Строительно-монтажные работы (Грузия - Тендер #48855314)

ქ. ფოთის ცენტრალური პარკის ტერიტორიაზე მეხამრიდის სამონტაჟო სამუშაოების შესყიდვა. ექსპერტიზით.
შესყიდვა ხორციელდება 2023 წლის ადგილობრივი თვითმართველი ერთეულის ბიუჯეტიდან 100 %.

1. მეხამრიდის მონტაჟის სამუშაოები უნდა განხორციელდეს შემსყიდველის მიერ წარმოდგენილი ხარჯთაღრიცხვისა და საპროექტო დოკუმენტაციის შესაბამისად.
2. სამუშაოების რაოდენობები/მოცულობები განთავსებულია ფაილში - დანართი N 2 ხარჯთაღრიცხვა.
3. სპეციფიკაციები განთავსებულია ფაილში - მეხამრიდის პროექტები დანართი N 1
4. მიმწოდებელმა ექსლუატაციის პერიოდში, მიღება-ჩაბარების აქტის გაფორმებიდან, არანაკლებ ერთი წლის განმავლობაში შესყიდვის ობიექტს გაუწიოს უფასო მონიტორინგი, რაც გულისხმობს არანაკლებ ერთხელ კვარტალში სისტემის სრულ რევიზიას და აღმოჩენილი დეფექტების საკუთარი ხარჯებით აღმოფხვრას;

ჩასატარებელი სამუშაოების მოკლე აღწერა:
შენობებისა და ნაგებობების მეხდაცვის მოწყობის ინსტრუქციის РД 34.21.122-87 თანახმად ობიექტი მიეკთუვნება მე-3 კატეგორიას;
მეხამრიდის სამონტაჟო სამუშაოების შესყიდვისთვის პროექტით შემუშავებულია ატმოსფერული გადაძაბვებისაგან ნაგებობის დაცვისთვის და პოტენციალთა გათანაბრებისათვის საჭირო ღონისძიებები;
არსებული მონაცემებია:
მეხის დაცემის სიხშირე წელიწადში 1კვ.მ. მიწის ფართზე n=5,5 1/კვ.კმ/წ;
ჭექა-ქუხილის საშუალო ხანგრძლივობა წელიწადში tcp=60 სთ/წ;
მოსალოდნელი მეხის დაცემის სიხშირე წელიწადში 0,004;
ობიექტი განეკუთვნება მეხდაცვის III კლასს; გათვალისწინებულია ობიექტის დაცვა მეხის პირდაპირი
დარტყმისაგან.
მეხდაცვის სისტემა შედგება:
- მეხმიმღები და მისი დეტალები;
- დენგამტარი;
- დამიწების კონტური.
ღერძული მეხმიმღების საყრდენი, როგორც ცალკე მდგარი კონსტრუქცია გათვლილია მექანიკურ სიმტკიცეზე;
გეგმის მიხედვით უნდა დამონტაჟდეს 4 ერთეული ლითონკონსტრუქციული შესრულების ანძა, რომლის სიმაღლე უნდა იყოს 24,0 მ,რომლის ბოლო ღეროს დიამეტრი უნდა იყოს 50,8 მმ (2 დიუმი), რომელზედაც უნდა დამაგრდეს აქტიური მეხმიმღები,
სიმაღლით 0,5 მ; მეხამრიდის მთლიანი სიმაღლე 24,5 მ. მეხამრიდი უნდა დამაგრდეს მაქსიმალური საიმედოობით.
აქტიური მეხმიმღებს უნდა ქონდეს წაწვეტებული თავი, დამზადებული უნდა იყოს ქარხნულად, დაცული კოროზიისაგან და სერტიფიცირებული საერთაშორისო სტანდარტების მოთხოვნით ISO 9001-2008, ISO 14001-2004, OHSAS 18001-2007;
თითოეული მეხმიმღების დამიწება უნდა შესრულდეს იზოლირებული სპილენძის ძარღვიანი სადენის H07V-R-1x50მმ2 -ის დაერთებით მეხმიმღების სპეციალურ დამიწების პორტზე (კორპუსზე), ხოლო სადენის მეორე ბოლოზე დამონტაჟდეს სპილენძის დამაბოლოვებელი ბუნიკი და მოხდეს მისი მჭიდრო შეერთება საკონტროლო ჭაში დამიწების ძირითადი კონტურის განშტოებაზე ქანჩ-ჭანჭიკური შეერთებიის გზით. მეხამრიდის თითოეულ ანძაზე სადენის მიმაგრება უნდა განხორციელდეს 20 ცალი იზოლირებული შუასადებების საშუალებით მეხმიმღების მიერთება დენგამტართან და დენგამტარის დამიწებასთან უნდა შესრულდეს ელ.შედუღებით ანვქანჩ-ჭანჭიკური შეერთებით. ქანჩ-ჭანჭიკური შეერთების შემთხვევაში გარდამავალი წინაღობაარ უნდავაღემატებოდეს 0,05 ომს. წინაღობის გაზომვა აუცილებელია შესრულდეს ყოველწლიურადჭექა-ქუხილის სეზონის დაწყებამდე. ყველა შეერთება დაიფაროს ანტიკოროზიული საღებავით. დამიწების კონტურთან უნდა მოეწყოს საკონტროლო ჭა, ზომით 200 x200x200 მმ; დამიწების კონტურის წინაღობის ანგარიში შესრულებულია მიწის ხვედრითი წინაღობის 225 ომ. მნიშვნელობისათვის; მეხამრიდის ანძის გარშემო უნდა მოეწყოს დამოუკიდებელი დამიწების კონტური;რისთვისაც გამოყენებული უნდა იქნეს ვერტიკალური დამამიწებელი 20 მმ დიამეტრის გალვანიზირებული ფოლადის ღერო 1,5 მეტრი სიგრძის, რომელიც უნდა ჩაეფლოს მიწის გრუნტში 1,5 მ სიღრმეზე. ღეროებს შორის დაშორება მოცემულია გეგმაზე. ვერტიკალური დამამიწებელი ღეროები უნდა შეერთდეს ერთმანეთთან 0,7 მ. სიღრმეზე დაფლული 40X4 მმ ფოლადის გალვანიზირებული ზოლოვანათი შეკრულ კონტურთან;

დამიწების კონტური უნდა მოეწყოს თანახმად ПУЭ-პუნქტისა1.7.55. საპროექტო ობიექტი - წარმოადგენს ფოთის პარკს, რომლის მეხდაცვისთვისაც საჭიროა დამონტაჟდეს 4 ერთეული
მეხამრიდის ანძა სიგრძით 24 მ და 4 ერთეული აქტიური მეხამრიდი.
ბუნებრივიდამიწებამ უნდა უზრუნველყოს კონსტრუქციის ფუნდამენტი, ხოლო დამატებით საჭირო იქნება ლითონკონსტრუქციული ნაწილი მიერთდეს დამიწების კონტურთან; დამიწება უნდა შემოწმდეს ლაბორატორიულად, იგი წინაღობის ნორმირებულ სიდიდეს არ უნდა აღემატებოდეს; საჭიროების შემთხვევაში დამატებული იქნეს ელექტროდები.სამონტაჟო სამუშაოების შესრულების დროს დაცული იყოს შრომის უსაფრთხოების წესები;

მიმწოდებელი ვალდებულია:

მოსამზადებელი სამუშაოებისა და უშუალოდ სამშენებლო-სამონტაჟო სამუშაოთა წარმოებისას, დაიცვას შესაბამისი სამშენებლო ნორმებითა და წესებით განსაზღვრული ღონისძიებები:
სამუშაოების დამთავრების შემდეგ, სამუშაო ადგილი და სამშენებლო მოედანი უნდა გასუფდავდეს ყოველგვარი სამშენებლო და საყოფაცხოვრებო ნაგვისაგან.
ვალდებულია და პასუხისმგებელია სამუშაოები აწარმოოს უსაფრთხოების, შრომის, საწარმოო სანიტარიის წესების სრული დაცვით.
მიმწოდებელი ვალდებულია სრულად დაიცვას საქართველოს ორგანული კანონის - „შრომის უსაფრთხოების შესახებ“ მოთხოვნები.

გაუთვალისწინებელი სამუშაოების გაწევის უფლება მიმწოდებელს ეძლევა მხოლოდ შემსყიდველის წინასწარი წერილობითი თანხმობის შემთხვევაში. თანხმობის მისაღებად მიმართვა შემსყიდველისადმი უნდა განხორციელდეს ასეთი სამუშაოების გამოვლენისთანავე.

სამუშაოების მიმდინარეობისას სახარჯთაღრიცხვო დოკუმენტაციაში კორექტირების განხორციელების აუცილებლობის დადგომის შემთხვევაში შესაბამისი მიმართვა შემსყიდველისადმი უნდა განხორცილედეს აღნიშნულის გამოვლენისთანავე, კორექტირებას დაქვემდებარებული სამუშაოების შესრულებამდე, მაგრამ არაუგვიანეს ხელშეკრულებით გათვალისწინებული სამუშაოების შესრულების ვადის ამოწურვამდე 10 სამუშაო დღით ადრე.

სამუშაოების წარმოება უნდა განხორციელდეს ისე, რომ თავიდან იქნას აცილებული ტრავმატიზმის შესაძლებლობა. შესასრულებელი სამუშაოების უსაფრთხოებისათვის პასუხისმგებლობა ეკისრება მიმწოდებელს და მის მიერ უსაფრთხოებისათვის გამოყოფილ პასუხისმგებელ პირს. ყველა სახის სამუშაოების შესრულების დროს დაცული უნდა იყოს უსაფრთხოების წესები და ნორმები.
მიმწოდებლის მიერ წინამდებარე ელექტრონული ტენდერით გათვალისწინებული ვალდებულებ(ებ)ის შეუსრულებლობით ან არაჯეროვნად შესრულებით მესამე პირისათვის მიყენებული ნებისმიერი სახის ზიანის ანაზღაურების ვალდებულება ეკისრება მიმწოდებელს და ასევე, მას ეკისრება სრული პასუხისმგებლობა ტექნიკური დავალებით გათვალისწინებული ვალდებულებ(ებ)ის დარღვევის შემთხვევაში წარმოშობილ ზიანზე.
შესასრულებელი სამუშაოების სრული ჩამონთვალი ასახულია სატენდერო დოკუმენტაციის 1.3 მუხლში ექსელის (Excel) ფაილის სახით ატვირთულ ხარჯთაღრიცხვაში.

სამუშაოები უნდა განხორციელდეს შემსყიდველის მიერ წარმოდგენილი საპროექტო დოკუმენტაციის შესაბამისად (იხ. მიბმული ფაილ(ებ)ი).

იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია გამოიყენოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი.

1. სამუშაოები უნდა განხორციელდეს ხელშეკრულების გაფორმებიდან 30 (ოცდაათი) სამუშაო დღის განმავლობაში.
2 პრეტენდენტმა, სატენდერო წინადადების წარდგენისას, უნდა ატვირთოს შესასრულებელი სამუშაოების კალენდარული და თანხობრივი გეგმა-გრაფიკი.
3 მიმწოდებელი ვალდებულია სამუშაოები აწარმოოს კალენდარული და თანხობრივი გეგმა-გრაფიკის შესაბამისად.

1. მიმწოდებელი ვალდებულია სამუშაოები შეასრულოს საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების დაცვით, საპროექტო-სახარჯთაღრიცხვო დოკუმენტაციის შესაბამისად.

2. სამუშაოს შესრულების ადგილია: ქალაქ ფოთის ცენტრალური პარკის ტერიტორია, ქ. ფოთი რუსთაველის რკალი N 3.

1. შესრულებული სამუშაოს ხარისხის საგარანტიო ვადა შეადგენს, საბოლოო მიღება-ჩაბარების აქტის გაფორმებიდან არანაკლებ 3 (სამი) წელს.
2. საგარანტიო ვადის განმავლობაში, ექსპლუატაციის პროცესში რაიმე წუნის (ნაკლოვანებები, დეფექტი) აღმოჩენის შემთხვევაში მიმწოდებელი ვალდებულია შეტყობინების მიღებიდან, შემსყიდველის მიერ განსაზღვრულ გონივრულ ვადაში, გამოასწოროს წარმოქმნილი ნაკლოვანება/დეფექტი საკუთარი ხარჯებით.

- ტენდერში მონაწილე პრეტენდენტმა უნდა წარმოადგინოს სამუშაოების შესრულების კალენდარული გრაფიკი დანართი N-3-ის მიხედვით, რომელიც იქნება ხელშეკრულების განუყოფელი ნაწილი;

სამუშაოები უნდა იყოს შესრულებული საპროექტო-სახარჯთაღრიცხვო და საქართველოში მოქმედი ნორმატიულ-ტექნიკური დოკუმენტების მოთხოვნების შესაბამისად, სამუშაოს შესრულების პროცესში ყველა გამოყენებული მასალა და მოწყობილობა უნდა აკმაყოფილებდეს პროექტის მოთხოვნებს და საქართველოში მოქმედ ყველა სამშენებლო ნორმასა და სტანდარტს. მიმწოდებელმა უნდა უზრუნველყოს გამოყენებული მასალების ხარისხის დამადასტურებელი სერტიფიკატების (მოქმედების ვადის მქონე), შესრულებული სამუშაოების და გამოყენებული მასალების ხარისხის დამადასტურებელი ლაბორატორიული კვლევის (აკრედიტირებული ლაბორატორიების მიერ გაცემული) შედეგების/დასკვნების (ლაბორატორიული კვლევების ხარჯებს იხდის მიმწოდებელი) წარმოდგენა და მათი მიკვლევადობა. სერტიფიკატების უცხო ენაზე წარდგენის შემთხვევაში საქართველოს კანონმდებლობით დადგენილი წესით შესრულებული თარგმანები ქართულ ენაზე.

დამატებითი ტექნიკური მოთხოვნები:

1. მიმწოდებელმა სამშენებლო/სარეაბილიტაციო სამუშაოების დაწყებამდე ტერიტორიაზე უნდა გადაამოწმოს საპროექტო ნიშნულები, ასევე სამშენებლო მოედანზე გადაამოწმოს საპროექტო ნახაზებში მითითებული ზომები და ნებისმიერი უზუსტობა აცნობოს შემსყიდველს;

2. სამუშაოების შესრულების ტექნიკურ ზედამხედველობას განახორციელებს ა(ა)იპ ქალაქ ფოთის მუნიციპალიტეტის მრავალფუნქციური საცურაო კომპლექსის დირექტორის მიერ საამისოდ გამოყოფილი პირი.

3. სამუშაოს შესრულების პროცესში, მიმწოდებელმა უნდა უზრუნველყოს ხარისხისა და სამუშაოების მიმდინარეობის ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება;

4. მიმწოდებელმა ობიექტზე სამუშაოს დაწყებამდე უნდა განათავსოს საინფორმაციო დაფა ზომით არანაკლებ 1მX1მ; (საქართველოს მთავრობის 2019 წლის 31 მაისის N 255 დადგენილება) (საინფორმაციო დაფაზე დასატანი ინფორმაცია შემსყიდველთან შეთანხმებით);

5. იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N 4 შესაბამისად. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.

6. ამხანაგობის არცერთი წევრი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება ამხანაგობის დისკვალიფიკაცია წინამდებარე ტენდერიდან დაზუსტების გარეშე.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

1) მოთხოვნის შემთხვევაში შესაძლებელია განხორციელდეს წინასწარი (საავანსო) ანგარიშსწორება, ხელშეკრულების ღირებულების არაუმეტეს 20%-ის ოდენობით, რაზეც წარმოდგენილი უნდა იქნეს სსიპ - საქართველოს ეროვნული ბანკის ან სსიპ - საქართველოს დაზღვევის სახელმწიფო ზედამხედველობის სამსახურის მიერ ლიცენზირებული საბანკო დაწესებულების ან სადაზღვევო ორგანიზაციის მიერ გაცემული წინასწარ გადასახდელი თანხის იდენტური ოდენობის გარანტია;
2) წარმოდგენილი გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას;
3) გარანტია უნდა იყოს უპირობო, გამოუხმობადი და შემსყიდველ ორგანიზაციას უნდა აძლევდეს უფლებას გარანტიის გამცემისგან, პირველივე მოთხოვნისთანავე, მიიღოს შესაბამისი თანხა;
4) წინასწარ მიღებული თანხა გამოყენებულ უნდა იქნეს ხელშეკრულებასთან დაკავშირებული ვალდებულებების შესასრულებლად;
5) წინასწარ გადახდილი თანხის გაქვითვა მოხდება პროპორციულად, ფაქტობრივად შესრულებული სამუშაოს ღირებულების იმ პროცენტის ოდენობით, რა პროცენტული ოდენობითაც გაიცა ავანსი. ეტაპობრივი ანგარიშწორების შემთხვევაში, ანგარიშწორების ბოლო ეტაპზე წინასწარ გადახდილი თანხის გაქვითვა მოხდება იმ მოცულობით, რა მოცულობაც საჭიროა ავანსის სრულყოფილად გასაქვითად;

1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.

2. ანგარიშსწორება განხორციელდება ეტაპობრივად, ხელშეკრულების გაფრორმებიდან ყოველ 30 კალენდარულ დღეში არაუმეტეს ორჯერ, მიმწოდებლის წერილობითი მომართვის საფუძველზე;

3. საბოლოო ანგარიშსწორება განხორციელდება შესრულებული სამუშაოების მოცულობებისა და ხარისხის შესაბამისობაზე ექსპერტიზის დასკვნის (აღნიშნული დასკვნ(ებ)ის ღირებულება უნდა დაფაროს მიმწოდებელმა საკუთარი ხარჯებით) წარმოდგენის შემდეგ. ექსპერტიზის დასკვნა გაცემული უნდა იყოს სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს ან სხვა აკრედიტირებული პირის მიერ (იმ შემთხვევაში, თუ დასკვნის გამცემი ორგანო არ იქნება სსიპ „ლევან სამხარაულის სახელობის სასამართლო ექსპერტიზის ეროვნული ბიურო”, მიმწოდებელმა დამატებით უნდა წარმოადგინოს დასკვნის გამცემი პირის აკრედიტაციის დამადასტურებელი დოკუმენტის ასლი (აკრედიტაციის სფერო უნდა ფარავდეს მოთხოვნილ მომსახურებას);

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

თეა გუნია, 577950004, potiparki2022@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მასთან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელის მომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელის მომწერი პირის ხელმოწერისათვის გაცემული მინდობილობა.
პრეტენდენტებმა სატენდერო დოკუმენტაციის მთავარი შემადგენელი დოკუმენტი - ფასების ცხრილი (ხარჯთაღრიცხვა) ერთიან ელექტრონულ სისტემაში უნდა განათავსონ მხოლოდ Excel-ის ფორმატის დოკუმენტის სახით. ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ. ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.