Компьютерное оборудование и принадлежности (Грузия - Тендер #48855298)

3 (სამი) ერთეული პორტატული კომპიუტერის და მასთან თავსებადი 3 (სამი) ერთეული USB ჰაბის სახელმწიფო შესყიდვა ტექნიკური დავალების შესაბამისად. იხილეთ ტექნიკური დავალება ს/დ 1.2.

1. 3 (სამი) ერთეული შესასყიდი პორტატული კომპიუტერის ტექნიკური პარამეტრებია:

• ეკრანის გაფართოება - 2560 x 1600 ან უკეთესი;
• ეკრანი - 13.3 ან უკეთესი;
• ბირთვების რაოდენობა - არანაკლებ 8;
• ნაკადების რაოდენობა - არანაკლებ 8;
• ქეში - არანაკლებ 4 MB;
• ტაქტური სიხშირე - არანაკლებ 3200 MHz;
• ოპერატიული მეხსიერება - არანაკლებ 8 GB, ან უკეთესი;
• ადაპტერი (დამტენი) - AC 100-240 V
• მყარი დისკები - 256 GB M.2 ან 512 GB
• ინტერფეისები - 3.5 mm headphone jack 2x thunderbolt port;
• კავშირი - აუცილებელია: Wi-Fi 802.11 a/b/g/n;
• ოპერაციული სისტემა - macOS. მიმდინარე წლის ბოლო ვერსია
• battery - არანაკლებ 49 Wh
• წონა - არაუმეტეს 1.5 კგ

2. შესასყიდი 3 (ერთეული) USB ჰაბის ტექნიკური პარამეტრებია:
• USB ჰაბი - 1x HDMI output; 2x USB 2.0 ან 2x USB 3.0

შენიშვნა:
სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის ელექტრონულ ხელმოწერას ან/და ელექტრონულ შტამპს).

შესყიდვის ობიექტის მიწოდების ვადა შეადგენს ხელშეკრულების გაფორმებიდან 30 (ოცდაათი) დღეს.

შესყიდვის ობიექტის მიწოდების ადგილია: ქ.თბილისი, ვაჟა–ფშაველას გამზ.№1, სსიპ - საქართველოს ეროვნული არქივის ადმინისტრაციული შენობა.

1.7.1.1.შესყიდვის ობიექტზე, 3 (სამი) ერთეულ პორტატულ კომპიუტერზე საგარანტიო ვადა უნდა შეადგენდეს მხარეთა შორის მიღება-ჩაბარების აქტის გაფორმებიდან არანაკლებ 2 (ორი) წელს.
1.7.1.2.საგარანტიო ვადის განმავლობაში გამოვლენილი ნებისმიერი ხარვეზი/წუნი, მიმწოდებელმა საკუთარი ხარჯით უნდა აღმოფხვრას, ხოლო საჭიროების შემთხვევაში უზრუნველყოს წუნდებული შესყიდვის ობიექტის შეცვლა ახლით, ასეთი ხარვეზის/წუნის გამოვლენიდან და შემსყიდველის წერილობითი შეტყობინების მიღებიდან 10 (ათი) სამუშაო დღის ვადაში, გარდა იმ შემთხვევისა როცა ასეთი ხარვეზი/წუნი გამოწვეულია მექანიკური დაზიანებით.

საგარანტიო ვადისა და პირობების თაობაზე ინფორმაცია პრეტენდენტმა უნდა წარმოადგინოს ტექნიკური დოკუმენტაციის სახით წარმოდგენილი ფასების ცხრილის შესაბამის ველში.

პრეტენდენტმა უნდა წარმოადგინოს შემოთავაზებული შესყიდვის ობიექტის წარმოშობის ქვეყნის, მწარმოებლისა და მოდელის შესახებ ინფორმაცია.

აღნიშნული ინფორმაცია პრეტენდენტის მიერ წარმოდგენილი უნდა იქნეს ტექნიკური დოკუმენტაციის სახით ატვირთული/წარმოდგენილი ფასების ცხრილის შესაბამისი ველში მითითებით.

2.2.1.1. პრეტენდენტს, ბოლო სამი წლის განმავლობაში უნდა გააჩნდეს შესყიდვის ობიექტის ანალოგიური საქონლის (კომპიუტერები, კომპიუტერული მოწყობილობები) მიწოდების გამოცდილება.
2.2.1.2 იმ შემთხვევაში თუ მოთხოვნილი გამოცდილების არსებობის დასტურად, ტექნიკური დოკუმენტაციის სახით წარმოდგენილი იქნება, იურიდიულ პირთან ან/და ფიზიკურ პირთან დადებული ხელშეკრულებები, მათი შესრულების დამადასტურებელი დოკუმენტის სახით ხელშეკრულებებისა და მიღება-ჩაბარების აქტებთან ერთად (მიღება-ჩაბარების აქტების არსებობის შემთხვევაში) წარმოდგენილი უნდა იქნას, საქართველოს საგადასახადო კანონმდებლობით გათვალისწინებული შესაბამისი დოკუმენტი (ანგარიშფაქტურები).
2.2.1.3. იმ შემთხვევაში, თუ პრეტენდენტის მიერ მსგავსი შესყიდვის ობიექტის მიწოდება განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.2 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ, რომელშეც მითითებული იქნება სატენდერო განცხადებ(ებ)ის SPA/NAT/CMR.. ნომრები.
2.2.1.4. წარმოდგენილი ანალოგიური გამოცდილების დამადასტურებელი დოკუმენტაციით უნდა დადგინდეს, რომ პრეტენდენტმა, წარმოდგენილი ხელშეკრულებებით განსაზღვრულ ვადებში ჯეროვნად შეასრულა აღებული ვალდებულებები.

1. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი, ტელეფონის ნომერი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით;
2. ფასების ცხრილი (1.3 და 2.1.1 პუნქტების შესაბამისად).
3.ინფორმაცია საგარანტიო პირობების შესახებ (1.7.1 პუნქტის შესაბამისად).
4. გამოცდილების დამადასტურებელი დოკუმენტაცია (2.2.1 პუნქტის შესაბამისად).

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6 და მე-7 პუნქტების საფუძველზე, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს დაფიქსირებულ ფასად, მიმწოდებლის მხრიდან, ხელშეკრულებით ნაკისრი ვალდებულებების შესარულების შესაძლებლობას. პრეტენდენტმა უნდა გაითვალისწინოს, რომ „ ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის მე-5 პუნქტის თანახმად, ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულთან მიმართებით.

7.1.1 მისაწოდებელი საქონლის ღირებულების ანაზღაურება შესაძლებელია, როგორც 100 % (ერთიანი) წინასწარი ანგარიშსწორებით, ასევე საქონლის მიწოდების შესახებ მიღება-ჩაბარების გაფორმების შემდეგ.
7.1.2 ანგარიშსწორება განხორციელდება სსიპ „საქართველოს ეროვნული არქივის“ 2023 წლის საკუთარი შემოსავლებიდან.
7.1.3 წინასწარი ანგარიშსწორებით სარგებლობა შესაძლებელი 100% წინასწარი ანგარიშსწორებით. მიმწოდებლის მიერ წარმოდგენილი ხელშეკრულებით გათვალისწინებული წინასწარ გადასახდელი თანხის იდენტური ოდენობის საქართველოში მოქმედი საბანკო დაწესებულების ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანის მიერ გაცემული უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი საბანკო გარანტიების საფუძველზე.
7.1.4 წინასწარი ანგარიშსწორებისთვის მიმწოდებელი ვალდებულია ხელშეკრულების ხელმოწერის თარიღიდან 5 (ხუთი) სამუშაო დღის ვადაში წარადგინოს წინასწარ გადასახდელი თანხის ( ხელშეკრულების 100%-ის) იდენტური ოდენობის წინასწარი ანგარიშსწორების გარანტია, რომლის მოქმედების ვადა − არანაკლებ 60 (სამოცი) კალენდარული დღით უნდა აღემატებოდეს შესყიდვის ობიექტის მიწოდების საბოლოო ვადას.
7.1.5 წინასწარი ანგარიშსწორება მოხდება მიმწოდებლის მიერ იდენტური ოდენობის საბანკო გარანტიის წარმოდგენიდან არაუგვიანეს 10 (ათი) სამუშაო დღის ვადაში.
7.1.6 გარანტიები წარმოდგენილ უნდა იქნეს ეროვნულ ვალუტაში − ლარში.
7.1.7 გადახდის მომენტში თეთრ სიაში რეგისტრირებული პრეტენდენტისთვის საბანკო გარანტიის ოდენობა ნახევრდება.
7.1.8 ავანსის გარანტიის დაბრუნება განხორციელდება, ხელშეკრულების სრულად შესრულების დამადასტურებელი დოკუმენტების, მხარეთა შორის გაფორმებული მიღება-ჩაბარების აქტისა და შემსყიდველის მიერ საქართველოს საგადასახადო კანონმდებლობით გათვალისწინებული შესაბამისი საგადასახადო დოკუმენტაციის დადასტურების საფუძველზე.

7.2.1.სატენდერო წინადადების საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7.2.2 წინასწარი ანგარიშსწორების პირობები მითითებულია სატენდერო დოკუმენტაციის 7.1 პუნქტში.
7.2.3. იმ შემთხვევაში თუ მიმწოდებელი არ ისარგებლებს წინასწარი ანგარიშსწორებით, ანგარიშსწორება განხორციელდება საქონლის მიწოდების შემდგომ. შესაბამისი შესრულების დამადასტურებელი დოკუმენტების, მხარეთა შორის გაფორმებული მიღება-ჩაბარების აქტისა და შემსყიდველის მიერ საქართველოს საგადასახადო კანონმდებლობით გათვალისწინებული შესაბამისი საგადასახადო დოკუმენტაციის, ანგარიშფაქტურის დადასტურების საფუძველზე.
7.2.4.მიღება-ჩაბარების აქტი მხარეთა შორის გაფორმდება ფაქტობრივად მიწოდებული საქონლის შესაბამისად, ხელშეკრულებით განსაზღვრული ინსპექტირების განმახორციელებელი პირის მიერ შედგენილი დადებითი ინსპექტირების დასკვნის საფუძველზე.

ანგარიშსწორება განხორციელდება, სატენდერო დოკუმენტაციის 7.1 და 7.2 პუნქტით განსაზღვრული პირობების შესაბამისად ავანსის გარანტიის ან შედგენილი დოკუმენტაციის წარმოდგენიდან/დადასტურებიდან არაუგვიანეს 10 სამუშაო დღეში.

ანა არჩვაძე, 599798792, anaarchvadze@archives.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2. სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
10.1.3. ალტერნატიული სატენდერო წინადადება არ განიხილება;
10.1.4. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებითა და სატენდერო დოკუმენტაციით მოთხოვნილ პირობებს.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.