Отделочные строительные работы (Грузия - Тендер #52144380)

სსიპ საზღვაო ტრანსპორტის სააგენტოს ადმინისტრაციული შენობის მესამე სართულის სარემონტო სამუშაოები.

ტენდერში გამარჯვებულმა ორგანიზაციამ საკუთარი მასალებითა და ხარჯებით უნდა უზრუნველყოს სსიპ საზღვაო ტრანსპორტის სააგენტოს ადმინისტრაციული შენობის სარემონტო სამუშაოების სატენდერო დოკუმენტაციით გათვალისწინებული სამუშაოების შესაბამისად, კერძოდ:
- ლამინირებული იატაკის დემონტაჟი;
- კედლის დემონტაჟი;
- ჭერის დემონტაჟი;
- კარების დემონტაჟი;
- ელ. ფურნიტურის მოხსნა;
- ლამინირებული იატაკის მონტაჟი;
- კედლის დამუშავება/შეღებვა;
- თაბაშირ მუყაოს ჭერის მონტაჟი/დამუშავება/შეღებვა;
- კარის მონტაჟი;
- კედლის ამოშენება თაბაშირ მუყაოს მასალით/დამუშავება/შეღებვა;
- ელ. ფურნიტურის მონტაჟი;
- ამსტრონგის ჭერის მონტაჟი;
- ფასადზე საფასადე თუნუქის მონტაჟი;

ა) ტენდერში გამარჯვებულმა კომპანიამ სამუშაოების შესრულებისას უნდა იხელმძღვანელოს სამუშაოების საერთაშორისო და ადგილობრივი სტანდარტებით და ნორმებით;
ბ)სამუშაოები უნდა განხორციელდეს შემსყიდველის მიერ წარმოდგენილი საპროექტო დოკუმენტაციის შესაბამისად (იხ. მიბმული ფაილ(ებ)ი.
გ) ტენდერში გამარჯვებულმა კომპანიამ სარემონტო სამუშაოები უნდა აწარმოოს სატენდერო პირობების 1.3 პუნქტით გათვალისწინებული ხარჯთაღრიცხვის დანართის შესაბამისად;
დ) ყველა გამოყენებული მასალა უნდა შეათანხმოს შემსყიდველთან. გამოყენებული მასალა უნდა იყოს ახალი და მაღალხარისხიანი, აკმაყოფილებდეს საქართველოში მოქმედ ყველა სამშენებლო ნორმასა და სტანდარტს;
ე) ხელშეკრულების მოქმედების პერიოდში, სამუშაოს მოცულობის გაზრდის შემთხვევაში ცვლილება განხორციელდება ხარჯთაღრიცხვაში განსაზღვრული ფასების შესაბამისად, ხოლო სამუშაოს ახალი პოზიცი(ებ)ის წარმოქმნის შემთხვევაში, შემსყიდევლის მხრიდან ცვლილება (ახალი პოზიციის დამატება) განხორციელდება მშენებლობის შემფასებელთა კავშირის „სამშენებლო რესურსების ფასებით“ განსაზღვრული ფასების ან გამონაკლის შემთხვევაში საბაზრო ფასების ფარგლებში, ხოლო ანაზღაურება განხორციელდება ფაქტობრივი დანახარჯების მიხედვით, მაგრამ არაუმეტეს ხარჯთაღრიცხვაში მოცემული ერთეულის ღირებულებებისა;
ვ)მიმწოდებელი ვალდებულია უზრუნველყოს ოთახებიდან საოფისე ავეჯისა და საოფისე ინვენტარის გამოტანა და შემსყიდველის მიერ მითითებულ ადგილზე განთავსება, ხოლო დასრულების შემდგომ პირვანდელ ადგილზე განთავსება.
ზ)ტენდერში გამარჯვებულმა ორგანიზაციამ საკუთარი მასალებითა და ხარჯებით უნდა განახორციელოს სამუშაოს დასრულების შემდეგ რემონტის შემდგომი კაპიტალური დასუფთავება;
თ) მიმწოდებელმა უნდა უზრუნველყოს სამუშაო ადგილის ფარგლებში გარემოზე ეკოლოგიური ზემოქმედების, სამუშაოებით გამოწვეული ხმაურის, ვიბრაციის და მტვრის გავლენის მინიმუმამდე დაყვანა;
ი) სამუშაოების დასრულების შემდეგ შემსრულებელი თავისი ძალებით და სახსრებით 2 დღის განმავლობაში ვალდებულია გაათავისუფლოს სამუშაო ადგილი სამშენებლო მოწყობილობა-დანადგარებისაგან, მასალებისაგან და ა.შ;
კ) სამუშაოების მიმდინარეობის პერიოდში, მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი;
ლ) ჯარიმის გადახდა მიმწოდებელს არ ათავისუფლებს დარღვევის აღმოფხვრის ვალდებულებისაგან.

ხელშეკრულების გაფორმების დღიდან 30 (ოცდაათი) კალენდარული დღის განმავლობაში.

ქ. ბათუმი, ბაქოს ქუჩა N50 - სსიპ საზღვაო ტრანსპორტის სააგენტოს ადმინისტაციული შენობა.

ა) საგარანტიო პერიოდი შეადგენს საბოლოო მიღება-ჩაბარების აქტის გაფორმებიდან არანაკლებ 1 (ერთი) წელი.
ბ) საგარანტიო პერიოდის განმავლობაში ხარვეზის გამოვლენის შემთხვევაში მიმწოდებელი ვალდებულია შემსყიდველის მიერ დადგენილ ვადაში მოახდინოს გამოვლენილი ხარვეზის აღმოფხვა ისე, რომ შესრულებული სამუშაოები სრულ შესაბამისობაში იყოს ხელშეკრულებით გათვალისწინებულ პირობებთან.
გ) გარანტიის პერიოდში აღმოჩენილი დეფექტების აღმოფხვრის ოპერატიულობა (ვადა): შეტყობინების მიღებიდან 10 კალენდარული დღის განმავლობაში.
დ) შეტყობინება შესაძლებელია განხორციელდეს სატელეფონო და ელექტრონული ფორმით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე. შეტყობინება ასევე შესაძლებელია განხორციელდეს მხარეთა მიერ შეთანხმებული სხვა ნებისმიერი ფორმით.

ა) ტენდერში მონაწილე პრეტენდენტს უკანასკნელი წლების განმავლობაში (2022 წლის 1 იანვრიდან ტენდერის გამოცხადების დღემდე) შესრულებული უნდა ჰქონდეს სხვადასხვა სახის სარემონტო სამშენებლო სამუშაოები საერთო ღირებულებით არანაკლებ 750 000 (შვიდას ორმოცდაათი ათასი) ლარის ოდენობით.
ბ) იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო ან სახელმწიფო შესყიდვის ქვეკონტრაქტორის შესყიდვის ხელშეკრულებებსა და მათი შესრულების დოკუმენტაციას, პრეტენდენტი ვალდებულია დამატებით წარმოადგინოს აღნიშნულ სამუშაოების შესრულების დამადასტურებელი დოკუმენტაცია (მიღება-ჩაბარების აქტი ან/და ანგ.ფაქტურა).
გ) სახელმწიფო შეყიდვის შემთხვევაში თუ პრეტენდენტის მიერ მითითებული იქნება NAT/SPA/CMR... ნომრები და ხელშეკრულების შესრულების მიმდინარეობის ანგარიშში ატვირთული იქნება ყველა ის შესრულების დამადასტურებელი დოკუმენტი, რაც გათვალისწინებულია სატენდერო დოკუმენტაციით, დამატებით სხვა დოკუმენტების წარმოდგენის საჭიროება არ არსებობს.

პრეტენდენტის მიერ სისტემაში ატვირთული უნდა იქნას მასთან მომუშავე კვალიფიციური შრომის უსაფრთხოების სპეციალისტის დამადასტურებელი შემდეგი სახის დოკუმენტაცია:
ა) პირადობის ასლი;
ბ) დიპლომის/სერტიფიკატის ასლი, რომლითაც დადასტურდება მისი განათლება და კვალიფიკაცია შრომის უსაფრთხოების სფეროში;
გ) წარმოდგენილ პირთან გაფორმებული შრომითი ხელშეკრულების ან/და ბრძანების ასლი, ან/და ცნობა, რომელიც დაადასტურებს პრეტენდენტთან მისი მუშაობის ფაქტს. ხელშეკრულების ვადა არ უნდა იყოს სამუშაოს შესრულების ვადაზე ნაკლები.

- პრეტენდენტის მიერ ხარჯთაღრიცხვა ატვირთული უნდა იქნას Excel-ის ფორმატის ფაილის სახით.
- შესასრულებელი სამუშაოების ფასი უნდა შეიცავდეს მიმწოდებლის ყველა ხარჯს, დაკავშირებულს სამუშაოების შესრულებასთან (მათ შორის სამუშაოების შესრულებისთვის საჭირო მასალების გათვალისწინებით) და საქართველოს კანონმდებლობით დადგენილ ყველა გადასახადს;
- შესასრულებელი სამუშაოების ფასის წარმოდგენა დასაშვებია მხოლოდ ლარში;
- პრეტენდენტის მიერ შესასრულებული სამუშაოების ღირებულებები მითითებულ უნდა იქნეს სატენდერო პირობების 1.3 პუნქტით გათვალისწინებულ დანართში, ამავე დანართით გათვალისწინებული რაოდენობებისა და მოცულობების შესაბამისად (დანარი ატვირთულ უნდა იქნეს ერთიან ელექტრონულ სისტემაში);
- ხარჯთაღრიცხვის წარმოუდგენლობის, განუფასებლად წარმოდგენის ან იმ შემთხვევაში,თუ სატენდერო დოკუმენტაციის მოთხოვნ(ებ)ის შესაბამისად, წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, ხარჯთაღრიცხვა არ ექვემდებარება დაზუსტებას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ 27-ე მუხლის მე-3 პუნქტის შესაბამისად;
- „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით;
- შემსყიდველის მიერ მოთხოვნილი ყველა დოკუმენტი ან/და ინფორმაცია პრეტენდენტის მიერ ატვირთულ უნდა იქნეს ერთიან ელექტრონულ სისტემაში; დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს მოქმედი კანონმდებლობის შესაბამისად დამოწმებული თარგმანი ქართულ ენაზე;
- პრეტენდენტს არ აქვს უფლება წარმოადგინოს ალტერნატიული წინადადება.

ა) სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობის დასადასტურებლად პრეტენდენტმა უნდა წარმოადგინოს: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის დასკვნა (აკრედიტებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი);
ბ) ფასწარმოქმნის ადეკვატურობის დამადასტურებელი დოკუმენტი შედგენილი და გაცემული უნდა იყოს საქართველოს მთავრობის 2017 წლის 26 სექტემბრის N439 დადენილებით დამტკიცებული "სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდის" მოთხოვნების შესაბამისად;
გ) ექსპერტიზისათვის საჭირო ხარჯები უნდა გაიღოს პრეტენდენტმა;
დ) პრეტენდენტის მიერ წარმოდგენილი ექსპერტიზის დასკვნა უნდა პასუხობდეს კონკრეტულად დასმულ კითხვას: პრეტენდენტის მიერ წარმოდგენილი ხარჯთაღრიცხვით შესაძლებელია თუ არა საპროექტო-სახარჯთაღრიცხვო დოკუმენტაციით გათვალისწინებული სამუშაოების შესრულება.

ა) მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში - ლარში;
ბ) დაფინანსების წყარო: 2024 წლის საკუთარი სახსრები;
გ) შესყიდვის ობიექტის ღირებულება მოიცავს სამუშაოების შესრულებასთან დაკავშირებულ ყველა ხარჯს დღგ-ს გათვალისწინებით;
დ) შესრულებულ სამუშაოებზე ანგარიშსწორება განხორციელდება საბოლოო მიღება-ჩაბარების აქტის, ინსპექტირების ჯგუფის დასკვნის, ფორმა N2-ის, საქართველოს კანონმდებლობით გათვალისწინებული შესაბამისი საგადასახადო დოკუმენტაციისა და ფაქტიურად შესრულებული სამუშაოების მოცულობის დამადასტურებელი დოკუმენტის საფუძველზე;
ე) თუ ანგარიშსწორება უნდა შესრულდეს არასამუშაო დღეს, მაშინ ანგარიშსწორება შესაძლებელია განხორციელდეს მომდევნო სამუშაო დღეს, რაც არ ჩაითვლება გადახდის ვადის გადაცილებად;
ვ) იმ შემთხვევაში, თუ მიმწოდებლის მიერ შესრულებული სამუშაოების ღირებულებამ არ შეადგინა ამ ხელშეკრულებით გათვალისწინებული თანხა, შემსყიდველი აუნაზღაურებს მიმწოდებელს მხოლოდ მის მიერ ფაქტობრივი მოცულობებით შესრულებული სამუშაოს ღირებულებას, ხარჯთაღრიცხვის მიხედვით. აღნიშნულიდან გამომდინარე მიმწოდებელს არ უნდა გააჩნდეს პრეტენზია სამუშაოთა აუთვისებელი მოცულობებისა და სამუშაოთა სახეობების შესრულებაზე და მის გადახდაზე;

შესრულებულ სამუშაოებზე ანგარიშწორება მოხდება საბოლოო მიღება–ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

თამარ მჟავანაძე, 571919101, t.mzhavanadze@mta.gov.ge

ა) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
ბ) ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
გ) სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
დ) სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
ე)ნებისმიერ ცვლილება, რომელსაც მოჰყვება ხელშეკრულების ფასის გაზრდა ან შემსყიდველისათვის პირობების გაუარესება, დაუშვებელია გარდა საქართველოს სამოქალაქო კოდექსის 398-ე მუხლით გათვალისწინებული შემთხვევებისა.