Следственные услуги и услуги по обеспечению безопасности (Грузия - Тендер #52388963)

სსიპ ივანე ჯავახიშვილის სახელობის თბილისის სახელმწიფო უნივერსიტეტის შენობა ნაგებობების და მათში განთავსებული მატერიალურ-ტექნიკური აღჭურვილობის დაზიანების, ქურდობის, განზრახ განადგურებისა და სხვა კანონსაწინააღმდეგო ქმედების თავიდან აცილების, აგრეთვე, უნივერსიტეტის მიერ დაგეგმილ (სტუდენტური ღონისძიება, სპორტული ღონისძიება, საზეიმო ღონისძიება და სხვა) ცალკეულ ღონისძიებებში, ადამიანის სიცოცხლისა და ჯანმრთელობის, უსაფრთხოების უზრუნველყოფისა და დაცვის მიზნით, ლიცენზირებული კერძო დაცვითი ორგანიზაცის მომსახურების სახელმწიფო შესყიდვა ( CPV 79713000 - დაცვის მომსახურება)

დაცვის მომსახურება მოიცავს შემსყიდველის მიერ დაგეგმილ ღონისძიებებზე (სტუდენტური ღონისძიება, სპორტული ღონისძიება, საზეიმო ღონისძიება და სხვა), ასევე შემსყიდველის ბალანსზე რიცხულ ობიექტებსა და მიმდებარე ტერიტორიაზე, აუცილებლობის (განსაზღვრავს შემსყიდველი) შემთხვევაში, რეაგირების (ოპერატიული) ჯგუფისა და დაცვის თანამშრომლების (თანამშრომლების რაოდენობა განისაზღვრება ყოველ კონკრეტულ შემთხვევაზე შემსყიდველისა და მიმწოდებლის შეთანხმების საფუძველზე) გამოძახების მომსახურების გაწევას.

პრეტენდენტმა უნდა უზრუნველყოს:

- შესაბამისი გამოცდილების და კვალიფიკაციის, მაღალი პასუხისმებლობის მქონე თანამშრომელთა შერჩევა, რითიც უზრუნველყოფილი იქნება გაწეული მომსახურების ხარისხი. დაცვის მომსახურების გამწევი თანამშრომლების შერჩევა უნდა მოხდეს შემსყიდველთან შეთანხმებით;
- დაცვის თანამშრომლები, ასაკი არანაკლებ 23 წელი და არაუმეტეს 55 წელი, ქმედუნარიანი ფიზიკური პირ(ებ)ი, რომელიც დაცვით ორგანიზაციასთან გაფორმებული შრომითი ხელშეკრულების საფუძველზე ახორციელებენ ობიექტის დაცვას და რომელზედაც გაცემულია მცველის მოწმობა;
- დაცვის თანამშრომლები უნდა მოქმედებდნენ მშვიდად, მათთვის დამახასიათებელი უნდა იყოს ქცევის ზრდილობიანი მანერა. უნდა ეცვათ მოწესრიგებული უნიფორმა. დაიცვან პირადი ჰიგიენა.
- აღნიშნული პირობების შეუსრულებლობის შემთხვევაში, შემსყიდველს უფლება აქვს მოსთხოვოს მიმწოდებელს დაცვის თანამშრომლის შეცვლა.
- დაცვის თანამშრომელი აღჭურვილი უნდა იყოს: სეზონური უნიფორმით, შიდა კავშირის რადიო სადგურებით (რაციით), მობილური ტელეფონით (სამორიგეო ნომრით) და სხვა აღჭურვილობით, რომელიც აუცილებელი იქნება მომსახურების სრულფასოვნად გაწევისათვის;
- შიდა კავშირის რადიო სადგურებით (რაციით) უზრუნველყოფა უნდა განახორციელოს ნებადართული სიხშირის გამოყენებით;

პრეტენდენტმა მომსახურება უნდა განახორციელოს:
- კეთილსინდისიერად, დაექვემდებარონ უნივერსიტეტის დაცვისა და უსაფრთხოების სამსახურის წარმომადგენლის მიერ გაცემულ დავალებებს და მოთხოვნებს.
- აუცილებლობის შემთხვევაში, გამოძახებიდან არაუგვიანეს 30 წუთის ვადაში, შესაძლებელი უნდა იყოს მინიმუმ ორი ოპერატიული ჯგუფის მითითებულ მისამართზე გამოცხადება, რომელიც დაკომპლექტებული უნდა იყოს მაღალკვალიფიციური კადრებით, გააჩნდეთ ავტომანქანები და სხვა აუცილებელი აღჭურვილობა;
- აუცილებლობის შემთხვევაში, მაქსიმალურად მჭიდრო ვადაში, შემსყიდველის მოთხოვნის შესაბამისად, წარმოადგინოს ერთჯერადად, არანაკლებ 20 და არაუმეტეს 100 დაცვის თანამშრომელი.
- არ გაამჟღავნოს შემსყიდველის სამსახურებრივი საიდუმლოება;
- დაცვითი მომსახურების განხორციელების გეგმის შედგენა;
- დაცვის ობიექტის უსაფრთხოების უზრუნველყოფა;
- საზოგადოებრივი წესრიგის დაცვა და აღმოჩენილი მართლსაწინააღმდეგო ქმედებების დაფიქსირების შემთხვევაში, როგორც შემსყიდველის, ისე მიმწოდებლის წარმომადგენლისა და საჭიროებისამებრ, შესაბამისი ორგანოების ინფორმირება და ოპერატიული ჯგუფის გამოძახება. თუ დარღვევა წარმოადგენს ქმედებას, რაც გათვალისწინებულია ადმინისტრაციული სამართალდარღვევების ან სისხლის სამართლის კანონმდებლობით, დაუყოვნებლივ აცნობოს ამის შესახებ პოლიციას და შემსყიდველის ადმინისტრაციას და გადასცეს პოლიციას დაკავებული დამრღვევი, ასეთის არსებობის შემთხვევაში.

დაცვის მომსახურება უნდა განხორციელდეს ხელშეკრულების გაფორმებიდან 2024 წლის 31 დეკემბრის ჩათვლით.

თსუ ბალანსზე არსებულ ობიექტებსა და მიმდებარე ტერიტორიაზე, ასევე უნივერსიტეტის მიერ დაგეგმილ ღონისძიებებზე (სტუდენტური ღონისძიება, სპორტული ღონისძიება, საზეიმო ღონისძიება და სხვა) დაცვის მომსახურება უნდა განხორციელდეს ქ.თბილისის მასშტაბით.

ა) ტენდერში მონაწილე პრეტენდენტს 2021 წლის 01 იანვრიდან, წინამდებარე ტენდერის სატენდერო წინადადების მიღების დაწყების თარიღამდე პერიოდში, გაწეული უნდა ჰქონდეს ჯამურად, არანაკლებ 450 000 (ოთხასორმოცდაათიათასი) ლარის ღირებულების, კერძო დაცვითი საქმიანობის განხორციელების მიმდინარე გამოცდილება, ხოლო მინიმუმ ერთი ხელშეკრულების ფარგლებში უნდა ფიქსირდებოდეს, არანაკლებ 100 000 (ასიათასი) ლარის შესრულება.
ა.ა) პრეტენდენტმა უნდა წარმოადგინოს მომსახურების გაწევის დამადასტურებელი დოკუმენტების ასლები, კერძოდ: ხელშეკრულებ(ებ)ის ასლები და მიღება-ჩაბარების აქტ(ებ)ის ასლები.
ა.ბ) იმ პრეტენდენტებს, რომლებსაც ზემოაღნიშნული მომსახურება გაწეული აქვთ სახელმწიფო შესყიდვის ფარგლებში და შესყიდვების ერთიან ელექტრონულ სისტემაში ატვირთულია ყველა ის დოკუმენტაცია სრულყოფილად, რაც მოთხოვნილია წინამდებარე ტენდერის სატენდერო დოკუმენტაციის მიხედვით მომსახურების გაწევის დამადასტურებელი დოკუმენტაციის წარმოდგენა არ არის სავალდებულო და საკმარისია შესაბამისი რეგისტრაციის ნომრების წარმოდგენა (SPA, NAT, CMR ან სხვა ასეთის არსებობის შემთხვევაში) მხოლოდ დანართი N3-ის სახით.

- პრეტენდენტმა უნდა წარმოადგინოს, შესაბამისი უფლებამოსილი ორგანოს მიერ გაცემული, კერძო დაცვითი საქმიანობის განხორციელების ლიცენზია, ,,კერძო დაცვითი საქმიანობის შესახებ’’ საქართველოს კანონის მოთხოვნის შესაბამისად.

- პრეტენდენტმა უნდა განახორციელოს, შიდა კავშირის რადიო სადგურებით (რაციით) უზრუნველყოფა, ნებადართული სიხშირის გამოყენებით და აღნიშნულის დამადასტურებლად უნდა წარმოადგინოს, საქართველოს კომუნიკაციების ეროვნული კომისიის მიერ გაცემული მოწმობა რადიოსიხშირული სპექტრით სარგებლობის უფლების მინიჭების შესახებ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდაი ქნას „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

2 Процентов

5 Процентов

ხელშეკრულების შესრულების უზრუნველყოფის უპირობო და გამოუთხოვადი საბანკო გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

6.4.1. სახელმწიფო შესყიდვის შესახებ ხელშეკრულების შესრულების უზრუნველყოფის მიზნით, თუ ხელშეკრულების საერთო ღირებულება შეადგენს ან აღემატება 200 000 ლარს, გამოყენებულ იქნება ხელშეკრულების შესრულების საბანკო ან სადაზღვევო კომპანიის მიერ გაცემული გარანტიის მოთხოვნა.

6.4.2. საბანკო ან სადაზღვევო კომპანიის მიერ გაცემული ხელშეკრულების შესრულების უზრუნველყოფის (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) უპირობო და გამოუთხოვადი საბანკო გარანტია, ხელშეკრულების საერთო ღირებულების 2 %–ის ოდენობით.

6.4.3. ხელშეკრულების უზრუნველყოფის საბანკო გარანტია წარდგენილ უნდა იქნეს შემსყიდველ ორგანიზაციაში მატერიალურად, ორიგინალი.

6.4.4. უპირობო, გამოუთხოვადი ხელშეკრულების შესრულების საბანკო გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

6.4.5. პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

6.4.6. სახელმწიფო შესყიდვების სააგენტოს თავმჯდომარის 2016 წლის 26 თებერვლის № 2 ბრძანებით დამტკიცებული ,,თეთრი სიის წარმოების წესისა და პირობების’’ მე-10 მუხლის პირველი პუნქტის ,,გ“ ქვეპუნქტის შესაბამისად, კომპანია უფლებამოსილია წარმოადგინოს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარი.

ანგარიშსწორება განხორციელდება უნაღდო ანგარიშსწორების ფორმით ლარში, ფაქტობრივად გაწეული მომსახურების მოცულობის შესაბამისად, შემსყიდველი არ არის ვალდებული მთლიანად აითვისოს სახელშეკრულებო ღირებულება.

ანგარიშსწორება განხორციელდება 10 (ათი) სამუშაო დღის განმავლობაში, ხელშეკრულების შესაბამისად გაფორმებული მიღება-ჩაბარების აქტისა და შესაბამისი ანგარიშსწორების დოკუმენტაციის წარდგენის საფუძველზე.

ლელა კოპალეიშვილი-გვაზავა, 577943294, lela.kopaleishvili@tsu.ge

1. სახელმწიფო შესყიდვების ერთიან ელექტრონულ სისტემაში ატვირთული დოკუმენტი და/ან ინფორმაცია, გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა, უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

3. პრეტენდენტს არ აქვს უფლება წარმოადგინოს ალტერნატიული წინადადება;

4. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;

5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;