Услуги по набору персонала (Грузия - Тендер #50311035)

სპეციალურ პენიტენციურ სამსახურში გამოსაცხადებელი კონკურს(ებ)ის ფარგლებში, კანდიდატთა შერჩევისათვის ნორმატივების ჩაბარების, ზოგადი უნარ-ჩვევების და პროფესიული ტესტირების ჩატარების მომსახურების შესყიდვა.

შესყიდვის ობიექტის რაოდენობა/მოცულობა და ტექნიკური დავალება იხილეთ ატვირთულ ფაილებში (ტექნიკური დავალება დანართი N2.1 და დანართი N2.2)

მომსახურების გაწევა უნდა განხორციელდეს ხელშეკრულების გაფორმებიდან, ეტაპობრივად, 2024 წლის 31 დეკემბრის ჩათვლით, საჭიროებისამებრ (შემსყიდველთან შეთანხმებულ დროს როგორც სამუშაო დღეებში, ისე შაბათ-კვირას) ტექნიკური დავალების შესაბამისად.

მომსახურების გაწევის ადგილი: ტესტირება უნდა ჩატარდეს შემსყიდველის მოთხოვნის შესაბამისად ქ. თბილისში.

პრეტენდენტს უნდა ჰქონდეს საჯარო დაწესებულებების (სამინისტრო ან/და საჯარო სამართლის იურიდიული პირი ან/და ადგილობრივი თვითმმართველობის ორგანო ან/და სხვა საჯარო დაწესებულება) მიერ გამოცხადებული კონკურსებისათვის საგამოცდო ტესტების მომზადებისა და ტესტირების პროცესის სრულად ადმინისტრირების გამოცდილება 2019, 2020, 2021, 2022 და 2023 წლებში, რის დამადასტურებლადაც წარმოდგენილ უნდა იქნას შესაბამისი ხელშეკრულებების და მათი შესრულების დამადასტურებელი დოკუმენტების (მიღება-ჩაბარების აქტის ასლი ან სხვა მასთან გათანაბრებული დოკუმენტები) ასლები.

შენიშვნა: იმ შემთხვევაში, თუ ხელშეკრულება და მიღება-ჩაბარების აქტები სრულად არის ატვირთული სახელმწიფო შესყიდვების სააგენტოს ვებგვერდზე, საკმარისია შესაბამისი SPA/NAT/CMR მითითება

პრეტენდენტის ხარისხის მართვის სისტემა უნდა აკმაყოფილებდეს ISO 9001:2015 საერთაშორისო სტანდარტის მოთხოვნებს, რის დამადასტურებლადაც პრეტენდენტმა ერთიან ელექტრონულ სისტემაში უნდა წარმოადგინოს შესაბამისი, ძალაში მყოფი სერტიფიკატი.

ქვეკონტრაქტორ(ებ)ის არსებობის შემთხვევაში გაფორმებული მოქმედი ხელშეკრულებ(ებ)ი წარმოდგენილი უნდა იქნას ერთიანი ელექტრონული სისტემის მეშვეობით.

პრეტენდენტის მიერ ერთიანი ელექტრონული სისტემის საშუალებით წარმოსადგენი ინფორმაცია:

ა) დანართი N1 - ფასების ცხრილი.
ბ) დანართი N2.2 - ტექნიკური დავალება - მომსახურების გაწევის პირობები.
გ) სატენდერო დოკუმენტაციის 2.2.1 პუნქტის შესაბამისად ინფორმაცია გამოცდილების შესახებ.
დ) სატენდერო დოკუმენტაციის 2.7.1 პუნქტის შესაბამისად მოთხოვნილი სერტიფიკატი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის, ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).

ანგარიშსწორება მოხდება უნაღდო ანგარიშსწორებით ლარში.

მიმწოდებელთან ანგარიშსწორება განხორციელდება ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერის, ინსპექტირების აქტის, შესაბამისი სასაქონლო ზედნადების (კანონით გათვალისწინებულ შემთხვევაში), საგადასახადო ანგარიშ-ფაქტურის გამოწერისა და წარმოდგენის შემდეგ არაუგვიანეს 10 სამუშაო დღის ვადაში.

ქეთევან პაპელიშვილი, 593571571, ketpapelishvili@sps.gov.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.4 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7 მიმწოდებელი ვალდებულია გაუწიოს შემსყიდველს უფლებრივად და ნივთობრივად უნაკლო მომსახურება.
10.1.8 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.