Образовательные услуги (Грузия - Тендер #52144389)

შრომის უსაფრთხოების სპეციალისტისთვის, შესაბამისი სრული აკრედიტებული პროგრამის გავლის სატრენინგო მომსახურება.

შპს „საქართველოს მელიორაციის“ შრომის უსაფრთხოების სამსახურის სპეციალისტების სრული აკრედიტებული პროგრამით მომზადების სწავლების მომსახურების შესყიდვის საკითხთან დაკავშირებით, რომლის დასრულებისა და სასერთიფიკატო გამოცდის ჩაბარების შემდგომ, პირს ენიჭება უფლება განახორციელოს შრომის უსაფრთხოების სპეციალისტის ფუნქცია-მოვალეობები, პრეტენდენტის შერჩევისათვის გასათვალისწინებელი ტექნიკური პირობები:
1. პრეტენდენტი ანუ სწავლების განმახორციელებელი ორგანიზაცია უნდა იყოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ - შრომის ინსპექციის სამსახურთან არსებული აკრედიტაციის კომისიის მიერ უფლებამოსილი აკრედიტებული პროგრამის განმახორციელებელი პირი.
2. სრული აკრედიტებული პროგრამის სწავლების თეორიული და პრაქტიკული კურსები უნდა ჩატარდეს არა სამუშაო საათებში. სრული აკრედიტებული პროგრამა არის შრომის უსაფრთხოების სპეციალისტის მომზადების არანაკლებ 230-აკადემიურსაათიანი პროგრამა (განისაზღვრება „შრომის უსაფრთხოების სპეციალისტის აკრედიტებული პროგრამის მოცულობის, განხორციელების წესისა და პირობების დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2018 წლის 13 ოქტომბრის №01-25/ნ ბრძანებაში ცვლილების შეტანის თაობაზე საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის № 01-81/ნ ბრძანების დანართი №1.1-ის №1 ცხრილის შესაბამისად.
3. პროგრამის დასრულების შემდგომ სწავლების განმახორციელებელი ორგანიზაცია გასცემს შესაბამისს ცნობას პროგრამის სასწავლო კომპონენტის დასრულების თაობაზე, რომ მსმენელს მიეცეს შესაძლებლობა ჩააბაროს სასერთიფიკატო გამოცდა საგამოცდო ცენტრში (საგამოცდო ცენტრი - შრომის ინსპექციის სტრუქტურული ერთეული ან აკრედიტაციის კომისიის მიერ ღია კონკურსის საფუძველზე შერჩეული ორგანიზაცია, რომელშიც შესაძლებელია სწავლების განმახორციელებელ პირთა საკვალიფიკაციო გამოცდისა და პროგრამის მსმენელთა სასერტიფიკატო გამოცდის ჩაბარება).
- სასწავლო კურსი ჩატარდება ქართულ ენაზე, ქ. თბილისში.
- ტრენინგისთვის საჭირო ფართით უზრუნველყოფას განახორციელებს მიმწოდებელი.

დანართი N1 (ფასების ცხრილი) პრეტენდენტმა უნდა წარმოადგინოს (ატვირთოს სისტემაში) Excel ფორმატში.

შენიშვნა: პრეტენდენტის მიერ მომსახურება გაწეული უნდა იქნას 1.2 პუნქტში ატვირთული ტექნიკური დავალების შესაბამისად.

ხელშეკრულების გაფორმებიდან არაუგვიანეს 2024 წლის 1 ივლისის ჩათვლით. მიმწოდებელმა უნდა უზრუნველყოს შემსყიდველთან ტრენინგის განხორციელების პერიოდის შეთანხმება.

მომსახურების გაწევა განხორციელდება ქ.თბილისში, მიმწოდებლის მიერ განსაზღვრულ მისამართზე.

პრეტენდენტს უნდა ქონდეს მინიჭებული აკრედიტირებული პროგრამის განხორციელების უფლება სსიპ შრომის ინსპექციის სამსახურთან არსებული აკრედიტაციის კომისიის მიერ.

აღნიშნულის დამადასტურებლად პრეტენდენტმა უნდა წარმოადგინოს სსიპ შრომის ინსპექციის სამსახურთან არსებული აკრედიტაციის კომისიის გადაწყვეტილების დოკუმენტი (დოკუმენტით მიღებული გადაწყვეტილება აკრედიტაციის შესახებ უნდა იყოს ძალაში არანაკლებ 2024 წლის 1 ივლისის ჩათვლით პერიოდში).

წინამდებარე ელ. ტენდერის ფარგლებში, პრეტენდენტმა უნდა წარმოადგინოს შემდეგი დოკუმენტაცია:

1. შევსებული დანართი N1 (წინამდებარე სატენდერო პირობების 1.3 პუნქტი);
2. შევსებული დანართი N2 (წინამდებარე სატენდერო პირობების 2.9 პუნქტი);
3. პრეტენდენტი აკრედიტიაციის დამადასტურებელი დოკუმენტი (წინამდებარე სატენდერო პიდობების 2.7.1 პუნქტის მოთხოვნების შესაბამისად).

შესყიდვის ობიექტი არის სატრეინინგო მომსახურება, რომელიც ძირითადად გაიწევა ადამიანური რესურსის გამოყენებით. იგი დამოკიდებულია ბევრ ისეთ ფაქტორებზე (მაგალითად, პერსონალის კვალიფიკაცია, მუშაობის ხანგრძლივობა, ანაზღაურების ოდენობა, შრომის ორგანიზაციის წესი და სხვა), რომლის შეფასება ერთობლიობაში ფასწარმოქმნის ადეკვატურობის მხრივ არ არის მიზანშეწონილი. აღსანიშნავია, რომ შესყიდვაში მონაწილეობა შეუძლიათ მიიღონ მხოლოდ იმ კომპანიებმა, რომლებიც აკრედიტებული არიან, აღნიშნულის გათვალისწინებით, უნდა ვივარაუდოთ რომ მათი შემოთავაზება იქნება გონივრული (სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაშიც).

ანგარიშსწორება განხორციელდება უნაღდო ანგარიშწორების ფორმით.

ანგარიშსწორება განხორციელდება 10 სამუშაო დღის განმავლობაში, გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენის საფუძველზე

ნინო წერეთელი, 595131111, nino.tsereteli@ag.ge

- სატენდერო წინადადება და მასთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

- 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ, მის მიერ შექმნილ, ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით, გარდა საქართველოს კანონმდებლობით გათვალისწინებული შემთხვევებისა (იხილეთ სახელმძღვანელო ინსტრუქცია).

- თუ ხელშეკრულების გაფორმების მომენტისთვის გამარჯვებული პრეტენდენტი იქნება დარეგისტრირებული დღგ-ს გადამხდელად შესასყიდი საქონლის ღირებულებას (შემოთავაზებულ მთლიან თანხას) დაემატება დღგ (18 %)