Ремонт и техническое обслуживание транспортных средств и оборудования и сопутствующие услуги (Грузия - Тендер #50311094)

დეპარტამენტის ბალანსზე რიცხული სატრანსპორტო საშუალებების რეცხვითი მომსახურება.

1. მიმწოდებელმა უნდა უზრუნველყოს ავტოსატრანსპორტო საშუალებების სრული რეცხვა-გასუფთავება ხელშეკრულების გაფორმებიდან - 2024 წლის 31 დეკემბრის ჩათვლით;
2. მომსახურების მიწოდება უნდა განხორციელდეს მიმწოდებლის მიერ დამზადებული შესაბამისი მომსახურების დამადასტურებელი საბუთის (ტალონი) მეშვეობით. მომსახურების დამადასტურებელი დოკუმენტი - რეცხვის ტალონი უნდა შეიცავდეს მინიმუმ შემდეგ ინფორმაციას:
ა) მიმწოდებლის დასახელება;
ბ) ტალონის იდენტიფიცირების ნომერი;
გ) ავტომანქანის სახეობა (ტიპი).

3) მიმწოდებელმა შემსყიდველს უნდა მიაწოდოს პიკაპის ტიპის მანქანების რეცხვისათვის - 350 ცალი ტალონი.
4) ტალონების მიწოდება უნდა განხორციელდეს ეტაპობრივად, შემსყიდველის მოთხოვნიდან არაუგვიანეს 2 დღის ვადაში, ხოლო რეცხვის მომსახურების გაწევა, მიმწოდებლის სარგებლობაში არსებულ ავტოსამრეცხაოებში, შემსყიდველის თანამშრომლის მიერ ტალონების წარდგენისთანავე.
5) მიმწოდებელმა უნდა უზრუნველყოს სატრანსპორტო საშუალებების როგორც გარეგანი, ასევე შიდა (სალონის, საბარგული) ნაწილის რეცხვა ხელით, სპეციალური მოწყობილობების, ინვენტარისა და სარეცხი საშუალებების გამოყენებით.
6) რეცხვისთვის გამოყენებულ უნდა იქნეს მაღალი ხარისხის სარეცხი და საწმენდი საშუალებები.
7) მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი ზარალის აღმოფხვის ხარჯების ანაზღაურება ეკისრება მიმწოდებელს.

ხელშეკრულების გაფორმებიდან - 2024 წლის 31 დეკემბრის ჩათვლით;

ავტომანქანების რეცხვითი მომსახურება, ქალაქ ბათუმში არსებულ სამრეცხაოში.

- პრეტენდენტს საკუთრებაში ან საქართველოს სამოქალაქო კოდექსით ნებადართული ფორმით (იჯარა, თხოვება და ა.შ) სარგებლობაში უნდა გააჩნდეს მინიმუმ ერთი მოქმდი სამრეცხაო ქ. ბათუმის ტერიტორიაზე, რომელიც აღჭურვილი იქნება რეცხვისათვის საჭირო თანამედროვე მოწყობილობებით, კერძოდ პრეტენდენტს უნდა გააჩნდეს რეცხვისათვის საჭირო მინიმუმ შემდეგი მოწყობილობები, კერძოდ:
• 1 (ერთი) ერთეული ქაფის აპარატი,
• 3 (სამი) ერთეული მაღალი წნევის სარეცხი აპარატი.
- ინფორმაცია წარმოდგენილი უნდა იქნას ცნობის სახით ელექტრონულად ხელმოწერილი, რომელზეც თანდართული უნდა იყოს სამრეცხაოსა და სარეცხი მოწყობილობების ფოტოსურათები.
- საკუთრების შემთხვევაში წარმოდგენილი უნდა იქნას საკუთრების დამადასტურებელი დოკუმენტების ასლები (საჯარო რეესტრის ამონაწერის ან აუდიტის დასკვნის წარმოდგენის შემთხვევაში, დოკუმენტი გაცემული უნდა იყოს ტენდერის გამოცხადების შემდეგი თარიღით). იჯარის ან საქართველოს სამოქალაქო კოდექსით ნებადართული (იჯარა, თხოვება და ა.შ) ფორმის შემთხვევაში, შესაბამისი დამადასტურებელი დოკუმენტების (ხელშეკრულებების) ასლები, რომლის მოქმედების ვადა განისაზღვროს არანაკლებ 2024 წლის 31 დეკემბრისა.

„საჯარო რეესტრის შესახებ“ საქართველოს კანონის მე-11 მუხლის (უძრავ ნივთებზე უფლებათა რეეტრში რეგისტრაციისადმი დაქვემდებარებული უფლებები და ვალდებულებები) მე-5 პუნქტის თანახმად, მე-11 მუხლის პირველი პუნქტის „ა“-„ე“ ქვეპუნქტებით გათვალისწინებული უფლებების, ხოლო კერძო სამართლის იურიდიული პირის მონაწილეობით 1 (ერთი) წელზე მეტი ვადით დადებული გარიგებების (მათ შორის გარიგებებისა, რომელთა საერთო ვადა აღემატება 1 (ერთი) წელს) -აგრეთვე ამ მუხლის პირველი პუნქტის „ვ“-„ი“ და „ლ“ ქვეპუნქტებით გათვალისწინებული უფლებების წარმოშობისათვის აუცილებელია მათი საჯარო რეესტრში რეგისტრაცია.

(სატენდერო დოკუმენტაციის 2.3.1 პუნქტით მოთხოვნილი ინფორმაციის წარმოდგენა პრეტენდენტის მიერ სავალდებულოა)

- პრეტენდენტი სატენდერო წინადადებას წარადგენს დღგ-ის გარეშე, მიუხედავად იმისა, არის თუ არა იგი დღგ-ის გადამხდელი. ასეთ შემთხვევაში, თუ გამარჯვებული პრეტენდენტი ხელშეკრულების დადების მომენტისთვის, საქართველოს კანონმდებლობის შესაბამისად არის დღგ-ის გადამხდელი, შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის შესაბამისი დღგ-ის ოდენობა.

მიმწოდებელმა უნდა დაასაბუთოს ფასწარმოქმნის ადეკვატურობა ან/და ამ ფასად ტენდერით გათვალისწინებული ვალდებულების შესრულების შესაძლებლობა, რაზედაც პრეტენდენტის მიერ წარმოდგენილი უნდა იქნას აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი). აუდიტის დასკვნით უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული მომსახურების მიწოდების შესაძლებლობა.

ა) ანგარიშსწორების ფორმა - უნაღდო, ვალუტა - ლარი.
ბ) ანგარიშსწორება მიმწოდებელთან განხორციელდება ეტაპობრივად, მიღება-ჩაბარების აქტის გაფორმებისა და საგადასახადო ანგარიშფაქტურის (დღგ-ს გადამხდელის შემთხვევაში) წარმოდგენის შემდეგ.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ზებურ ჩავლეიშვილი, 599158798, tenders@ajararoads.ge სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია დეპარტამენტის სახელმწიფო შესყიდვების სამსახურში, ქ. ბათუმი, ჯავახიშვილის ქ. #72ა.
შიდა ტელეფონი (0422) 24-73-88.

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
5. პრედენდენტს არა აქვს უფლება წარმოადგინოს ალტერნატიული სატენდერო წინადადება;
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეულისა და საერთო ფასები გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი);
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს);