Полные или частичные строительные работы и публичные работы (Грузия - Тендер #52388943)

თერჯოლის არასახიფათო ნარჩენების ნაგავსაყრელი პოლიგონის სარეაბილიტაციო-კეთილმოწყობის სამუშაოების შესყიდვა (CPV45200000 - მთლიანი ან ნაწილობრივი სამშენებლო სამუშაოები და სამოქალაქო მშენებლობის სამუშაოები; CPV 45233226 - მისადგომი გზის მშენებლობა; CPV 45262600 - სხვადასხვა სახის სპეციალური სამშენებლო სამუშაოები;).

მოცემულია მიმაგრებულ PDF ფაილში და ხარჯთაღრიცხვაში.

- სამუშაო უნდა შესრულდეს ხელშეკრულების გაფორმებიდან 90 კალენდარული დღის განმავლობაში.
- ამასთან, ხელშეკრულების გაფორმებიდან არაუმეტეს 30 კალენდარული დღისა უნდა შესრულდეს სამუშაოების მთლიანი ღირებულების არანაკლებ 30%.
- იმ შემთხვევაში თუ ხელშეკრულების გაფორმებიდან 30 კალენდარული დღის განმავლობაში შესრულებული იქნება სამუშაოს მთლიანი ღირებულების მხოლოდ 20% ან ნაკლები, შემსყიდველი იტოვებს უფლებას შეწყვიტოს ხელშეკრულება, წინასწარი ანგარიშსწორების შემთხვევაში გამოითხოვოს საავანსო თანხა, ლიცენზირებული დაწესებულებისაგან გამოითხოვოს ასევე ხელშეკრულების შესრულების უზრუნველყოფის გარანტია, მოსთხოვოს მიმწოდებელს პირგასამტეხლოს სახით ხელშეკრულების დარჩენილი ღირებულების 5% გადახდა და მიმართოს სახელმწიფო შესყიდვების სააგენტოს პირის შავ სიაში რეგისტრაციის თაობაზე.

სამუშაო უნდა შესრულდეს: საჩხერის არასახიფათო ნარჩენების ნაგავსაყრელი პოლიგონზე (მის:ქ. თერჯოლა, კოხრას ტერიტორია. ს/კ 33.09.43.175).

შესრულებულ სამუშაოზე ვრცელდება საგარანტიო ვადა სამუშაოს საბოლოო მიღებიდან 1 (ერთი) კალენდარული წელი, რომლის განმავლობაშიც მიმწოდებელი ვალდებულია საკუთარი ხარჯით უზრუნველყოს წარმოქმნილი/გამოვლენილი ხარვეზების აღმოფხვრა.

2.2.1.1 შესყიდვაში მონაწილეობის მსურველ პირს 2018 წლის 1 იანვრიდან - ტენდერში “წინადადებების მიღება იწყება“ სტატუსის მინიჭების დღის ჩათვლით, შესრულებული უნდა ჰქონდეს ჯამურად არანაკლებ 1 700 000 ლარის ღირებულების მთლიანი ან ნაწილობრივი სამშენებლო სამუშაოები და სამოქალაქო მშენებლობის სამუშაოები, რომლებიც უნდა მოიცავდეს მნიშვნელოვანი მოცულობის მიწის სამუშაოებსაც (მოჭრა, გადატანა, ყრილის მოწყობა, შემკვრივება, გრუნტის დამბებისა და წყალარინების (არხები) მოწყობა, ნიპირსამაგრი სამუშაოები, ქვიშა ხრეშოვანი გზების მოწყობის სამუშაოები). ამასთან, პრეტენდენტს მის მიერ წარმოდგენილი მთლიანი გამოცდილების დამადასტურებელი შესრულებიდან უნდა გააჩნდეს - 500 000 ლარის ღირებულების მიწის სამუშაოების შესრულების გამოცდილება. დანართი N1 მოთხოვნილი გამოცდილების დამადასტურებლად, პრეტენდენტმა უნდა წარმოადგინოს გაფორმებული ხელშეკრულებები, ხელშეკრულებების შესრულების დამადასტურებელი დოკუმენტები (მიღება-ჩაბარების აქტები ან საგადასახადო ანგარიშ-ფაქტურები) და ხელშეკრულებების საფუძველზე შესრულებული სამუშაოს ღირებულების ანაზღაურების დამადასტურებელი დოკუმენტი (საბანკო საგადახდო დავალება ან სალაროს ჩეკი ან ნოტარიულად დამოწმებული დოკუმენტი).

შენიშვნა:
1) იმ შემთხვევაში თუ პრეტენდენტის მიერ სალაროს ჩეკის ნაცვლად წარმოდგენილი იქნება ჩეკთან გათანაბრებული დოკუმენტი, მას უნდა ახლდეს შემოსავლების სამსახურის ცნობა ჩეკთან გათანაბრებული დოკუმენტის გაცემის თაობაზე.

2) მითითებული დოკუმენტების ნაცვლად შესაძლოა წარმოდგენილი იქნეს სახელმწიფო შესყიდვების ერთიან ელექტრონულ სისტემაში გამოცხადებული შესყიდვის განცხადების ნომრები (SPA, NAT, CMR და სხვა), რომლის საშუალებითაც შემსყიდველს ექნება საშუალება, განიხილოს ზემოხსენებული გამოცდილების არსებობის დამადასტურებელი დოკუმენტები.

2.3.1.1 შესყიდვაში მონაწილეობის მსურველ პირს ტენდერით გათვალისწინებული სამუშაოების შესასრულებლად, საკუთარი და/ან საქართველოს კანონმდებლობით ნებადართული ან/და აუკრძალავი ნებისმიერი ფორმით (იჯარა, ქირავნობა, თხოვება, ლიზინგი და ა.შ.) უნდა გააჩნდეს შემდეგი მანქანა-მექანიზმები:
1) ბულდოზერი, სიმძლავრით არანაკლებ 79 კვტ. - 1 ერთეული.
2) ექსკავატორი უკუჩამჩიანი, ჩამჩის ტევადობით არანაკლებ 1,0 მ3 - 1 ერთეული.
3) ავტოთვითმცლელები - არანაკლებ 5 ერთეული.
4) საგზაო ვიბროსატკეპნი (ეგრეთ წოდებული “კატოკი“) - არანაკლებ 1 ერთეული.
5) ავტოგრეიდერი - არანაკლებ 1 ერთეული.
აღნიშნულის დამადასტურებლად წარმოდგენილი უნდა იქნეს ინფორმაცია დანართი N2 - ის შესაბამისად და ასევე, საკუთრების შემთხვევაში წარმოდგენილი უნდა იქნეს მანქანა-მექანიზმების ტექნიკური პასპორტების ან/და საკუთრების დამადასტურებელი სხვა დოკუმენტაციის ასლები (აუდიტის დასკვნა და სხვა), ხოლო, სარგებლობის შემთხვევაში წარმოდგენილი უნდა იქნეს შესაბამისი ხელშეკრულებების (იჯარა, ქირავნობა, თხოვება, ლიზინგი და ა.შ.) ასლები და მეიჯარის, გამქირავებლის, გამნათხოვრებლის (და ა.შ.) მანქანა-მექანიზმების საკუთრების დამადასტურებელი ტექნიკური პასპორტების ან/და საკუთრების დამადასტურებელი სხვა დოკუმენტაციის ასლები (აუდიტის დასკვნა და სხვა).
2.3.1.2 მოთხოვნილი მანქანა-მექანიზმებიდან არანაკლებ 2 ერთეული უნდა იყოს პრეტენდენტის საკუთრებაში ან/და განკარგავდეს ლიზინგის ხელშეკრულების საფუძველზე. ამასთან, წარმოდგენილი დოკუმენტების მიხედვით საკუთრება ან/და ლიზიგით განკარგვა უნდა დასტურდებოდეს ტენდერში “წინადადებების მიღება იწყება“ სტატუსის მინიჭების დღის ჩათვლით.
2.3.1.3 სატენდერო დოკუმენტაციის 2.3.1.2 პუნქტით მოთხოვნილი საკუთრებაში მყოფნი ან/და ლიზინგით აღებული ტექნიკიდან ერთი მაინც უნდა იყოს ბულდოზერი/ექსკავატორი/საგზაო ვიბროსატკეპნი/ავტოგრეიდერი.
2.3.1.4 სატენდერო დოკუმენტაციის 2.3.1.1 პუნქტით მოთხოვნილი ტექნიკა არ უნდა მეორდებოდეს შემსყიდველის მიერ გამოცხადებულ სხვა მიმდინარე ელექტრონულ ტენდერში, მათ შორის ისეთ ტენდერში რომლის შედეგად დადებული ხელშეკრულებით გათვალისწინებული სამუშაო არ არის შესრულებული სრულად. აღნიშნული პუნქტის მოთხოვნა არ ვრცელდება სატენდერო დოკუმენტაციის 2.3.1.2 პუნქტით მოთხოვნილ საკუთრებაში მყოფ ან/და ლიზინგით განკარგულ ტექნიკაზე, თუმცა მათ სანაცვლოდ პრეტენდენტის მიერ დამატებით წარმოდგენილი უნდა იქნას შესაბამისი სახეობის სხვა ტექნიკის სარგებლობის დამადასტურებელი ხელშეკრულებების (იჯარა, ქირავნობა, თხოვება, ლიზინგი და ა.შ.) ასლები და მეიჯარის, გამქირავებლის, გამნათხოვრებლის (და ა.შ.) მანქანა-მექანიზმების საკუთრების დამადასტურებელი ტექნიკური პასპორტების ან/და საკუთრების დამადასტურებელი სხვა დოკუმენტაციის ასლები (აუდიტის დასკვნა და სხვა).

- შესყიდვაში მონაწილეობის მსურველი პირის მიერ წარმოდგენილი პროექტის განხორციელებაზე პასუხისმგებელ პირს (სამუშაოთა მწარმოებელი ან/და სხვა) უნდა გააჩნდეს ტენდერით გათვალისწინებული მსგავსი ხასიათის, სირთულისა და შინაარსის სამუშაობის (მთლიანი ან ნაწილობრივ სამშენებლო სამუშაოები და სამოქალაქო მშენებლობის სამუშაოები) შესრულების არანაკლებ 5 (ხუთი) წლიანი გამოცდილება. დანართი N3.

- საჭიროების შემთხვევაში შემსყიდველი უფლებამოსილია უზრუნველყოს წარმოდგენილი ინფორმაციის გადამოწმება.

ქვეკონტრაქტორის არსებობის შემთხვევაში წარმოდგენილი უნდა იქნეს შემდეგი სახის ინფორმაცია:
- ქვე-კონტრაქტორის დასახელება, ს/კ და მისამართი;
- შესასრულებელი სამუშაოების დასახელება;
- შესასრულებელი სამუშაოების ღირებულება;
- სამუშაოების გამოცდილება დამადასტურებელი დოკუმენტაციის თანდართვით;
- დანართი N4 აღნიშნული დოკუმენტაციის წარმოუდგენლობის შემთხვევაში ქვე-კონტრაქტორის საკითხი არ განიხილება და თუ სამუშაოს შესრულების დროს თუ გამოვლენილი იქნება ქვეკონტრაქტორის მიერ სამუშაოს შესრულების ფაქტი შემსყიდველს უფლება აქვს დააკისროს მიმწოდებელს პირგასამტეხლო სახელშეკრულებო ღირებულების 5% ოდენობით.
- ქვეკონტრაქტორი კომპანია არ უნდა იყოს რეგისტრირებული „შავ სიაში“.
- ქვეკონტრაქტორის მიერ შესასრულებელი სამუშაოები არ უნდა იყოს სამუშაოების საერთო ღირებულების 40%-ზე მეტი.

პრეტენდენტის მიერ წარმოსადგენი (სისტემაში ასატვირთი) დოკუმენტაცია:
ა) ხარჯთაღრიცხვა (წარმოუდგენლობა ან განუფასებლად წარმოდგენა გამოიწვევს დისკვალიფიკაციას დაზუსტების გარეშე);
ბ) ინფორმაცია 2018 - 2024 წლების მანძილზე შესრულებული მთლიანი ან ნაწილობრივი ან სამოქალაქო მშენებლობის სამუშაოების შესახებ დანართი N1-ისა და 2.2.1 პუნქტის შესაბამისად;
გ) ინფორმაცია სამუშაოს შესასრულებლად საჭირო მანქანა-მექანიზმების შესახებ დანართი N2-ისა და 2.3.1 პუნქტის შესაბამისად;
დ) ინფორმაცია პროექტის განხორციელებაზე პასუხისმგებელი პირის გამოცდილების შესახებ დანართი N3-ისა და 2.4.1 პუნქტის შესაბამისად;
ე) ინფორმაცია ქვეკონტრაქტორის მიერ შესასრულებელი სამუშაოების შესახებ (არსებობის შემთხვევაში) დანართი N4-ისა და 2.8.1 პუნქტის შესაბამისად;
ვ) ინფორმაცია წინამდებარე ტენდერით გათვალისწინებული სამუშაოს შესრულებისა და საგარანტიო (ერთი კალენდარული წელი საბოლოო მიღება-ჩაბარების აქტის გაფორმებიდან) ვადის შესახებ (დანართი N5-ის შესაბამისად).

იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება, დასაბუთება უნდა განხორციელდეს სახელმწიფოს მიერ აღნიშნულ სფეროში აღიარებული დაწესებულების/პირის მიერ გაცემული ექსპერტიზის დასკვნით ან/და ინსპექტირების ანგარიშით, შესაბამისად წარმოდგენილი უნდა იქნეს აღნიშნული საქმიანობის განხორციელების უფლების დამადასტურებელი დოკუმენტაცია.

ფასწარმოქმნის ადექვატურობის დამადასტურებელი დასკვნა/ანგარიში უნდა შეესაბამებოდეს საქართველოს მთავრობის 2017 წლის 26 სექტემბერის №439 დადგენილებით დამტკიცებულ ტექნიკურ რეგლამენტს.

იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია. პრეტენდენტის მიერ წარმოდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ფასწარმოქმნის ადეკვატურობის დამადასტურებელი დოკუმენტ(ებ)ით სამუშაოს შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ფასწარმოქმნის ადეკვატურობის ექსპერტიზის დასკვნას/ინსპექტირების ანგარიშს თან უნდა ერთვოდეს: ა)სატენდერო ხარჯთაღრიცხვა; ბ)პრეტენდენტის მიერ წარდგენილი, რესურსული მეთოდით შედგენილი ხარჯთაღრიცხვის სახემდე დაკორექტირებული ხარჯთაღრიცხვა; გ) ექსპერტიზის დასკვნის/ინსპექტირების ანგარიშის გამცემი დაწესებულების/პირის შესაბამისი საქმიანობის განხორციელების უფლების დამადასტურებელი დოკუმენტაცია.

5 Процентов

9 Процентов

გარანტიის მოქმედების ვადა 60 კალენდარული დღით უნდა აღემატებოდეს სამუშაოს შესრულების საბოლოო ვადას.

- ტენდერში გამოყენებული იქნება ხელშეკრულების უზრუნველყოფის საქართველოში ლიცენზირებული დაწესებულების მიერ გაცემული გარანტია.

- იმ შემთხვევაში თუ ტენდერში არარეზიდენტი პირის მიერ წარმოდგენილი იქნება უცხოური ბანკის მიერ გაცემული გარანტია, აღნიშნული გარანტია დამოწმებული/დადასტურებული უნდა იქნეს საქართველოს ლიცენზირებული ბანკის მიერ.

- გარანტიის შინაარსი შეთანხმებული უნდა იქნეს შემსყიდველთან.

- ხელშეკრულების შესრულების უზრუნველყოფის გარანტია უნდა იყოს უპირობო და გამოუთხოვადი. გარანტიით გათვალისწინებული თანხის შემსყიდველის მხრიდან გამოთხოვის შემთხვევაში გარანტის მიერ გარანტიით გათვალისწინებული თანხის ანაზღაურება უნდა მოხდეს მოთხოვნიდან არაუგვიანეს 5 (ხუთი) სამუშაო დღის განმავლობაში. ამასთანავე, შემსყიდველს არ უნდა ეკისრებოდეს რაიმე დამატებითი მტკიცებულების წარდგენის ვალდებულება.

- თეთრ სიაში რეგისტრირებული მიმწოდებელი უფლებამოსილია წარმოადგენოს გარანტია თანხის 50%-ის ოდენობით.

მიმწოდებლის მოთხოვნის შემთხვევაში, შემსყიდველის შეხედულებისამებრ, შესაბამისი დასაბუთების შემთხვევაში შესაძლებელია გამოყენებულ იქნეს წინასწარი ანგარიშსწორება (ავანსი), არაუმეტეს ხელშეკრულების ჯამური ღირებულების 20%-ის ოდენობით.

მიმწოდებელი ვალდებულია წარმოადგინოს გასაცემი ავანსის ოდენობის უპირობო საბანკო გარანტია, რომელიც უნდა ითვალისწინებდეს შემსყიდველისათვის თანხის დაბრუნებას მოთხოვნიდან არაუგვიანეს 5 (ხუთი) სამუშაო დღის განმავლობაში. საბანკო გარანტია გაცემული უნდა იქნეს საქართველოში ლიცენზირებული დაწესებულების მიერ და რომლის ვადაც 60 კალენდარული დღით აღემატება სამუშაოს შესრულების საბოლოო ვადას.

ავანსის თანხა მიმწოდებლის მიერ გამოყენებული იქნება მხოლოდ კონტრაქტით გათვალისწინებული სამუშაოების ჩატარების მიზნით. შემსყიდველის მიერ გაცემული ავანსის დაკავება მოხდება პროპორციულად, ყოველი შესრულებიდან.

წინასწარი ანგარიშსწორებისას თეთრ სიაში რეგისტრირებული მიმწოდებლების შემთხვევაში წინასწარი საავანსო საბანკო გარანტიის ოდენობა ნახევრდება.

ანგარიშსწორება მიმწოდებელთან განხორციელდება ლარში, მიმწოდებლის საბანკო რეკვიზიტებზე, უნაღდო ანგარიშსწორების ფორმით.

ანგარიშსწორება შესაძლებელია განხორციელდეს ეტაპობრივად, ფაქტიურად შესრულებული სამუშაოებისა და დადასტურებული მოცულობების მიხედვით, მიღება-ჩაბარების აქტის (ფაქტიურად შესრულებული სამუშაოების მოცულობების მიღების აქტი) და დამატებული ღირებულების გადასახადის ანგარიშ-ფაქტურის გაფორმების საფუძველზე,

სამუშაოს ხარისხის დაცვის მიზნით, შემსყიდველის მიერ დაკავებული იქნება შესრულებული სამუშაოების ღირებულების 5%, რომლის ნახევრის (2,5%) დაბრუნება მოხდება სამუშაოს სრული დასრულებისა და შემსყიდველის მიერ შექმნილი სპეციალური კომისიის მიერ შედგენილი ობიექტის ჩაბარების აქტის გაფორმების შემდეგ, ხოლო მეორე ნახევარი საგარანტიო ვადის (ერთი წლის) გასვლის შემდეგ. იმ შემთხვევაში, თუ კომისიის მიერ აქტის შედგენისას დაფიქსირებული იქნება შესრულებული სამუშაოს ნაკლი ან უხარისხობა, მიმწოდებელს აღნიშნული თანხა არ აუნაზღაურდება დეფექტების გამოსწორებამდე.

იმ შემთხვევაში თუ სხვადასხვა მიზეზების გამო მიმწოდებელი ორგანიზაცია ვერ უზრუნველყოფს ან უარს აცხადებს ზემოხსენებული კომისიის მიერ აქტში დაფიქსირებული დეფექტების აღმოფხვრასთან დაკავშირებით, შემსყიდველი ობიექტზე ზედამხედველობის განმახორციელებელ ორგანიზაციასთან ერთად შეაფასებს დეფექტების აღმოფხვრის ხარჯს და მიმწოდებელს არ აუნაზღაურებს აღნიშნულ თანხას – შესრულებული სამუშაოების ღირებულების დაკავებული 5%-დან.

ეტაპობრივი ან/და საბოლოო ანგარიშსწორება მოხდება ფაქტიურად შესრულებული სამუშაოებისა და დადასტურებული მოცულობების მიხედვით, მიღება-ჩაბარების აქტის (ფაქტიურად შესრულებული სამუშაოების მოცულობების მიღების აქტი) და დამატებული ღირებულების გადასახადის ანგარიშ-ფაქტურის გაფორმების საფუძველზე, მიღება-ჩაბარების აქტისა და ანგარიშ-ფაქტურის წარდგენიდან 10 (ათი) სამუშაო დღის განმავლობაში.

ეთერ გაბელაია, 577077270, etogabelaia@gmail.com ტექნიკურ საკითხებთან დაკავშირებით: 599240322 გუჩა აბზიანიძე.

10.1.1 ყველა ინფორმაცია თუ დოკუმენტი, რომელიც აიტვირთება სახელმწიფო შესყიდვების ერთიან ელექტრონულ სისტემაში, შედგენილი უნდა იყოს ქართულ ენაზე და ხელმოწერილი/დადასტურებული შესაბამისი წესით . უცხო ენაზე შედგენილი დოკუმენტი წარმოდგენილი უნდა იქნეს ქართულ ენაზე ნოტარიულად შესრულებული თარგმანის თანხლებით. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.
10.1.2 სახელმწიფო შესყიდვების ერთიან ელექტრონულ სისტემაში ატვირთული ყველა ის დოკუმენტი, რომელიც საჭიროებს პრეტენდენტის ხელმოწერას ხელმოწერილი უნდა იყოს კვალიფიციური ელექტრონული ხელმოწერით ან დამოწმებული უნდა იქნეს ელექტრონული შტამპით უფლებამოსილი პირის მიერ (საჭიროების შემთხვევაში, ატვირთული უნდა იქნეს მინდობილობა ან რწმუნებულება თუ წარმომადგენლობითი უფლებამოილება გადაცემული აქვს სხვა პირს).