Фармацевтические продукты (Грузия - Тендер #50311054)

„ინკურაბელურ პაციენტთა პალიატიური მზრუნველობის“ პროგრამა (27 03 03 05)
მორფინის ჰიდროქლორიდი/სულფატი 1მლ. 1% ამპულას მრავალწლიანი სახელმწიფო შესყიდვა.

1 138 200 ცალი _ მორფინის ჰიდროქლორიდი/სულფატი 1მლ. 1% ამპულა.

საქონლის მიწოდების ვადები და პირობები:

• დანართი N1 ფასთა ცხრილით 2024 წელს, პირველი ეტაპით განსაზღვრული საქონლის მიწოდება უნდა განხორციელდეს ხელშეკრულების გაფორმებიდან 80 კალენდარული დღის განმავლობაში; ამასთან დაცული იქნება იმპორტზე წინასწარი შეთანხმების მიღებისთვის საჭირო პერიოდი.

• 2024 წელს, დარჩენილი საქონლის მიწოდება უნდა განხორციელდეს ეტაპობრივად, ხელშეკრულების გაფორმებიდან, შემსყიდველის წერილობითი მოთხოვნის შესაბამისად, ამ მოთხოვნით განსაზღვრულ (შეკვეთის მიღებიდან არანაკლებ 30 კალენდარული დღის და არაუმეტეს 85 კალენდარული დღის) ვადაში, არაუგვიანეს 2024 წლის 25 დეკემბრისა; ამასთან დაცული იქნება იმპორტზე წინასწარი შეთანხმების მიღებისთვის საჭირო პერიოდი.

• 2025 წელს, დარჩენილი საქონლის მოწოდება უნდა განხორციელდეს ეტაპობრივად, ხელშეკრულების გაფორმებიდან, შემსყიდველის წერილობითი მოთხოვნის შესაბამისად, ამ მოთხოვნით განსაზღვრულ (შეკვეთის მიღებიდან არანაკლებ 30 კალენდარული დღის და არაუმეტეს 85 კალენდარული დღის) ვადაში, არაუგვიანეს 2025 წლის 25 დეკემბრისა; ამასთან დაცული იქნება იმპორტზე წინასწარი შეთანხმების მიღებისთვის საჭირო პერიოდი.

1. მიმწოდებელმა უნდა უზრუნველყოს სამკურნალო საშუალების მოწოდება შესაბამისი ტემპერატურული რეჟიმის მკაცრი დაცვით (ასეთის საჭიროების შემთხვევაში).

2. ქ. თბილისი, Incoterms-2020 DDP პირობით, ხელშეკრულებით განსაზღვრულ მისამართზე. შესაძლებელია, შემსყიდველმა (მიმღებმა) ფარმაცევტული პროდუქცია დაათვალიეროს, მიიღოს, გააფორმოს შესაბამისი დოკუმენტაცია მიმწოდებლის განთავსების ადგილიზე (ფაქტობრივი მისამართიდან) და ტვირთის ტრანსპორტირება მიმწოდებელმა უზრუნველყოს შესაბამისი დაცვით.

საქონლის ვარგისისნობის ვადა მოწოდების მომენტიდან არ უნდა იყოს 12 თვეზე ნაკლები.

პრეტენდენტმა სატენდერო დოკუმენტაციის 1.3 პუნქტით განსაზღვრულ ფასების ცხრილის შესაბამის ველში, უნდა მიუთითოს შესყიდვის ობიექტზე შემდეგი ინფორმაცია:
*წარმოშობის ქვეყნა;
*მწარმოებელი კომპანია:
*სავაჭრო ბრენდული დასახელება.

2.7.1.1 წარმოდგენილი უნდა იქნეს მედიკამენტის საქართველოში რეგისტრაციის დამადასტურებელი დოკუმენტი;

2.7.1.2 დოკუმენტი, რომელიც დაადასტურებს საქართველოს მთავრობის მიერ აღიარებული სახელმწიფოთაშორისი ან შესაბამისი სახელმწიფოს მარეგულირებელი ორგანოს მიერ ფარმაცევტული პროდუქტის მის კონტროლს დაქვემდებარებულ ბაზარზე დაშვებას: საქართველოს მთავრობის მეირ აღიარებული სახელმწიფოთაშორისი ან შესაბამისი ქვეყნის რომელიმე მარეგულირებელი ორგანოს მიერ, საქართველოს მთავრობის მეირ აღიარებული რომელიმე მარეგულირებლის ქვეყნისთვის გაცემული ფარმაცევტული პროდუქტის სერთიფიკატი (CPP - გაცემული ბოლო 2 წლის განმავლობაში) ან მისი ასლი; ან საქართველოს მთავრობის მეირ აღიარებული სახელმწიფოთაშორისი ან შესაბამისი ქვეყნის რომელიმე მარეგულირებელი ორგანოს მიერ გაცემული ფარმაცევტული პროდუქტის სარეგისტრაციო მოწმობა (სერტიფიკატი) ან მისი ასლი; ან საქართველოს მთავრობის მიერ აღიარებული სახელმწიფოთაშორისი ან შესაბამისი ქვეყნის რომელიმე მარეგულირებელი ორგანოს ოფიციალური პუბლიკაციებიდან (მათ შორის ვებ-გვერდეს მოქმედი ვერსიიდან) წარმოდგენილი ასლი, მოპოვების წყაროს მითითებით;

2.7.1.3 შემოთავაზებული პროდუქტი უნდა შეესაბამებოდეს საქართველოს მთავრობის 2009 წლის 22 ოქტომბრის N188 დადგენილების მოთხოვნებს, თუ აღნიშნულ მოთხოვნებს ვერ აკმაყოფილებს დასაშვებია წარმოდგენილი იქნეს WHO-ს პრეკვალიფიცირებული ლაბორატორიის მიერ, თითოეულ ჯერზე მოსაწოდებელი ფარმაცევტული პროდუქტის კონკრეტულ სერიაზე გაცემული ხარისხის სერთიფიკატი/ხარისხის დამადასტურებელი დოკუმენტი, რომელიც უნდა ადასტურებდეს, რომ შემოთავაზებული ფარმაცევტული პროდუქტი აკმაყოფილებს მწარმოებლის სპეციფიკაციით განსაზღვრულ ყველა მოთხოვნას;

2.7.1.4 მედიკამენტის ხარისხის სერთიფიკატი, წარმოდგენილი უნდა იყოს საქონლის შემოტანის ეტაპზე.

2.9.1 პრეტენდენტის მიერ სატენდერო წინადადებით ერთიან ელექტრონულ სისტემაში ასატვირთი მონაცემები:
2.9.1.1 სატენდერო დოკუმენტაციის 1.3 მუხლით განსაზღვრული განფასებული ხარჯთაღრიცხვა.
2.9.1.2 სატენდერო დოკუმენტაციის 1.7.1 მუხლით განსაზღვრული ინფორმაცია ვარგისინობის ვადის შესახებ.
2.9.1.3 სატენდერო დოკუმენტაციის 2.1.1 მუხლით განსაზღვრული ინფორმაცია შესყიდვის ობიექტის სასაქონლო ნიშანთან, პატენტთან, მოდელთან, წარმოშობის წყაროსთან ან/და მწარმოებელთან დაკავშირებით.
2.9.1.4 სატენდერო დოკუმენტაციის 2.7.1 მუხლით განსაზღვრული ინფორმაცია ლიცენზიასთან, აკრედიტაციასთან, სტანდარტებთან, ხარისხის შესაბამისობასთან და სხვ. დოკუმენტების შესახებ.

2.9.2. მიმწოდებელი ვალდებულია, მედიკამენტის წარმოშობის სერთიფიკატი შეინახოს მედიკამენტის ვარგისიანობის ვადის ამოწურვიდან ერთი წლის განმავლობაში.


2.9.3. დამატებითი მოთხოვნები:
2.9.3. 1. დაცული უნდა იქნეს „პროდუქტის უსაფრთხოებისა და თავისუფალი მიმოქცევის“ კოდექსით განსაზღვრული მოთხოვნები.
2.9.3.2 საქონელი უნდა იყოს ქარხნულად დაფასოებული და უნდა ჰქონდეს ქარხნული ეტიკეტი შესაბამის შეფუთვაზე. შეფუთვა არ უნდა იყოს დაზიანებული, ხოლო წარწერები საქონელსა ან/და ეტიკეტ(ებ)ზე უნდა იყოს კითხვადი (ასეთის არსებობის შემთხვევაში).
2.9.3.3 საქონლის ხარისხი უნდა შეესაბამებოდეს სატენდერო დოკუმენტაციით დადგენილ მოთხოვნებს.
2.9.3.4 არსებული ნორმატიული დოკუმენტ(ებ)ის ცვლილების ან/და ახალი ნორმატიული დოკუმენტ(ებ)ის შემოღების შემთხვევაში, მიმწოდებელი ვალდებულია, საქონელი და მასთან დაკავშირებული გარემოებები შეუსაბამოს შეცვლილ გარემოებებს.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ჯამურ ღირებულებასთან), ასევე ფასების ცხრილის ერთეულებთან მიმართებაში.

2 Процентов

5 Процентов

6.3.1 ხელშეკრულების უზრუნველყოფის უპირობო და გამოუთხოვადი საბანკო ან სადაზღვევო გარანტიის მოქმედების ვადა მინიმუმ 30 კალენდარული დღით უნდა აღემატებოდეს ხელშეკრულების მოქმედების ვადას (ხელშეკრულების მოქმედების ვადა 2026 წლის 31 იანვრის ჩათვლით).
6.3.2 იმ შემთხვევაში თუ გამარჯვებულმა პრეტენდენტმა შეასრულა სატენდერო პირობებითა და შესაბამისი ხელშეკრულებით ნაკისრი ყველა ვალდებულება, შემსყიდველი ორგანიზაცია უფლებამოსილია დაუბრუნოს მას ხელშეკრულების შესრულების უზრუნველყოფის გარანტია.

6.4.1 იმისათვის, რომ თავიდან იქნას აცილებული რისკი, წარმოქმნილი მიმწოდებლის მიერ ხელშეკრულებით ნაკისრი ვალდებულებების შეუსრულებლობის გამო, წინამდებარე ტენდერში მოითხოვება ხელშეკრულების შესრულების უზრუნველყოფის გარანტია.
6.4.2 ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ასევე შესაძლებელია აღნიშნული გარანტია წარმოდგენილი იქნეს „არარეზიდენტი“ საბანკო ან სადაზღვევო კომპანიიდან, რომელიც დამოწმებული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებებიდან, სახელშეკრულებო ვალუტის შესაბამისად.
6.4.3 გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა დაარღვია ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.
6.4.4 ხელშეკრულების შესრულების უზრუნველყოფის მიზნით წარმოდგენილი საბანკო ან სადაზღვეო დაწესებულების მიერ გაცემული გარანტია გამოიყენება მიმწოდებლის მიერ ვალდებულების დარღვევის გამო შესაბამისი პირგასამტეხლოს, საჯარიმო სანქციების ან/და ზიანის ანაზღაურების მიზნით;
6.4.5 ხელშეკრულების შესრულების უზრუნველყოფის საბანკო ან სადაზღვეო დაწესებულების მიერ გაცემული გარანტიაში მითითებული უნდა იყოს, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და პრეტენდენტის საიდენტიფიკაციო კოდი;
6.4.6 ხელშეკრულების უზრუნველყოფის საბანკო გარანტია წარდგენილ უნდა იქნეს შემსყიდველ ორგანიზაციაში ხელშეკრულების გაფორმებამდე.

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
7.2.2. ფაქტიურად მოწოდებულ საქონელზე, მხარეებს შორის გაფორმდება მიღება-ჩაბარების აქტი შესაბამისი ღირებულების ასახვით, რაც წარმოადგენს ანგარიშსწორების საფუძველს;
7.2.3. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე. შემდეგი პირობების შესაბამისად:
7.2.3.1. 2024 წლის განმავლობაში მოსაწოდებელი საქონლის ანგარიშსწორება განხორციელდება 2024 წლის სახელმწიფო ბიუჯეტით დამტკიცებული ასიგნებების ფარგლებში, მხარეთა შორის მიღება-ჩაბარების აქტის გაფორმებიდან და „მიმწოდებლის“ მიერ კანონმდებლობით განსაზღვრული დოკუმენტის წარმოდგენიდან არა უგვიანეს 10 (ათი) სამუშაო დღის განმავლობაში;
7.2.3.2. 2025 წლის განმავლობაში მოსაწოდებელი საქონლის ანგარიშსწორება განხორციელდება 2025 წლის სახელმწიფო ბიუჯეტით დამტკიცებული ასიგნებების ფარგლებში, მხარეთა შორის მიღება-ჩაბარების აქტის გაფორმებიდან და „მიმწოდებლის“ მიერ კანონმდებლობით განსაზღვრული დოკუმენტის წარმოდგენიდან არა უგვიანეს 10 (ათი) სამუშაო დღის განმავლობაში.

შენიშვნა:
წინამდებარე ტენდერის ფარგლებში, შემსყიდველი აანაზღაურებს:
2024 წელს - საორიენტაციოდ/სავარაუდოდ 1 088 880.00 ლარს;
2025 წელს - საორიენტაციოდ/სავარაუდოდ 686 712.00 ლარს.

7.3.1 ანგარიშსწორება მოხდება უნაღდო ანგარიშსწორებით.
7.3.2 მხარეთა შორის მიღება-ჩაბარების აქტის გაფორმებიდან და „მიმწოდებლის“ მიერ კანონმდებლობით განსაზღვრული დოკუმენტის წარმოდგენიდან არა უგვიანეს 10 (ათი) სამუშაო დღის განმავლობაში.

თამარ გოგოლი, 595994477, tgogoli@moh.gov.ge

1.ტენდერში მონაწილეობის მიღება შეუძლიათ მხოლოდ სისტემაში „მიმწოდებლად“ რეგისტრირებულ მომხმარებლებს.
2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად (გარდა excel-ის ფორმატის ფაილისა), კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ქართულენოვან ტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.
5. არსებული ნორმატიული დოკუმენტ(ებ)ის ცვლილების ან/და ახალი ნორმატიული დოკუმენტ(ებ)ის შემოღების შემთხვევაში, მიმწოდებელი ვალდებულია, საქონელი და მასთან დაკავშირებული გარემოებები შეუსაბამოს შეცვლილ გარემოებებს.
6.სახელმწიფო შესყიდვების შესახებ ხელშეკრულების ფორმა/პროექტი და პირობები მოცემულია სატენდერო დოკუმენტაციის 8.1 პუნქტში. რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
7. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში ლარში. მხოლოდ არარეზიდენტი მიმწოდებლის მოთხოვნის შემთხვევაში ვაჭრობის შედეგად დაფიქსირებული საბოლოო ფასი ხელშეკრულების გაფორმების დროს დაკონვერტირდება მიმწოდებლის მიერ მოთხოვნილ ვალუტაში, ტენდერის გამოცხადების დღეს არსებული ეროვნული ბანკის ოფიციალური გაცვლითი კურსის შესაბამისად.
8. არარეზიდენტი მიმწოდებლის მიერ სატენდერო წინადადების წარდგენის შემთხვევაში სატენდერო წინადადებაში საერთო და ერთეულის ფასი უნდა მოიცავდეს, როგორც საქონლის ღირებულებას, ასევე მიმწოდებლის მიერ გაწეულ ყველა ხარჯს, გარდა საქართველოს კანონმდებლობით გათვალისწინებული გადასახადებისა (მიწოდების ადგილის შესაბამისად). საქართველოს კანონმდებლობით გათვალისწინებული გადასახადების გადახდას უზრუნველყოფს შემსყიდველი.
9.სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.
10. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე.