Консалтинговые услуги в области исследований и разработок (Грузия - Тендер #51046470)

ეროვნულ დონეზე ექსტენციის სისტემების შეფასების და სისტემის განვითარების მექანიზმების/რეკომენდაციების შემუშავების საკონსულტაციო მომსახურების შესყიდვა.

შესყიდვის ობიექტია - ეროვნულ დონეზე ექსტენციის სისტემების შეფასების და სისტემის განვითარების მექანიზმების/რეკომენდაციების შემუშავების საკონსულტაციო მომსახურება, რომლის დეტალური აღწერა მოცემულია სატენდერო პირობების დანართი N1-ში - შესყიდვის ობიექტის ტექნიკური დავალება.

1.4.1 პირველ ეტაპზე სამოქმედო გეგმის და კვლევის/ანალიტიკის მეთოდოლოგია და აქტივობების განხორციელების სტრატეგია წარმოდგენილი და შემსყიდველთან შეთანხმებული უნდა იქნას ხელშეკრულების გაფორმებიდან 5 (ხუთი) სამუშაო დღეში.
1.4.2 პირველი ეტაპით განსაზღვრული დოკუმენტაციის წარმოდგენიდან/შეთანხმებიდან პირველადი სამუშაო ვერსია წარმოდგენილი უნდა იქნას არაუგვიანეს 20.03.2024-მდე, ხოლო შემსყიდველის მითითებებისა და შენიშვნების (ასეთის არსებობის შემთხვევაში) გათვალისწინებით საბოლოო ვერსია არაუგვიანეს 28.03.2024-მდე.

ანგარიშების/დოკუმენტაციის/მასალების წარმოდგენის ადგილია ქ. თბილისი, ახმეტელის 10ა.

პრეტენდენტს ტენდერით გათვალისწინებული მომსახურების გაწევის პროცესში ჩასართავად სხვა კვალიფიციურ და გამოცდილ პერსონალთან ერთად უნდა ჰყავდეს:
მინიმუმ 2 (ორი) სპეციალისტი სოფლის მეურნეობის სერვისების განვითარების მიმართულებით - თითოეულ სპეციალისტს უნდა გააჩნდეს მაგისტრის ხარისხი აგრარულ ან აგრობიზნეს სფეროში; უნდა ჰქონდეს სოფლის მეურნეობის სერვისების განვითარების მიმართულებით მინიმუმ 1 (ერთი) დასრულებულ პროექტში მუშაობის გამოცდილება, რაზეც წარმოდგენილი უნდა იყოს შესაბამისი ხელშეკრულება ან მიღება-ჩაბარების აქტი ან დამსაქმებელი ორგანიზაციის მიერ გაცემული სარეკომენდაციო წერილი/ცნობა;

ამასთან, მომსახურების პროცესში ჩართული სპეციალისტების კვალიფიკაციის შესახებ ინფორმაციის მიღების მიზნით პრეტენდენტმა სპეციალისტებზე უნდა წარმოადგინოს:

ა) მოქმედი პირადობის დამადასტურებელი მოწმობის ან პასპორტის ასლები;
ბ) სპეციალისტების საინფორმაციო ანკეტა დანართი N3-ის შესაბამისად;
გ) შესაბამისი განათლების დამადასტურებელი დოკუმენტების ასლები;
დ) სპეციალისტებთან გაფორმებული წინარე შეთანხმება ურთიერთთანამშრომლობის შესახებ - დანართი #4-ის შესაბამისად, რომლის ფარგლებში გამოხატული იქნება ორივე მხარის ნება პრეტენდენტის ტენდერში გამარჯვების შემთხვევაში მათი სავალდებულო თანამშრომლობის შესახებ კონკრეტულ პოზიციებზე. დაუშვებელია მიმწოდებლის მიერ ტენდერში წარმოდგენილი სპეციალისტის ჩანაცვლება, გარდა განსაკუთრებული შემთხვევებისა, რომელიც შეთანხმებული უნდა იქნეს შემსყიდველთან.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია სისტემაში ატვირთოს ფასწარმოქმნის ადეკვატურობის დამადასტურებელი დოკუმენტი.
ფასწარმოქმნის ადეკვატურობა, უნდა დასაბუთდეს ექსპერტიზის დასკვნით (პრეტენდენტის მიერ დასკვნასთან ერთად ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი) ან აუდიტორული დასკვნით (აუდიტორის დასკვნის წარმოდგენის შემთხვევაში, აუდიტორული კომპანია და აუდიტორი უნდა ირიცხებოდეს საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის შესაბამის რეესტრში და წარმოდგენილ უნდა იქნას ინფორმაცია მათი სარეგისტრაციო ნომრების შესახებ).
ზემოაღნიშნული პირობების დაუცველობა, ფასწარმოქმნის ადეკვატურობის დასაბუთების დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული მოთხოვნები.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება შესაძლებელია განხორციელდეს ერთიანად ან ეტაპობრივად, მხარეებს შორის მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

გელა ღონღაძე, 591910091, gela.gongadze@rda.gov.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტის მიერ შექმნილი, წინადადების სახით წარმოსადგენი დოკუმენტები უნდა იქნას ელექტრონულად ხელმოწერილი შესაბამისად უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა, რწმუნებულება...) ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტმა, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტზე უნდა შეასრულოს კვალიფიციური ელექტრონული ხელმოწერა ან/და ეს დოკუმენტი დაამოწმოს კვალიფიციური ელექტრონული შტამპით. პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული ხარჯთაღრიცხვა შესაძლებელია წარმოდგენილ იქნას Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.4 დაფინანსების წყაროა UNDP-ის მიზნობრივი გრანტი, რომელიც გათავისუფლებულია დღგ-ს გადასახადისგან.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს მომსახურებასთან დაკავშირებული ყველა ხარჯის და საქართველოს კანონმდებლობით გათვალისწინებული გადასახადების (გარდა დღგ) ჩათვლით;
10.1.6 სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
10.1.7 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 მომსახურების ხარჯთაღრიცხვა დანართი N2-ის შესაბამისად (ხარჯთაღრიცხვის განსაზღვრული ფორმით წარმოუდგენლობა ან თუ წარმოდგენილ ხარჯთაღრიცხვაში განუფასებელი პოზიციების რაოდენობა აღემატება განსაფასებელი პოზიციების 1%-ს, აღნიშნული დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).
10.2.2 სატენდერო პირობების 2.4.1 პუნქტის მოთხოვნების თანახმად განსაზღვრული შესაბამისი ინფორმაცია/დოკუმენტაცია.