Услуги по очистке и санации (Грузия - Тендер #48658878)

სსიპ ეროვნული სატყეო სააგენტოს კუთვნილი საოფისე ფართის, ავტოფარეხის და ავტოსადგომის დასუფთავების მომსახურება.

1. მომსახურება მოიცავს:
1. სსიპ ეროვნული სატყეო სააგენტოს კუთვნილი ფართის, ქ.თბილისში, ვლადიმერ წითლანაძის I შესახვევი №1-ში მდებარე შენობის (საოფისე ფართის), ავტოფარეხის და ავტოსადგომის დასუფთავების მომსახურებას. მთლიანი ფართი შეადგენს 3694,48 კვ/მ-ს, მათ შორის: პირველი სართულის საოფისე ფართის დასუფთავება (მათ შორის ოთხი სველი წერტილი) (ფართი 861 კვ/მ); მეორე სართულის (მარცხენა და მარჯვენა ფლიგელით) საოფისე ფართის დასუფთავება (მათ შორის ექვსი სველი წერტილი) (ფართი 1340 კვ/მ), ავტოფარეხი (ფართი 793,48 კვ/მ), შენობის წინა ავტოსადგომი (ფართი 700 კვ/მ).

2. დალაგება-დასუფთავების მომსახურება უნდა მოიცავდეს:
1. ჭერის და კედლების დასუფთავება: ჭერი და კედლები ადგილზე უნდა გაიწმინდოს კვირაში ერთხელ მშრალად, ხოლო თვეში ერთხელ სველი ტილოთი შესაბამისი ხსნარის გამოყენებით. კედლის საფარზე არ უნდა
იყოს ხილული ლაქები, ჩამჯდარი ჭუჭყი და ობობის ქსელები.
2. საოფისე ავეჯის (მათ შორის რბილი ავეჯი) წმენდა: ავეჯზე მტვერი უნდა გაიწმინდოს ყოველ დღე, არ უნდა იყოს ჩამჯდარი ჭუჭყი, ნათითურები, ლაქები და ა.შ. სკამებზე და სავარძელზე არ უნდა იყოს მტვერი, დაღვრილი ნივთიერებები, ლაქები.
3. კომპიუტერებისა და კომპ.ტექნიკის წმენდა: ზედაპირი უნდა გაიწმინდოს ყოველდღიურად. მათზე არ უნდა იყოს მტვერი და ჩამჯდარი ჭუჭყი.
4. რბილი ავეჯის დასუფთავება: ავეჯი ყოველდღიურად უნდა დასუფთავდეს მტვერსასრუტის საშუალებით, მათზე არ უნდა იყოს ჩამჯდარი ჭუჭყი, ლაქები.
5. სხვადასხვა მყარი იატაკების და მათი კუთხეების (გრანიტი, მეტლახი, პარკეტი, ლამინატი და ა.შ) დასუფთავება: იატაკები უნდა დაიგავოს ყოველდღიურად და მოიწმინდოს სპეციალურ ხსნარში დასველებული ჩვრით. იატაკზე არ უნდა იყოს ღრმად ჩამჯდარი ჭუჭყი და ლაქები.
6. ფანჯრების, ფარდა ჟალუზების და მინისებური ზედაპირის წმენდა: მინებზე და ფარდა ჟალუზებზე მტვერი და ჭუჭყი უნდა გაიწმინდოს კვირაში ერთხელ, ხოლო შენობის გარე ფანჯრები უნდა გაიწმინდოს სამ თვეში ერთხელ, ფანჯრის თაროები უნდა იყოს ყოველთვის სუფთა.
7. დერეფნის, კიბის უჯრედის და სხვა ზოგადი ტერიტორიის დასუფთავება: დერეფანი და კიბეები უნდა დაიგავოს ყოველდღიურად. კიბეები, კედლები და მოაჯირები უნდა იყოს მუდმივად სუფთა, მათზე არ უნდა
იყოს რაიმე ჩამჯდარი ჭუჭყი და ლაქები.
8. სველი წერტილების დასუფთავება: სველი წერტილები უნდა გაიწმინდოს სადენზინფექციო ხსნარით. ნიჟარები, უნიტაზები, იატაკი, კედლები და სარკეები მუდმივად უნდა იყოს სუფთა. არხები და საცობები იატაკზე უნდა გაიწმინდოს შესაბამისი მასალის გამოყენებით. საპირფარეშოში არ უნდა იყოს საწმენდი მასალების და საპნის ნარჩენები. სასაპნეები და ხელსაბანები უნდა იყოს სუფთა, ონკანები უნდა პრიალებდეს. სველი წერტილებში უნდა იყოს მოწყობილი კონტეინერი უნიტაზზე დასაფენი ჰიგიენური ქაღალდით. აგრეთვე, სველი წერტილები უზრუნვეყოფილი უნდა იყოს საჭირო რაოდენობის ჰიგიენური საშუალებებით (მათ შორის: მაღალი ხარისხის ქაღალდით) მთელი სამუშაო დროის განმავლობაში.
9. ნაგვის სათლის დაცლა, მათში პოლიეთილენის პარკის მოთავსება და ნაგვის გატანა: სათლები უნდა დაიცალოს ყოველდღიურად და ჩაეფინოს პოლიეთილენის ახალი პარკები. სათლებზე არ უნდა იყოს რაიმე ლაქა და ჭუჭყი.
10. დღის განმავლობაში წარმოქმნილი დაბინძურების ოპერატიული აღმოფხვრა და სისუფთავის შენარჩუნება შემსყიდველის ფართის მთელ ტერიტორიაზე.
11. დასუფთავების პროცესში მოგროვილი ნაგავი მიმწოდებელმა უნდა გაიტანოს შენობიდან და ჩაყაროს შენობასთან არსებულ სანაგვე კონტეინერებში.
12. მომსახურება ყოველდღიურად (გარდა არასამუშაო დღეებისა) უნდა განხორციელდეს სამუშაო დროის დაწყებამდე, დილის 09 საათამდე, ხოლო შემსყიდველი უზრუნველყოფილი უნდა იყოს 1 (ერთი) მორიგე დამლაგებლით (სველი წერტილებისა და საოფისე ფართისათვის) დილის 9:30 სთ-დან საღამოს 18:30 საათამდე. სამუშაო დღის განმავლობაში საპირფარეშოების სველი წესით დასუფთავება უნდა განხორციელდეს არანაკლებ 2-ჯერ.
13. ავტოფარეხი უნდა დასუფთავდეს თვეში ერთხელ.
14. შენობის წინა ავტოსადგომი უნდა დასუფთავდეს ყოველდღიურად.
15. მიმწოდებელი ვალდებულია მომსახურების გაწევისას გაუფრთხილდეს შემსყიდველის ქონებას.
16. შემსყიდველის მთელ ტერიტორიაზე გენერალური დასუფთავება საოფისე ავეჯის, კომპიუტერებისა და სხვა. ტექნიკის კაპიტალური წმენდა, ქრომისა და უჟანგავი ლითონის ზედაპირის წმენდა-პოლირება, ჭაღებისა და სხვა მანათობელი საშუალებების კაპიტალური წმენდა და სველი წერტილების კაპიტალური დასუფთავება უნდა განხორციელდეს სამ თვეში ერთხელ შემსყიდველთან შეთანხმებით.
17. სველი წერტილებისა და ხალხმრავალი ადგილების სანიტარული დამუშავება დეზინფექცია: ზემოთ ჩამოთვლილი ტერიტორიების დამუშავება სხვადასხვა ინფექციების გავრცელების საწინააღმდეგო საშუალებებით უნდა განხორციელდეს თვეში ერთხელ შემსყიდველთან შეთანხმებით.
18. დეზინფექცია: წლის ბოლომდე არანაკლებ 4-ჯერ (საჭიროებისამებრ) შემსყიდველთან შეთანხმებით. კორონა ვირუსის საწინააღმდეგო დეზინფექცია: არანაკლებ თვეში ერთხელ, შესაბამისი ხსნარებით.
19. დერატიზაცია: (სამუშაო ოთახები, საკუჭნაოები, დერეფანი, კიბის ტიხარი და სხვა დამხმარე სათავსოები), წლის ბოლომდე შემსყიდველის მოთხოვნის შესაბამისად, არაუმეტეს 4-ჯერ.
20. გამოსაყენებელი საწმენდი საშუალებები უნდა შეთანხმდეს შემსყიდველთან.

მომსახურება უნდა განახორციელდეს 2024 წლის 03 იანვრიდან 2024 წლის 31 დეკემბრის ჩათვლით.

მომსახურება უნდა განხორციელდეს შემსყიდველის მისამართზე: ქ. თბილისი, ვლადიმერ წითლანაძის I შესახვევი №1.

პრეტენდენტმა უნდა წარმოადგინოს ინფორმაცია 2019 წლის 01 იანვრიდან დღემდე ანალოგიური მომსახურების (დალაგება-დასუფთავება) განხორციელების გამოცდილების შესახებ (პრეტენდენტს აღნიშნული მომსახურების სფეროში უნდა გააჩნდეს მინიმუმ 50000 (ორმოცდაათი ათასი) ლარის ღირებულების გაწეული მომსახურების გამოცდილება, აღნიშნული ინფორმაციის დამადასტურებლად ტენდერში მონაწილე პრეტენდენმა ერთიანი ელექტრონული სისტემის საშუალებით უნდა წარმოადგინოს ზემოხსენებული შინაარსის მომსახურების გაწევაზე გაფორმებული ხელშეკრულებების შესრულების დამადასტურებელი დოკუმენტების (მიღება-ჩაბარების აქტები) ასლები ან/და წარმოდგენილი უნდა იქნას SPA ან/და NAT ან/და CMR ნომრები.

სატენდერო პროცედურების განხორციელების ეტაპზე ქვეკონტრაქტორ(ებ)ის არსებობის შემთხვევაში სახელმწიფო შესყიდვების ერთიან ელექტრონულ სისტემაში ატვირთული უნდა იქნას პრეტენდენტსა და ქვეკონტრაქტორ(ებ)ს შორის გაფორმებული ხელშეკრულებ(ები)ა. ასევე, ატვირთული უნდა იქნეს ქვეკონტრაქტორის შესახებ ყველა ის ინფორმაცია და დოკუმენტი, რომლებიც მოეთხოვება პრეტენდენტს.

1. პრეტენდენტმა უნდა წარმოადგინოს სატენდერო წინადადების ფასი დანართის (ფასების ცხრილი) მიხედვით.
2. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ხელმოწერით/კვალიფიციური შტამპით, უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). (excel ფორმატში წარმოდგენილი ფასების ცხრილი არ საჭიროებს კვალიფიციური ხელმოწერით/კვალიფიციური შტამპით დამოწმებას).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მოთხოვნიდან პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს ექსპერტიზის ან/და აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. დასკვნა გაცემული უნდა იყოს ლიცენზირებული ან აკრედიტირებული ან/და უფლებამოსილი პირის მიერ. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ამასთან, ფასწარმოქმნის ადეკვატურობის დამადასტურებელი დოკუმენტებით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

1. ანგარიშსწორება მიმწოდებელთან განხორციელდება ეტაპობრივად, ყოველთვიურად, ფაქტიურად გაწეული მომსახურების მიხედვით, მომსახურების გაწვევის შემდეგ, მიღება-ჩაბარების აქტის ან საგადასახადო ანგარიშ-ფაქტურის საფუძველზე.
2. სატენდერო წინადადებაში საერთო და ერთეული ფასი გამოსახული უნდა იყოს დღგ-ს გარეშე; იმ შემთხვევაში, თუ ხელშეკრულების გაფორმების მომენტისათვის მიმწოდებელი იქნება დღგ-ს გადამხდელი, ხელშეკრულების ღირებულებაში გათვალისწინებული იქნება შესაბამისი დღგ-ს ოდენობა.

ანგარიშსწორება მიმწოდებელთან განხორციელდება ეტაპობრივად, ფაქტიურად გაწეული მომსახურების მიხედვით, მომსახურების გაწვევის შემდეგ, მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

დავით ტაბატაძე, 599163130, davit.tabatadze40@gmail.com

1. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი. სხვადასხვა ვალუტაში გამოსახული სატენდერო წინადადებები არ განიხილება.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
3. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
4. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრედენდენტს არა აქვს უფლება წარმოადგინოს ალტერნატიული წინადადება.
6. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნების შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს. ასეთ შემთხვევაში, სახელმწიფო შესყიდვების სააგენტოს თავმჯდომარის 2017 წლის 14 ივნისის № 12 ბრძანებით დამტკიცებული ,,ელექტრონული ტენდერის ჩატარების წესის’’ 27-ე მუხლის მე-3 პუნქტისა და 32-ე მუხლის პირველი პუნქტის ,,ბ’’ ქვეპუნქტის შესაბამისად სატენდერო კომისია განახორციელებს პრეტენდენტის დისკვალიფიკაციას.
7. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით.