Столовые и общественное питание (Грузия - Тендер #50431404)

კვებითი მომსახურება

- მიმწოდებელმა ხარისხის სრული დაცვით შემსყიდველის მოთხოვნის შესაბამისად უნდა უზრუნველყოს ქ.თბილისის პოლიციის დეპარტამენტის თანამშრომლების კვებით მომსახურება ქ.თბილისის მთელ ტერიტორიაზე (მიმწოდებელმა უნდა გაითვალისწინოს რომ ერთ ჯერზე შესაძლებელია შემსყიდველის მიერ მოთხოვნილ იქნას არაუმეტეს 2000 კაცის კვებითი მომსახურება).

- მიმწოდებელმა სატენდერო დოკუმენტაციით გათვალსწინებული საკვების მომზადება უნდა განახორციელოს საქართველოში მოქმედი სანიტარულ-ჰიგიენური ნორმების სრული დაცვით. კერძების მომზადება უნდა განახორციელოს კვალიფიციურმა კადრმა (აღნიშნული მოთხოვნის დარღვევით მიყენებული ზიანის სრული ანაზღაურება ეკისრება მიმწოდებელს).

- მიმწოდებლის მიერ დამზადებული/მიწოდებული კვების პროდუქტები თავისი საგემოვნო თვისებებით უნდა შეესაბამებოდეს შესაბამის სტანდარტებს და უნდა იყოს საკვებად ვარგისი და ჯანმრთელობისთვის უვნებელი (არ უნდა შეუქმნას საფრთხე ადამიანის სიცოცხლეს და ჯანმრთელობას) რაზეც მიმწოდებელი პასუხს აგებს საქართველოში მოქმედი კანონმდებლობით გათვალისწინებული წესით.

- მიმწოდებლის მიერ კვების პროდუქტების დამზადება უნდა განხორციელდეს ერთ ობიექტზე.

- მიმწოდებელმა უნდა უზრუნველყოს შემსყიდველისთვის მიწოდებული საკვები პროდუქტ(ებ)ის ნიმუშ(ებ)ის შენახვა (საკვები პროდუქტის შენახვისთვის საჭირო აუცილებელი პირობების დაცვით) სამი დღის განმავლობაში.

მომსახურების პრეისკურანტი იხილეთ სატენდერო დოკუმენტაციის 1.3 პუნქტი.

- ეტაპობრივად ხელშეკრულების გაფორმებიდან 2024 წლის 31 დეკემბრის ჩათვლით შემსყიდველის მოთხოვნის შესაბამისად

- მიმწოდებელმა უნდა უზრუნველყოს შემსყიდველის მიერ მოთხოვნილი რაოდენობის საკვები პროდუქტის ქ. თბილისის მასშტაბით მოთხოვნილ დროს მოთხოვნილ მისამართებზე მიწოდება 24 საათის განმავლობაში, მათ შორის არასამუშაო საათებში და უქმე დღეებში (შემსყიდველის მიერ მოთხოვნა განხორციელდება მომსახურების გაწევის კონკრეტულ დროსთან მიმართებაში არანაკლებ 4 საათით ადრე).

- ქ. თბილისი, შემსყიდველის მოთხოვნის შესაბამისად შემსყიდველის მიერ მოთხოვნილი კონკრეტული ადგილმდებარეობების შესაბამისად.

- საქონლის მიწოდება უნდა განხორციელდეს საკვები პროდუქტებისთვის განკუთვნილი ქაღალდის პაკეტებით ინდივიდუალურად, რომლებშიც პროდუქტის განთავსება უნდა მოხდეს შემსყიდველის მოთხოვნის შესაბამისად.

- საჭიროების შემთხვევაში მიმწოდებელმა უნდა უზრუნველყოს ერთდროულად თბილისის მაშტაბით არაუმეტეს 10 ობიექტზე საკვები პროდუქტების მოთხოვნილ მისამართებზე მიწოდება, პროდუქტის გადატანისას დაცული უნდა იყოს მზა პროდუქტის გადაზიდვის პირობები.

- მიმწოდებელი ვალდებულია უზრუნველყოს მისაწოდებელი კერძების დამზადება, ახალი, მაღალხარისხიანი და ჯანსაღი პროდუქტებისგან, რომელთა ვარგისიანობის ვადა უნდა შეადგენდეს მთლიანი ვადის არანაკლებ 70%-ს.

-ხარვეზის ან/და ნაკლის არსებობის შემთხვევაში, მიმწოდებელი ვალდებულია შეტყობინების მიღებისთანავე (იმავე დღეს) გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე

პრეტენდენტს 2021 წლის 1 იანვრიდან ტენდერის ჩატარების თარიღამდე უნდა გააჩნდეს არანაკლებ 100 000 (ასი ათასი) ლარის ღირებულების მსგავსი კვებითი მომსახურების შესრულების გამოცდილება, რომლის დამადასტურებლად პრეტენდენტმა ელექტრონულ სისტემაში უნდა ატვირთოს
- ხელშეკრულებ(ები)ა და ამ ხელშეკრულების საფუძველზე გაფორმებული გაწეული მომსახურების ამსახველი მიღება-ჩაბარების აქტ(ებ)ი, ან/და მომსახურების გაწევის დამადასტურებელი სხვა დოკუმენტაცია, ხელშეკრულებებზე და შესრულების დოკუმენტაციაზე უნდა იკითხებოდეს ორივე მხარის მიერ მისი დადასტურება
ან/და
- მითითებული იქნას შესაბამისი ტენდერის განცხადების ნომერ(ებ)ი (რომელშიც ატვირთული იქნება შესაბამისი დოკუმენტები ან/და ინფორმაცია).

2.3.1.1 პრეტენდენტს ქ. თბილისის ტერიტორიაზე საკუთრებაში ან სარგებლობაში უნდა გააჩნდეს ფართი - სამზარეულო (არანაკლებ 80 კვ/მ) სადაც განხორციელდება საკვები პროდუქტების დამზადება და მზა პროდუქციის დაფასოება. პრეტენდენტი ვალდებულია წარმოადგინოს საკუთრების/სარგებლობის დამადასტურებელი დოკუმენტი, ფართის სარგებლობის შემთხვევაში - სარგებლობის დამადასტურებელი დოკუმენტი დამოწმებული უნდა იყოს ნოტარიულად ან გატარებული უნდა იყოს საჯარო რეესტრში.

პრეტენდენტი ვალდებულია წარმოადგინოს შემდეგი დოკუმენტაცია:

ა) შემოთავაზებული ფართის საკუთრების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი) - იმ შემთხვევაში, თუ ფართი წარმოადგენს პრეტენდენტის საკუთრებას;

ბ) შემოთავაზებული ფართის სარგებლობის დამადასტურებელი დოკუმენტი, რომლის მიხედვითაც სარგებლობის დამადასტურებელი დოკუმენტის მოქმედების ვადა არ უნდა იყოს ტენდერით განსაზღვრული მომსახურების ვადაზე ნაკლები (2024 წლის 31 დეკემბრის ჩათვლით) - იმ შემთხვევაში, თუ ფართი პრეტენდენტს აქვს სარგებლობის უფლებით. ასევე, ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე (განახლებული საჯარო რეესტრის ამონაწერი და ა.შ);

შენიშვნა: საჯარო რეესტრის ამონაწერის წარმოდგენისას პრეტენდენტი ვალდებულია წარმოადგინოს წინამდებარე ტენდერის გამოცხადების შემდგომი თარიღით განახლებული დოკუმენტი.

2.3.1.2 სამზარეულო (არანაკლებ 80 კვ/მ), სამზარეულოში უნდა იყოს დამონტაჟებული გამწოვი მოწყობილობა, სველი წერტილი (პროდუქციის გასარეცხად) ცხელი და ცივი წყლით. ფართში დამონტაჟებული უნდა იყოს არანაკლებ ორი საცხობი ღუმელ(ებ)ი (ღუმელები უნდა იყოს სუფთა, არ უნდა ჰქონდეს რაიმე სახის ნადები), რომლის საცხობი თაროების (ე.წ. ჟარონა) საერთო (ჯამური) მოცულობა უნდა შეადგენდეს არანაკლებ 1.90 მ/კვ (შესაბამისად შესაძლებელი უნდა იყოს ერთდროულად (ერთ გამოცხობაზე) აღნიშნული მოცულობის საცხობი თარო(ები)ს გამოყენება ცხობისათვის), არანაკლებ 8 ქურო (შესაბამისად შესაძლებელი უნდა იყოს ერთდროულად მათი გამოყენება), განთავსებული უნდა იყოს მაცივ(რები)არი (საერთო მოცულობით არანაკლებ 1200 ლიტრიანი) ნახევარაფაბრიკატების, მზა პროდუქციისა და გამაგრილებელი სასმელების შესანახად (გასაციებლად). მზა საკვები პროდუქტების განსათავსებლად უნდა იყოს სტელაჟები, რომლის თაროების საერთო (ჯამური) მოცულობა უნდა შეადგენდეს არანაკლებ 9.50 მ/კვ

რომლის დამადასტურებლად პრეტენდენტი ვალდებულია სისტემის საშუალებით წარმოადგინოს შემდეგი ინფორმაცია/დოკუმენტაცია:

- ქ. თბილისში საკუთრებაში და/ან სარგებლობაში არსებული ფართის სადაც განხორციელდება მომსახურების გაწევა (მისამართის მითითებით) და აღჭურვილობის მითითებით, სატენდერო დოკუმენტაციის 2.3.1.2 პუნქტის მოთხოვნის შესაბამისად.

2.7.1.1 ადგილობრივი წარმოების შემთხვევაში ხორცპროდუქტების (სოსისი, სარდელი, კუპატი, ძეხვი და სხვ.), რძისპროდუქტების (რძე, მაწონი, ყველი, სულგუნი არაჟანი, ხაჭო და სხვ.), ნატურალური წვენის შემოტანა შესაძლებელია მხოლოდ ISO ან/და HACCP სერთიფიკატის მქონე საწარმოდან.

2.7.1.2 კვების ობიექტზე გამოყენებული ნედლეულის შეფუთვა და ეტიკეტირება უნდა შეესაბამებოდეს 2016 წლის 1 ივლისის საქართველოს მთავრობის დადგენილებას №301 ,,ტექნიკურ რეგლამენტს– მომხმარებლისათვის სურსათის შესახებ ინფორმაციის მიწოდები თაობაზე დამტკიცების შესახებ“;

2.7.1.3 კვების ობიექტზე გამოყენებული ახალი (გაუყინავი) საქონლის ხორცის ეტიკეტირება უნდა შეესაბამებოდეს 2016 წლის 9 მარტის №118 ტექნიკურ რეგლამენტს–,, საქონლის ხორცისა და საქონლის ხორცის პროდუქტების ეტიკეტირების წესის დამტკიცების შესახებ“;

2.7.1.4 მიმწოდებელი ვალდებულია ხელშეკრულების გაფორმებიდან მაქსიმუმ ერთ თვეში წარმოადგინოს საქართველოს სურსათის ეროვნული სააგენტოს მიერ გაცემული სერთიფიკატი მოცემულ მისამართზე, წინააღმდეგ შემთხვევაში შემსყიდველი უფლებას იტოვებს შეწყვიტოს ხელშეკრულება.

2.7.1.5 მიმწოდებლის თანამშრომელს, რომელიც კვების ბლოკში იქნება დაშვებული, მომსახურების გაწევის დაწყებამდე გავლილი უნდა ჰქონდეს სამედიცინო შემოწმება, ასევე ხელშეკრულების მოქმედების განმავლობაში არანაკლებ სამ თვეში ერთხელ უნდა გაიაროს აღნიშნული შემოწმება განმეორებით. შემსყიდველის მოთხოვნის შემთხვევაში უნდა იქნას წარმოდგენილი აღნიშნულის დამადასტურებელი დოკუმენტი/დასკვნა, რომელშიც მითითებული იქნება რომ თანამშრომელი დაშვებულია კვების ობიექტზე სამუშაოდ.

2.7.1.6 მიმწოდებელმა არანაკლებ თვეში ერთხელ უნდა უზრუნველყოს დეზინფექციის, დეზინსექციის და დერატიზაციის ჩატარება და შემსყიდველის მოთხოვნის შემთხვევაში უნდა უზრუნველყოს აღნიშნული დოკუმენტების წარმოდგენა.

2.7.1.7 ხელშეკრულების მოქმედების პერიოდის განმავლობაში ინსპექტირების ჩატარებისას მიმწოდებელმა ხელი უნდა შეუწყოს შემსყიდველს და მიაწოდოს ყველა საჭირო დოკუმენტი.

2.7.1.8 ფართში, სადაც დამზადდება სატენდერო დოკუმენტაციით მოთხოვნილი კერძები დაცული უნდა იყოს სანიტარულ-ჰიგიენური ნორმები.

1. პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ, ასევე საბოლოო ფასის შესაბამის მომსახურების პრეისკურანტში მითითებული მომსახურების ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის მაქსიმალურ ზღვრულ ღირებულებას;

2. დაზუსტებას არ ექვემდებარება ტექნიკური დოკუმენტაცია და პრეტენდენტი დაექვემდებარება დისკვალიფიკაციას, თუ პრეტენდენტის მიერ „წინადადების მიღება დასრულებულია“ ეტაპზე არ არის წარმოდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

3. შემყიდველი ორგანიზაციის მიერ სახელმწიფო შესყიდვების ერთიან ელექტრონულ სისტემაში განსაზღვრული პრეისკურანტის სავარაუდო ღირებულების პრეტენდენტის მიერ შემცირების შემთხვევაში ფასთა კლება პროცენტულად და პროპორციულად (უცვლელი პროცენტული მნიშვნელობით) უნდა აისახოს მომსახურების პრეისკურანტში მოცემული ჩამონათვალის ერთეულის ფასებზე. ერთეულის ფასები უნდა დამრგვალდეს მეასედებამდე.

4. პრეტენდენტის მიერ შერჩევა-შეფასების/ხელშეკრულების გაფორმების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასის გაზრდა (რომელიც პრეტენდენტს მითითებული აქვს თავდაპირველ ფასების ცხრილში) დაუშვებელია და გამოიწვევს პრეტენდენტის დისკვალიფიკაციას.

5. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის მომსახურება, გასაწევი მომსახურების ერთეულის ფასი (მისი შესყიდვის აუცილებლობისას) დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ საბოლოოდ დაფიქსირებული პრეისკურანტის საბოლოო ჯამური ღირებულების 10%-ს.

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება პრეისკურანტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას ექსპერტიზის ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული მომსახურების შესრულების შესაძლებლობა.

2. დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ვინაიდან, შინაგან საქმეთა სამინისტროს ქ. თბილისის პოლიციის დეპარტამენტის თანამშრომელების კვებითი მომსახურება ძირითადად ხორციელდება საზოგადოებრივი მართლწესრიგისა და უსაფრთხოების დაცვის ღონისძიებების დროს შესაბამისად მნიშვნელოვანია წინამდებარე ტენდერით გათვალისწინებული კვებითი მომსახურების შეუფერხებელი განხორციელება, - აღნიშნულიდან გამომდინარე, ტენდერის შედეგად გაფორმებული ხელშეკრულების ფარგლებში მიმწოდებლის პასუხისმგებლობის ფინანსური უზრუნველყოფის მიზნით გამოიყენება ხელშეკრულების შესრულების უზრუნველყოფის გარანტია.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა 60 კალენდარული დღით უნდა აღემატებოდეს მომსახურების გაწევის ვადას 2024 წლის 31 დეკემბერს.

ტენდერში მოითხოვება საბანკო ან სადაზღვევო დაწესებულების მიერ გაცემული, ხელშეკრულების უზრუნველყოფის უპირობო გამოუთხოვადი საბანკო გარანტია, გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად. ხელშეკრულების შესრულების უზრუნველყოფის გარანტიაში მითითებულ უნდა იქნეს შემსყიდველის დასახელება საიდენტიფიკაციო კოდი, შესყიდვის კონკრეტული დასახელება, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და პრეტენდენტის დასახელება საიდენტიფიკაციო კოდი.

ანგარიშსწორება მიმწოდებელთან განხორციელდება უნაღდო ანგარიშსწორებით ლარში. ფაქტიურად გაწეულ მომსახურებაზე მიღება – ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტაციის წარმოდგენის შემდეგ. ანგარიშსწორების ფორმა უნაღდო.

ანგარიშსწორება შემსყიდველის მიერ მოხდება ეტაპობრივად ფაქტიურად გაწეული მომსახურების მიხედვით. გაწეულ მომსახურებაზე მიღება–ჩაბარების აქტ(ებ)ის ხელმოწერის, შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) გამოწერისა და წარმოდგენის შემდეგ არაუგვიანეს 10 სამუშაო დღის ვადაში.

თამარ მღებრიშვილი, 577551978, mgebrishvili-t@mia.gov.ge

1.ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ (თარგმნის სისწორის დასტურად) უნდა დაერთოს ნოტარიულად დამოწმებული ქართული თარგმანი.
2. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად (შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით).
3. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტს არა აქვს უფლება წარმოადგინოს ალტერნატიული წინადადება.
5. სატენდერო წინადადებაში საერთო და ერთეულის ფასი გამოსახულ უნდა იყოს: საქართველოს კანონმდებლობით გათვალისწინებული ყველა გადასახადის და შესყიდვის ობიექტის მიწოდებასთან დაკავშირებული ყველა ხარჯის გათვალისწინებით.
6.პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტენაში ატვირთული ან შემსყიდველისათვის გადაცემული პერსონალური ინფორმაცია, საქართველოს შსს ქ.თბილისის პოლიციის დეპარტამენტის მიერ "პერსონალურ მონაცემთა დაცვის შესახებ" საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისათვის.
7.ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
8. პრეტენდენტის მატერიალურ-ტექნიკური ბაზა სატენდერო დოკუმენტაციით გათვალისწინებულ მოთხოვნებთან შესაბამისობის დადგენის მიზნით ადგილზე შესწავლილი იქნება შემსყიდველის მიერ (პრეტენდენტის მიერ არ უნდა მოხდეს შემსყიდველის წარმომადგენლების შეფერხება ობიექტის შესწავლისას) იმ შემთხვევაში თუ პრეტენდენტის მატერიალურ-ტექნიკური ბაზა არ დააკმაყოფილებს სატენდერო დოკუმენტაციით (2.3.1.2 პუნქტით) განსაზღვრულ მოთხოვნებს მოხდება პრეტენდენტის დისკვალიფიკაცია.