Машины, оборудование и канцелярские принадлежности, за исключением компьютеров, принтеров и мебели (Грузия - Тендер #51046510)

ბორჯომის მუნიციპალიტეტის სარგებლობაში არსებული ფერადი პრინტერის HP Color LaserJet Enterprise MFP M776 ორიგინალი კარტრიჯების შესყიდვა

1.2.1 მიმწოდებელმა უნდა უზრუნველყოს ფერადი პრინტერის HP Color LaserJet Enterprise MFP M776 კარტრიჯების მოწოდება;
1.2.2 კარტრიჯები უნდა იყოს ახალი, ქარხნული ორიგინალი (ორიგინალი გულისხმობს პრინტერის მწარმოებლის მიერ დამზადებულ, ან ამავე მწარმოებლის მიერ სერთიფიცირებული კომპანიის მიერ დამზადებულ პროდუქტს) განკუთვნილი HP Color LaserJet Enterprise MFP M776 პრინტერებისათვის;
1.2.3 შემოთავაზებული კარტრიჯები არ უნდა იყოს მეორადი, გაყალბებისგან და ფალსიფიცირებული პროდუქციისგან დაცვის მიზნით, თითოეულ კარტრიჯს უნდა ჰქონდეს უნიკალური კოდი და ყუთზე დატანილი გაყალბებისგან დამცავი 3D ჰოლოგრამა, რომლის საშუალებითაც მწარმოებლის საიტზე უნდა მოწმდებოდეს თითოეული კარტრიჯი),პრეტენდეტის მიერ მოწოდებული პროდუქცია არ უნდა იწვევდეს პრინტერების მუშაობის ხარისხის გაუარესებას და პრინტერების დეტალების დაზიანებას;
1.2.4. იმის გათვალისწინებით, რომ შესასყიდი ობიექტი გათვალისწინებულია ძვირადღირებული საბეჭდი მოწყობილობებისთვის, მიმწოდებელმა უნდა აიღოს პასუხისმგებლობა, რომ მის მიერ შემოთავაზებული პროდუქცია არ გამოიწვევს პრინტერების დაზიანებას, მათ შორის საღებავის/ფხვნილის ტექნიკაში ჩაყრას. წინააღმდეგ შემთხვევაში მიმწოდებელი ვალდებულია აუნაზღაუროს შემსყიდველს ზიანი - საკუთარი ხარჯით შეაკეთოს დაზიანებული ტექნიკა (არაუგვიანეს 5 სამუშაო დღისა). აღნიშნული მომსახურების აუცილებლობის შემთხვევაში ტრანსპორტირება უნდა უზრუნველყოს მიმწოდებელმა.
1.2.5 კარტრიჯი თავსებადი უნდა იყოს HP Color LaserJet Enterprise MFP M776 პრინტერთან. იმ შემთხვევაში, თუ კარტრიჯი არ აღმოჩნდება თავსებადი მითითებულ პრინტერთან და ავტორიზებული სერვის ცენტრის მიერ დადასტურდება, რომ პრობლემა გამოწვეულია კარტრიჯის მიერ, მიმწოდებელი ვალდებული იქნება აღმოფხვრას არსებული პრობლემა, ასევე დაფაროს ყველა სახის ხარჯი, რომელიც დაკავშირებული იქნება აღნიშნული წუნის გამოვლენასა (დიაგნოსტიკის, ტრანსპორტირების და სხვა ხარჯები) და გამოსწორებასთან

საქონლის მიწოდება უნდა განხორციელდეს ხელშეკრულების გაფორმებიდან 50 დღის ვადაში.

საქონლის მიწოდება მიმწოდებელმა უნდა განახორციელოს ერთიანად, შემსყიდველის მისამართზე: ქ. ბორჯომი, მესხეთის ქ. N5.

საქონელზე საგარანტიო ვადა უნდა ვრცელდებოდეს არანაკლებ 1 (ერთი) წელი ან კარტრიჯის ბეჭდვის რესურსის ამოწურვამდე.

კარტრიჯი ბეჭდვისას არ უნდა ავლენდეს ხარვეზებს: წერტილები, თეთრი და შავი ზოლები და ა.შ.
ექსპლუატაციის პროცესში შესყიდვის ობიექტის მიერ დეფექტის/წუნის/ხარვეზის გამოვლენის შემთხვევაში, მიმწოდებელმა საკუთარი ხარჯებით უნდა აღმოფხვრას გამოვლენილი ნებისმიერი ხარვეზი/წუნი/დეფექტი და საჭიროების შემთხვევაში უზრუნველყოს წუნდებული საქონლის შეცვლა ახლით, შემსყიდველის მოთხოვნიდან 30 (ოცდაათი) კალენდარული დღის ვადაში, გარდა იმ შემთხვევისა, თუ ასეთი ხარვეზი გამოწვეულია შემსყიდველის მიერ მექანიკური დაზიანებით.

ტენდერში მონაწილე პრეტენდენტის სატენდერო წინადადება უნდა შეიცავდეს მონაცემებს შემოთავაზებული შესყიდვის ობიექტის მწარმოებელი ქვეყნის, მწარმოებლის დასახელებისა და მოდელის შესახებ. აღნიშნული ინფორმაცია წარმოდგენილი უნდა იქნეს ქვემოთ მოცემული ცხრილის (დანართი №2) სახით.

შენიშვნა: პრეტენდენტის მიერ, „წინადადების მიღება დასრულებულია ეტაპზე,“ მწარმოებელი ქვეყნის, მწარმოებლისა და მოდელის მიუთითებლობა გამოიწვევს ტენდერში მონაწილე პრეტენდენტის დისკვალიფიკაციას;

.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა უნდა დასაბუთდეს სერთიფიცირებული აუდიტორის ან აკრედიტებული ექსპერტიზის დასკვნით (დასკვნასთან ერთად ასევე, წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია).
ექსპერტიზის ან/და აუდიტის დასკვნის წარმოდგენის შემთხვევაში უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

ანგარიშსწორება მოხდება უნაღდო ანგარიშსწორების ფორმით, ერთიანად მიღება-ჩაბარების აქტისა და საგადასახადო დოკუმენტაციის წარმოდგენის საფუძველზე

ხელშეკრულების შესრულების დამადასტურებელი დოკუმენტის გაფორმებიდან 10 სამუშაო დღე.

ეკა ლონდარიძე, 599635066, londarizeeka@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში მითითებული უნდა იქნას დღგ–ს გარეშე (იმის მიუხედავად არის თუ არა პრეტენდენტი დღგ–ს გადამხდელად რეგისტრირებული). თუ გამარჯვებული პრეტენდენტი ხელშეკრულების დადებისას იქნება რეგისტრირებული დღგ-ს გადამხდელად ხელშეკრულებაში დამატებით იქნება გათვალისწინებული დღგ–ს ოდენობა;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 და 2.1.1 პუნქტებით გათვალისწინებული მონაცემები.
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.
8 . სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.