Образовательные услуги (Грузия - Тендер #52144409)

სსიპ შემოსავლების სამსახურის თანამშრომლების მომზადება-სერტიფიცირება ბიზნესისა და არამატერიალური აქტივების შეფასების სფეროში, 2024 წლის განმავლობაში

სსიპ შემოსავლების სამსახურის თანამშრომლების მომზადება-სერტიფიცირება ბიზნესისა და არამატერიალური აქტივების შეფასების სფეროში, 2024 წლის განმავლობაში:

- მომსახურების გაწევა უნდა განხორციელდეს ტექნიკური დოკუმენტაციით (იხ. დანართი) განსაზღვრული ვადებისა და პირობების შესაბამისად.

- სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ტრენინგების, ტესტირების და სერტიფიკაციის გამოცდების წარმატებით დასრულების შემდეგ, უნდა გაიცეს შესაბამისი ხარისხის დამადასტურებელი სერტიფიკატი.

მომსახურების გაწევა უნდა დაიწყოს ხელშეკრულების გაფორმების შემდეგ, შემსყიდველის - სსიპ შემოსავლების სამსახურის მოთხოვნის და მხარეთა ურთიერთშეთანხმების შესაბამისად, ხელშეკრულების გაფორმებიდან 2024 წლის 20 დეკემბრის ჩათვლით.

საჭიროების შემთხვევაში, ტრენინგებისა და სერტიფიცირების შეხვედრებისთვის, ფართის გამოყოფა უნდა უზრუნველყოს მიმწოდებელმა.

პრეტენდენტმა უნდა წარმოადგინოს ინფორმაცია მის სარგებლობაში ან საკუთრებაში არსებული მომზადება-სერტიფიცირებისთვის საჭირო სივრცის შესახებ, შესაბამისი მისამართების მითითებით. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან, ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებები, რომელიც ძალაში უნდა იყოს მინიმუმ 2024 წლის 31 დეკემბრის ჩათვლით (აღნიშნული ინფორმაციის წარმოდგენა სავალდებულოა).

ფართი უნდა მდებარეობდეს: ქ. თბილისში, საზოგადოებრივი ტრანსპორტისთვის მისადგომ ადგილას (ფართი უნდა იყოს სუფთა, აღჭურვილი შესაბამისი ტექნიკითა და საჭირო ინვენტარით (მოხერხებული საოფისე მაგიდებითა და სკამებით), საკანცელარიო ინვენტარით); სველ წერტილებში დაცული უნდა იყოს ჰიგიენური ნორმები და აღჭურვილი იყოს საჭირო ინვენტარით.

პრეტენდენტმა უნდა წარმოადგინოს ინფორმაცია ლექტორების და საგამოცდო/სასერტიფიკაციო პროცედურაში ჩართული პერსონალის კვალიფიციურობის შესახებ; ისინი უნდა იყვნენ აკრედიტებული ორგანოს მიერ სერტიფიცირებული სპეციალისტები ბიზნესის ან/და არამატერიალური აქტივების შეფასებაში.

ტენდერში მონაწილე პრეტენდენტი უნდა იყოს აკრედიტაციის ერთიანი ეროვნული ორგანოს - აკრედიტაციის ცენტრის მიერ აკრედიტებული ორგანიზაცია და ახორციელებდეს პერსონალის სერტიფიკაციას ბიზნესისა და არამატერიალური აქტივების შეფასების სფეროში საერთაშორისო სტანდარტის ISO/IEK 17024 შესაბამისად (პრეტენდენტი ვალდებულია წარმოადგინოს აღნიშნულის დამადასტურებელი დოკუმენტ(ებ)ი).

1. შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში. პრეტენდენტის მიერ წარმოდგენილი (ერთიან ელექტრონულ სისტემაში ატვირთული) ყველა დოკუმენტი და/ან ინფორმაცია ხელმოწერილი ან/და ბეჭედდასმული უნდა იყოს ხელმძღვანელის ან უფლებამოსილი პირის მიერ (უფლებამოსილი პირის შემთხვევაში წარმოდგენილი უნდა იქნას (ატვირთულ უნდა იქნას ერთიან ელექტრონულ სისტემაში) უფლებამოსილების დამადასტურებელი შესაბამისი დოკუმენტ(ებ)ი).
2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.
3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.
4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.
5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
6. სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).
7. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
8. მიმწოდებელი ვალდებულია ნებისმიერი ცვლილება ქვეკონტრაქტორთან და აკრედიტაციასთან დაკავშირებით არანაკლებ ერთი თვით ადრე აცნობოს შემსყიდველს.
9. პრეტენდენტის მიერ ერთიან ელექტრონულ სისტემაში ატვირთული დოკუმენტები,„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

შესყიდვის ობიექტის თავისებურებიდან გამომდინარე, რადგან აღნიშნული მომსახურება წარმოადგენს ინტელექტუალურ საქმიანობას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების მე-18 მუხლის მე-5 პუნქტის თანახმად, აღნიშნულ ტენდერში ფასწარმოქმნის ადეკვატურობის დამადასტურებელ დოკუმენტები არ მოითხოვება.

ანგარიშსწორება მიმწოდებელთან განხორციელდება ლარებში, უნაღდო ანგარიშსწორების ფორმით, მიმწოდებლის მიერ ფაქტიურად გაწეული მომსახურების ღირებულების შესაბამისად.
ანგარიშსწორება განხორციელდება მიმწოდებლის საბანკო რეკვიზიტებზე;
სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის გათვალისწინებით.

ანგარიშსწორება მიმწოდებელთან გამხორციელდება მომსახურების გაწევის შემდეგ ინსპექტირების, მიღება-ჩაბარების აქტე(ბი)ს გაფორმებისა და მიმწოდებლის მიერ საქართველოს კანონმდებლობით დადგენილი შესაბამისი დოკუმენტების (მათ შორის საგადასახადო ანგარიშფაქტურა) წარმოდგენიდან (იმ შემთხვევაში თუ მიმწოდებელი არ არის დღგ-ს გადამხდელი, მაშინ მიმწოდებელმა უნდა წარმოადგინოს შესაბამისი ცნობა სსიპ „შემოსავლების სამსახურიდან“) არაუგვიანეს 10 (ათი) სამუშაო დღის განმავლობაში.

თამარ ჭინჭარაული, 577605644, tamar.chincharauli@yahoo.com სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლის შესაბამისად.