Ремонт и техническое обслуживание медицинского и высокоточного оборудования (Грузия - Тендер #52563082)

შემსყიდველის ბალანსზე არსებული კომპიუტერული ტომოგრაფიის (Aquilion PRIME SP/CANON medical system. Corp/მოდელი Aquilion PRIME mod CXXG-012A/Aquilion PRIME SP TSX-303B) აპარატებზე საპროფილაქტიკო-პრევენციული და ტექნიკური დათვალიერება-დიაგნოსტიკური მომსახურების შესყიდვა ფასების ცხრილის (დანართი N1) შესაბამისად.

შესყიდვის ობიექტს წარმოადგენს:
1. კომპიუტერული ტომოგრაფის საპროფილაქტიკო-პრევენციული სამუშაოები (დამუშავების და რეკონსტრუქციის ბლოკის ფილტრის წმენდა; მაღალი ძაბვის კაბელის პროფილაქტიკა (დამუშავება სპეციალური საპოხი საშუალებით) სისტემის კალიბრაცია ფანტომისა და ჰაერის მიხედვით; კონტროლი, რეგულირება და გენტრის მექანიკური ნაწილების წმენდა (ბრუნი, სისტემის სხივის ფორმირება, გაგრილების სისტემა, დეტექტორის შემოწმება, ვენტილატორების მუშაობა). ფოტოსენსორების წმენდა; გენტრისთვის კვების წყაროს მიწოდების კონტროლი და რეგულირება (შემომავალი ძაბვა, ძაბვა გენერატორზე, დეტექტორზე, მონაცემთა გადაცემის ბლოკში, კონტროლის სისტემაში); გენტრიზე კონტაქტური ძაბვის სისტემის წმენდა; რეკონსტრუქციის და დამუშავების ბლოკში ძაბვის კონტროლი და რეგულირება; პაციენტის მაგიდის მექანიკური ნაწილების წმენდა და კონტროლი (ვერტიკალური გადაადგილების მექანიზმები, ჰორიზონტალური გადაადგილება, პაციენტის მაგიდის ავარიული გადაადგილების სისტემა). საჭიროებისამებრ, სისტემის დაზეთვა ან სისტემის ჰორიზონტალური გადაადგილების სისტემის რეგულირება. ფოტოსენსორების წმენდა). იმ შემთხვევაში თუ კომპიუტერულ ტომოგრაფიის აპარატს დაუზიანდება რაიმე სახის ნაწილი, რომელიც აუცილებლად იქნება შესაცვლელი, მაშინ სერვისული მომსახურების შემსრულებელმა კომპანიამ კლინიკას უნდა წარუდგინოს შესაბამისი დეფექტური აქტი და საჭიროების შემთხვევაში უნდა უზრუნველყოს შესაბამისი ნაწილების მოწოდება - მონტაჟი. გეგმიური სერვისული მომსახურება (ტექნიკური დათვალიერება დიაგნოსტიკა).
2. გეგმიური სერვისული მომსახურება (ტექნიკური დათვალიერება დიაგნოსტიკა).

შენიშვნა: შესასყიდი ობიექტის რაოდენობა/მოცულობა და სხვა დეტალური ტექნიკური აღწერა მითითებული არის სატენდერო დოკუმენტაციის/კითხვარის 1.3. პუნქტის შესაბამის ველში მიმაგრებულ ფაილში ფასების ცხრილში (დანართი N1).
იმ შემთხვევაში, თუ ჩამოთვლილ საქონელზე შემთხვევით მითითებულია კონკრეტული სასაქონლო ნიშანი, მოდელი, წარმოების წყარო და/ან მწარმოებელი, იგულისხმება „მსგავსი“ ან„ეკვივალენტური“;

შესყიდვის ობიექტის მიწოდება შემსყიდველისათვის უნდა განხორციელდეს ეტაპობრივად, შემსყიდველის მოთხოვნის შესაბამისად ხელშეკრულების გაფორმებიდან 2024 წლის 31 დეკემბრის ჩათვლით, შემსყიდველის მოთხოვნიდან არაუგვიანეს 10 (ათი) სამუშაო დღის განმავლობაში.

1.5.1. სატენდერო დოკუმენტაციის 1.3. პუნქტში მიმაგრებული დანართი N1 -ის პირველ პოზიციაზე მითითებული შესასყიდი ობიექტის მიწოდება უნდა განხორციელდეს ერთჯერადად, შემსყიდველის მოთხოვნიდან არაუგვიანეს 10 სამუშაო დღის განმავლობაში;
1.5.2. სატენდერო დოკუმენტაციის 1.3. პუნქტში მიმაგრებული დანართი N1 -ის მეორე პოზიციაზე მითითებული შესასყიდი ობიექტის მიწოდება უნდა განხორციელდეს ეტაპობრივად, შემსყიდველის მოთხოვნიდან არაუგვიანეს 10 სამუშაო დღის განმავლობაში, აღნიშნულ პოზიციაზე მითითებული შესყიდვის ობიექტის რაოდენობა არის სავარაუდო და მისი შესყიდვა განხორციელდება შემსყიდველის მოთხოვნის შესაბამისად, საჭიროებისამებრ;
1.5.3.შესყიდვის ობიექტის მიწოდება უნდა განხორციელდეს შემსყიდველის მისამართზე: ქ. ბათუმი, ტბელ აბუსერიძის ქ. 2/პუშკინის ქ.164.

2.1.1.1. ტენდერში მონაწილე პრეტენდენტს 2020 წლის 01 იანვრიდან ტენდერის გამოცხადებამდე პერიოდში, შესრულებული უნდა ჰქონდეს ტენდერით გათვალისწინებული ანალოგიური (კომპიუტერული ტომოგრაფზე შესრულებული უნდა ჰქონდეს ტექნიკური მომსახურება) სახის მომსახურება.

2.1.1.2. ზემოაღნიშნულის დამადასტურებლად პრეტენდენტმა სისტემაში უნდა ატვირთოს შესაბამისი მომსახურებების შესრულებაზე გაფორმებული ხელშეკრულებების ასლები (ხელშეკრულება) და ხელშეკრულების შესრულების დამადასტურებელი დოკუმენტაცია (ხელშეკრულებების შესაბამისი მიღება-ჩაბარების აქტები ან/და სხვა დოკუმენტები,რომლითაც დადასტურდება მომსახურების შესრულება/გაწევა).

2.1.1.3. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ 2.1.1.2. პუნქტში მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR და სხვა) წარმოდგენა დანართი N2-ის (მოთხოვნა პრეტენდენტის გამოცდილების შესახებ) შესაბამისად.

2.9.1. პრეტენდენტი ვალდებულია სატენდერო წინადადების წარდგენის ეტაპზე წარმოადგინოს შემდეგი დოკუმენტაცია:
2.9.1.1. სატენდერო დოკუმენტაციის (კითხვარის) 1.3. პუნქტის შესაბამისად, ფასების ცხრილი (დანართი #1) და სატენდერო დოკუმენტაციის 2.2.1 პუნქტით გათვალისწინებული მოთხოვნები.

4.1.1.1. იმ შემთხვევაში, თუ ტენდერში ყველაზე დაბალი წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.2. ფასწარმოქმნის ადეკვატურობის 20%-ით ან მეტით ფასის კლების შემთხვევაში, პრეტენდენტის მიერ წარმოდგენილი ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე, ხარჯთაღრიცხვის ერთეულებთან მიმართებით.

7.2.1. ანგარიშსწორება მიმწოდებელთან განხორციელდება ეტაპობრივად, ფაქტიურად მიწოდებული შესყიდვის ობიექტების მიხედვით, მიმწოდებლის მიერ წარმოდგენილი მიღება-ჩაბარების აქტისა და შესაბამისი საგადასახადო დოკუმენტაციის საფუძველზე (საგადასახადო დოკუმენტაციაში დამატებით მითითებული უნდა იქნას ხელშეკრულების ნომერი);

7.2.2. ანგარიშსწორება განხორციელდება ეროვნულ ვალუტაში - ლარში, უნაღდო ანგარიშსწორების ფორმით, მიმწოდებლის მიერ ფაქტიურად მიწოდებული შესყიდვის ობიექტის ღირებულების შესაბამისად;

7.2.3. ანგარიშსწორება განხორციელდება მიმწოდებლის საბანკო რეკვიზიტებზე.

7.3.1. ანგარიშსწორება განხორციელდება მიღება-ჩაბარების აქტის და საგადასახადო დოკუმენტაციის საფუძველზე, აღნიშნული დოკუმენტაციის მიმწოდებლის მიერ შემსყიდველისათვის წარდგენიდან არაუმეტეს 30 (ოცდაათი) სამუშაო დღის განმავლობაში.

შენიშვნა: ორგანიზაციის სპეციფიკური დაფინანსებიდან გამომდინარე, ვერ განხორციელდება სახელმწიფო შესყიდვების სააგენტოს რეკომენდაციის გათვალისწინება ანგარიშსწორების განხორციელების ვადებთან დაკავშირებით.

ნინო ცინცაძე, 577464525, ninocincadze02@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. ალტერნატიული სატენდერო წინადადება არ განიხილება.

10.1.2. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ. კანონმდებლობით გათვალისწინებული გადასახადები) გათვალისწინებით.

10.1.3. პრეტენდენტმა სატენდერო წინადადების ფასი (კანონმდებლობით გათვალისწინებულ შემთხვევებში) უნდა მიუთითოს დღგ-ს გათვალისწინებით.

10.1.4. საავანსო ანგარიშსწორება არ გამოიყენება;

10.1.5. შესყიდვის ობიექტის რაოდენობა არის სავარაუდო და მისი შესყიდვა განხორციელდება შემსყიდველის მოთხოვნის შესაბამისად (საჭიროებისამებრ), ანუ შემსყიდველი იტოვებს უფლებას არ აითვისოს სრულად დანართი #1-ში (ფასების ცხრილი) მითითებული შესყიდვის ობიექტი/მომსახურება;

10.1.6. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი/მიმწოდებელი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

10.1.7. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

10.1.8. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

10.1.9. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.

10.1.10. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

10.1.11. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

10.1.12.პრეტენდენტი ვალდებულია სატენდერო დოკუმენტაციის/კითხვარის პუნქტში მიმაგრებული დანართები წარმოადგინოს იმ ფორმით, რა ფორმითაც არის მითითებული სატენდერო დოკუმენტაციაში.