Ремонт и техническое обслуживание транспортных средств и оборудования и сопутствующие услуги (Грузия - Тендер #48658918)

შპს ,,თბილსერვის ჯგუფი"-ს ბალანსზე რიცხული სხვადასხვა მარკის ავტომანქანების ტექნიკური მომსახურების სახელმწიფო შესყიდვა

1. შესყიდვის ობიექტია შპს ,,თბილსერვის ჯგუფი"-ს რიცხვულ ბალანსზე არსებული 153 ერთეული ავტოსატრანსპორტო საშუალების ავტოტექმომსახურება (სერვისი- სათადარიგო ნაწილებით).
2. მიმწოდებელმა უნდა უზრუნველყოს სერვისცენტრში დღეში ერთდროულად არანაკლებ 5 (ხუთი) ავტოსატრანსპორტო საშუალების მიღება და მომსახურების გაწევა.
3. მომსახურება უნდა განხორციელდეს მიმწოდებელსა და შემსყიდველს შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) დეტალური აღწერა, ღირებულება, მომსახურების დაწყების ვადა და შემსყიდველთან შეთანხმებული სხვა ინფორმაცია.
4. ავტომანქანის დაზიანებული ნაწილები უნდა შეიცვალოს ახალი სათადარიგო ნაწილებით და უნდა შეესაბამებოდეს პრეტენდენტის მიერ წარმოდგენილ პრეისკურანტის ცხრილში მითითებულ შესაბამისი საქონლის დასახელებას და ფასს.
5. მომსახურების გაწევის პროცესში მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, ზიანის აღმოფხვრის ხარჯებს სრულად აანაზღაურებს მიმწოდებელი.
6. ავტოტრანსპორტის მომსახურება უნდა განხორციელდეს მიმწოდებლისა და შემსყიდველის წარმომადგენლების მიერ თითოეულ კონკრეტულ შემთხვევაში ავტოსატრანსპორტო საშუალების დათვალიერების აქტის შედგენის შემდეგ.
7. პრეისკურანტში ავტოსატრანსპორტო საშუალების ტექნიკური მომსახურების/საქონლის რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში ავტოსატრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
8. სატენდერო წინადადების ფასი წარმოდგენილი უნდა იყოს მომსახურების პრეისკურანტი დანართი N1-ში მოცემული ცხრილის ჯამური ღირებულების მიხედვით. ხოლო, დანართი N1-ში მოცემული სათადარიგო ნაწილებისა და მომსახურების ერთეულის ფასი არ უნდა აღემატებოდეს შემსყიდველის მიერ განსაფასებელ ცხრილებში (პრეისკურანტებში) მითითებულ თითეულ პოზიციაზე სავარაუდო მაქსიმალურ ღირებულებებს. თუ რომელიმე პოზიციაზე პრეტენდეტნი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს ,,0“, ხოლო იმ პოზიციებზე სადაც შესაბამისის უჯრა ცარიელია ან წერია ,,0", იგულისხმება რომ აღნიშნულ პოზიციაზე შემსყიდველის მიერ საქონელი და/ან მომსახურება არ მოითხოვება. ცხრილში მითითებულ მომსახურების ფასი უნდა იყოს საბოლოო და საჭიროების შემთხვევაში მოიცავდეს კონკრეტული მომსახურების გაწევასთან დაკავშირებული თანმდევი მომსახურების ღირებულებასაც.
9. ტენდერში გამარჯვებულ პრეტენდენტთან ხელშეკრულება გაფორმდება 400 000 (ოთხასი ათასი ლარი და 00 თეთრი) ლარზე, ელექტრონული ვაჭრობა გაიმართება ცხრილებში მოცემული საქონლისა და მომსახურების ერთეულის ფასების ჯამურ ღირებულებაზე.
10. თუ პრეტენდენტი ელექტრონული ვაჭრობის შედეგად მოახდენს სატენდერო განცხადებით განსაზღვრული პრეისკურატის სავარაუდო ღირებულებაზე ნაკლები საბოლოო ფასის დაფიქსირებას, იგი ვალდებულია იმ პროცენტული მაჩვენებლის ოდენობით დააკლოს მის მიერ ატვირთულ პრეისკურანტში მოცემული თითოეული დასახელების მომსახურებისა და სათადარიგო ნაწილის ერთეულის ღირებულება, რა პროცენტული მაჩვენებლითაც ნაკლებია ელექტრონული ვაჭრობის შედეგად პრეტენდენტის მიერ დაფიქსირებული სატენდერო წინადადების საბოლოო ღირებულება სატენდერო განცხადებით განსაზღვრულ პრეისკურანტის სავარაუდო ღირებულებაზე. თუ ერთიანი ელექტრონული სისტემის შესაბამის ველში პირველი შეთავაზებისას მითითებული სატენდერო წინადადების ფასი ნაკლებია ტექნიკურ დოკუმენტაციაში წარმოდგენილ პრეისკურანტის ჯამურ ღირებულებაზე და პრეტენდენტი აღარ შეცვლის ელექტრონულ სისტემაში შესაბამის ველში პირველად დაფიქსირებულ ღირებულებას, პრეტენდენტი ვალდებულია პროპორციულად (იმ სხვაობის პროპორციულად რაც არსებობს პრეტენდენტის მიერ ატვირთული პრეისკურანტის ჯამურ ღირებულებასა და ელექტრონულ ველში მითითებულ სატენდერო წინადადების ღირებულებას შორის) დააკლოს პრეისკურანტში მოცემულ საქონლისა და მომსახურების ზღვრულ ფასებს;
11. პრეტენდენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს მომსახურების პრეისკურანტში შესაბამის პოზიციებზე დაფიქსირებულ სავარაუდო მაქსიმალურ ღირებულებებს.

მომსახურების გაწევის ვადა და ადგილი: ხელშეკრულების გაფორმებიდან ან 2024 წლის 01 იანვრიდან (რომელიც უფრო გვიან დადგება) 2024 წლის 31 დეკემბრის ჩათვლით. მომსახურება გაწეულ უნდა იქნას დაუყოვნებლივ, რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს ცხრილ N2-ში მითითებულ ვადებს. იმ შემთხვევაში თუ საჭიროა ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით.

მომსახურების გაწევის ადგილი: ქ. თბილისი, მიმწოდებლის სერვის ცენტრები.

მიმწოდებლის მიერ შეცვლილ სათადარიგო ნაწილებზე ქარხნული გარანტია უნდა ვრცელდებოდეს არანაკლებ 3 (სამი) თვის განმავლობაში, შეკეთებულ სათადარიგო ნაწილებზე გარანტია უნდა ვრცელდებოდეს არანაკლებ 3 (სამი) თვის განმავლობაში, ამასთან, ძირითად აგრეგატებზე (ძრავი, ხიდი, გადაცემათა კოლოფი) გაწეული მომსახურების შემთხვევაში: შეცვლილ ახალ სათადარიგო ნაწილებზე ქარხნული გარანტია უნდა ვრცელდებოდეს არანაკლებ 1 (ერთი) წლის განმავლობაში, ხოლო შეკეთებულ სათადარიგო ნაწილებზე გარანტია უნდა ვრცელდებოდეს არანაკლებ 3 (სამი) თვის განმავლობაში.
იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება ან/და შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.

პრეტენდენტს 2019 წლის 01 იანვრიდან აღნიშნული ტენდერის გამოცხადების დღემდე უნდა გააჩნდეს ჯამურად არანაკლებ 1500000 ლარის ანალოგიური მომსახურების გაწევის გამოცდილება. აქედან პრეტენდენტმა უნდა წარმოადგინოს არანაკლებ 3 (სამი) სარეკომენდაციო წერილი სახელმწიფო ორგანიზაციებიდან, რომლებთანაც ჯამურად უნდა გააჩნდეს არანაკლებ 400000 ლარის ანალოგიური მომსახურების გაწევის გამოცდილება. გამოცდილება უნდა დასტურდებოდეს:
1. ხელშეკრულებებით.
2. წარმოდგენილი ხელშეკრულების მიღება-ჩაბარების აქტებით ან ანგარიშ-ფაქტურებით.

სახელმწიფო შესყიდვის განხორციელების შემთხვევაში პრეტენდენტს შეუძლია მიუთითოს შესაბამისი SPA ან/და NAT ან/და CMR ან/და სხვა ნომერი (ასეთ შემთხვევაში არ არის სავალდებულო იმ დოკუმენტაციის ატვირთვა, რომელიც უკვე ატვირთულია სახელმწიფო შესყიდვების ერთიან ელექტრონულ სისტემაში).

პრეტენდენტმა უნდა წარმოადგინოს ინფორმაცია (თანხმობა) პრეტენდენტის საკუთრებაში ან სარგებლობაში არსებული მატერიალურ-ტექნიკური ბაზის ადგილმდებარეობის (სერვის ცენტრ(ებ)ის მისამართ (ებ)ი), ტექნიკური ბაზის აღწერილობის შესახებ.
პრეტენდენტს საკუთრებაში ან სარგებლობაში უნდა გააჩნდეს მოქმედი სერვისცენტრი ქალაქ თბილისში, ერთდროულად არანაკლებ 5 (ხუთი) ავტომანქანის მომსახურების საშუალებით.
პრეტენდენტს უნდა გააჩნდეს შემდეგი მატერიალურ‐ტექნიკური ბაზა:
1. კომპიუტერული დიაგნოსტიკის მოწყობილობა (აპარატი) ‐არანაკლებ 1 (ერთი) ცალი.
2. სატრანსპორტო საშუალებების ამწევი მექანიზმი (ავტოამწე) არანაკლებ 10(ათი) ცალი.
3. საყრდენი დისკის (სისკოს მოუხსნელად) გასაჩარხი (შლიფოვკის) აპარატი არანაკლებ 1(ერთი) ცალი.
4. წინა მაშუქების რეგულირების აპარატი (სტენდი) არანაკლებ 1(ერთი) ცალი.
5. ვულკანიზაციის, ბალანსირების ელექტრო აპარატი არანაკლებ 1(ერთი) ცალი.
6. დისკების გასასწორებელი აპარატი (რკინის და ალუმინის) არანაკლებ 1(ერთი) ცალი.
7. კონდინცირების სისტემის ტესტირების და ფრეონით დატენვის მოწყობილობა არანაკლებ 1(ერთი) ცალი.
8. თვლების შეყრის გასწორების ელექტრო აპარატი არანაკლებ 1(ერთი) ცალი.
9. ელექტრო მომარაგების ალტერნატიული წყარო (გენერატორი) არანაკლებ 1(ერთი) ცალი.
10. ძრავში ზეთის შეცვლის აპარატი (ბალონი) არანაკლებ 1(ერთი) ცალი.
11. ავტომატურ კოლოფში ზეთის შეცვლის აპარატი არანაკლებ 1(ერთი) ცალი.
12. ძრავის ამოსაღები ამწე არანაკლებ 1(ერთი) ცალი.
13. ავტომობილების სერვისის (დათვალიერების) ორმო არანაკლებ 2(ორი) ცალი.
14. ავტომობილის გაჭიმვის რობოტი არანაკლებ 1(ერთი) ცალი.
15. სამღებრო დანადგარი (საშრობი)არანაკლებ 1(ერთი) ცალი, (სამღებრო დანადგარი (საშრობი) არ არის აუცილებელი იყოს ქარხნული წარმოების).
16. გადაცემათა კოლოფის ქვემოდან საწრდენი ჯეკი არანაკლებ 1(ერთი) ცალი.
17. ჰაერის კომპრესორი არანაკლებ 1(ერთი) ცალი.
18. ჰიდრავლიკური წნეხი არანაკლებ 1(ერთი) ცალი.
19. სახარატე აპარატი (ჩარხი)არანაკლებ 1(ერთი) ცალი.
20. ინჟექტორების საწმენდი აპარატი ბენზინის არანაკლებ 1(ერთი) ცალი.
შენიშვნა:
1. ზემოაღნიშნული მატერიალურ-ტექნიკური ბაზა უნდა იყოს განთავსებული ერთ სერვისცენტრში.
2. იჯარა ან საკუთრების ფორმა უნდა იყოს საჯარო რეესტრში რეგისტრირებული. ხელშეკრულების შესრულების ვადამდე.

შემსყიდველი ორგანიზაციის მხრიდან სატენდერო დოკუმენტაციით განსაზღვრული ყველა მოთხოვნა, რომელიც ვრცელდება ტენდერში მონაწილე პრეტენდენტებზე, აგრეთვე ანალოგიურად გავრცელდება ქვეკონტრაქტორ კომპანიებზე.

იმ შემთხვევაში თუ პრეისკურანტი დანართი N1-ში აღმოჩნდება ორი ან მეტი იდენტური ნაწილის შეკეთების მომსახურება, ასეთ შემთხვევაში პრეტენდენტი ვალდებულია ერთი და იგივე პოზიციებზე დააფიქსიროს იდენტური ღირებულება (ფასი), წინააღმდეგ შემთხვევაში ანგარიშსწორების დროს უპირატესობა მიენიჭება დაბალ ღირებულებას (ფასს).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემის უფლებამოსილების დამადასტურებელი დოკუმენტი და დასკვნაზე ხელმომწერი ქონების შემფასებელი პირის (საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული) ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

5 Процентов

10 Процентов

საბანკო გარანტიის მოქმედების ვადა 60 დღით უნდა აღემატებოდეს ხელშეკრულებით გათვალისწინებული საქონლის მიწოდების საბოლოო ვადას

ტენდერში გამოიყენება ხელშეკრულების შესრულების უპირობო და გამოუთხოვადი საბანკო გარანტია, ხელშეკრულების (დღგ-ს გათვალისწინებით) ღირებულების 5%–ის ოდენობით, (იმ შემთხვევაში თუ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ზე მეტით დაბალია შესაბამისი ტენდერის შესყიდვის ობიექტის სავარაუდო ღირებულებაზე, შემსყიდველ ორგანიზაციას უფლება აქვს გამარჯვებულ პრეტენდენტს მოსთხოვოს ხელშეკრულების შესრულების უზრუნველყოფის საბანკო გარანტია 10%-მდე ოდენობით). საბანკო გარანტიის მოქმედების ვადა 60 დღით უნდა აღემატებოდეს საქონლის მოწოდების ვადას. უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში, მიღება - ჩაბარების აქტის შესაბამისად.

ანგარიშსწორება განხორციელდება მიღება-ჩაბარების აქტის გაფორმებიდან 10 სამუშაო დღის განმავლობაში. თუ „მიმწოდებელი“-ს ნაკისრი ვალდებულებების არაჯეროვნად შესრულების გამო დაეკისრება პირგასამტეხლო, ანგარიშსწორება განხორციელდება „შემსყიდველი“-სათვის პირგასამტეხლოს თანხის ჩარიცხვიდან 10 (ათი) სამუშაო დღის განმავლობაში.

ქეთევან შენგელია, 571505020, k.shengelia@tbsg.ge ტექნიკურ საკითხებზე: ალექსანდრე გურგენიძე ტელ: 593280528; alexagurgenidze@gmail.com

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სისტემაში წარმოდგენილ ყველა დოკუმენტზე საქართველოს კანონმდებლობის შესაბამისად შესრულებული უნდა იყოს კვალიფიციური ელექტრონული ხელმოწერა ან/და დასმული იყოს კვალიფიციური ელექტრონული შტამპი.გარდა ფასების ცხრილის (პრეისკურანტის) Excel ფორმატის სახით წარმოდგენილი დოკუმენტისა.
10.1.4 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ექვივალენტური“.
10.1.5 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება.