ფოტომასალა.
2. მიმწოდებელს შესყიდვის ობიექტის კონკრეტული მისამართ(ებ)ი, გასაწევი მომსახურება და ვადა გადაეცემა ეტაპობრივად, შემსყიდველის მიერ გაცემული წერილობითი დავალების საფუძველზე.
3. მომსახურების სპეციფიკიდან გამომდინარე შემსყიდველი არ იღებს ვალდებულებას მომსახურების გაწევის ვადაში ტექნიკური დავალებით გათვალისწინებული მომსახურების მოცულობების სრულად დაკვეთის შესახებ.
4. მომსახურების პროცესში მიმწოდებელმა უნდა იხელმძღვანელოს ქვეყანაში მოქმედი სამშენებლო ნორმებითა და აღიარებული სტანდარტებით;
5. მიმწოდებელი ვალდებულია, შემსყიდველის დავალების საფუძველზე, საჭიროების შემთხვევაში, უზრუნველყოს ერთდროულად არანაკლებ 15 ობიექტზე დეფექტური აქტებისა და შესაბამისი სქემატური ნახაზების შედგენა, რომლებიც წარმოდგენილი იქნეს არაუგვიანეს 10 სამუშაო დღეში;
6. დეფექტური აქტების შედგენის დროს, მიმწოდებელმა უნდა იხელმძღვანელოს შემსყიდველის მიერ გადაცემული, შესაბამისი სამუშაოების შესასრულებლად გაფორმებული ხელშეკრულებით გათვალისწინებული, სამუშაოების ჩამონათვალით.
7. შემსყიდველი უფლებამოსილია, აცნობოს მიმწოდებელს დეფექტურ აქტში რაიმე წუნის (ხარვეზის) აღმოჩენის შესახებ, ხოლო მიმწოდებელი ვალდებულია, შენიშვნ(ებ)ის გაცნობიდან არაუგვიანეს 3 (სამი) სამუშაო დღის ვადაში საკუთარი ხარჯებით აღმოფხვრას დეფექტურ აქტში აღმოჩენილი წუნი (ხარვეზი).
8. მიმწოდებელი ვალდებულია, განახორციელოს ზედამხედველობა და კონსულტაცია კონკრეტულ ობიექტზე სამუშაოების მიმდინარეობის მთელი პერიოდის განმავლობაში.
9. სამუშაოების მიმდინარეობისას გაუთვალისწინებელი გარემოების აღმოჩენის შემთხვევაში, მიმწოდებელი ვალდებულია, შემსყიდველის მიერ გაცემული წერილობითი დავალების საფუძველზე, შეიტანოს სათანადო ცვლილებები (კორექტირება) შესაბამის დეფექტურ აქტებში, დამატებითი დანახარჯების გარეშე.
10. მიმწოდებელი შემსყიდველს დეფექტური აქტები უნდა წარუდგინოს შესაბამისი დოკუმენტაცია ნაბეჭდი სახით (2 ეგზემპლარად).
11. მიმწოდებელს არ უნდა გააჩნდეს ინტერესთა კონფლიქტი შემსყიდველ და სამუშაოების განმახორციელებელ ორგანიზაციასთან.
12. გასაწევი მომსახურების ჩამონათვალი და რაოდენობა განსაზღვრულია სატენდერო დოკუმენტაციის დანართი N1-ში, რომელიც თან ერთვის სატენდერო დოკუმენტაციას.

მიწოდების ვადა - ეტაპობრივად, შემსყიდველის წერილობითი დავალების შესაბამისად, ხელშეკრულების გაფორმებიდან 2024 წლის 15 დეკემბრის ჩათვლით.

ისნის რაიონის გამგეობის ადმინისტრაციული შენობა, მის. ნავთლუღის ქუჩა #8-1

1. პრეტენდენტს 2021 წლის 1 იანვრიდან ტენდერის გამოცხადებამდე უნდა გააჩნდეს, ანალოგიური (ბრტყელი /ქანობიანი სახურავების, წყალსაწრეტი მილების და სართულშუა ნაპრალების სარეაბილიტაციო სამუშაოებზე დეფექტური აქტების, ხარჯთაღრიცხვებისა და ესკიზური ნახაზების შედგენა) მომსახურების მიწოდება, ჯამური ღირებულებით მინიმუმ შესყიდვის ობიექტის სავარაუდო ღორებულების 100%-ის ოდენობის. საკმარისია ერთი წელიც. პრედენდენტის მიერ წარმოდგენილ იქნას დამადასტურებელი დოკუმენტაცია-ხელშეკრულებ(ები)ა და ამ ხელშეკრულების საფუძველზე გაფორმებული: 1. მიღება-ჩაბარების აქტები; 2. ფორმა N2 (არსებობის შემთხვევაში) და 3. გადახდის დამადასტურებელი დოკუმენტი ან სხვა, რომლითაც გარკვევით დადასტურდება პრეტენდენტის მიერ შესრულებული სამუშაო.
2. იმ შემთხვევაში, თუ პრეტენდენტის მიერ ანალოგიური შესყიდვ(ები)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 1. პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2–ის შესაბამისად (სატენდერო განცხადების SPS/NAT/CMR . . . ნომრების მითითებით).

ინფორმაცია წარმოდგენილი უნდა იყოს დანართი N2-ის მიხედვით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტს არ მოსთხოვს ფასწარმოქმნის ადეკვატურობის დასაბუთებას, იმის გათვალისწინებით, რომ დეფექტური აქტების და ტექნიკური დავალებების შედგენის მომსახურება თავის მხრივ არ შეიცავს მნიშვნელოვან მატერიალურ დანახარჯებს (ძირითადია მიმწოდებლის ხელფასი და კომპანიის არამატერიალური დანახარჯები).

1. სატენდერო წინადადების ფასი წარმოდგენილი უნდა იქნას დღგ-ს გარეშე (იმის მიუხედავად არის თუ არა პრეტენდენტი დღგ-ს გადამხდელად რეგისტრირებული). გამარჯვებულთან ხელშეკრულების დადებისას, ხელშეკრულების ღირებულებაში დამატებით იქნება გათვალისწინებული დღგ-ს ოდენობა, თუ ხელშეკრულების დადების მომენტისათვის გამარჯვებული არის დღგ-ს გადამხდელად რეგისტრირებული საქართველოს კანონმდებლობის მოთხოვნათა შესაბამისად-თანახმად `ელექტრონული ტენდერის ჩატარების წესის 21-ე მუხლის მე-5 პუნქტისა;
2. ანგარიშსწორება მოხდება ეტაპობრივად, უნაღდო ანაგარიშსწორებით ლარებში, 2024 წლის ადგილობრივი ბიუჯეტის სახსრებით.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

გია ბულაშვილი, 577158615, g.bulashvili@tbilisi.gov.ge სატენდერო პროცედურებზე - ვაჟა ადამია 577 15 86 34,
ტექნიკურ საკითხებზე - ლევან კარიაული 599 52 00 69

10.1.1 პრეტენდენტის მიერ ელექტრონულ სისტემაში ატვირთული სატენდერო დოკუმენტაცია (გარდა Excel-ის ფორმატის ფაილისა) დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.3 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.4 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. ხარჯთაღრიცხვა დანართი N1–ის მიხედვით (ხარჯთაღრიცხვის წარმოუდგენლობა ან განუფასებელი ხარჯთაღრიცხვის წარმოდგენა ან წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ დანართი N2–ის შესაბამისად.