Гостиничные услуги (Грузия - Тендер #52388879)

სსიპ “ახალგაზრდობის სააგენტო” ახალგაზრდული ღონისძიებების ხელშეწყობის პროგრამის ფარგლებში გეგმავს თემატური ახალგაზრდული ბანაკების განხორციელებას, რომლის მიზანია ახალგაზრდების პოტენციალის გამოვლენის ხელშეწყობა, გადაწყვეტილების მიღების პროცესში მონაწილეობის, მოხალისეობის და სახელმწიფოს ახალგაზრდული სტრატეგია 2023-2026-ით გათვალისწინებული პრიორიტეტული მიმართულებებით ახალგაზრდების ცნობიერების ამაღლება. თემატური ბანაკის განხორციელება პასუხობს “2020–2030 წლებისთვის საქართველოს ახალგაზრდული პოლიტიკის კონცეფციისა” და “საქართველოს ახალგაზრდული სტრატეგია 2023-2026”-ის პრიორიტეტებს. შესყიდვის ობიექტს წარმოადგენს თემატური ახალგაზრდული ბანაკის განსახორციელებლად სასტუმროს მომსახურების შესყიდვა.

შესყიდვის ობიექტს წარმოადგენს სსიპ „ახალგაზრდობის სააგენტოს“ მიერ „ახალგაზრდული ღონისძიებების ხელშეწყობის“ პროგრამის ფარგლებში დაგეგმილი თემატური ბანაკის განხორციელების პროცესში მონაწილეთა განთავსებისა და საბანაკე პროგრამის განხორციელების მიზნით სასტუმროს მომსახურების შესყიდვა 2024 წლის აპრილი-ივნისის პერიოდში შემდეგი ტექნიკური მახასიათებლების შესაბამისად:
1.1. სასტუმრო შესაძლებელია იყოს კომპლექსის ტიპის, შესაძლოა იყოს რამდენიმე შენობით წარმოდგენილი ერთ სივრცეში/ერთ ლოკაციაზე და შემოსაზღვრული დაცული ღობით, გამოყოფილი სხვა თავშეყრის სივრცეებისგან.
1.2. სასტუმრო უნდა იყოს თანამედროვე სტანდარტების და კომფორტული ინფრასტრუქტურის მქონე, არ უნდა იყოს განთავსებული საცხოვრებელი სახლის ნაწილში ან მის ქვეშ, სასტუმრო არ უნდა იყოს საოჯახო ტიპის.
1.3. სასტუმრო უნდა მდებარეობდეს კახეთის რეგიონში.
1.4. სასტუმროში ნომრების მინიმალური რაოდენობა უნდა შეადგენდეს 36 ნომერს, ყველა ნომერი განთავსებული უნდა იყოს ერთ კომპლექსში.
1.5. შემსყიდველის მოთხოვნის შესაბამისად, სასტუმრომ უნდა უზრუნველყოს ერთდროულად არაუმეტეს 70 ადამიანის განთავსება სამჯერადი კვებით (საუზმე, სადილი, ვახშამი) 3 ღამე და 4 დღე (ერთი ნაკადი). ჯამში შესაძლებელი უნდა იყოს არაუმეტეს 8 ნაკადის მიღება. ნაკადების თარიღები წარმოდგენილია ტექნიკური დოკუმენტაციის დანართი N1-ის სახით, თუმცა საჭიროების შემთხვევაში შესაძლებელი უნდა იყოს აღნიშნული თარიღების ცვლილება. თითოეული ნაკადის ზუსტი თარიღი და მონაწილეების ზუსტი რაოდენობა მომწოდებელს ეცნობება ნაკადის მიღებამდე არანაკლებ 7 კალენდარული დღით ადრე.
1.6. ერთ ოთახში დასაშვებია არაუმეტეს 2 ან 3 მონაწილის განთავსება (ჯამში არაუმეტეს 70 ადამიანი, სქესთა ბალანსის დაცვით), გამომდინარე ოთახის სპეციფიკიდან. აუცილებელია, რომ საწოლები იყოს ცალ-ცალკე, ინდივიდუალური, არაგასაშლელი. გარდა ამისა, საჭიროების შემთხვევაში სასტუმრომ უნდა უზრუნველყოს რამდენიმე სტუმრის ინდივიდუალური განთავსება 1 ადგილიან ნომერში (არაუმეტეს 5 პირისთვის).
1.7. სასტუმროს ნომრები უნდა იყოს უზრუნველყოფილი ინდივიდუალური სველი წერტილებით, უწყვეტი ცივი და ცხელი წყლით, ცენტრალური გათბობა-გაგრილების სისტემით, 24 საათიანი ელექტრომომარაგებით, ინტერნეტით, ტელევიზორით. ნომრებში ასევე დაცული უნდა იყოს სანიტარული ნორმები. სასტუმროს უნდა გააჩნდეს დენის ალტერნატიული წყარო.
1.8. ოთახები შესაბამისად უნდა მარაგდებოდეს ჰიგიენის ინდივიდუალური ნივთებით ყოველდღე თითო ადამიანზე: 1 დიდი პირსახოცი, 1 პატარა პირსახოცი, ოთახის ერთჯერადი ჩუსტი და ხალათი, შამპუნი, ტანის გელი, საპონი და თმის საშრობი ფენი. ჰიგიენის ნივთები უნდა იცვლებოდეს 24 საათში ერთხელ.
1.9. ოთახის დალაგება და თეთრეულის გამოცვლა უნდა ხორციელდებოდეს სასტუმროში არსებული სტანდარტის მიხედვით, სველი/მშრალი წმენდით.
1.10. პროექტის ორგანიზატორებს უნდა ჰქონდეთ წინასწარ სპეციალური აღჭურვილობის/მატერიალების მობილიზებისა და დასაწყობების შესაძლებლობა სასტუმროს ტერიტორიაზე, ასევე უნდა მიეცეთ შესაბამისი დრო ფართის დაცლისთვის.
1.11. სასტუმრომ უნდა უზრუნველყოს ფურშეტის ორგანიზების მომსახურების გაწევა 70 (სამოცდაათი) ადამიანისთვის, მინიმუმ ორჯერ (ღონისძიების გახსნა-დახურვის ცერემონიისთვის). ასევე უნდა უზრუნველყოს მომსახურების გასაწევად საჭირო ტექნიკური აღჭურვილობა, ინვენტარი და სერვირება საკუთარი ძალებით, ხელშეკრულების ღირებულების ფარგლებში, შემსყიდველის მხრიდან დამატებითი ანაზღაურების გარეშე; ფურშეტი უნდა განხორციელდეს ტექნიკური დოკუმენტაციის დანართი N2-ის შესაბამისად.
1.12. სასტუმროში უნდა იყოს 1 დიდი საკონფერენციო სივრცე, არანაკლებ 70 ადამიანზე გათვლილი, სადაც, საჭიროების შემთხვევაში, შესაძლებელი იქნება დახურულ სივრცეში ღონისძიების/ტრენინგის განხორციელება ერთდროულად არაუმეტეს 70 ადამიანის მონაწილეობით. გარდა ამისა, სასტუმროს უნდა ჰქონდეს არანაკლებ 3 იზოლირებული სატრენინგო სივრცე, სადაც შესაძლებელი იქნება მონაწილეების მცირე ჯგუფების (არანაკლებ 15 პირი) შეკრება და მუშაობა.
1.13. სატრენინგო სივრცე უნდა იყოს იზოლირებული და დამოუკიდებელი სხვა ოთახებისგან, მათ შორის, სამზარეულოსგან/კვებისთვის განკუთვნილი სივრცისგან (ფარდით ან სხვა საშუალებებით გამოყოფა არ მოიაზრება). სატრენინგო სივრცე უზრუნველყოფილი უნდა იყოს გათბობა/კონდიცირების სისტემით და ცენტრალური ვენტილაციით.
1.14. საკონფერენციო სივრცე აღჭურვილი უნდა იყოს პროექტორით, ლეპტოპით, ეკრანით, თეთრი დაფით და მარკერებით, მონაწილეთა შესაბამისი რაოდენობის სკამებით (არანაკლებ 70), სამუშაო მაგიდებით, ხმის გამაძლიერებელი სისტემით (მიკროფონი და დინამიკები), უკაბელო ინტერნეტით, მონაწილეებისათვის სასმელი წყლით. საკონფერენციო ოთახში შესასრულებელი სამუშაოდან გამომდინარე, შესაძლებელი უნდა იყოს დარბაზში არსებული ინვენტარის (მაგიდები, სკამები) გადაადგილება (შეერთება ან განცალკევება). საჭიროების შემთხვევაში, შესაძლებელი უნდა იყოს სასტუმროში პრინტერის გამოყენება.
1.15. საკონფერენციო დარბაზი, კვებისთვის განკუთვნილი ადგილი და სასტუმროს ნომრები უნდა იყოს ერთ შენობაში.
1.16. სასტუმროს უნდა გააჩნდეს გარე მრავალფუნქციური სტადიონი, სადაც შესაძლებელი იქნება გარე აქტივობებისა და სპორტული ღონისძიებების ჩატარება. ასევე, დახურული ან ღია საცურაო აუზი და სივრცე კინოჩვენების გამართვისთვის.
1.17. კვებისთვის განკუთვნილი საათების განსაზღვრა უნდა მოხდეს შემსყიდველთან შეთანხმებით. გათვალისწინებული უნდა იყოს ყოველდღიურად 3-ჯერადი კვება (იხ. ტექნიკური დოკუმენტაციის დანართი N3). გათვალისწინებული უნდა იყოს ვეგეტარიანული მოთხოვნები, ცხელი კერძებიდან ერთ-ერთში არ უნდა შედიოდეს ღორის ხორცი. საუზმეზე, სადილსა და ვახშამზე უნდა მოხდეს სტუმრების (არანაკლებ 70 ადამიანი) ერთდროულად განთავსება, შვედური მაგიდის პრინციპით, შემსყიდველის მიერ შეთანხმებული მენიუს მიხედვით (იხ. ტექნიკური დოკუმენტაციის დანართი N4).
1.18. კვებითი მომსახურების გაწევის დროს, მიმწოდებელმა უნდა უზრუნველყოს შესაბამისი რაოდენობის მომსახურე პერსონალის ადგილზე ყოფნა.
1.19. პერიმეტრი, 24 საათის მანძილზე, უნდა კონტროლდებოდეს შესაბამისი დაცვის სისტემით ან/და პატრულირებით. სასტუმროს პერიმეტრი მუდმივად უნდა იყოს დაცვის ქვეშ; 24 საათის განმავლობაში ხელმისაწვდომი უნდა იყოს ადმინისტრაციის სამსახური (ადმინისტრატორი).
1.20. სასტუმროში ხელმისაწვდომი უნდა იყოს პირველადი გადაუდებელი დახმარებისთვის საჭირო სამედიცინო ჩანთა.
1.21. სასტუმროში განთავსებული უნდა იყოს სახანძრო უსაფრთხოების სისტემა/სისტემები, რომელიც უნდა შეესაბამებოდეს უსაფრთხოების დადგენილ ნორმებს (ბრძანება - საქართველოში მოქმედი სახანძრო უსაფრთხოების წესების დამტკიცების შესახებ; ასევე ტექნიკური რეგლამენტი სახანძრო უსაფრთხოების წესების და პირობების შესახებ).
1.22. სასტუმროს ოთახებში მინი ბარში არ უნდა იყოს ხელმისაწვდომი ალკოჰოლური სასმელი და თამბაქო.
1.23. სასტუმროს შერჩევა-შეფასების ეტაპზე, სატენდერო კომისიის ნებისმიერი წევრი უფლებამოსილია, ადგილზე დაათვალიეროს პრეტენდენტის მიერ შემოთავაზებული სასტუმროს შესაბამისობა ტექნიკურ დავალებაში განსაზღვრულ მოთხოვნებთან.

მომსახურების გაწევის თარიღია 2024 წლის აპრილი - ივნისის პერიოდი.

სასტუმრო უნდა მდებარეობდეს კახეთის რეგიონის ადმინისტრაციულ საზღვრებში.

1. პრეტენდენტს უნდა ჰქონდეს ტენდერის გამოცხადების დღემდე არანაკლებ ბოლო 3 (სამი) წლის განმავლობაში ანალოგიური მომსახურების გაწევის გამოცდილება.
2. პრეტენდენტმა უნდა წარმოადგინოს ანალოგიური მომსახურების გაწევის დამადასტურებელი დოკუმენტების ასლები (ხელშეკრულება, შესაბამისი მიღება-ჩაბარების აქტითა და გადარიცხვის დამადასტურებელი დოკუმენტით, ან/და შემსყიდველის/დამკვეთის მიერ დადასტურებული მკაცრი აღრიცხვის დოკუმენტ(ებ)ი რითაც დადასტურდება პრეტენდენტის გამოცდილება). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, საკმარისია შესაბამისი SPA, NAT, CMR, MEP, DAP ნომრების წარმოდგენა. ზემოაღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა გამოცდილების შესახებ (სატენდერო დოკუმენტაციის 2.2.1 პუნქტში არსებული დანართი N2-ის შესაბამისად).
3. ანალოგიურ მომსახურებად განიხილება სასტუმროში სტუმრების განთავსების მომსახურება.

1. იმ შემთხვევაში, თუ პრეტენდენტი არ არის მის მიერ მომსახურების გასაწევად შემოთავაზებული სასტუმროს წარმომადგენელი, წინადადების მიღების ეტაპზე, უნდა წარმოადგინოს მომსახურების გასაწევად შემოთავაზებული სასტუმროს ზუსტი მისამართი. ასევე, მომსახურების გასაწევად შემოთავაზებული სასტუმროს ხელმძღვანელი ან/და უფლებამოსილი პირის მიერ დადასტურებული წერილობითი შეტყობინება, იმის თაობაზე, რომ გაცნობილია ტექნიკური დავალების პირობებს და მზად არის, გასწიოს ტენდერით გათვალისწინებული მომსახურება ტექნიკურ დავალებაში მითითებული პირობების მიხედვით. წინააღმდეგ შემთხვევაში, იგი დისკვალიფიცირებულ იქნება სატენდერო პროცედურებიდან, დაზუსტების გარეშე.

2. პრეტენდენტმა უნდა წარმოადგინოს სასტუმროს ვიზუალური მასალა, მათ შორის, სასტუმროს ფოიეს, საკონფერენციო სივრცის, ნომრების, სასადილო სივრცის, გარე მრავალფუნქციური სტადიონის, დახურული ან ღია საცურაო აუზის და კინოჩვენების გამართვისთვის განკუთვნილი სივრცის (აღნიშნული ინფორმაციის გადამოწმება შესაძლებელი უნდა იყოს ვებ-გვერდის საშუალებით (არსებობის შემთხვევაში).

წარმოდგენილი დოკუმენტები დამოწმებული უნდა იყოს პრეტენდენტის მიერ კვალიფიციური ელექტრონული ხელმოწერით ან/და კვალიფიციური ელექტრონული შტამპით.

ა) სატენდერო დოკუმენტაციის 1.3 პუნქტით გათვალისწინებული შევსებული ხარჯთაღრიცხვა.
ბ) წინამდებარე სატენდერო პირობების 2.2.1 ქვეპუნქტში მოცემული პირობების შესაბამისად შევსებული დანართი N2 შესაბამისი გამოცდილების დამადასტურებელი დოკუმენტაცია.
გ) წინამდებარე სატენდერო პირობების 2.3.1 პუნქტით გათვალისწინებული ინფორმაცია მატერიალურ-ტექნიკური ბაზის შესახებ.


შენიშვნა: პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (გარდა ფასების ცხრილსა) დაამოწმოს/დაადასტუროს კვალიფიციური ხელმოწერით/კვალიფიციური შტამპით.
ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

1.იმ შემთხვევაში თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა მინიმუმ 30 კალენდარული დღით უნდა აღემატებოდეს ხელშეკრულების მოქმედების ვადას.

6.4.1 ტენდერში გამოიყენება ხელშეკრულების შესრულების უზრუნველყოფის უპირობო გამოუთხოვადი საბანკო გარანტია (გაცემული საქართველოში მოქმედი საბანკო დაწესებულების, საქართველოში მოქმედი კანონმდებლობის შესაბამისად ლიცენზირებული სადაზღვევო კომპანიის ან კანონმდებლობის შესაბამისად ლიცენზირებული საკრედიტო დაწესებულების მიერ, რომელიც უფლებამოსილია გასცეს ხელშეკრულების შესრულების უზრუნველყოფის უპირობო/გამოუთხოვადი საბანკო გარანტია) დანართი N6–ის მიხედვით ან/და უნდა შეიცავდეს დანართი N6-ით მოთხოვნილ ინფორმაციას (დანართი N6 იხილეთ 10.1 დამატებით ინფორმაციაში).
საქართველოში მოქმედი კანონმდებლობის შესაბამისად საკრედიტო დაწესებულების ან სადაზღვევო კომპანიის მიერ გაცემული საბანკო გარანტიის წარმოდგენის შემთხვევაში პრეტენდენტი ვალდებულია ასევე წარმოადგინოს საბანკო გარანტიის გამცემი კომპანიის ძალაში მყოფი ლიცენზია ან სხვა დოკუმენტი, რომლითაც დადასტურდება საბანკო გარანტიის გაცემის უფლებამოსილება-წინააღმდეგ შემთხვევაში შემსყიდველი უფლებამოსილია არ მიიღოს წარმოდგენილი საბანკო გარანტია.
6.4.2 თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს.

ანგარიშსწორება მოხდება ფაქტიურად გაწეული მომსახურების შესაბამისად, ეტაპობრივად, უნაღდო ანგარიშსწორებით ლარში.

ანგარიშსწორება მოხდება მხარეებს შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ქეთევან გელაშვილი, 551215857, kgelashvili43@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა ხარჯთაღრიცხვისა) უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ პრეისკურანტში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).

7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.