Ремонт и техническое обслуживание транспортных средств и оборудования и сопутствующие услуги (Грузия - Тендер #48855357)

საქართველოს იუსტიციის სამინისტროს ბალანსზე არსებული ტექნიკური დავალების 1.2 პუნქტით გათვალისწინებული ავტოსატრანსპორტო საშუალებების ტექნიკური მომსახურების (სათადარიგო ნაწილებისა და საცხებ-საპოხი მასალების გათვალისწინებით) სახელმწიფო შესყიდვა.

მომსახურების აღწერა და მოცულობა გათვალისწინებულია ტექნიკური დავალებით.

1.4.1. მომსახურების გაწევა უნდა განხორციელდეს ხელშეკრულების გაფორმებიდან, მაგრამ არაუადრეს 2024 წლის 1 იანვრიდან 2024 წლის 31 დეკემბრის ჩათვლით, შემსყიდველის მოთხოვნის შესაბამისად პრეისკურანტისა და ტექნიკური დავალების შესაბამისად.
1.4.2. მიმწოდებელმა ყოველ კონკრეტულ შემთხვევაში უნდა უზრუნველყოს მომსახურების გაწევა 2 (ორი) დღის განმავლობაში, გარდა სასაწყობე სათავსოში არსებული სახარჯი მასალებისა, რომლის შეცვლა უნდა განხორციელდეს 1 (ერთი) დღეში, ხოლო თუ მომსახურებისათვის საჭიროა დეფეციტური სათადარიგო ნაწილ(ებ)ი - 10 (ათი) დღის განმავლობაში. მომსახურება გაწეული უნდა იქნას დაუყოვნებლივ, რიგგარეშე

მომსახურება გაწეული უნდა იქნას დაუყოვნებლივ, რიგგარეშე, ქ. თბილისის ქ. ქუთაისის, ქ.ბათუმის, ქ.თელავის, ქ. ახალციხისა და ქ.ფოთის ტერიტორიებზე, მიმწოდებლის სერვის ცენტრებში, ტექნიკური დავალების შესაბამისად.

1.7.1.1. მიმწოდებლის მიერ გაწეულ მომსახურებას და გამოყენებულ სათადარიგო ნაწილებს უნდა გააჩნდეს გარანტია არანაკლებ 6 (ექვსი) თვე, ხოლო ძირითად აგრეგატებზე (ძრავზე, გადაცემათა კოლოფზე და ხიდებზე) არანაკლებ 1 წელი ან 25000 კმ და ელექტრულ მოწყობილობებზე (გარდა ელ. მცველებისა და ნათურებისა) არანაკლებ 1 წელი, გარდა სწრაფცვეთადი დეტალებისა (ნათურები (მათ შორის გახურების ნათურები), ანთების სანთლები, გახურების სანთლები, დამცველები, გადაბმულობის ამყოლი და მიმყოლი რგოლები (ფრიქციონები), ზეთის, კონდიციონერის, ჰაერისა და საწვავის ფილტრები, მინის მწმენდები, ანთების საკონტაქტო ერთეულები და მტვერდამცავები (პილნიკები)), ასევე, გარდა იმ შემთხვევისა, როდესაც დაზიანება გამოწვეულია არასწორი ექსპლუატაციითა და გარეგანი ზემოქმედების შედეგად.

1.7.1.2. წინა და უკანა სამუხრუჭე ხუნდებზე სწორი ექსპლუატაციის პირობებში გარანტია განისაზღვრება კილომეტრაჟით - არანაკლებ 5000 კმ, (შეცვლილი (ახალი) წინა და უკანა სამუხრუჭე ხუნდები არ უნდა გამოსცემდეს ხმებს.

1.7.1.3 იმ შემთხვევაში თუ გაწეულ მომსახურებას და გამოყენებულ სათადარიგო ნაწილებს საგარანტიო პერიოდში გამოუვლინდება დეფექტი/ნაკლი და საჭირო გახდება აღნიშნულის კვლავ შეცვლა ან/და მომსახურების გაწევა, საგარანტიო ვადის ათვლა უნდა დაიწყოს ბოლოს გაწეული მომსახურებისა ან/და სათადარიგო ნაწილის შეცვლის თარიღიდან.

2.2.1.1. პრეტენდენტს უნდა გააჩნდეს ანალოგიური მომსახურების გაწევის არანაკლებ 3 (სამი) წლიანი (2021, 2022 და 2023 წლებში) გამოცდილება, რომლის ფაქტიური შესრულება ჯამში არ უნდა იყოს 300,000.00 (სამასი ათასი) ლარზე ნაკლები, რის დასტურადაც პრეტენდენტმა უნდა წარმოადგინოს ხელშეკრულებ(ებ)ი და ამავე ხელშეკრულებ(ებ)ის მიღება-ჩაბარების აქტ(ებ)ი ან ნებისმიერი სახის დოკუმენტი, რომელიც დაადასტურებს აღნიშნულის შესრულების ფაქტს. გამოცდილების შესახებ ინფორმაცია წარმოდგენილი უნდა იქნას ცხრილის სახით (დანართი "ცხრილი 4").
2.2.1.2. პრეტენდენტმა უნდა წარმოადგინოს შემსყიდველის/დამკვეთის მიერ გაცემული არანაკლებ ერთი რეკომენდაცია 2022-2023 წლებში ანალოგიური მომსახურების წარმატებით განხორციელების შესახებ, ამასთან, ფაქტიურად გაწეული მომსახურების ღირებულება ერთი ხელშეკრულების ფარგლებში უნდა შეადგენდეს არანაკლებ 120,000.00 (ასი ოცი ათასი) ლარს.

შენიშვნა: იმ შემთხვევაში, თუ სატენდერო დოკუმენტაციის 2.2.1.1. პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში მიუთითოს შესაბამისი CMR, SPA, NAT ნომრები და არ წარმოადგინოს მოთხოვნილი დოკუმენტაცია.

1. პრეტენდენტს ქ. თბილისის ტერიტორიაზე უნდა გააჩნდეს არანაკლებ 1(ერთი) სერვის-ცენტრი (პრეტენდენტმა უნდა წარმოადგინოს საკუთრების ან/და სარგებლობის დამადასტურებელი შესაბამისი დოკუმენტი). ასევე, ქ. თბილისში უნდა გააჩნდეს სასაწყობო სათავსო, რომელიც უნდა შეიცავდეს პრეისკურანტით გათვალისწინებული ავტოსატრანსპორტო საშუალებების თითოეულ მოდელზე სავალი ნაწილის სწრაფადცვეთად დეტალებს (მათ შორის წინა და უკანა სამუხრუჭე ხუნდებს), ზეთის, ჰაერის, საწვავისა და კონდენციონერის ფილტრებს, მინის მწმენდებს.

2. ასევე, პრედენტენტს ყოველ ქალაქში: ქალაქ ქუთაისში, ქალაქ ბათუმში, ქალაქ თელავში, ქალაქ ახალციხეში, ქალაქ ფოთში საკუთრებაში ან/ და სარგებლობაში უნდა გააჩნდეს არანაკლებ 1(ერთი) სერვისცენტრ(ებ)ი ან/და მითითებულ ქალაქებში ჰყავდეს ქვეკონტრაქტორ(ებ)ი. საკუთრების ან/და სარგებლობის შემთხვევაში პრეტენდენტმა უნდა წარმოადგინოს შესაბამისი დამადასტურებელი დოკუმენტ(ებ)ი, ხოლო, ქვეკონტრაქტორის არსებობის შემთხვევაში უნდა წარმოადგინოს ქვეკონტრაქტორთან გაფორმებული ხელშეკრულება, რომლის მოქმედების ვადა უნდა იყოს არანაკლებ 2024 წლის 31 დეკემბრის ჩათვლით.

2.8.1.1 ქალაქ ქუთაისში ან/და ქალაქ ბათუმში ან/და ქალაქ თელავში ან/და ქალაქ ახალციხეში ან/და ქალაქ ფოთში ქვეკონტრაქტორ(ებ)ის არსებოსბის შემთხვევაში, 2020 წლიდან, ქვეკონტრაქტორს ერთი წლის განმავლობაში უნდა გააჩნდეს ჯამურად არანაკლებ 50 000 (ორმოცდაათი ათი ათასი) ლარის ანალოგიური მომსახურების გაწევის გამოცდილება. რის დასადასტურებლად პრეტენდენტმა უნდა წარმოადგინოს ხელშეკრულებ(ებ)ი, ამავე ხელშეკრულებ(ებ)ის მიღება-ჩაბარების აქტ(ებ)ი ან ნებისმიერი სახის დოკუმენტი.

2.9.1. პრეტენდენტის მიერ წარმოდგენილ პრეისკურანტში დაფიქსირებული მომსახურების, სათადარიგო ნაწილის ან/და საცხებ-საპოხი მასალის ერთეულის ღირებულება არ უნდა აღემატებოდეს სატენდერო დოკუმენტაციის 1.3 პუნქტის დანართი №2-ში შესაბამის პოზიციაზე დაფიქსირებულ ერთეულის სავარაუდო ღირებულებას.

2.9.2. შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ ერთიან ელექტრონულ სისტემაში დაფიქსირებულ ბოლო შეთავაზებას შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს ყველა დასახელების მომსახურებაზე, სათადარიგო ნაწილზე და საცხებ-საპოხ მასალაზე.

2.9.3. პრეისკურანტის დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა.

2.9.4. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს

2.9.5. პრეისკურანტში მომსახურების, სათადარიგო ნაწილის ან/და საცხებ-საპოხი მასალის რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე საერთო ღირებულებასთან მიმართებით.

7.2.1 სატენდერო წინადადებაში საერთო ფასი უნდა შეიცავდეს როგორც მომსახურების (სათადარიგო ნაწილებისა და საცხებ-საპოხი მასალების გათვალისწინებით) ღირებულებას ისე მის მიწოდებასთან დაკავშირებული ყველა ხარჯსა და საქართველოს კანონმდებლობით დადგენილ გადასახადებს.

7.2.2 ანგარიშსწორება განხორციელდება ეტაპობრივად, მიღება–ჩაბარების აქტის გაფორმებიდან და თუ მიმწოდებელი დღგ-ს გადამხდელია, საგადასახადო ანგარიშ-ფაქტურის, ხოლო თუ მიმწოდებელი არ არის დღგ-ს გადამხდელი, შემოსავლების სამსახურიდან შესაბამისი ცნობის საფუძველზე.

7.2.3. შემსყიდველი უფლებამოსილია დაკისრებული პირგასამტეხლოს თანხა (ასეთის არსებობის შემთხვევაში) დააკავოს მიმწოდებელზე გადასარიცხი თანხიდან.

7.2.4. ანგარიშსწორება მოხდება უნაღდო ანგარიშსწორებით ლარში

საანგარიშსწორებო დოკუმენტაციის წარმოდგენიდან 15 (თხუთმეტი) დღის ვადაში, მაგრამ არაუგვიანეს 2024 წლის 31 დეკემბრისა. თუკი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ნინო განჯელაშვილი, 577227478, niganjelashvili@justice.gov.ge

იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით.

წინამდებარე ტენდერში მონაწილეობით პრეტენდენტი ავტომატურად ეთანხმება ტექნიკურ პირობებს.

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ყველა დოკუმენტი ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი უნდა იქნას Excel-ის ფორმატის სახით.

შემსყიდველი უფლებამოსილია მომსახურება შეისყიდოს მხოლოდ მისი საჭიროების შესაბამისი მოცულობით.

სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.