Различные коммерческие услуги и связанные с ними услуги (Грузия - Тендер #52712480)

Startup Gurjaani 2024
სტარტაპ გურჯაანი 2024

პროექტი განკუთვნილია 15-25 წლამდე ასაკის ახალგაზრდებისთვის.
პროექტის მიზანია ახალგაზრდებში მეწარმეობით დაინტერესება და შესაბამისი უნარ-ჩვევების გამომუშავება. საბოლოო მიზანს კი წარმოადგენს, ბიზნეს იდეების მიღება, რომელზეც პროექტის ფარგლებში მონაწილე გუნდები იმუშავებენ.
განსაზღვრული თემები: ენერგეტიკა, ეკოლოგია და მყარი ნარჩენების მართვა, სოფლის მეურნეობა

ჩატარების ადგილი: გურჯაანის მუნიციპალიტეტი.
რაოდენობა: 100

პროექტის განხორციელებისთვის საჭირო იქნება საკონფერენციო დარბაზი გურჯაანის მუნიციპალიტეტის ტერიტორიაზე, რომელიც მინიმუმ 100 ადამიანს დაიტევს თეატრალური წყობით.
დარბაზი აღჭურვილი უნდა იყოს:
• პროექტორით და შესაბამისი ეკრანით (მინიმუმ ფართობი: .8კვ.მ), რომელსაც ექნება გადამრთავი პულტი იგივე „კლიკერი“;
• გახმოვანების აპარატურით, რომელიც მოიცავს მინიმუმ 4 უსადენო მიკროფონს;
(საკონფერენციო დარბაზის და თითოეული ზემოთ ჩამოთვლილი კომპონენტის შერჩევა მოხდეს შემსყიდველთან შეთანხმებით,შემსყიდველს აქვს უფლება მოითხოვოს ყველა საჭირო დოკუმენტაცია);
ეტაპი I - დაინტერესებული პირების განაცხადების მიღება
პროექტში მონაწილეობის მსურველი ან მსურველთა ჯგუფი (მაქსიმუმ 3 წევრისგან დაკომპლექტებული) ვალდებულია დარეგისტრირდეს სპეციალურ ონლაინ სარეგისტრაციო ბმულის მეშვეობით (იხ: სარეგისტრაციო ბმული) მიმდინარე წლის მაისამდე. შემოსული აპლიკაციებიდან საუკეთესო 20 მონაწილე/გუნდი გადავა მეორე ეტაპზე. (აპლიკაციების შევსების ჯამური პერიოდი განსაზღვრულია 10 დღის ვადით, სარეგისტრაციო ბმულის გამოქვეყნებიდან), ხოლო სარეგისტრაციო ბმულის ვადის დასრულების შემდეგ, აპლიკანტების შესარჩევ კომისიას ექნება 3 სამუშაო დღე, მიღებული ინფორმაციის გადასამუშავებლად და მეორე ეტაპისთვის 20 საუკეთესო გუნდის შესარჩევად.
ეტაპი II – შერჩეული მონაწილეების მოსამზადებელი პერიოდი
მეორე ეტაპზე გადასული მონაწილეები გაივლიან მოსამზადებელ პერიოდს გამოცდილი ქოუჩების მენტორობით. მათ ექნებათ შესაძლებლობა უკვე გამოცდილ სტარტაპერებს შეხვდნენ და მიიღონ მათი გამოცდილების შესახებ ინფორმაცია, ისარგებლონ გურჯაანის ტექნოპარკის სამეწარმეო სივრცით და მონაწილეობა მიიღონ ვორკშოპებში.
მოსამზადებელი პერიოდი განაწილებულია 20 დღეზე და მოიცავს შემდეგ კომპონენტებს:
• სამ გამოცდილ სტარტაპერთან შეხვედრა - თითოეული სტარტაპერი უნდა იყოს პროექტის მიზნობრივი სფეროდან, ანუ 1 ენერგეტიკის სფეროს სტარტაპი, 1 ეკოლოგიის ან/და მყარი ნარჩენების მართვის და 1 სოფლის მეურნეობის სტარტაპი. თითოეულმა მათგანმა მინიმუმ 30 წუთის განმავლობაში უნდა ისაუბროს საკუთარ გამოცდილებაზე და მონაწილეებს რჩევები მისცეს როგორ გააკეთონ სტარტაპი და ასევე უპასუხონ მათ კითხვებს. პანელის შემდეგ კი ვორკშოპი ჩაატარონ და მის ფარგლებში იმუშაონ მონაწილეებმა, რომლის ფარგლებშიც სამეწარმეო უნარებს განივითარებენ. მათი გამოცდილება თითოეულის შემთხვევაში უნდა მოიცავდეს მინიმუმ 3 წელს 2021-დან პროექტის განხორციელების დღემდე.
დღის წესრიგი:
1. 12:00-13:00 სტარტაპერების რეგისტრაცია
2. 13:00-14:30 სტარტაპერების პანელი (3 სტარტაპერი)
3. 14:30-15:00 ვორკშოპისთვის დავალების გაცნობა
4. 15:00-16:00 ლანჩი
5. 16:00-18:00 ვორკშოპის მუშაობის უკუკავშირი სტარტაპერებისგან
ყავის და ლანჩის მენიუსთვის იხილეთ ექსელის ფაილი “Startup Gurjaani 2024“ პირველი sheet.
• ბიზნეს მოდელზე მუშაობა - ერთი სპიკერი, რომელსაც ექნება მინიმუმ ბოლო 5 წლიანი გამოცდილება ბიზნეს მოდელების შექმნისა და ქონსალთინგის სფეროში. სპიკერი ვალდებული იქნება, რომ მონაწილეებს სამუშაო პერიოდში ასწავლოს ბიზნეს მოდელზე მუშაობა მათი იდეების მიხედვით. დროში შეზღუდული არ არის, თუმცა მინიმუმ 4 ონლაინ (თითო სესია მინიმუმ 120წუთი) და 1 ოფლაინ (მტელი დღის განმავლობაში) შეხვედრა უნდა ჩაატაროს.
ონლაინ შეხვედრების გარდა უნდა ჩატარდეს ოფლაინ შეხვედრაც, რომლის დღის წესრიგი ასე გამოიყურება:
1. 12:00-13:00 მონაწილეთა რეგისტრაცია და ყავა
2. 13:00-15:00 გუნდების მუშაობა მათი იდეების ბიზნეს მოდელებზე
3. 15:00-16:00 ლანჩი
4. 16:00-18:00 გუნდების მუშაობის დასრულება და მენტორის უკუკავშირი
ყავის და ლანჩის მენიუსთვის იხილეთ ექსელის ფაილი “Startup Gurjaani 2024“ მეორე sheet.
• პრეზენტაციის უნარებზე მუშაობა - 1 მენტორი
• ინვესტორების მოზიდვაზე მუშაობა - 1 მენტორი
აღნიშნულ ორ მენტორთან შეხვედრა გაიმართება 1 დღის განმავლობაში. თითოეული მენტორის გამოცდილება უნდა მოიცავდეს მინიმუმ ბოლო 5 წელს შესაბამის სფეროში. პრეზენტაციის უნარებზე მუშაობის სესიის მენტორს უნდა ჰქონდეს საჯარო გამოსვლების მინიმუმ ბოლო 5 წლიანი გამოცდილება დიდი აუდიტორიის წინაშე (მინიმუმ 300 ადამიანი), ხოლო ინვესტორების მოზიდვის სესიის მენტორს უნდა ჰქონდეს გრანტებზე მუშაობის ან ინვესტორებთან მუშაობის მინიმუმ ბოლო 5 წლიანი გამოცდილება.
ყავის და ლანჩის მენიუსთვის იხილეთ ექსელის ფაილი “Startup Gurjaani 2024“ მესამე sheet.
შენიშვნა: თითოეულ შემთხვევაში პრეტენდენტი ვალდებულია წარმოადგინოს რამდენიმე (მინიმუმ 3) ვარიანტი, იმისთვის რომ მოხდეს შერჩევა, ხოლო შერჩეული კანდიდტებმა უნდა წამროადგინონ თავისი გამოცდილებისა და ცოდნის შესაბამისი მოთხოვნილი დოკუმენტაცია.
ეტაპი III – მონაწილე გუნდების პრეზენტაციის სახით იდეების მოსმენა
მესამე ეტაპის ფარგლებში მოხდება მონაწილეების იდეების მოსმენა, რომელსაც შეაფასებს 3 წევრიანი ჟიური ქულათა სისტემის საშუალებით. ჟიურის თითოეული წევრი უნდა იყოს პროექტთან დაკავშირებული რელევანტური პროფესიის მქონე. ჟიურის თავმჯდომარე ვალდებულია შექმნას ოქმები, სადაც აღრიცხული იქნება თითოეული მონაწილის შეფასება და დამოწმებული იქნება სამივე ჟიურის ხელმოწერით. გამარჯვებული გამოვლენა მოხდება ქულათა ჯამური უპირატესობის მიხედვით.
დაჯილდოება
პროექტის ფარგლებში გამოვლინდება საუკეთესო 3 იდეა (თითო-თითო მიმართულებიდან), რომელსაც გადაეცემათ ფულადი ჯილდოები თითოეულს 3000 ლარის ოდენობით. გადასახადების გარეშე ( გამარჯვებულის გამოვლენიდან 3 სამუშაო დღეში პრეტენდენტმა უნდა წარმოადგინოს ფულადი ჯილდოს გამარჯვებულებისთვის ჩარიცხვის დამადასტურებელი დოკუმენტი)
დაჯილდოების დღეს შესაძლებელია ესწრებოდნენ ბიზნეს სექტორის წარმომადგენლები, რომლებსაც ექნებათ შესაძლებლობა გამოხატონ მხარდაჭერა მათ მიერ მოწონებული გუნდის მიმართ.

საჭიროებები: იხილეთ ექსელის ფაილი “Startup Gurjaani 2024“ მარკეტინგული მასალა და საჭიროებები sheet.
• ჟიურის 3 წევრი - თითოეული მათგანი უნდა იყოს მენეჯმენტის, სტარტაპის (ენერგეტიკა/ეკოლოგია/სოფლის მეურნეობა) ან/და მარკეტინგის სფეროში
• ფოტოგრაფის მომსახურება - ფოტო გადაღება უნდა განხორცილედეს სრული ღონისძიების დასრულებამდე. გადაღებული ფოტოები სრულად უნდა იქნეს მოწოდებული პროექტის დასრულებიდან 10 კალენდარული დღის ვადაში , მათ შორის უნდა იყოს მინიმუმ 20 დამუშავებული ფოტო; (პრეტენდენტმა სამი სავარაუდო ფოტოგრაფის პორტფოლიო უნდა მოგვაწოდოს, რომელსაც მინიმუმ 5 წლიანი გამოცდილება ექნება პროფესიონალურ დონეზე და ამასთანავე ექნება პროფესიონალური ფოტო აპარატი არანაკლებ 30 მეგაპიქსელი, რეზოლუცია:(6720 x4480), ლინზები 15-25მმ ფართე კუთხის და პორტრეტის 50-80მმ-მდე. კამეარის განათება მინიმუმ 100 ვატი. აღნიშნულით აპარატით უნდა მოახდენოს ფოტოების გადაღებას);
• ვიდეოგრაფის მომსახურება - ვიდეო გადაღება უნდა მოხდეს სრული დღის განმავლობაში და დამზადდეს კლიპი, რომლის ხანგრძლივობაც მაქსიმუმ იქნება 3წთ (ვიდეო უნდა მოიცავდეს კომენტარებს ღონისძიების მიმდინარეობიდან, ასევე ჰქონდეს ტიტრები როცა ქართულად ილაპარაკებენ ინგლისურენოვანი თარგმანით და როცა ინგლისურად ილაპარაკებენ შესაბამისი ქართულენოვანი თარგმანით, გაფორმებული უნდა იყოს დინამიური მუსიკალური ფონით), გარდა ამისა ვიდეოგრაფმა უნდა მოგვაწოდოს მოკლე თითო-თითო წუთიანი ვიდეო რგოლი (ე.წ რილსი) ფორუმიდან (ჯამში 5 ცალი), რომლის კადრებიც არ უნდა მოიცავდეს კლიპის კადრებს. 1 წუთიანები ღონისძიებიდან 3 კალენდარულ დღეში უნდა ჩაბარდეს შემსყიდველს, ხოლო კლიპი ღონისძიების დასრულებიდან 10 კალენდარულ დღეში; ვიდეოს გადაღება უნდა განხორციელდეს როგორც ვიდეო კამერით ასევე დრონით HD ფორმატით; შემსყიდველთან შეთანხმებით. ვიდეოგრაფმა უნდა ჩაწეროს ფორუმის ყველა სპიკერი თავისი გამოსვლის შემდეგ 30 წამის ფარგლებში.
• ბრენდირებული 40 ფურცლიანი ზამბარიანი რვეული ზომა: 21სმ*14სმ (დიზაინი შემსყიდველთან შეთანხმებით) რჩება შემსყიდველთან - 100ც.
• ბრენდირებული საწერი კალამი (დიზაინი შემსყიდველთან შეთანხმებით) რჩება შემსყიდველთან - 100 ც.
• ბრენდირებული პლასტიკური ბეიჯი ფერადი საკიდით. ზომა: 12სმ*10სმ - (დიზაინი შემსყიდველთან შეთანხმებით) რჩება შემსყიდველთან - 100 ც.
• ბრენდირებული ტილოს ჩანთა, მხარზე საკიდით. ჩანთის ზომა:35 სმ*30სმ; საკიდის ზომა: 60სმ (დიზაინი შემსყიდველთან შეთანხმებით) რჩება შემსყიდველთან - 100 ც.
• მეტალის ლოგო პინები (დიზაინი შემსყიდველთან შეთანხმებით) რჩება შემსყიდველთან - 100ც
• ბანერი (სადგამი მილკვადრატის კონსტრუქციით ) ზომა: სიმაღლე 3მ*სიგრძე 4მ (დიზაინი შემსყიდველთან შეთანხმებით) რჩება შემსყიდველთან- 1ც.
• ბრენდირებული მაისურები (დიზაინი შემსყიდველთან შეთანხმებით) რჩება შემსყიდველთან - M ზომა 40ც და L ზომა 40ც
• მონაწილეთა სერტიფიკატი მასალა: A4 ფორმატი (დიზაინი შემსყიდველთან შეთანხმებით) - 80ც (სხვადასხვა წარწერით და დიზაინით მათ შორის ნაწილი განკუთვნილი იქნება გამარჯვებული მონაწილეებისთვის). 70 ცალი ცარცი - 10 ცალი ტილო
• A4 ზომის ჩარჩოები შუშით და მეტალის კარკასით (შემსყიდველთან შეთანხმებით) – 10 ცალი
• PVC ზომით 60სმ*30სმ (დიზაინი შემსყიდველთან შეთანხმებით) – 3 ცალი
• ბრენდირებული (ცალმხრივი) გარე დამტენი ალუმინის ბლოკი, მინიმუმ 4000 მილიამპერ საათით, ზომა მინიმუმ 120მმ*70მმ (ფერები და დიზაინი შემსყიდველტან შეთანხმებით) - 10 ცალი
• ბლოკნოტი ტყავის საფარით და კალენდარული ფურცლით, სანიშნით და რეზინის დამჭერით. ზომა: A5 - 10 ცალი (ფერი და დიზაინი შემსყიდველთან შეთანხმებით)
• წებოვანი პატარა ქაღალდი - 15 შეკვრა;
• კალამი - 10 შეკვრა;
• A4ფორმატის ფურცელი -1 ყუთი;
• ფერადი მარკერები -50ც;
• ქაღალდის წებო - 15ც;
• დიდი ზომის კლიპსი (19მმ) -100ც;
• გამჭვირვალე წებოვანი ლენტი (19მმ) - 20ც;

ყავის და ლანჩის მენიუსთვის იხილეთ ექსელის ფაილი “Startup Gurjaani 2024“ მეოთხე sheet.

მომსახურება უნდა განხორციელდეს ხელშეკრულების დადებიდან სამი თვის განმავლობაში
შემსყიდველთან შეთანხმებით.

გურჯაანის მუნიციპალიტეტის ტერიტორია.

• პრეტენდენტს 2022 წლის 1 იანვრიდან ტენდერის გამოცხადების დღემდე უნდა გააჩნდეს ახალგაზრდული ღონისძიებების ორგანიზების ჯამურად 200 000 ლარის ღირებულების მომსახურეობის გამოცდილება.
• გამოცდილების დადასტურების მიზნით საჭიროა წარმოადგინოს საანგარიშო პერიოდში მხარეთა მიერ ხელმოწერილი ხელშეკრულებები და მიღება-ჩაბარების აქტები.
პრეტენდენტი ვალდებულია ღონისძიების თარიღამდე 20 სამუშაო დღით ადრე შემსყიდველს მიაწოდის ყველა ბრენდირებული მასალა.
შენიშვნა:
მეტენდერემ ჟიურის წევრებთან, სპიკერებთან, ფოტოგრაფთან და ვიდეოგრაფთან და ა.შ ყველა მომსახურებისა თუ შესყიდვის სუბიექტთან გაფორმებული ხელმოწერილი ხელშეკრულება შემსყიდველთან უნდა წარმოადგინოს ღონისძიების ჩატარებამდე მინიმუმ 20 სამუშაო დღით ადრე.

1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესაბამისი ტენდერის შესყიდვის ობიექტის სავარაუდო ღირებულებაზე (სახელმწიფო შესყიდვების სააგენტოს თავმჯდომარის 2017 წლის 14 ივნისის N12ბრძანების მე-18 მუხლის მე-5 და მე-7 პუნქტის გათვალისწინებით), პრეტენდენტი ვალდებულია ფასწარმოქმნის ადეკვატურობა დაასაბუთოს აკრედიტირებული, ან ლიცენზირებული პირის მიერ გაცემული დასკვნით. (საექსპერტო მომსახურების ხარჯებს დაფარავს პრეტენდენტი).
2. პრეტენდენტის მიერ წარმოდგენილი დასკვნა დაზუსტებას არ ექვემდებარება.
3. აკრედიტებული, ან ლიცენზირებული პირის მიერ გაცემული დასკვნის წარმოდგენის შემთხვევაში პრეტენდენტს დაუდგება ვალდებულება დასკვნასთან ერთად დამატებით წარმოადგინოს დასკვნის გამცემი აკრედიტირებული პირის შესაბამისი აკრედიტაციის მოწმობა, ან ლიცენზია.
4. დასკვნის წარმოუდგენლობა ან/და უარყოფითი დასკვნის (შეუსაბამობა სატენდერო განცხადებასთან, სატენდერო დოკუმენტაციასთან ან/და სისტემის მეშვეობით პრეტენდენტის მიერ წარმოდგენილ ტექნიკურ/დაზუსტებულ ტექნიკურ დოკუმენტაციასთან) წარმოდგენა გამოიწვვევს პრეტენდენტის დისკვალიფიკაციას.

ანგარიშსწორება მიმწოდებელთან განხორციელდება ლარში, მიმწოდებლის საბანკო რეკვიზიტებზე, უნაღდო ანგარიშსწორების ფორმით, დადასტურებული მიღება-ჩაბარების აქტის, შესაბამისი ფინანსური დოკუმენტაციის საფუძველზე.

ანგარიშსწორება მიმწოდებელთან განხორციელდება ლარში, მიმწოდებლის საბანკო რეკვიზიტებზე, უნაღდო ანგარიშსწორების ფორმით,ეტაპობრივად, მიღება-ჩაბარების აქტის, შესაბამისი ფინანსური დოკუმენტაციის საფუძველზე, მათი გაფორმებიდან 10 სამუშაო დღის ვადაში.

ცინარი გაბიტაშვილი, 597020188, Gabitashvilitsinari@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით, გარდა დღგ-სა.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ფასების ცხრილის განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. ამხანაგობის შემთხვევაში პრეტენდენტმა უნდა წარმოადგინოს ინფორმაცია სახელმწიფო შესყიდვის შესახებ ხელშეკრულების ფარგლებში შესასრულებელი ვალდებულებების განაწილების შესახებ დანართი #4_ის შესაბამისად.
9. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.