Следственные услуги и услуги по обеспечению безопасности (Грузия - Тендер #48857614)

ა(ა)იპ ,,ბათუმის მუნიციპალური ინსპექციის შენობისა და მიმდებარე ტერიტორიაზე განთავსებული საჯარიმო ავტოსადგომის დაცვის მომსახურების სახელმწიფო შესყიდვა.

1.2.1 ტენდერში გამარჯვებულმა უნდა უზრუნველყოს შემსყიდველის „ობიექტის“ დაცვა, ცოცხალი ძალით, სპეციალური უნიფორმითა და ეკიპირებით, კვალიფიციური და სათანადო გამოცდილების მქონე 6-კაციანი ძირითადი შემადგენლობით, (18დან-50 წლამდე), ცვლაში არანაკლებ 2 კაცისა, 24-საათიანი გრაფიკით (სამუშაო, უქმე და სადღესასწაულო დღეების ჩათვლით).

შენიშვნა: დაუშვებელია ცვლაში (დღე-ღამის განმავლობაში) მორიგეობდეს ერთი დაცვის თანამშრომელი, აღნიშნული პირობის დარღვევა ჩაითვლება ხელშეკრულების არაჯეროვან შესრულებად და გატარდება შესაბამისი სანქციები.

ამასთანავე მიმწოდებელი ვალდებულია, დამატებით გამოყოს ერთი პირი (დაცვის ჯგუფის უფროსი/მენეჯერი), რომელიც სამუშაო საათების განმავლობაში 09:00-სთ დან 18:00-სთ მდე (კვირაში 5 დღე) მუდმივად იქნება ობიექტზე და გააკონტროლებს ყველა იმ მოთხოვნებსა და ვალდებულებებს, რომელიც ხელშეკრულებით იქნება გათვალისწინებული.

შენიშვნა: აღნიშნული პიროვნება არ უნდა შედიოდეს დაცვის ექვს კაციან შემადგენლობაში და უნდა იყოს დამატებით მე-7 თანამშრომელი.

1.2.2 მიმწოდებელი ვალდებულია ყოველი კვირის ბოლოს, წარმოადგინოს შემდეგი კვირის სრული მონაცემები ცვლაში მომუშავე თანამშრომლების შესახებ:
- თანამშრომლების სახელი გვარი და ტელეფონის ნომრები
- კონკრეტული თარიღები (რიცხვი, დღე, თვე), სადაც განსაზღვრული უნდა იყოს ვინ ახორციელებს ცვლაში მორიგეობას.

1.2.3 მომსახურების გაწევის პერიოდში, შემსყიდველის მოთხოვნის შესაბამისად, მიმწოდებელმა უნდა უზრუნველყოს (დღისით) დაცვის შემადგენლობის გაორმაგება და გაძლიერებული დაცვა (საჭიროების შემთხვევაში) დამატებითი ანაზღაურების გარეშე.

1.2.4 დასაცავი ობიექტი - ქ. ბათუმში, გალაკტიონ ტაბიძის ქუჩა #56-ში მდებარე რვასართულიანი შენობის, 1 სადარბაზოს 4 სართული და მიმდებარე ტერიტორიაზე განთავსებული საჯარიმო ავტოსადგომი.
დასაცავი ობიექტის ტერიტორიაზე უცხო პირთა შესვლა დასაშვებია მხოლოდ შემსყიდველის თანხმობით (საშვი, სიტყვიერი ნებართვა და სხვა). აღნიშნული იფორმაცია ასახული უნდა იყოს მოქალაქეთა რეგისტრაციისათვის საჭირო ჟურნალში რომლის შესყიდვასა და წარმოებას უზრუნველყოფს მიმწოდებელი. საჭიროების შემთხვევაში, აღნიშნული ჟურნალი დაუყოვნებლივ უნდა გადაეცეს შემსყიდველ ორგანიზაციას მოთხოვნის განხორციელებისთანავე;

1.2.5 მომსახურების მიწოდებისას, აუცილებლობის შემთხვევაში მაქსიმალურად მჭიდრო ვადაში შესაძლებელი უნდა იყოს ოპერატიული ჯგუფის გამოძახება, რომელიც დაკომპლექტებული უნდა იყოს მაღალკვალიფიციური კადრებით და რომელთაც უნდა გააჩნდეთ ხელკეტი, ბორკილი, ავტომანქანა და სხვა აუცილებელი აღჭურვილობა;

1.2.6 მომსახურების გაწევის პირობები: დაცვის მომსახურების გაწევის უზრუნველსაყოფად მიმწოდებელმა უნდა უზრუნველყოს: დაცვის თანამშრომლის აღჭურვა: უნიფორმით, ხელბორკილებით, რეზინის ხელკეტით, შიდა კავშირის რადიო სადგურებით (რაციით), ელექტრონული სანათი მოწყობილობით (ფარანი) და სხვა აღჭურვილობით, რომელიც აუცილებელი იქნება მომსახურების სრულფასოვნად გაწევისათვის;

1.2.7 მიმწოდებლის მოვალეობა - დაცვის ობიექტის უსაფრთხოების უზრუნველყოფა. საზოგადოებრივი წესრიგის დაცვა. აღმოჩენილი მართლსაწინააღმდეგო ქმედებების დაფიქსირების შემთხვევაში, როგორც შემსყიდველის, ისე მიმწოდებლის წარმომადგენლისა და საჭიროებისამებრ, შესაბამისი ორგანოების ინფორმირება. ასევე ,ოპერატიული ჯგუფის გამოძახება. ამ პუნქტით გათვალისწინებული შემთხვევის არსებობისას, ოპერატიული ჯგუფის ან/და შესაბამისი ორგანოების წარმომადგენლების გამოცხადებამდე, მიმწოდებელმა უნდა უზრუნველყოს შემთხვევის ადგილის ხელშეუხებლობა და შესაბამისი ოქმის შედგენა.

1.2.8 სამუშაო საათების დასრულების შემდეგ ჩაიბაროს ობიექტი და უზრუნველყოს დასაცავი ობიექტის ტერიტორიის გადამოწმება, ყველა სხვა ღონისძიების გატარება, რომელიც დაკავშირებული იქნება მომსახურების ჯეროვნად განხორციელების მიზნით;

1.2.9 დაცვის თანამშრომლ(ებ)ის მიერ, არსებული პირობების შეუსრულებლობის შემთხვევაში, შემსყიდველს უფლება აქვს მოსთხოვოს მიმწოდებელს დაცვის თანამშრომლის შეცვლა, რომელიც თავის მხრივ ვალდებულია შეცვალოს დაცვის თანამშრომელი 5 (ხუთი) სამუშაო დღის განმავლობაში, წინაააღმდეგ შემთხვევაში, აღნიშნული ჩაითვლება ხელშეკრულების დარღვევად და შემსყიდველს უფლება ექნება მოვალეობის არაჯეროვანი შესრულებისათვის გაატაროს ხელშეკრულებით გათვალისწინებული ღონისძიებები;

1.2.10 ობიექტების დაცვითი მომსახურების გაუმჯობესების მიზნით ცოცხალი ძალით დაცვასთან ერთად ობიექტებზე მიმწოდებლის მიერ მომსახურების მანძილზე, უსასყიდლოდ დამონტაჟებულ უნდა იქნას ელექტრონული დაცვითი სისტემა.
რაც მოიცავს:
- ვიდეოსათვალთვალო კამერებს.

1.2.11 მიმწოდებელი ფინანსურ პასუხისმგებლობას იღებს იმ მატერიალური ფასეულობების დაკარგვაზე, რომელთა გატანა დაცვის ობიექტის გარეთ შეუძლებელია ფარულად, ასევე ღია ტერიტორიაზე განთავსებული მატერიალური ფასეულობების დაკარგვაზე ან მცველის (დაცვის თანამშრომლების) მხრიდან გაუფრთხილებელი მოქმედებით ან უმოქმედობით გამოწვეულ ზიანზე. ასევე, მიმწოდებელი პასუხისმგებელია მისი მიზეზით დაცვის ობიექტისათვის მიყენებული მატარიალური ზარალის ანაზღაურებაზე;

1.2.12 მიმწოდებელი ვალდებულია, საქართველოს კანონმდებლობით დადგენილი წესით, სრულად აანაზღაუროს ზარალი, რომელიც გამოწვეულია მიმწოდებლის მიერ ვალდებულებების არაჯეროვანი შესრულებით;

1.2.13 დაცვის მომსახურების გაწევა უნდა განხორციელდეს აღნიშნულ სფეროში საქართველოში მოქმედი კანონმდებლობის შესაბამისად.

მომსახურების გაწევის ვადა: 2024 წლის 1 იანვრიდან 2024 წლის 31 დეკემბრის ჩათვლით.

შენიშვნა: იმ შემთხვევაში თუ ხელშეკრულების გაფორმება ვერ განხორციელდება 2023 წლის 29 დეკემბრის ჩათვლით, მომსახურების გაწევის ვადა აითვლება ხელშეკრულების გაფორმებიდან 2024 წლის 31 დეკემბრის ჩათვლით.

ქ. ბათუმი გალაკტიონ ტაბიძის ქუჩა N56.

2.2.1.1 ტენდერში მონაწილე პრეტენდენტს უკანასკნელი წლების განმავლობაში, ყოველწლიურად (2021, 2022, 2023 წწ) შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის მომსახურება;
2.2.1.2 პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის მომსახურების შესრულების დამადასტურებელი დოკუმენტების ასლები (ხელშეკრულების ასლები ხარჯთაღრიცხვით, მიღება-ჩაბარების აქტების ასლები). იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, პრეტენდენტი ვალდებულია დამატებით წარმოადგინოს აღნიშნულ მომსახურებაზე დადასტურებული საგადასახადო ანგარიშ-ფაქტურების ქსეროასლები.
2.2.1.3 იმ შემთხვევაში თუ პრეტენდენტის მიერ შესაბამისი მომსახურების დამადასტურებელი დოკუმენტაცია განთავსებულია შესყიდვების ერთიან ელექტრონულ სისტემაში (https://tenders.procurement.gov.ge/) მაშინ პრეტენდენტის მიერ შესაძლებელია წარმოდგენილი იქნას შესაბამისი SPA, NAT და/ან CMR ნომრები (ამ შემთხევაში დოკუმენტების წარმოდგენა სავალდებულო არ არის).
2.2.1.4 პრეტენდენტმა უნდა წარმოადგინოს დაცვის მომსახურების გაწევის შესახებ არანაკლებ 1 (ერთი) დადებითი სარეკომენდაციო წერილი/ცნობა, მათ შორის ერთი გაცემული უნდა იყოს საჯარო დაწესებულებიდან, 2023 წელს.

შესაბამის სფეროში გამოცდილების არ ქონა გამოიწვევს პრეტენდენტის დისკვალიფიკაციას.

2.3.1.1 მატერიალურ-ტექნიკური შესაძლებლობები: სამსახურებრივი ავტომობილები; საჭიროების შემთხვევაში - ოპერატიული ჯგუფით უზრუნველყოფა; ვიდეო სათვალთვალო და საგანგაშო სიგნალიზაციებით მომსახურება.

2.3.1.2 სპეც-აღჭურვილობა: რადიო-სადგური (რაცია), ხელბორკილი, ხელკეტი.

შენიშვნა: მატერიალური ტექნიკური ბაზის ჩამონათვალი პრეტენდენტმა წარმოადგინოს ცხრილის სახით, კვალიფიციური ელექტრონული ხელმოწერით ან შტამპით დადასტურებული. რომლის საფუძველზეც ის დაადასტურებს აღნიშნული ობიექტების საკუთრებაში არებობას.

2.4.1.1 პრეტენდენტმა უნდა წარმოადგინოს იმ დაცვის თანამშრომელთა შესახებ ინფორმაცია, რომლებიც დასაქმდებიან შემსყიდველის დასაცავ ობიექტზე და ეს ინფორმაცია უნდა იყოს შემდეგი:
- მინიმუმ სამ წლიანი სამუშაო გამოცდილება ე.წ. CV-ს სახით;
- სამუშაო გამოცდილების დამადასტურებელი დოკუმენტ(ებ)ის ასლ(ებ)ი, კონკრეტულად: ცნობა წინა სამსახურ(ებ)იდან. (უცხოურ ენაზე გაცემული ცნობის არსებობის შემთხვევაში, ასევე, ნოტარიულად დამოწმებული თარგმანი). აღნიშნულ დოკუმენტში მოცემული ინფორმაცია უნდა შეესაბამებოდეს მოთხოვნილი სამუშაო გამოცდილების ხანგრძლივობას.

2.7.1.1 პრეტენდენტმა უნდა წარმოადგინოს უფლებამოსილი ორგანოს მიერ გაცემული დაცვითი საქმიანობის გაწევის უფლებამოსილების დამადასტურებელი დოკუმენტის (ლიცენზია) ნოტარიულად დამოწმებული ასლი, რომლის მოქმედების ვადა უნდა იყოს მინიმუმ 2025 წლის 31 იანვრამდე, ან უვადო.

2.9.1 პრეტენდენტმა სისტემის საშუალებით უნდა წარმოადგინოს:

1. ტექნიკური დავალება - პრეტენდენტის მიერ ელექტრონულად დამოწმებული
2. ფასების ცხრილი
3. ინფორმაცია გამოცდილების შესახებ და არანაკლებ ერთი დადებითი რეკომენდაცია 2.2.1 პუნქტის შესაბამისად
4. ინფორმაცია მატერიალურ-ტექნიკური ბაზის შესახებ
5. ინფორმაცია პერსონალის გამოცდილების შესახებ
6. ლიცენზია დაცვითი საქმიანობის სფეროში

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთული, საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული მომსახურების გაწევის შესაძლებლობა.


ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

7.2.1 მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.

7.2.2 ანგარიშსწორება განხორციელდება ხელშეკრულებით გათვალისწინებულ მიწოდებულ საქონელზე შესაბამისი მიღება-ჩაბარების აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ.

7.3.1 ანგარიშსწორება განხორციელდება მიღება-ჩაბარების აქტისა და შესაბამისი საგადასახადო დოკუმენტების წარმოდგენიდან არაუგვიანეს 10 (ათი) სამუშაო დღის განმავლობაში.

სალომე ჩხარტიშვილი, 597531818, procurementinspection@gmail.com

10.1.1 სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
10.1.3 სახელმწიფო შესყიდვების ერთიან ელექტრონულ სისტემაში ატვირთული საქონლისა და მომსახურების ფასების ცხრილი წარმოდგენილი უნდა იყოს PDFფორმატით რომელიც უნდა დამოწმდეს კვალიფიციური ხელმოწერით/კვალიფიციური შტამპით.
10.1.4 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
10.1.7 სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი.
10.1.8 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მახასიათებლების აღწერისას გამოყენებული იქნება სასაქონლო ნიშანი,მოდელი, პატენტი ან მწაროებელი კომპანია, ასეთ შემთხვევაში აღნიშნული ტერმინები გამოყენებული არის ,,მსგავსისა’’ და ,,ექვივალენტურის’’ მნიშვნელობით და პრედენტენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.9 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.1.10 სასურველია დაინტერესებული პირი ადგილზე გაეცნოს არსებულ ვითარებას.