Ремонт и техническое обслуживание медицинского и высокоточного оборудования (Грузия - Тендер #52563105)

ელ.ენერგიის სამფაზა მრავალფუნქციური 0,2 და 0,5 კლასის მრიცხველების დამოწმების მომსახურება

ტექნიკური პირობა:

1. ელ.ენერგიის სამფაზა მრავალფუნქციური 0,5 კლასის მრიცხველის დამოწმება - 55 ცალი;
2. ელ.ენერგიის სამფაზა მრავალფუნქციური 0,2 კლასის მრიცხველის დამოწმება - 20 ცალი.

** "პრეტენდენტმა" თითოეულ დამოწმებულ მრიცხველზე უნდა გასცეს დამოწმების დამადასტურებელი მოწმობა;

მომსახურების გაწევის ვადაა:

ეტაპობრივად, ხელშეკრულების გაფორმებიდან 24(ოცდაოთხი) თვის განმავლობაში, "შემსყიდველის" მიერ მრიცხველების "მიმწოდებლის" ტერიტორიაზე მიტანიდან (ყოველ ჯერზე არაუმეტეს 30 ცალი მრიცხველი) არაუგვიანეს 5(ხუთი) სამუშაო დღე.

1.მომსახურების გაწევის ადგილია "მიმწოდებლის ტერიტორია".

2.მრიცხველების "მიმწოდებლის" მისამართზე მიტანა და უკან დაბრუნება "შემსყიდველის"ვალდებულებას წარმოადგენს.

(!)


„პრეტენდენტს" უნდა ჰქონდეს ანალოგიური მომსახურების (მრიცხველის დამოწმების) გაწევის გამოცდილება, რაზედაც „პრეტენდენტის“ მიერ სატენდერო წინადადებით წარმოდგენილი(ატვირთული) უნდა იქნას უკანასკნელი 5(ხუთი) წლის განმავლობაში აღნიშნულის დამადასტურებელი ინფორმაცია/დოკუმენტაცია, კერძოდ: ხელშეკრულებები სათანადო მიღება-ჩაბარების ან/და შუალედური მიღება- ჩაბარების აქტებით ან/და მათი შესრულების დამადასტურებელი სხვა დოკუმენტით ან/და საქართველოს სახელმწიფო შესყიდვების ერთიანი ელექტრონული სისტემის ტენდერის/CMR ნომრები, სადაც შესაძლებელი იქნება მოთხოვნილი დოკუმენტაციის გადამოწმება და დადასტურდება აღნიშნული გამოცდილება.

(!)

"პრეტენდენტს" უნდა გააჩნდეს სამფაზა მრავალფუნქციური მრიცხველების დამოწმების უფლების დამადასტურებელი დოკუმენტი (მოწმობა/სერტიფიკატი),რაზედაც პრეტენდენტის მიერ სატენდერო წინადადებით წარმოდგენილი (ატვირთული) უნდა იქნეს შესაბამისი დოკუმენტი.

(!)

"პრეტენდენტმა" სატენდერო წინადადებით უნდა წარმოადგინოს(ატვირთოს):

1. მომსახურების გაწევის კონკრეტული ადგილი (მისამართი).

2. სატენდერო დოკუმენტაციის კითხვარის 1.3 ველში მოცემული სრულად შევსებული "ფასების ცხრილი".

ფასწარმოქმნის ადეკვატურობის მოთხოვნასთან დაკავშირებით კომისია ყურადღებას ამახვილებს შემდეგ ფაქტობრივ გარემოებაზე:

- „თავისუფალი ვაჭრობისა და კონკურენციის შესახებ“ საქართველოს კანონის უმთავრესი მიზანია საქართველოში თავისუფალი ვაჭრობისა და კონკურენციისათვის ბარიერების მოხსნა. დღეის მდგომარეობით, ეკონომიკური აგენტები თავისუფალნი არიან საქონლის/მომსახურების/სამუშაოს ფასწარმოქმნის ჯაჭვის ფორმირებისას. ვინაიდან მოქმედი სამართლებრივი აქტებით არ არის განსაზღვრული/რეგულირებული შესაბამისი კრიტერიუმები, თუ რა საფუძვლით უნდა განხორციელდეს ფასის ფორმირება, მიგვაჩნია, რომ ფასწარმოქმნის ადეკვატურობის დასაბუთების შეფასება ობიექტურ კრიტერიუმებზე დაყრდნობით შეუძლებელია.
- კომისიას მიაჩნია, რომ კონკურენტუნარიანი ბაზრის განვითარებისთვის, მინიმუმამდე უნდა იქნეს დაყვანილი ადმინისტრაციული ბარიერები. ამასთან, ეკონომიკური აგენტებისათვის კონკურენციის არამართლზომიერი შეზღუდვის დაწესება დაუშვებელია.

ყოველივე ზემოაღნიშნულიდან გამომდინარე, დისკრეციული უფლებამოსილების ფარგლებში, სატენდერო კომისია მიიჩნევს, რომ ელ.ენერგიის სამფაზა მრავალფუნქციური 0,2 და 0,5 კლასის მრიცხველების დამოწმების მომსახურების ამ კონკრეტულ შესყიდვაში არ გამოიყენოს ფასწარმოქმნის ადეკვატურობის დასაბუთება სსიპ სახელმწიფო შესყიდვების სააგენტოს თავმჯდომარის 2017 წლის 14 ივნისის N12-ე ბრძანების „ელექტრონული ტენდერის ჩატარების წესის დამტკიცების შესახებ“ მე-18 მუხლის მე-5 პუნქტის საფუძველზე.

ანგარიშსწორება განხორციელდება ეტაპობრივად, ფაქტიურად გაწეულ მომსახურებაზე გაფორმებული მიღება-ჩაბარების აქტის და სათანადო დოკუმენტაციის (თუ "მიმწოდებელი" არის დღგ–ს გადამხდელი საგადასახადო ანგარიშფაქტურის) საფუძველზე, უნაღდო ანგარიშსწორების ფორმით ლარში.

ანგარიშსწორება განხორციელდება ეტაპობრივად, ფაქტიურად გაწეულ მომსახურებაზე მიღება ჩაბარების აქტის გაფორმებიდან და სათანადო დოკუმენტაციის (თუ "მიმწოდებელი" კომპანია არის დღგ–ს გადამხდელი საგადასახადო ანგარიშფაქტურის) წარმოდგენიდან 8 (რვა) სამუშაო დღის ვადაში.

მაია ხაბეიშვილი, 577240458, maia.khabeishvili@gse.com.ge

1. ალტერნატიული სატენდერო წინადადება არ მიიღება;

2. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;

3. სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

4.სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

5. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. ,,დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე" (დამოწმებული ნოტარიულად ან აპოსტილით)... უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;

6. თუ სატენდერო დოკუმენტაციის მოთხოვნ(ებ)ის შესაბამისად, არ იქნება წარმოდგენილი "ფასების-ცხრილი" ან მისი რომელიმე პოზიცია განუფასებლად იქნება წარმოდგენილი პრეტენდენტი დაექვემდებარება დისკვალიფიკაციას.

7. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;

8. რეზიდენტი პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.), დაამოწმოს/დაადასტუროს კვალიფიციური ელექტრონული ხელმოწერით/კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა: 1) ყველა PDF დოკუმენტი სათითაოდ დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური შტამპით; 2) გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით;

9. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამიისად, კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს.