Страховые и пенсионные услуги (Грузия - Тендер #48855240)

სსიპ საზღვაო ტრანსპორტი სააგენტოს თანამშრომლებისა და მათი ოჯახის წევრების ჯანმრთელობის, უბედური შემთხვევისა (მათ შორის სამსახურეობრივი მოვალეობის შესრულების დროს დამდგარი უბედური შემთხვევის დაზღვევა) და სიცოცხლის დაზღვევის მომსახურების სახელმწიფო შესყიდვა.

მომსახურების აღწერილობა და პირობები იხილეთ ტექნიკურ დავალებაში;
დასაზღვევი თანამშრომლების სავარაუდო რაოდენობა - 175 თანამშრომელი ასაკის შეუზღუდავად,

აღნიშნული რაოდენობები არის სავარაუდო და ხელშეკრულების მოქმედების განმავლობაში შემსყიდველს უფლება აქვს უზრუნველყოს აღნიშნული რაოდენობის გაზრდა/შემცირება. ასევე, შემსყიდველი არ არის ვალდებული უზრუნველყოს სრულად აღნიშნული რაოდენობის თანამშრომელთა დაზღვევა.

მიმწოდებელმა მომსახურება უნდა განახორციელოს ხელშეკრულების გაფორმებიდან, მაგრამ არაუადრეს 2024 წლის 1 იანვრის 00:00 საათიდან - 2024 წლის 31 დეკემბრის 24:00 საათის ჩათვლით.

მიმწოდებლის მიერ მომსახურების გაწევა უნდა განხორციელდეს საქართველოს მასშტაბით, სატენდერო დოკუმენტაციის, ტექნიკური დავალებისა და ფასების ცხრილის (მომსახურების აღწერილობა და პირობები, უბედური შემთხვევის შესახებ დაზღვევის თაობაზე) შესაბამისად.

1. პრეტენდენტმა უნდა წარმოადგინოს ინფორმაცია ბოლო 3 წლის (2020-2023 წლები) განმავლობაში განხორციელებული ანალოგიური მომსახურების გამოცდილების შესახებ.
პრეტენდენტმა, გამოცდილების ქონის დასტურად, უნდა წარმოადგინოს (სისტემაში ატვირთოს) შესაბამისი ხელშეკრულებების ასლები და ამ ხელშეკრულებით განსაზღვრული მომსახურების შესრულების დამადასტურებელი დოკუმენტის ასლები (მიღება-ჩაბარების აქტი, ან/და დამკვეთის მიერ გაცემული განხორციელებული მომსახურების დამადასტურებელი წერილი/ცნობა) თუ სხვა დოკუმენტაცია. (იმ შემთხვევაში, თუ აღნიშნული დოკუმენტები ატვირთულია სახელმწიფო შესყიდვების აერთიან ელექტრონულ სისტემაში, საკმარისია, ინფორმაციაში მიეთითოს SPA და CMR ნომრები).

2. პრეტენდენტმა უნდა წარმოადგინოს ანალოგიური მომსახურების გაწევის გამოცდილების დამადასტურებელი არანაკლებ 2 დადებითი რეკომენდაცია, რომლებიც უნდა აკმაყოფილებდეს შემდეგ მოთხოვნებს (აღნიშნული მოთხოვნების დამადასტურებელი ინფორმაცია უნდა იყოს მითითებული რეკომენდაციებში):
• გაცემული უნდა იყოს აღნიშნული ტენდერის გამოცხადების შემდეგ პერიოდში;
• გაცემული უნდა იყოს ისეთი ორგანიზაციის მიერ, რომელსაც უნდა გააჩნდეს მინიმუმ 100 საშტატო ერთეული;
• რეკომენდაციაში უნდა იყოს აღნიშნული, თუ რამდენად ხარისხიანად და სრულად შეასრულა მიმწოდებელმა ხელშეკრულებით გათვალისწინებული ვალდებულება;
• რეკომენდაციაში მითითებული მომსახურების გაწევის პერიოდი უნდა იყოს მინიმუმ 12 თვე და დასრულებული უნდა იყოს აღნიშნული პერიოდის მინიმუმ ნახევარი, ხოლო მომსახურების გაწევის დაწყების თარიღი უნდა იყოს არაუადრეს 2020 წლის 1 იანვრისა.

2.3.1.1 პრეტენდენტს უნდა გააჩნდეს ქ.თბილისში და ქ.ბათუმში არანაკლებ 30 ლიცენზირებული პროვაიდერი სტაციონარულ-ამბულატორიული დაწესებულებებისა და მინიმუმ 11 ამბულატორიულ –სტაციონარული კლინიკა. ასევე, ქ. ფოთში მინიმუმ 2 მრავალპროფილური ამბულატორია/სტაციონარული სერვისით.
2.3.1.2 საქართველოს მასშტაბით უნდა ჰყავდეს არანაკლებ 20 ოჯახის ექიმისა. (მინიმუმ სამი ოჯახის ექიმი ქ.ბათუმში და ქ.ფოთში მინიმუმ ორი სხვადასხვა კლინიკაში).
2.3.1.2 დამზღვევს ქ.ბათუმში უნდა გააჩნდეს არანაკლებ 8 პროვაიდერი სტომატოლოგიური კლინიკა და მინიმუმ 2 პროვაიდერი სტომატოლოგიური კლინიკა ქ.ფოთში.
2.3.1.3 პრეტენდენტს უნდა გააჩნდეს არანაკლებ 4 პროვაიდერი ლიცენზირებული სააფთიაქო ქსელი
(სააფთიაქო ქსელი, ქ. ბათუმის მასშტაბით, უნდა შეიცავდეს არანაკლებ 50 სააფთიაქო დაწესებულებას).
2.3.1.4. პრეტენდენტს უნდა გააჩნდეს დოკუმენტბრუნვის და ანაზღაურების მარტივი ელექტრონული უზრუნველყოფის სისტემა.

პრეტენდენტს უნდა გააჩნდეს შესაბამისი სადაზღვევო საქმიანობის (სიცოცხლის და ჯანმრთელობის დაზღვევა) განხორციელების ლიცენზია, რომელიც პრეტენდენტის მიერ სისტემაში უნდა იქნას ატვირთული.

იმ შემთხვევაში, თუ წინამდებარე ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;

- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებით;

7.2.1 ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, ყოველთვიურად, ხელშეკრულებით განსაზღვრული დოკუმენტების საფუძველზე. თუ მომსახურების მიწოდება განხორციელდება არასრულ თვეზე, მაშინ ასანაზღაურებელი თანხა დაანგარიშდება მომსახურებაგაწეულ დღეთა პროპორციულად.
7.2.2 ანაზღაურება განხორციელდება საანგარიშო თვეში ფაქტიურად დაზღვეულ პირთა რაოდენობისა და შესაბამისი სადაზღვევო პაკეტების ღირებულების მიხედვით.
7.2.3 იმ შემთხვევაში, თუ თანამშრომელს აქვს სურვილი დააზღვიოს ოჯახის წევრები, ფასთა შორის სხვაობას შემსყიდველის მიერ გადახდილ პრემიასა და სასურველი პაკეტის პრემიებს შორის იხდის დაზღვეული თანამშრომელი.

ანგარიშსწორება განხორციელდება ყოველთვიურად, ყოველი საანგარიშო თვის მომდევნო თვის 10 რიცხვამდე მიმწოდებლის/მზღვეველის მიერ წარმოდგენილი ინვოისისა და მხარეთა შორის გაფორმებული მიღება-ჩაბარების აქტის საფუძველზე (იმ შემთხვევაში, თუ ანგარიშსწორების ბოლო დღე ემთხვევა არასამუშაო დღეს, მაშინ ანგარიშსწორება შესაძლებელია განხორციელდეს მომდევნო სამუშაო დღეს). მხარეთა შორის მიღება-ჩაბარების აქტის დროულად (საანგარიშო თვის მომდევნო თვის 9 რიცხვამდე) გაუფორმებლობის შემთხვევაში, ანგარიშსწორება განხორციელდება მიღება-ჩაბარების აქტის გაფორმებიდან და ინვოისის წარმოდგენიდან 5 სამუშაო დღის ვადაში.

თამარ მჟავანაძე, 571919101, t.mzhavanadze@mta.gov.ge

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.
2.მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.
3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.
4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5. პრედენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯს (საშემოსავლოს გარეშე),
7. პრეტენდენტის მიერ ერთიანი ელექტრონული სისტემის მეშვეობით პრეისკურანტის წარმოუდგენლობა გამოიწვევს მის დისკვალიფიკაციას დაზუსტების გარეშე.