Ремонт и техническое обслуживание строительных сооружений (Грузия - Тендер #48855262)

ლიფტების მომსახურება.

ყოველთვიურად გასაწევი ტექნიკური მომსახურებების ჩამონათვალი (ტექნიკური დავალება დანართი N2) იხილეთ ატვირთულ ფაილში.

ა) მიმწოდებელი ვალდებულია დანიშნოს საკონტაქტო პირი, რომელიც უშუალოდ იქნება პასუხისმგებელი ლიფტების ტექნიკურად გამართულ მდგომარეობაზე.
ბ) მიმწოდებლის საკონტაქტო პირს მუდმივად უნდა ჰქონდეს ჩართული საკონტაქტო ტელეფონი.
გ) ნებისმიერი სატელეფონო შეტყობინების მიღებიდან, საჭიროებიდან გამომდინარე შემსყიდველის მოთხოვნის შესაბამისად არაუგვიანეს იმავე დღისა შემსყიდველის ტექნიკური მუშაკი უნდა გამოცხადდეს ადგილზე და მოახდინოს პრობლემის აღმოფხვრა ან/და ლიფტის შეკეთება.
დ) მიმწოდებელი ვალდებულია უზრუნველყოს თავისი პერსონალი ინსტრუმენტების კომპლექტით, რეგლამენტირებული სამუშაოების შესასრულებლად.
ე) დანართი N2-ით გათვალისწინებული სამუშაოების შესრულებისას იხელმძღვანელოს ლიფტების მოწყობის და უსაფრთხო ექსპლუატაციის წესებით.
ვ) დაიცვას ლიფტის უსაფრთხო ექსპლუატაციის წესებით გათვალისწინებული ყველა მოთხოვნა.
ზ) უზრუნველყოს ავარიულად გაჩერებული ლიფტების ოპერატიული გაშვება სამუშაო დღის განმავლობაში თუ ეს არ არის დაკავშირებული მწყობრიდან გამოსული დეტალების და კვანძების შეცვლასთან.
თ) შეიძინოს ლიფტის დაზიანებული ნაწილები, ასევე საცხებ-საპოხი მასალები, რომელთა საბაზრო ღირებულება არ აღემატება 300 (სამასი) ლარს თუ დაზიანება არ არის გამოწვეული სამშენებლო მასალების, არაგაბარიტული ტვირთის ან სხვა გარე ზემოქმედების შედეგად.

- ტექნიკური დავალება დანართი N2-ით განსაზღვრული მომსახურების გაწევა უნდა განხორციელდეს ყოველთვიურად, ელ. ფოსტით ან/და სატელეფონო შეტყობინების მიღებიდან არაუგვიანეს 3 საათის განმავლობაში პრეტენდენტი ვალდებულია გამოცხადდეს და აწარმოოს სამუშაოები, უქმე და დასვენების დღეების ჩათვლით, 2024 წლის 1 იანვრიდან 2024 წლის 31 დეკემბრის ჩათვლით.

- ტექნიკური დავალება დანართი N1-ის თანახმად პრეტენდენტმა უნდა უზრუნველყოს (საჭიროების შემთხვევაში) ნაწილების მოწოდება და შეცვლა. პრეტენდენტმა დაზიანებული ნაწილების მოწოდება და შეცვლა უნდა უზრუნველყოს ელ. ფოსტით ან/და სატელეფონო შეტყობინების მიღებიდან 5 (ხუთი) კალენდარული დღის ვადაში, ხოლო ისეთი ნაწილები, რომელიც ადგილობრივ ბაზარზე არ არის, მოწოდება და მონტაჟი განისაზღვროს შემსყიდველთან შეთანხმებით, გონივრულ ვადაში, მაგრამ არაუმეტეს 30 კალენდარულ დღეში.

მომსახურების გაწევა უნდა განხორციელდეს შემდეგ მისამართზე: ქ. თბილისი ზ. ანჯაფარიძის ქ. N18.

შეცვლილი ნაწილის საგარანტიო ვადა განისაზღვრება მიღება-ჩაბარების აქტის გაფორმებიდან არანაკლებ 1(ერთი) კალენდარული წლის ვადით.

პრეტენდენტმა უნდა წარმაოდგინოს ინფორმაცია 2022 და 2023 წლებში ლიფტების მომსახურების სფეროში არსებული გამოცდილების შესახებ 5000 (ხუთი ათასი) ლარის ოდენობით. წარმოდგენილი უნდა იქნეს აღნიშნულის შესრულების დამადასტურებელი დოკუმენტები; ხელშეკრულებ(ებ)ა და ასევე ამ ხელშეკრულებ(ებ)ის შესრულების დამადასტურებელი მიღება-ჩაბარების აქტ(ებ)ი ან/და სხვა დოკუმენტაცია, რომლითაც დადასტურდება პრეტენდენტის მიერ აღნიშნული მომსახურების გაწევის ფაქტი. თუ გამოცდილების დადასტურების მიზნით წარმოსადგენი ხელშეკრულებ(ებ)ი და მიღება-ჩაბარების აქტ(ებ)ი სრულად არის ატვირთული სახელმწიფო შესყიდვების სააგენტოს ვებგვერდზე, საკმარისია შესაბამისი SPA/NAT/CMR მითითება).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის, ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).

ანგარიშსწორება მოხდება უნაღდო ანგარიშსწორებით ლარში.

მიმწოდებელთან ანგარიშსწორება განხორციელდება ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერის, ინსპექტირების აქტის, სასაქონლო ზედნადების და საგადასახადო ანგარიშ-ფაქტურის (კანონმდებლობით დადგენილ შემთხვევებში) წარმოდგენის საფუძველზე, არაუგვიანეს 10 სამუშაო დღის ვადაში.

თამარ წერეთელი, 595071424, ttsereteli@sps.gov.ge ტექნიკურ საკითხებთან დაკავშირებით დაუკავშირდით ლაშა ნარჩომაშვილს 591449483

ა) პრეტენდენტის მიერ წარმოდგენილ პრეისკურანტში დაფიქსირებული საქონლის/მომსახურების ერთეულის ღირებულება არ უნდა აღემატებოდეს სატენდერო პირობების 1.3. პუნქტში მოცემულ დანართ N1-ში შესაბამის პოზიციაზე დაფიქსირებულ ერთეულის სავარაუდო ღირებულებას.

ბ) შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ ერთიან ელექტრონულ სისტემაში დაფიქსირებულ ბოლო შეთავაზებას შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს ყველა დასახელების საქონელსა და მომსახურებაზე.

გ)პრეისკურანტის დაზუსტების შემთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა.

დ) ტენდერში გამარჯვებულ პრეტენდენტთან ხელშეკრულება გაფორმდება 17 000.00 (ჩვიდმეტი ათასი ლარი და 00 თეთრი) ლარზე.

ე) თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.

ვ) პრეტენდენტი უფლებამოსილია ფასთა ცხრილი (დანართი N1) სისტემაში წარმოადგინოს Excel ფაილის სახით.

ზ) პრეისკურანტში მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში, პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

თ) ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.

ი) ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

კ) სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

ლ) სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.

მ) პრეტენდენტს არ აქვს უფლება წარმოადგინოს ალტერნატიული სატენდერო წინადადება.

ნ) მიმწოდებელი ვალდებულია გაუწიოს შემსყიდველს უფლებრივად და ნივთობრივად უნაკლო მომსახურება.

ო) სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.