Ремонт и техническое обслуживание транспортных средств и оборудования и сопутствующие услуги (Грузия - Тендер #52144444)

შპს „საქართველოს გაერთიანებული წყალმომარაგების კომპანიის“ საკუთრებაში არსებული სატრანსპორტო საშუალებების (მსუბუქი, მაღალი გამავლობა) ტექნიკური მომსახურების შესყიდვა.

დანართის სახით იხილეთ ავტოსატრანსპორტო საშუალებების ჩამონათვალი, რომლებზეც უნდა განხორციელდეს მომსახურების გაწევა.

შენიშვნა:

1.2.1 პრეტენდენტმა ელექტრონული ვაჭრობა უნდა განახორციელოს პრეისკურანტის სავარაუდო ჯამურ ღირებულებაზე 2 373 630.01 ლარზე;
1.2.2 პრეტენდენტის მიერ, სახელმწიფო შესყიდვების ერთიან ელექტრონულ სისტემაში წარმოდგენილ პრეისკურანტში გასაწევი მომსახურების და დეტალის ერთეულის ფასები (დეტალის/მომსახურების ერთეულის შემოთავაზებული ფასი) არ უნდა აღემატებოდეს შემსყიდველის მიერ, პრეისკურანტის შესაბამის გრაფაში მითითებული დეტალის და გასაწევის მომსახურების ერთეულის ზედა ზღვრულ ფასებს (დეტალის/მომსახურების ერთეულის ზედა ზღვრული ფასი).
1.2.3. სატენდერო დოკუმენტაციის 1.3 პუნქტით გათვალისწინებული პრეისკურანტი (დანართი N1) წარმოდგენილი უნდა იქნას Excel-ის ფორმატით.
1.2.4. პრეტენდენტმა, საბოლოო პრეისკურანტის წარმოდგენისას, პრეისკურანტის თითოეულ პოზიციაზე ფასის კლება უნდა განახორციელოს, მინიმუმ, პრეისკურანტის სავარაუდო ღირებულებასა და პრეტენდენტის მიერ სისტემაში დაფიქსირებული პრეისკურანტის საბოლოო ღირებულებას შორის არსებული %-ლი სხვაობის მიხედვით, შემსყიდველის მიერ სისტემაში ატვირთულ პრეისკურანტში განსაზღვრულ ფასებთან მიმართებაში.

1.4.1. მომსახურება გაწეულ უნდა იქნას საქართველოს მასშტაბით, დაუყონებლივ/რიგგარეშე, ხელშეკრულების გაფორმებიდან 2024 წლის 31 დეკემბრის ჩათვლით, შემსყიდველის მოთხოვნის შესაბამისად.
1.4.2. მიმწოდებელი ვალდებულია შემსყიდველის მიმართვიდან არაუგვიანეს 1 (ერთი) სამუშაო დღის ვადაში ჩაატაროს სატრანსპორტო საშუალებების დათვალიერება/დიაგნოსტიკა და უზრუნველყოს შესაბამისი დეფექტური აქტების შემსყიდველის ელექტრონულ მისამართზე - i.dolidze@water.gov.ge, გაგზავნა. შემსყიდველის თანხმობის გარეშე, ავტოსატრანსპორტო საშუალებების შეკეთების შემთხვევაში, კომპანია იტოვებს უფლებას, არ აუნაზღაუროს მიმწოდებელს გაწეული მომსახურების ღირებულება.
1.4.3. მომსახურების გაწევის ვადები თითოეულ შემთხვევაზე არ უნდა აღემატებოდეს სავალი ნაწილებისთვის - 3 დღეს (გარდა ავტოსატრანსპორტო საშუალებების თითოეული მოდელისათვის საჭირო სავალი ნაწილის სწრაფცვეთადი დეტალებისა (მათ შორის წინა და უკანა სამუხრუჭე ხუნდები), ასევე ჰაერის, საწვავისა და კონდიციონერის ფილტრები, მინის მწმენდები, მინის მწმენდის რეზინები და ნათურები, რომელთა შეცვლა/ტექნიკური მომსახურების გაწევა უნდა განხორციელდეს არაუგვიანეს 1 (ერთი) სამუშაო დღისა), ელექტროობისთვის - 3 დღეს, ძირითადი აგრეგატებისთვის - 5 დღეს. თუ ტექმომსახურება ეხება ძრავის კაპიტალურ რემონტს ან დეფიციტური სათადარიგო ნაწილით უზრუნველყოფას, შესაძლებელია მომსახურების გაწევის დრო განისაზღვროს მხარეთა შეთანხმებით, მაგრამ არაუმეტეს 30 (ოცდაათი) კალენდარული დღისა. სათადარიგო ნაწილი არ ჩაითვლება დეფიციტურად თუ საქართველოს ბაზარზე მოიძებნება თუნდაც ერთი მიმწოდებელი, რომელიც ახორციელებს აღნიშნული სათადარიგო ნაწილის რეალიზაციას. მოცემული ვადების ათვლა დაიწყება შემსყიდველის მიერ ელექტრონულად გაცემული თანხმობის მომენტიდან.

1.5.1. მომსახურების გაწევა უნდა განხორციელდეს დაუყოვნებლივ, რიგგარეშე, პრეტენდენტის სერვისცენტრ/ებ/ში (ქ. თბილისი; ქ. ქუთაისი; ქ. თელავი; ქ. ახალციხე; ქ. ფოთი; ქ. ზუგდიდი და ქ. გორი), იმ შემთხვევაში თუ რომელიმე სერვისცენტრში სრულყოფილად ვერ ხორციელდება ტექნიკური მომსახურების გაწევა, მიმწოდებელი ვალდებულია საკუთარი სახსრებითა და სპეციალური ტექნიკის (ევაკუატორის) მეშვეობით უზრუნველყოს სატრანსპორტო საშუალების ალტერნატიულ სერვისცენტრში გადაყვანა (ტრანსპორტირება).
1.5.2. მიმწოდებელი ვალდებულია: მომსახურება გაწიოს ამ სფეროში საერთაშორისოდ აღიარებული ნორმებისა და სტანდარტების შესაბამისად; დაიცვას უსაფრთხოების ზომები მოქმედი კანონმდებლობით დადგენილი წესების სრული დაცვით; გათვალოს მომსახურების განხორციელების პროცესში შესაძლო რისკები და უზრუნველყოს მოსალოდნელი საფრთხეების თავიდან არიდება; სრულად უზრუნველყოს მისი ქმედების/უმოქმედობის შედეგადა გარემოზე ან/და სხვა სახის ქონებაზე მიყინებული ზიანის ანაზრაურება; აუნაზღაუროს შემსყიდველს მისი ბრალეულობით გამოწვეული ნებისმიერი სახის მატერიალური და არამატერიალური ზარალი.
1.5.3. მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი ზარალის აღმოფხვრის ხარჯების ანაზღაურება ეკისრება მიმწოდებელს.
1.5.4. პრეტენდენტმა, ხელშეკრულების დადებიდან არაუმეტეს 15 კალენდარული დღის ვადაში უნდა უზრუნველყოს ტექნიკური მომსახურების გამწევი სერვისცენტრების ვიდეო-კამერებით აღჭურვა, რომლებიც საშუალებას მისცემს შემსყიდველს რეალურ დროში დააკვირდეს ტექმომსახურების პროცესს (კამერების ხედვის არეალში მოქცეულ უნდა იყოს ყველა „ბოქსი“). ამასთან, შემსყიდველის მოთხოვნის საფუძველზე, პრეტენდენტმა უნდა უზრუნველყოს არანაკლებ 30 დღიანი ჩანაწერის წარმოდგენა (შემსყიდველის მოთხოვნის საფუძველზე, აღნიშნულის მიწოდება უნდა განხორციელდეს არაუგვიანეს 2 სამუშაო დღის ვადაში).

1.7.1.1 განხორციელებულ მომსახურებაზე და თანმდევ სათადარიგო ნაწილებზე უნდა ვრცელდებოდეს გარანტია (გარდა სწრაფცვეთადი დეტალებისა (ნათურები (მათ შორის გახურების ნათურები), ანთების სანთლები, გახურების სანთლები, დამცველები, გადაბმულობის ამყოლი და მიმყოლი რგოლები (ფრიქციონები), კონდიციონერის, ჰაერისა და საწვავის ფილტრები, მინის მწმენდები, ანთების საკონტაქტო ერთეულები და მტვერდამცავები (პილნიკები), ასევე, გარდა იმ შემთხვევისა, როდესაც დაზიანება გამოწვეულია არასწორი ექსპლუატაციითა და გარეგანი ზემოქმედების შედეგად) არანაკლებ 200 (ორასი) კალენდარული დღე; ძრავზე, გადაცემათა კოლოფზე და ხიდებზე არანაკლებ 1 წელი ან 40 000 კმ, რომელიც უფრო ადრე დადგება; ელექტრონულ მოწყობილობებზე არანაკლებ 1 წელი; გადაბმულობის კომპლექტზე (დაკიდების დისკი, ქურო და საკისარი), მორგვის საკისრებზე და ყუმბარებზე არანაკლებ 6 თვე ან 20000 კმ; ძრავის ზეთი სინთეთიკური - 8 000 კმ; ძრავის ზეთი ნახევრად სინთეთიკური - 7 000 კმ; ძრავის ზეთი მინერალური - 7 000 კმ; ზეთის ფილტრი - 7 000 კმ; ძრავის ღვედი დამჭიმებით - 40 000 კმ; გენერატორის ღვედი - 30 000 კმ; კონდენციონერის ღვედი - 30 000 კმ; საჭის გამაძლიერებლის ღვედი - 30 000 კმ. ამასთან, შეცვლილი (ახალი) წინა და უკანა სამუხრუჭე ხუნდები ექსპლუატაციისას (საგარანტიო პერიოდში) არ უნდა გამოსცემდნენ ახალი (ხარისხიანი) ხუნდებისათვის უჩვეულო და არადამახასიათებელ ხმებს.

საგარანტიო ვადის განმავლობაში შეცვლილი სათადარიგო ნაწილის დაზიანების ან წუნდების შემთხვევაში მიმწოდებელი ვალდებულია სავალი ნაწილების შემთხვევაში - 3 დღეში, ელექტროობის შემთხვევაში - 3 დღეში, ხოლო ძირითადი აგრეგატების შემთხვევაში - 5 დღეში საკუთარი ხარჯებით აღმოფხვრას აღმოჩენილი წუნი/დაზიანება;


შენიშვნა: პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში ატვირთოს გასაწევი მომსახურების საგარანტიო პირობები.

2.2.1.1. პრეტენდენტს 2020 წლის 01 იანვრიდან ტენდერის გამოცხადების დღემდე ფაქტობრივად შესრულებული უნდა ჰქონდეს არანაკლებ 300 000 (სამასი ათასი) ლარის ანალოგიური შეკეთება/ტექნიკური მომსახურების განხორციელების გამოცდილება.
2.2.1.2. პრეტენდენტმა უნდა წარმოადგინოს მინიმუმ 3 (სამი) სარეკომენდაციო წერილი ანალოგიური მომსახურების გამოცდილების შესახებ.
2.2.1.3. პრეტენდენტი ვალდებულია წარმოადგინოს მხარეთა მიერ ხელმოწერილი ხელშეკრულებების და დამკვეთის ან/და მის მიერ განსაზღვრული უფლებამოსილი პირის მიერ დადასტურებული შესაბამისი მომსახურების გაწევის დამადასტურებელი დოკუმენტების ასლები, საიდანაც უნდა იკვეთებოდეს გაწეული მომსახურების დასახელება და ღირებულება (გაწეული მომსახურების მიღება-ჩაბარების აქტი, ან/და დამკვეთის მიერ გაცემული, მომსახურების გაწევის დამადასტურებელი ნებისმიერი წერილობითი დოკუმენტი).
2.2.1.4. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი განცხადების ნომრ(ებ)ის (SPA, NAT, CMR, MEP, DAP და სხვა ნომრები) წარმოდგენა. აღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა სატენდერო დოკუმენტაციის 2.2.1 პუნქტში არსებული დანართი N2-ის შესაბამისად.
ამასთან:
ა) დანართი N2-ის ატვირთვა სავალდებულო არ არის;
ბ) იმ შემთხვევაში, თუ დანართ N2-ში არ იქნება ასახული ინფორმაცია განცხადების ნომრ(ებ)ის (SPA, NAT, CMR, MEP, DAP და სხვა ნომრები) ან/და ელექტრონული ტენდერის შესაბამის მოდულში მოცემული ინფორმაცია ვერ უზრუნველყოფს სატენდერო დოკუმენტაციით მოთხოვნილი გამოცდილების დადასატურებას, პრეტენდენტმა უნდა წარმოადგინოს მხარეთა შორის ხელმოწერილი ხელშეკრულებების ასლები და მომსახურების გაწევის დამადასტურებელი დოკუმენტების ასლები (მიღება-ჩაბარების აქტი, ან/და დამკვეთის მიერ გაცემული, მომსახურების გაწევის დამადასტურებელი ნებისმიერი წერილობითი დოკუმენტი), რითაც დადასტურდება მოთხოვნილი გამოცდილება.
გ) მომსახურებაზე, რომელიც გაწეულია საქართველოს ტერიტორიაზე და დამკვეთს წარმოადგენს კერძო სამართლის სუბიექტი (არა შესყიდველი ორგანიზაციები), პრეტენდენტმა დამატებით უნდა წარმოადგინოს შესაბამისი დადასტურებული საგადასახადო ანგარიშ-ფაქტურა;

2.3.1.1 პრეტენდენტმა უნდა წარმოადგინოს ტექნიკური მომსახურების გამწევი სერვისცენტრების საკუთრების ან/და სარგებლობის დამადასტურებელი დოკუმენტები, რითაც დადასტურდება სერვისცენტრის საკუთრება ან/და სარგებლობის უფლებით ფლობა. სარგებლობის უფლებით ფლობის შემთხვევაში წარმოდგენილი დოკუმენტი ძალაში უნდა იყოს არანაკლებ 2024 წლის 31 დეკემბრის ჩათვლით, ხოლო,თუ აღნიშნულის დამადასტურებელი დოკუმენტი 1 წელზე მეტი ვადით არის დადებული, პრეტენდენტმა დამატებით უნდა წარმოადგინოს ამონაწერი საჯარო რეესტრიდან, ვინაიდან, საჯარო რეესტრის შესახებ საქართველოს კანონის მე-11 მუხლის (უძრავ ნივთებზე უფლებათა რეესტრში რეგისტრაციისადმი დაქვემდებარებული უფლებები და ვალდებულებები) პირველი პუნქტის „ზ“ ქვეპუნქტის შესაბამისად, უძრავ ნივთებზე უფლებათა რეესტრში რეგისტრირდება იჯარა. ამავე მუხლის მე-5 პუნქტის შესაბამისად, მე-11 მუხლის პირველი პუნქტის „ა“–„ე“ ქვეპუნქტებით გათვალისწინებული უფლებების, ხოლო კერძო სამართლის იურიდიული პირის მონაწილეობით 1 წელზე მეტი ვადით დადებული გარიგების (მათ შორის, გარიგებებისა, რომელთა საერთო ვადა აღემატება 1 წელს) საფუძველზე - აგრეთვე ამ მუხლის პირველი პუნქტის „ვ“–„ი“ და „ლ“ ქვეპუნქტებით გათვალისწინებული უფლებების წარმოშობისათვის აუცილებელია მათი საჯარო რეესტრში რეგისტრაცია).

2.3.1.2 პრეტენდენტს ტექმომსახურების გაწევის მიზნით, ქალაქი თბილისის სერვის-ცენტრის ერთ სივრცეში უნდა გააჩნდეს შემდეგი მანქანა-დანადგარები და შესაბამისი აღჭურვილობა, ძირითადი საშუალებები (მატერიალურ-ტექნიკური ბაზა):

სატრანსპორტო საშუალების ამწევი მექანიზმი - არანაკლებ 10 ერთეული, ელექტრო სისტემის კომპიუტერული დიაგნოსტიკის აპარატი - არანაკლებ 1 ერთეული; საყრდენი დისკის გასაჩარხი აპარატი - არანაკლებ 1 ერთეული; ძრავის CO2-ზე შემოწმების აპარატი - არანაკლებ 1 ერთეული; ძრავის ბოლით შემოწმების აპარატი - არანაკლებ 1 ერთეული; წინა მაშუქების რეგულირების აპარატი - არანაკლებ 1 ერთეული; ვულკანიზაციის/ბალანსირების აპარატი - არანაკლებ 1 ერთეული; დისკების გასწორების აპარატი - არანაკლებ 1 ერთეული; კონდიცირების სისტემის ტესტირების და ფრეონით დამუხტვის აპარატი - არანაკლებ 1 ერთეული; თვლების შეყრის გასწორების აპარატი - არანაკლებ 1 ერთეული; საწვავის (ბენზინის) სისტემის დიაგნოსტირების აპარატი - არანაკლებ 1 ერთეული; დიზელის სისტემის დიაგნოსტირების აპარატი - არანაკლებ 1 ერთეული; ძრავში ზეთის შეცვლის აპარატი (ბალონი) - არანაკლებ 1 ერთეული; ძრავის ამოსაღები ამწე - არანაკლებ 1 ერთეული; ელექტრო მომარაგების ალტერნატიული წყარო (გენერატორი).

პრეტენდენტს ტექმომსახურების გაწევის მიზნით, ქალაქი ქუთაისის სერვის-ცენტრის ერთ სივრცეში უნდა გააჩნდეს შემდეგი მანქანა-დანადგარები და შესაბამისი აღჭურვილობა, ძირითადი საშუალებები (მატერიალურ-ტექნიკური ბაზა):

სატრანსპორტო საშუალების ამწევი მექანიზმი - არანაკლებ 5 ერთეული; ელექტრო სისტემის კომპიუტერული დიაგნოსტიკის აპარატი - არანაკლებ 1 ერთეული; საყრდენი დისკის გასაჩარხი აპარატი - არანაკლებ 1 ერთეული; ძრავის CO2-ზე შემოწმების აპარატი - არანაკლებ 1 ერთეული; ძრავის ბოლით შემოწმების აპარატი - არანაკლებ 1 ერთეული; წინა მაშუქების რეგულირების აპარატი - არანაკლებ 1 ერთეული; ვულკანიზაციის/ბალანსირების აპარატი - არანაკლებ 1 ერთეული; კონდიცირების სისტემის ტესტირების და ფრეონით დამუხტვის აპარატი - არანაკლებ 1 ერთეული; თვლების შეყრის გასწორების აპარატი - არანაკლებ 1 ერთეული; ძრავში ზეთის შეცვლის აპარატი (ბალონი) - არანაკლებ 1 ერთეული; ძრავის ამოსაღები ამწე - არანაკლებ 1 ერთეული; ელექტრო მომარაგების ალტერნატიული წყარო (გენერატორი).

პრეტენდენტს ტექმომსახურების გაწევის მიზნით, ქ. ფოთში, ქ. ზუგდიდში, ქ. ახალციხეში, ქ. თელავში და ქ. გორის სერვის-ცენტრების ერთ სივრცეში უნდა გააჩნდეს შემდეგი მანქანა-დანადგარები და შესაბამისი აღჭურვილობა, ძირითადი საშუალებები (მატერიალურ-ტექნიკური ბაზა):

სატრანსპორტო საშუალების ამწევი მექანიზმი - არანაკლებ 2 ერთეული; ელექტრო სისტემის კომპიუტერული დიაგნოსტიკის აპარატი - არანაკლებ 1 ერთეული; საყრდენი დისკის გასაჩარხი აპარატი - არანაკლებ 1 ერთეული; ძრავის CO2-ზე შემოწმების აპარატი - არანაკლებ 1 ერთეული; ძრავის ბოლით შემოწმების აპარატი - არანაკლებ 1 ერთეული; ვულკანიზაციის/ბალანსირების აპარატი - არანაკლებ 1 ერთეული; კონდიცირების სისტემის ტესტირების და ფრეონით დამუხტვის აპარატი - არანაკლებ 1 ერთეული; ძრავში ზეთის შეცვლის აპარატი (ბალონი) - არანაკლებ 1 ერთეული; ელექტრო მომარაგების ალტერნატიული წყარო (გენერატორი).

პრეტენდენტის სერვისცენტრებს უნდა გააჩნდეს დაცული ავტოსადგომი, სადაც შესაძლებელი იქნება დღე-ღამის ნებისმიერ მონაკვეთში მწყობრიდან გამოსული სანტრანსპორტო საშუალებ/ებ/ის მიყვანა და გონივრული ვადით (შეკეთებამდე) განთავსება; სერვისცენტრებში დაცული უნდა იყოს ჰიგიენური ნორმები. სერვისცენტრები აღჭურვილ უნდა იყოს პირველადი და აუცილებელი მოხმარების ხანძარსაწინააღმდეგო ინვენტარით.


შენიშვნა: პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში ატვირთოს მატერიალურ-ტექნიკურ ბაზასთან დაკავშირებული ინფორმაცია.

4.1.1.1. იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული პრეისკურანტის საბოლოო ფასი 20%-ით ან მეტით დაბალია პრეისკურანტის სავარაუდო ზღვრულ ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებით.

5 Процентов

10 Процентов

6.3.1 ხელშეკრულების შესრულების უზრუნველყოფის საბანკო გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

6.4.1. ხელშეკრულების შესრულების უზრუნველყოფის უპირობო გამოუთხოვადი საბანკო გარანტია წარმოდგენილ უნდა იყოს საქართველოს კანონმდებლობის შესაბამისად ლიცენზირებული დაწესებულებიდან, ეროვნულ ვალუტაში - ლარში, სატენდერო დოკუმენტაციის დანართი №3–ის მიხედვით ან/და სატენდერო დოკუმენტაციის დანართი №3-ით მოთხოვნილი ინფორმაციის შემცველი დოკუმენტი (დანართი №3 იხილეთ სატენდერო დოკუმენტაციის 10.1 პუნქტში).
6.4.2. იმ შემთხვევაში, თუ მიმწოდებელი უზრუნველყოფს ხელშეკრულებით ნაკისრი ვალდებულებების სრულად შესრულებას ან ხელშეკრულების მოქმედება შეწყდება მიმწოდებლისაგან დამოუკიდებელი მიზეზებით, შემსყიდველი ვალდებულია მიმწოდებლის წერილობითი მოთხოვნის საფუძველზე უზრუნველყოს გარანტიის დაუყოვნებლივ დაბრუნება.
6.4.3. მიმწოდებლის მიერ ხელშეკრულებით გათვალისწინებული ვალდებულებების დარღვევის (ხელშეკრულებით გათვალისწინებული ვალდებულებების შეუსრულებლობა და/ან შესრულებაზე უარის თქმა და/ან ხარვეზის აღმოსაფხვრელად მიმწოდებლის მიერ შესაბამისი ღონისძიებების განუხორციელებლობა) შემთხვევაში, მიმწოდებელს უპირობო და გამოუთხოვადი საბანკო/სადაზღვევო გარანტიით გათვალისწინებული თანხა არ დაუბრუნდება.
6.4.4. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში). უპირობო და გამოუთხოვადი საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).

.

7.2.1 ანგარიშსწორება განხორციელდება ეტაპობრივად, ფაქტობრივად გაწეული მომსახურების მიხედვით, მიმწოდებლის მიერ ანგარიშსწორებისთვის საჭირო დოკუმენტაციის წარმოდგენის შემდგომ.

7.3.1 ნგარიშსწორება განხორციელდება ეტაპობრივად, ფაქტობრივად გაწეული მომსახურების მიხედვით, მიმწოდებლის მიერ ანგარიშსწორებისთვის საჭირო დოკუმენტაციის წარმოდგენიდან 10 (ათი) სამუშაო დღის ვადაში.

ირაკლი ჭეჟია, 593636888, irakli05@yahoo.com სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.

1 სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგიმოს ალტერნატიული სატენდერო წინადადება;
3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი,დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სი