Продукты мукомольной промышленности, крахмал и крахмалопродукты (Грузия - Тендер #52712464)

ერედვის მუნიციპალიტეტის გამგეობის მიერ გორის, კასპის, მცხეთის, დუშეთის, თეთრიწყაროს, გარდაბნისა და მარნეულის მუნიციპალიტეტის ტერიტორიაზე დევნილთა დასახლებაში მცხოვრები ოჯახებისათვის გადასაცემი 34375კგ. პირველი კატეგორიის ხორბლის ფქვილი.

1.2.1 მიმწოდებელმა უნდა განახორციელოს საქონლის ტრანსპორტირება დანართი N2-ში მითითებულ დასახლებულ პუნქტებში და უზრუნველყოს საქონლის გადმოტვირთვა და დასაწყოება.

1.2.2 საქონლის მიწოდება უნდა განხორციელდეს შემსყიდველისა და მიწოდებლის მიერ წინასწარ შეთანხმებული კალენდარული გეგმა-გრაფიკის შესაბამისად.

1.2.3 მოწოდებული პირველი კატეგორიის ხორბლის ფქვილის ტექნიკური მახასიათებლები:

• პირველი ხარისხის;
• წებოვნება (წებოგვარა) წარმოდგენილი ჰიდრატირებული კომპლექსის სახით, მისი რაოდენობა არანაკლებ 28%-სა;
• სინესტე არუმეტეს 15%-სა;
• ნაცრიანობა მშრალ ნივთიერებაზე გაანგარიშებით არაუმეტეს 0.75%-ისა;
• თეთრი ან მოყვითალო შეფერილობის;
• მინარევებისა და უცხო სხეულების გარეშე;
• ობისა და სინესტის/სისველის გარეშე;
• სასიამოვნო, პროდუქტისთვის დამახასიათებელი სუნის მქონე, არ უნდა დაჰკრავდეს მძაღე, მჟავე ობის, ლპობის სუნი ან გემო;
• მიწოდებული საქონლის დარჩენილი ვარგისიანობის ვადა უნდა იყოს არანაკლებ 6 თვე;
• შეფუთვა მთლიანობის დაღვევის გარეშე, დაფასოება 25კგ-იან ტომრებში, ეტიკეტი უნდა იყოს ნაბეჭდი ტომარაზე ან/და მიკერებული ძაფით, მინიშნებული უნდა იყოს დამზადებისა და ვარგისიანობის ვადა;

სურსათი უნდა აკმაყოფილებდეს საქართველოს კანონმდებლობით დადგენილ მოთხოვნებს მათ შორის:
სურსათის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს და მოქმედ სტანდარტებს.

დაფასოებული უნდა იყოს ქარხნული წესით და სათანადოდ ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად.

სურსათი ორგანოლეპტიკური, მიკრობიოლოგიური, ქიმიური და სანიტარულ-ჰიგიენური მაჩვენებლებით უნდა შეესაბამებოდეს საქართველოში მოქმედი სურსათის უვნებლობისა და სანიტარულ-ჰიგიენურ მოთხოვნებს.

უნდა აკმაყოფილებდეს საქართველოს მთავრობის 2015 წლის 27 ივლისის N376 დადგენილებით დამტკიცებული „ხორბლის ფქვილის შესახებ“ ტექნიკური რეგლამენტით განსაზღვრულ მოთხოვნებს.

უნდა აკმაყოფილებდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ (დამტკიცებულია საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანებით) განსაზღვრულ სანიტარულ მოთხოვნებს საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში – საკვები პროდუქციის მიმოქცევისას).

უნდა აკმაყოფილებდეს საქართველოს მთავრობის 2014 წლის 15 იანვრის N72 დადგენილებით დამტკიცებული ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს სურსათს და უვნებელია ადამიანის ჯანმრთელობისათვის.

უნდა აკმაყოფილებდეს საქართველოს მთავრობის 2015 წლის 9 ნოემბრის №567 დადგენილებით დამტკიცებული „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ“ ტექნიკური რეგლამენტით განსაზღვრულ ნორმებს.

უნდა აკმაყოფილებდეს საქართველოს მთავრობის 2010 წლის 25 ივნისის N173 დადგენილებით დამტკიცებული ,,სურსათის/ცხოველის საკვების ჰიგიენის ზოგადი წესისა“ და ,,სურსათის/ცხოველის საკვები ჰიგიენის გამარტივებული წესის“ შესახებ ტექნიკური რეგლამენტით დადგენილ მოთხოვნებს, სურსათის/ცხოველის საკვების წარმოების მათ შორის პირველადი წარმოების, გადამუშავებისა და დისტრიბუციის ყველა ეტაპზე.

საქონლის მიწოდება უნდა განხორციელდებს ხელშეკრულების გაფორმებიდან არაუგვიანეს 10 (ათი) კალენდარული დღის განმავლობაში

შესყიდვის ობიექტის მიწოდების ადგილი და რაოდენობა განისაზღვრება სატენდერო დოკუმენტაციის დანართი N2-ის შესაბამისად

2.1.1.1 პრეტენდენტმა ფასების ცხრილში (დანართი N1) უნდა მიუთითოს შესყიდვის ობიექტის წარმოშობის ქვეყანა და მწარმოებელი.
2.1.2.1 იმ შემთხვევაში, თუ პრეტენდენტი არ მიუთითებს მწარმოებელ ქვეყანასა და მწარმოებელს, პრეტენდენტი დაზუსტების გარეშე დაექვემდებარება დისკვალიფიკაციას.

ტენდერში მონაწილე პრეტენდენტს 2022 წლის 01 იანვრიდან 2024 წლის 2 აპრილამდე საანგარიშო პერიოდში უნდა გააჩნდეს არანაკლებ 385 000 (სამას ოთხმოცდახუთი ათასი) ლარის ღირებულების ადამიანისათვის საკვებად ვარგისი პროდუქტების მიწოდების გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს პროდუქციის მიწოდების დამადასტურებელი დოკუმენტები:
ა) ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი ან/და
ბ) სახელმწიფო შესყიდვების ერთიანი ელექტრონული სისტემის მონაცემები, კერძოდ: SPA, NAT ან/და CMR ნომრები ან/და
გ) სასაქონლო ზედნადები ან საგადასახადო ანგარიშფაქტურა(დადასტურებული).
დ) კერძო კომპანიების დაკვეთით პროდუქტების მიწოდების შემთხვევაში, დამატებით სასაქონლო ზედნადებები ან საგადასახადო ანგარიშფაქტურები(დადასტურებული).

(1) პროდუქტის მიწოდება ხორციელდება მხარეთა შორის შეთანხმებული გრაფიკის შესაბამისად.
(2) მიმწოდებელმა ხელშეკრულების გაფორმებიდან 2(ორი) სამუშაო დღის განმავლობაში შემსყიდველთან უნდა შეათანხმოს საქონლის მოწოდების ვადები, რომელიც არ უნდა აღემატებოდეს სატენდერო პირობებით განსაზღვრულ ვადას (ხელშეკრულების გაფორმებიდან 10 კალენდარული დღე).
(3) მიწოდების მიმდინარეობისას, შემსყიდველთან შეთანხმებით შესაძლებელია შეიცვალოს (დაზუსტდეს) გრაფიკით განსაზღვრული მიწოდების ეტაპების განხორციელების თანმიმდევრობა.

2.7.1.1. პრეტენდენტი და ასევე, მისაწოდებელი პროდუქტის მწარმოებელი რეგისტრირებული უნდა იყოს ეკონომიკურ საქმიანობათა რეესტრში ან განაცხადი უნდა ჰქონდეს გაკეთებული აღნიშნულ რეესტრში რეგისტრაციის ან/და რეგისტრაციის ვადის გაგრძელების მიზნით, საქართველოს კანონმდებლობით დადგენილი წესით, სადაც „გამოყენებული ეკონომიკური საქმიანობის სახეების ცნობარ“-ში/საქმიანობის აღწერაში მითითებული იქნება საკვებ პროდუქტებთან დაკავშირებული საქმიანობის სახე/სახეები. პრეტენდენტმა უნდა წარმოადგინოს ამონაწერი ეკონომიკურ საქმიანობათა რეესტრიდან ან განაცხადი, რეესტრში რეგისტრაციის ან/და რეგისტრაციის ვადის გაგრძელების თაობაზე.
2.7.1.1.1. თუ შემოთავაზებული პროდუქტი იმპორტირებულია მაშინ 2.7.1.1. პუნქტის მოთხოვნები არ ვრცელდება მისაწოდებელი პროდუქტის მწარმოებელზე.

2.7.1.2 იმპორტირებული პროდუქტის მოწოდების შემთხვევაში მიმწოდებელი ვალდებულია მიწოდების ეტაპზე, ყოველ მოწოდებულ პარტიასთან ერთად წარმოადგინოს საქონლის წარმოშობისა და ხარისხის დამადასტურებელი დოკუმენტი ან/და შესაბამისობის სერტიფიკატი, ხოლო ადგილობრივი წარმოების შემთხვევაში მხოლოდ ხარისხის დამადასტურებელი დოკუმენტი ან/და შესაბამისობის სერტიფიკატი.

2.9.1. მისაწოდებელი საქონელი უნდა იყოს შეფუთულ ან დაფასოებულ მდგომარეობაში, რომელიც უნდა უზრუნველყოფდეს საქონლის ხარისხისა და უსაფრთხოების შენარჩუნებას.
2.9.2. მიწოდების ყოველ ეტაპზე, შემსყიდველი უფლებამოსილია განახორციელოს ტექნიკური ან/და ხარისხის, ვადების და მოცულობის კონტროლი ან/და გამოცადოს ან/და შეამოწმოს შესყიდვის ობიექტი, რათა დარწმუნდეს მათ შესაბამისობაში, დადგენილ პირობებთან.
2.9.3. ტენდერში გამარჯვებული ვალდებულია საკუთრი ხარჯებით უზრუნველყოს შემსყიდველი კონტროლის ჩატარებისათვის საჭირო ტექნიკური საშუალებებით, მათ შორის ელექტრო სასწორითა და სხვა სამუშაო პირობებით. შესყიდვის ობიექტის ან მისი ნაწილის (ეტაპი) მიღება და საბოლოო შემოწმება მოხდება მიწოდების ადგილზე.
2.9.4 იმ შემთხვევაში, თუ მიწოდების ყველა ეტაპზე, მიწოდებული საქონელი აღმოაჩნდება ხელშეკრულებების პირობებთან ან/და ხარისხისა და ჯანმრთელობის უსაფრთხოების მაჩვენებლებთან შეუსაბამო, წუნით/ნაკლით/ხარვეზით, ტენდერში გამარჯვებული ვალდებულია დაუყოვნებლივ განახორციელოს წუნდებული შესყიდვის ობიექტის შეცვლა, ახალი შესაბამისი ხარისხის მქონე შესყიდვის ობიექტით, შემსყიდველის მხრიდან რაიმე დამატებითი დანახარჯის გაწევის გარეშე.
2.9.5 შემსყიდველი უფლებამოსილია ხელშეკრულების გაფორმების შემდეგ საკუთარი შეხედულებისამებრ საქონლის ნებისმიერი პარტიის მიწოდებისას მიმწოდებლის თანდასწრებით დამატებითი კვლევისათვის მოახდინოს ნიმუშის აღება-დალუქვა და შესაბამის კომპეტენტურ ორგანოში ლაბორატორიული კვლევისათვის გადაგზავნა. უარყოფითი დასკვნისა და გამოვლენილი დარღვევების შემთხვევაში უარი განაცხადოს მისი და ასევე დარჩენილი (მიუწოდებელი) ნაწილის მიღებაზე და არ აანაზღაუროს მიწოდებული საქონლის ღირებულება, ხოლო მიმწოდებელებს დააკისროს პირგასამტეხლო და ყველა ხარჯის ანაზღაურება, რომელიც გამოწვეული იქნება წუნდებული და საკვებად უვარგისი საქონლის მიწოდებისაგან.
2.9.6 სატენდერო წინადადების ღირებულება, შესყიდვის ობიექტის ღირებულების გარდა წარმოდგენილი უნდა იყოს საქართველოს კანონმდებლობით დადგენილი ყველა გადასახადის, მიწოდების ადგილამდე ტრანსპორტირებისა და სხვა ხარჯის გათვალისწინებით.

(1) იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
(2) პრეტენდენტმა აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.

ანგარიშსწორება განხორციელდება ერთჯერადად, უნაღდო ანგარიშსწორებით, ეროვნულ ვალუტაში – ლარში. მხარეთა შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადებისა და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.

მიღება-ჩაბარების აქტის გაფორმებიდან არაუგვიანეს 10(ათი) სამუშაო დღის ვადაში

კვიჟინაძე ვალერიანი, 599083222, eredvisafinanso@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი;
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები(გარდა Excel-ის ფორმატის ფაილისა) და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრედენდენტს არა აქვს უფლება წარმოადგინოს ალტერნატიული სატენდერო წინადადება.
6. შესყიდვაში მონაწილე პირებმა (პრეტენდენტებმა) უნდა ელექტრონული სისტემის საშუალებით უნდა წარმოადგინონ შემდეგი ტექნიკური ინფორმაცია/დოკუმენტები:
ხარჯთაღრიცხვა დანართი N1-ის მიხედვით („PDF“-ის ფორმატის სახით).
სატენდერო დოკუმენტაციის 2.2.1 პუნქტით გათვალისწინებული საკვები პროდუქტების მიწოდების დამადასტურებელი დოკუმენტები.
ამონაწერი ეკონომიკურ საქმიანობათა რეესტრიდან.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე):
7.1. თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად.
7.2 თუ პრეტენდენტის მიერ ფასების ცხრილში არ იქნება მითითებული შემოთავაზებული საქონლის წარმოშობის ქვეყნის და მწარმოებლის შესახებ ინფორმაცია. მითითებული ინფორმაციის წარმოუდგენლობა ან შემდგომში შეცვლა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე.