Строительные материалы и связанные с ними изделия (Грузия - Тендер #50394937)

ააიპ "დმანისის სერვის ჯგუფი"-სათვის დმანისის მუნიციპალიტეტის სოფლებში არსებული სასმელი წყლის სისტემების მომსახურებისთვის საჭირო მასალების შესყიდვა.

აღნიშნული მილები და მასალები უნდა იყოს ახალი,არამეორადი.

ხელშეკრულების გაფორმებიდან 2024 წლის 31 ჩათვლით, ეტაპობრივად, შემსყიდველის მოთხოვნის შესაბამისად, მოთხოვნიდან არაუგვიანეს 5 (ხუთი)კალენდარული დღის ვადაში.
საქონლის მიწოდებას მიმწოდებელი უზრუნველყოფს საკუთარი ხარჯებით.

შესყიდვის ობიექტის მიწოდების ადგილია: ქ. დმანისის 9 აპრილის ჩიხი N4.

- პრეტენდენტმა ფასების ცხრილის შესაბამის გრაფებში უნდა მიუთითოს ინფორმაცია მწარმოებელი ქვეყნის და კომპანიის შესახებ (მოდელი არსებობის შემთხვევაში).
- აღნიშნული ინფორმაციის წარმოუდგენლობის შემთხვევაში პრეტენდენტი ექვემდებარება დისკვალიფიკაციას.

ყოველი წარმოდგენილი კონკრეტული დიამეტრისა და წნევის მილებს, ფიტინგებს, თან უნდა ახლდეს ISO აკრედიტირებული ლაბორატორიული დასკვნა და შესაბამისობის სერთიფიკატი.თუ დასკვნა და სერთიფიკატი გაცემულია უცხო ენაზე, პრეტენდენტმა უნდა წარმოადგინოს ნოტარიულად დამოწმებული ქართული თარგმანი. სერთიფიკატი უნდა იყოს მოქმედი ხელშეკრულების გაფორმების მომენტისათვის.

საჭიროების შემთხვევაში მხარეთა ურთიერთშეთანხმების საფუძველზე, კომუნიკაციის ნებისმიერი ფორმით შესაძლებელი უნდა იყოს ფასების ცხრილში გათვალისწინებული ერთი კონკრეტული საქონლის რაოდენობის შემცირების ხარჯზე, სხვა რომელიმე საქონლის რაოდენობის გაზრდა ფასების ცხრილის თანხიდან გაუსვლელად ერთეულის ფასის ცვლილების გარეშე.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. პრეტენდენტმა ფასწარმოქმნის ადეკვატურობა უნდა დაადასტუროს სერთიფიცირებული აუდიტის ან აკრედიტირებული საექსპერტო ან საშემფასებლო ორგანოს დასკვნით. ამასთან, ფასწარმოქმნის ადეკვატურობის დასაბუთების წარუდგენლობა გამოიწვევს პრეტენდენტის დისკვალიფიკაციას. პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება განხორციელდება ეტაპობრივად,უნაღდო ანგარიშსწორებით ლარში, ფაქტიურად მიწოდებული საქონლის შესაბამისად, მიღება-ჩაბარების აქტის საფუძველზე.

ანგარიშსწორება ხორციელდება ეტაპობრივად,მიღება ჩაბარების აქტის და ანგარიშფაქტურის წარმოდგენიდან 10 სამუშაო დღის ვადაში.

თამაზი ადუაშვილი, 595009988, dmanisiservicegroup@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა. .
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტთან დაკავშირებული ყველა ხარჯისა და კანონმდებლობით გათვალისწინებული ყველა გადასახადის გათვალისწინებით . ხარჯები, რომელიც სატენდერო წინადადების ფასში არ იქნება გათვალისწინებული არ დაექვემდებარება ანაზღაურებას.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.
9. მოწოდებული საქონელი წარმოდგენილი უნდა იყოს ახალი.