Сети (Грузия - Тендер #48855273)

საგარეო საქმეთა სამინისტროს ქსელისა და უსაფრთხოების ინფრასტრუქტურაში არსებული კომპონენტების (ფაირვოლების) 75 მოწყობილობის განახლება/ჩანაცვლება თანმდევი ლიცენზიებით და დამატით 5 ახალი მოწყობილობის შეძენა თანმდევი ლიცენზიებით.

შესყიდვის ობიექტის ტექნიკური აღწერილობა იხილეთ დანართ №2- ის სახით.

- ახალი მოწყობილობების მოწოდების ვადა შეადგენს ხელშეკრულების გაფორმებიდან 60 კალენდარულ დღეს.
- მომწოდებელმა უნდა უზრუნველყოს არსებული მოწყობილობების - FG30E UTP ლიცენზიების შენარჩუნება უსასყიდლოდ ხელშეკრულების გაფორმებიდან მაგრამ არაუადრეს 2023 წლის 21 დეკემბრისა, მოწოდებული ახალი თაობის მოწყობილობის თანმდევი ლიცენზიის გააქტიურებამდე. მოწყობილობის თანმდევი ლიცენზიის ხანგრძლივობა უნდა შეადგენდეს გააქტიურებიდან 1 წელს.

საქართველო, თბილისი, გიორგი ლეონიძის ქ. #3, საქართველოს საგარეო საქმეთა სამინისტრო.

პრეტენდენტმა სატენდერო წინადადებით უნდა წარმოადგინოს ინფორმაცია შესყიდვის ობიექტის გარანტიის/ტექნიკური მხარდაჭერის შესახებ:
- მიმწოდებელი ვალდებულია ლიცენზიის გააქტიურებიდან არანაკლებ 1 (ერთი) წლის განმავლობაში უზრუნველყოს მწარმოებლის გარანტია/ტექნიკური მხარდაჭერა - 24/7.
* ამ ვადის განმავლობაში გამოვლენილი რაიმე ხარვეზის ან შეუსაბამობის შემთხვევაში, მიმწოდებელმა საკუთარი ხარჯებით უნდა უზრუნველყოს გამოვლენილი ნაკლის/ხარვეზის აღმოფხვრა შემსყიდველის მიერ განსაზღვრულ გონივრულ ვადაში, შემსყიდველის მხრიდან დამატებითი დანახარჯების გაწევის გარეშე ხელშეკრულებით გათვალისწინებული პირობების შესაბამისად;
* მომწოდებელმა საჭიროების შემთხვევაში უნდა უზრუნველყოს შემსყიდველის ტექნიკური მხარდაჭერა, სისტემის კონფიგურაციული ცვლილებების დროს შესაძლო წარმოქმნილი სირთულეების გადაწყვეტისა და აღმოფხვრის მიზნით.

პრეტენდენტმა ინფორმაცია შესყიდვის ობიექტის მწარმოებელთან და მოდელთან დაკავშირებით უნდა წარმოადგინოს ფასების ცხრილის დანართი №1-ის შესაბამის გრაფაში.
მწარმოებლის და მოდელის შესახებ ინფორმაციის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.
იმ შემთხვევაში, თუ შესყიდვის ობიექტს მწარმოებლის მიერ არ აქვს მინიჭებული კონკრეტული მოდელი, სავალდებულოა სატენდერო წინადადებაში მიეთითოს მოდელის არარსებობის შესახებ ინფორმაცია.

ტენდერში მონაწილე პრეტენდენტს უნდა გააჩნდეს მსგავსი Fortinet-ის მოწყობილობების და პროგრამული გადაწყვეტილებების, ლიცენზიების მიწოდებისა და ტექნიკური მომსახურების გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს შესრულებული ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია. (იმ შემთხვევაში, თუ სახელმწიფო შესყიდვების სააგენტოს ვებგვერდზე აღნიშნული ხელშეკრულებები და მიღება-ჩაბარების აქტები სრულად არის ატვირთული და ასევე ასახულია ანგარიშსწორების შესახებ ინფორმაცია (ფაქტობრივი გადახდები) სრულად, საკმარისია შესაბამისი SPA/NAT/CMR და სხვა ნომრების მითითება).

პრეტენდენტის კომპანიაში დასაქმებული უნდა იყოს არანაკლებ ორი თანამშრომელი, რომელთაც უნდა გააჩნდეთ შემოთავაზებული ქსელური მოწყობილობების მწარმოებლის მიერ გაცემული, ინჟინრის მოქმედი სერტიფიკატი. პრეტენდენტმა უნდა წარმოადგინოს შესაბამისი სერტიფიკატები და პასუხისმგებელი პირის მიერ ხელმოწერილი ცნობა მასზედ, რომ ზემოთ აღნიშნული თანამშრომლები ნამდვილად არიან დასაქმებულები პრეტენდენტის კომპანიაში.

პრეტენდენტის მიერ წარმოდგენილი უნდა იქნას მწარმოებლის პარტნიორობის დამადასტურებელი დოკუმენტი და მწარმოებლის ავტორიზაციის ფორმა შემოთავაზებული შესყიდვის ობიექტზე (ე.წ. MAF –Manufacturer Authorization Form), რომელიც დაადასტურებს შემოთავაზებული საქონლის გაყიდვის ავტორიზაციას, მითითებული იქნება პრეტენდენტის დასახელება და წინამდებარე ტენდერის განცხადების ნომერი.

2.9.1. პრეტენდენტმა ფასების ცხრილის შესაბამის გრაფაში ან ცალკე დოკუმენტის სახით უნდა წარმოადგინოს ინფორმაცია შესყიდვის ობიექტის ტექნიკური მახასიათებლების შესახებ, სატენდერო დოკუმენტაციის დანართი №2-ის შესაბამისად.
2.9.2. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარებში.
2.9.3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია წარმოდგენილი იქნას ქართულ ენაზე. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
2.9.4. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმებული.
2.9.5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
2.9.6. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებით და სატენდერო დოკუმენტაციით მოთხოვნილ პირობებს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს. საშემფასებლო დასკვნასთან ერთად ასევე, წარმოდგენილი უნდა იქნას ანგარიშზე/დასკვნაზე ხელის მოწერის უფლების მქონე პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

ანგარიშსწორება განხორციელდება მიღება-ჩაბარების აქტის გაფორმებისა და ანაზღაურებისათვის სათანადო დოკუმენტაციის (თუ მიმწოდებელი არის დღგ–ს გადამხდელი საგადასახადო ანგარიშ-ფაქტურის გამოწერის) საფუძველზე. ანგარიშსწორება განხორციელდება ლარში, უნაღდო ანგარიშსწორების ფორმით.

მიღება-ჩაბარების აქტის გაფორმებისა და ანაზღაურებისათვის სათანადო დოკუმენტაციის (თუ მიმწოდებელი არის დღგ–ს გადამხდელი საგადასახადო ანგარიშ-ფაქტურის გამოწერის) წარმოდგენის შემდეგ არაუგვიანეს 10 (ათი) სამუშაო დღის განმავლობაში.

ანა ხარებავა, 577177433, akharebava@mfa.gov.ge სატენდერო დოკუმენტაციასთან დაკავშირებული განმარტებების მიღება შესყიდვებში მონაწილეობის მსურველს/პრეტენდენტს/მიმწოდებელს შეუძლია სისტემის მოდულის - „კითხვა/პასუხი“ მეშვეობით

10.1.1. პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. ფასების ცხრილი (სატენდერო დოკუმენტაციის 1.3 პუნქტის მოთხოვნის შესაბამისად);
2. ინფორმაცია შესყიდვის ობიექტის ტექნიკური მახასიათებლების შესახებ, სატენდერო დოკუმენტაციის დანართი №2-ის შესაბამისად, რომელიც უნდა ჩაიწეროს ფასების ცხრილის შესაბამის გარაფაში ან აიტვირთოს ცალკე დოკუმენტის სახით (სატენდერო დოკუმენტაციის 2.9.1. ქვეპუნქტის მოთხოვნის შესაბამისად);
3. ინფორმაცია შესყიდვის ობიექტის საგარანტიო ვადასთან დაკავშირებით (სატენდერო დოკუმენტაციის1.7.1 ქვეპუნქტის მოთხოვნის შესაბამისად);
4. ინფორმაცია შესყიდვის ობიექტის მწარმოებელთან და მოდელთან დაკავშირებით (სატენდერო დოკუმენტაციის 2.1.1 ქვეპუნქტის მოთხოვნის შესაბამისად);
5. ინფორმაცია პრეტენდენტის გამოცდილების შესახებ (სატენდერო დოკუმენტაციის 2.2.1 ქვეპუნქტის მოთხოვნის შესაბამისად);
6. ინფორმაცია პრეტენდენტის პერსონალის გამოცდილების შესახებ (სატენდერო დოკუმენტაციის 2.4.1 ქვეპუნქტის მოთხოვნის შესაბამისად);
7. ლიცენზიასთან, სტანდარტებთან, აკრედიტაციასთან, ხარისხის შესაბამისობასთან და სხვ. დოკუმენტებთან დაკავშირებული მოთხოვნები (სატენდერო დოკუმენტაციის 2.7.1 ქვეპუნქტის მოთხოვნის შესაბამისად);
8. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია;