Ремонт и техническое обслуживание транспортных средств и оборудования и сопутствующие услуги (Грузия - Тендер #52319325)

1.1.1 ავტომანქანების შეკეთება და ტექნიკური მომსახურება;

1.2.1 მომსახურება უნდა განხორცილდეს დანართი #1-ში (პრეისკურანტში) მითითებული საქონლის გამოყენებით და ჩამოთვლილი სახეობების შესაბამისად;

1.2.2 მომსახურების გაწევა უნდა განხორციელდეს შეტყობინების მიღებიდან არაუგვიანეს 3 (სამი) სამუშაო დღის ვადაში. თუ მომსახურება ეხება დეფიციტურ დეტალს, ვადა შეიძლება გაგრძელდეს მხარეთა შეთანხმებით;

1.2.3 ტექნიკური მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი;

1.2.4 შემსყიდველი უფლებამოსილია, მიმწოდებლის მიერ წარმოდგენილ დეფექტურ აქტში მითითებული სამუშაოების სისწორის გადამოწმება მოახდინოს ავტორიზებულ სერვისცენტრში ან მხარეთა შეთანხმებით სხვა სერვისცენტრში;

1.2.5 მიმწოდებელი ვალდებულია, მომსახურების გაწევისას გამოიყენოს ახალი სათადარიგო ნაწილები, რომლებიც მითითებულია პრეისკურანტში და ხარსიხობრივი თვალსაზრისით აკმაყოფილებს ავტომანქანის მწარმოებლის სტანდარტებს და ნორმებს;

1.2.6 თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ-საპოხი მასალები) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით მიმწოდებლის ინვოისის საფუძველზე, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს;

1.2.7 1.2.6 პუნქტით გათვალისწინებულ შემთხვევაში გასაწევ მომსახურებასა და საჭირო მასალებზე დგება ცალკე დეფექტური აქტი.

1.2.8 მიმწოდებელმა შემსყიდველის ავტოსატრანსპორტო საშუალებებს უნდა მიანიჭოს პრიორიტეტი, რაც გულისხმობს მათ რიგგარეშე და დაუყოვნებლივ მომსახურებას;

1.2.9 მომსახურების გაწევის პროცესში მიმწოდებლის ბრალეულობით ავტომანქანის დაზიანების შემთხვევაში, ზიანის აღმოფხვრის ხარჯებს სრულად აანაზღაურებს მიმწოდებელი.
1.2.10 მიმწოდებლისთვის მომსახურებაზე ა/მანქანის გადაცემათან ერთად მასზე გადადის ა/მანქანის შემთხვევითი დაზიანების ან/და განადგურების რისკი.

1.2.11 თუ მომსახურების გაწევისას გაჩნდება ავტოსტრანსპორტო საშუალების „მიმწოდებლის“ ტერიტორიაზე გაჩერების აუცილებლობა, ამ შემთხვევაში მის დაცვას დაზიანებისგან, ან ქურდობისგან უზრუნველყოფს „მიმწოდებელი“.
1.2.12 მიმწოდებლის მიერ განხორციელებულ მომსახურებაზე და თანმდევ სათადარიგო ნაწილებზე (გარდა ცვეთადი ნაწილებისა) და ძირითადი აგრეგატების რემონტზე უნდა ვრცელდებოდეს არანაკლებ 2 წლიანი საგარანტიო ვადა. საგარანტიო ვადის განმავლობაში მიმწოდებელი ვალდებულია, საკუთარი ხარჯებით, შემსყიდველისაგან ზედმეტი დანახარჯების გარეშე აღმოფხვრას აღმოჩენილი წუნი/დაზიანება და გამოწვეული თანმდევი შედეგები, შემსყიდველის შესაბამისი შეტყობინების მიღებიდან არაუგვიანეს 2 სამუშაო დღის ვადაში;
1.2.13 მომსახურება უნდა განხორციელდეს ცხრილში მითითებულ ავტომანქანებზე.

1.4 მომსახურების მიწოდება უნდა განხორციელდეს ხელშეკრულების გაფორმებიდან 2024 წლის 25 დეკემბრის ჩათვლით;

1.5.1 მომსახურების მიწოდება უნდა განხორციელდეს ეტაპობრივად, ქ. თბილისში მდებარე მიმწოდებლის სერვის ცენტრ(ებ)ში შემსყიდველის მოთხოვნის შესაბამისად;

2.2.1.1 პრეტენდენტს უნდა ჰქონდეს ანალოგიური მომსახურების გაწევის გამოცდილება და 2022-2023 წლებში მიწოდებული უნდა ჰქონდეს არანაკლებ 30000(ოცდაათი ათასი) ლარის ღირებულების ანალოგიური მომსახურება არაუმეტეს ორი დასრულებული ხელშეკრულების ფარგლებში.
2.2.1.2 თუ გაწეული მომსახურების დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტმა საკმარისია, ინფორმაციის სახით წარმოადგინოს შესყიდვის SPA/NAT/CMR /CNT ნომერი დანართი N2-ის შესაბამისად, ხოლო სხვა შემთხვევაში - უნდა წარმოადგინოს ხელშეკრულებ(ები)ა შესაბამისი მიღება-ჩაბარების აქტ(ებ)ით.
2.2.1.3 ანალოგიურ მომსახურებაში იგულისხმება ავტომანქანების შეკეთება და ტექნიკური მომსახურება. საჭიროების შემთხვევაში შემსყიდველი უფლებამოსილია, უზრუნველყოს წარმოდგენილი ინფორმაციის გადამოწმება.

2.3.1.1 პრეტენდენტს ქ. თბილისის ტერიტორიაზე მფლობელობაში/სარგებლობაში უნდა გააჩნდეს მინიმუმ ერთი სარემონტო საამქრო (სახელოსნო ბოქსები არანაკლებ სამი ერთეული ამწე დანადგარით. წარმოდგენილ უნდა იქნას საამქროს მფლობელობა/სარგებლობის დამადასტურებელი დოკუმენტ(ებ)ი) სარემონტო საამქრო უნდა იყოს უზრუნველყოფილი შესაბამისი აღჭურვილობით, ავტომობილების ყველა კვანძის და აგრეგატის ტექმომსახურების შესაძლებლობით (კაპიტალური რემონტის ჩათვლით), რემონტისა და სადიაგნოსტიკო აპარატურა/მოწყობილობებით. საამქროში დაცული უნდა იყოს სანიტარულ-ჰიგიენური ნორმები. შემსყიდველი იტოვებს უფლებას, გადაამოწმოს წარმოდგენილი ინფორმაცია;
2.3.1.2 სისტემის საშუალებით წარმოდგენილი უნდა იქნას პრეტენდენტის მფლობელობაში/სარგებლობაში არსებული სარემონტო საამქროს სურათები გარე ხედით და ინტერიერი, ბოქსებში განთავსებული, მოთხოვნილი აპარატურა/აღჭურვილობის თვალსაჩინოებისთვის. სურათები წარმოდგენილ უნდა იქნას pdf ფაილების სახით.
2.3.1.2 პრეტენდენტის სარემონტო საამქროში სავალდებულო აპარატურა/მოწყობილობების ჩამონათვალი მოცემულია დანართი N3-ში.

2.9.1 პრეტენდენტმა სატენდერო წინადადების ფასი უნდა წარმოადგინოს დანართი N1-ში მოცემული (ცხრ N1, ცხრ N2, ცხრ N3 და ცხრ N4 ჯამის სახით) პრეისკურანტის ჯამური ღირებულების მიხედვით ეროვნულ ვალუტაში, ლარში საქართველოს მოქმედი კანონმდებლობით გათვალისწინებული გადასახადებისა და მომსახურების მიწოდებასთან დაკავშირებული ხარჯების ჩათვლით. სატენდერო წინადადების ფასი არ უნდა აღემატებოდეს ზღვრული პრეისკურანტის მთლიან ღირებულებას, აგრეთვე პრეტენდენტის მიერ წარმოდგენილი პრეისკურანტის ფასები ცალკეულ პოზიციებზე არ უნდა აღემატებოდეს ზღვრული პრეისკურანტის ფასებს შესაბამის პოზიციებზე.

2.9.2 პრეტედენტის მიერ შემოთავაზებულ პრეისკურანტსა და ზღვრული პრეისკურანტის ღირებულებას შორის სხვაობის შემთხვევაში, სხვაობა პროპორციულად უნდა გადანაწილდეს პრეისკურანტის ყოველ ცალკეულ პოზიციაზე - პრეისკურანტის ჯამური ღირებულების შემცირებისას, პრეტენდენტმა პროპორციულად უნდა შეამციროს თითოეულ პოზიციაზე ერთეული მომსახურების/საქონლის ღირებულება.

2.9.3 პრეტენდენტის მიერ წარმოდგენილ დაზუსტებულ პრეისკურანტში რომელიმე პოზიციის ერთეულის ფასის გაზრდა თავდაპირველად შემოთავაზებულ ფასთან შედარებით გამოიწვევს პრეტენდენტის დისკვალიფიკაციას.

2.9.4 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი #1-ის (პრეისკურანტი) წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში.
2.9.5 დაუშვებელია პრეტენდენტის მიერ წარმოდგენილ პრეისკურანტში ზღვრული პრეისკურანტით გათვალისწინებული რომელიმე პოზიციის ამოღება, ან პოზიციის ნუმერაციის შეცვლა. აღნიშნული ქმედება გამოიწვევს პრეტენდენტის დისკვალიფიკაციას.
2.9.6 დაუშვებელია პრეტენდენტის მიერ წარმოდგენილ პრეისკურანტში ზღვრული პრეისკურანტით გათვალისწინებული რომელიმე პოზიციის ამოღება, ან პოზიციის ნუმერაციის შეცვლა. აღნიშნული ქმედება გამოიწვევს პრეტენდენტის დისკვალიფიკაციას.

4.1.1.1 თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მაშინ პრეტენდენტმა უნდა დაასაბუთოს ფასწარმოქმნის ადეკვატურობა აუდიტის/ექსპერტიზის დასკვნით, რითაც დადასტურდება მის მიერ ხელშეკრულებით ნაკისრი ვალდებულებების შესრულების შესაძლებლობა. დასკვნასთან ერთად წარმოდგენილ უნდა იქნას დასკვნის გამცემის უფლებამოსილების დამადასტურებელი დოკუმენტ(ებ)ის ქსეროასლ(ებ)ი.

7.2.1 ანგარიშსწორება განხორციელდება ეტაპობრივად, მომსახურების მიწოდების დამადასტურებელი დოკუმენტის - მიღება-ჩაბარების აქტის საფუძველზე.
7.2.2 ანგარიშსწორება განხორციელდება ლარში, უნაღდო ანგარიშსწორების ფორმით.

7.3.1 მიღება-ჩაბარების აქტის გაფორმების თარიღიდან არაუგვიანეს 10(ათი) საბანკო დღის ვადაში.

ასლან ცეცხლაძე, 577079779, aslan.tsetskhladze@lma.gov.ge ტექნიკურ საკითხებთან დაკავშირებით შეკითხვებისთვის იოსებ ჩორგოლაშვილი, ტელ: 599 983344;

10.1.1 პრეტენდენტმა ელექტრონული სისტემის საშუალებით უნდა წარმოადგინოს:
10.1.1.1 ფასების ცხრილი (პრეისკურანტი) დანართი #1-ის მიხედვით;
10.1.1.2 პრეტენდენტის გამოცდილების დამადასტურებელი დოკუმენტ(ებ)ი სატენდერო პირობების 2.2.1 პუნქტის შესაბამისად დანართი N2-ის მიხედვით;
10.1.1.3 სატენდერო დოკუმენტაციის 2.3.1 პუნქტით გათვალისწინებული დოკუმენტაცია;
10.1.2 ტენდერში მონაწილეობით პრეტენდენტი ავტომატურად გამოხატავს თანხმობას სატენდერო პირობებზე.