Природное водное сырье (Грузия - Тендер #48855369)

ბორჯომის მუნიციპალიტეტისათვის სასმელი წყლის მოწოდება

1.2.1 შესყიდვის ობიექტის ტექნიკური დავალება და რაოდენობა მოცემულია დანართში №1 - "ფასების ცხრილი", ამასთან შემსყიდველი ორგანიზაცია არ არის ვალდებული სრულად აითვისოს დანართში მითითებული შესყიდვის ობიექტის რაოდენობა ხელშეკრულების მოქმედების პერიოდში.
1.2.2 სასმელი წყლის ბალონები შემსყიდველს უნდა გადაეცეს უსასყიდლოდ, დროებით სარგებლობაში, სასმელი წყლის ყოველი მომდევნო რაოდენობის მიწოდებამდე. თითოეულ მიწოდებულ წყლის ჭურჭელზე მითითებული უნდა იყოს ძირითადი იონების და მინერალიზაცის შესახებ ინფორმაცია შესაბამისი მარკირებით, აღნიშნული უნდა იყოს შემადგენლობა, დამზადების და ვარგისიანობის ვადები, ჩამომსხმელი ქვეყანა და მწარმოებელი.
1.2.3 მიმწოდებელმა შემსყიდველს ხელშეკრულების მოქმედების ვადით, დროებით სარგებლობაში, სატენდერო დოკუმენტაციის 1.4.2 პუნქტით დადგენილ ვადაში, უსასყიდლოდ უნდა გადასცეს შემსყიდველს არანაკლებ 7 (შვიდი) ცალი ტექნიკურად და ვიზუალურად გამართული სასმელი წყლის დისპენსერი, მინიმუმ ორ ონკანიანი, რომლებსაც ექნებათ, როგორც წყლის გაციების, ასევე გაცხელების ფუნქცია და რომლებიც თავსებადი უნდა იყოს შემოთავაზებული სასმელი წყლის ბალონებთან. მიმწოდებელმა საკუთარი ხარჯებით უნდა უზრუნველყოს მიწოდებული სასმელი წყლის დისპენსერების გადმოტვირთვა და შემსყიდველის მიერ მითითებულ ტერიტორიაზე მონტაჟი ან/და დასაწყობება. მიმწოდებელმა უნდა უზრუნველყოს სასმელი წყლის დისპენსერების გამართული მუშაობა. დისპენსერის გაფუჭების/დაზიანების შემთხვევაში, მიმწოდებელი ვალდებულია საკუთარი ხარჯებით არაუმეტეს 3 (სამი) სამუშაო დღის განმავლობაში შეაკეთოს დისპენსერი ან ჩაანაცვლოს ახლით.

1.4.1 შესყიდვის ობიექტის მოწოდება უნდა განხორციელდეს ხელშეკრულების გაფორმებიდან 2024 წლის 31 დეკემბრამდე, პერიოდულად, შემსყიდველი ორგანიზაციის მოთხოვნის შესაბამისად, მოთხოვნიდან (წერილობითი/სატელეფონო/ელ.ფოსტის საშუალებით) არაუმეტეს 3 (სამი ) სამუშაო დღის განმავლობაში.
1.4.2 მიმწოდებლის მიერ სასმელი წყლის დისპენსერების მიწოდება უნდა განხორციელდეს შემსყიდველის მოთხოვნიდან არაუგვიანეს 3 (სამი) სამუშაო დღის განმავლობაში.

საქონლის მოწოდების ადგილი: ბორჯომის მუნიციპალიტეტის მერია, მესხეთის ქუჩა#5.

1.7.1.1 მიწოდებული სასმელი წყლის ვარგისიანობის ვადა უნდა შეადგენდეს მიღება-ჩაბარების აქტის გაფორმებიდან მინიმუმ 2 (ორი) თვეს.
1.7.1.2 ვარგისიანობის ვადის განმავლობაში მიმწოდებელმა საკუთარი ხარჯებით უნდა აღმოფხვრას ნებისმიერი ხარვეზი/წუნი (ტრანსპორტირების ხარჯების ჩათვლით), საჭიროების შემთხვევაში უნდა უზრუნველყოს წუნდებული შესყიდვის ობიექტის შეცვლა ახლით, ასეთი ნაკლის შესახებ შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) შემსყიდველთან შეთანხმებულ გონივრულ ვადაში, მაგრამ არაუგვიანეს 2 სამუშაო დღის ვადისა, გარდა იმ შემთხვევისა, თუ ასეთი ხარვეზი გამოწვეულია ნივთის მექანიკური დაზიანებით.

2.1.1.1 ტენდერში მონაწილეობის მსურველმა პირმა ინფორმაცია მოსაწოდებელი საქონლს ტექნიკური მახასიათებლებთან, წარმოშობის წყაროსთან ან/და მწარმოებელთან დაკავშირებით უნდა წარმოადგინოს დანართი #2-ის მიხედვით;
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა ან შემდგომში (ტექნიკური დოკუმენტაციის დაზუსტება, ფასწარმოქმნის ადეკვატურობის დასაბუთება) მითითებული ინფორმაციის შეცვლა დაზუსტებას არ დაექვემდებარება და გამოიწვევს მის დისკვალიფიკაციას.

2.7.1.1 პრეტენდენტმა სახელმწიფო შესყიდვების ერთიანი ელექტრონული სისტემის მეშვეობით, სატენდერო წინადადებასთან ერთად უნდა წარმოადგინოს აკრედიტირებული ორგანოს მიერ გაცემული მოქმედი სერთიფიკატი, რომლითაც დადასტურდება, შესყიდვის ობიექტის საქართველოს მთავრობის 2014 წლის 15 იანვრის №58 დადგენილებით დამტკიცებული „სასმელი წყლის ტექნიკური რეგლამენტით“ დადგენილი ხარისხის მაჩვენებლების და ნორმატიული სიდიდეების, სანიტარული მოთხოვნების შესაბამისობა.
2.7.1.2 პრეტენდენტმა სახელმწიფო შესყიდვების ერთიანი ელექტრონული სისტემის მეშვეობით, სატენდერო წინადადებასთან ერთად უნდა წარმოადგინოს ISO 22000 სერიების სტანდარტების შესაბამისი (ან მათი განახლებული შესა

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა უნდა დასაბუთდეს სერთიფიცირებული აუდიტორის ან აკრედიტებული ექსპერტიზის დასკვნით (დასკვნასთან ერთად ასევე, წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია).
ექსპერტიზის ან/და აუდიტის დასკვნის წარმოდგენის შემთხვევაში უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

7.2.1.ანგარიშსწორება მოხდება უნაღდო ანგარიშსწორებით ლარებში;
7.2.2 ანგარიშსწორება განხორციელდება ეტაპობრივად, ფაქტობრივად მიწოდებული საქონლის შესაბამისად.

ანგარიშსწორება განხორციელდება ხელშეკრულების შესაბამისად გაფორმებული მიღება - ჩაბარების აქტისა და კანონმდებლობით გათვალისწინებული დოკუმენტაციის წარმოდგენიდან არაუგვიანეს 10 (ათი) სამუშაო დღის განმავლობაში.

ეკატერინე სორდია, 577985807, ekamag77@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5.სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 და 2.1.1 პუნქტებით გათვალისწინებული მონაცემები.
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.
8 . სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.