Приемники телевизионной и радио-сигнала и оборудование для записи и воспроизведения звука или изображения (Грузия - Тендер #48321986)

საქართველოს განათლებისა და მეცნიერების მინისტრის 2020 წლის 09 მარტის N338 ბრძანების პირველი პუნქტით დამტკიცებული პროგრამის „ინოვაციის, ინკლუზიურობის და ხარისხის პროექტი - საქართველო I2Q (IBRD)" (პროგრამული კოდი 32 08) ფარგლებში ჩატარებული კონკურენტული ინოვაციის ფონდის (CIF) პირველი საგრანტო კონკურსის, საქართველოს განათლებისა და მეცნიერების მინისტრის 2022 წლის 26 ივლისის N844623 ბრძანებით დამტკიცებული გრანტების გამცემი კომისიის 2023 წლის 12 ივნისის №4 საბოლოო შეფასების ოქმის საფუძველზე, სსიპ - ივანე ჯავახიშვილის სახელობის თბილისის სახელმწიფო უნივერსიტეტის, შპს შავი ზღვის საერთაშორისო უნივერსიტეტის, სსიპ - აკაკი წერეთლის სახელმწიფო უნივერსიტეტისა და შვედეთის ლინკოპინგის უნივერსიტეტის თანამონაწილეობით შექმნილი კონსორციუმის № MES-CIF-1-13 საგრანტო პროექტის „კომპიუტერული სოციალური მეცნიერებები განვითარებისათვის“. (გრანტის ნომერი -№CIF-2023-10). დაფინანსების ფარგლებში საკონფერენციო ვიდეო-აუდიო აპარატურის (ტელე - და რადიოსიგნალის მიმღებები და აუდიო - ან ვიდეოგამოსახულების ჩამწერი ან აღწარმოების აპარატურა CPV32300000) სახელმწიფო შესყიდვა.

შესყიდვის ობიექტის მინიმალური ტექნიკური მახასიათებლები ან "მსგავსი", "ეკვივალენტური".

1.2.1. ჭკვიანი საკონფერენციო კამერა - 3 ცალი
CPV32333200
უნდა გააჩნდეს ჩაშენებული 360° პანორამული თევზის თვალის კამერა, მიკროფონი და დინამიკი
კამერამ უნდა დააფიქსიროს ყველა კუთხე, მონაწილე და ხმა.
ამოიცნოს, გაადიდოს და ფოკუსირდეს აქტიურ მონაწილეზე, მოახდინოს ხმის მოდულირება ისე რომ ყველა ხმა იყოს ხმამაღალი და მკაფიო
სურვილისამებრ უნდა შეეძლოს 360° პანორამული ხედის და პირისპირ ხედის გამოტანის შესაძლებლობა.
უნდა იყოს მარტივი გამოყენებადი (plug and play) და უნდა გააჩნდეს ვიდეოკონფერენციის პლატფორმების არანაკლებ: Zoom, Microsoft Teams და Google Mee მხარდაჭერა
დიდ სივრცეში კონფერენციის შემთხვევაში უნდა შეეძლოს დამატებით კამერასთან და მიკროფონთან დაკავშირების შესაძლებლობა ვიდეოს რეზოლუცია არანაკლებ: 1080p HD
ვიდეოს აღების რადიუსი არანაკლებ: 3მ
აუდიოს აღების რადიუსი არანაკლებ: 5მ
უნდა გააჩნდეს ჩაშენებული არანაკლებ 8 სმარტ მიკროფონი და 3 დინამიკი ასევე უნდა გააჩნდეს ჩაშენებული WI-FI, ინტერნეტთან დაკავშირებისას უნდა მოახდინოს ავტომატური განახლებები
კომპიუტერთან დაკავშირება შესაძლებელი უნდა იყოს USB ის საშუალებით კამერის მართვა შესაძლებელია შესაბამისი პროგრამული აპლიკაციით რომელიც თავსებადია როგორც დესკტოპთან ასევე მობილურთან და პლანშეტთან
უნდა მოყვებოდეს კვების ადაპტერი: 100-240V
წონა: არაუმეტეს 1.3კგ
გარანტია არანაკლებ 1 (ერთი) წელი.

1.2.2. მიკროფონი - 7 ცალი
CPV32341000
მიკროფონი უნდა იყოს სრულად თავსებადი პირველი პოზიციით მოთხოვნილ საკონფერენციო კამერასთან
მიკროფონის მეშვეობით შესაძლებელი უნდა იყოს საკონფერენციო კამერისთვის ხმის აღების დიაპაზონის გაზრდა არანაკლებ 2,5მ-ით ინტერფეისი: micro-HDMI
კომპლექტში უნდა მოყვებოდეს არანაკლებ 2.3მ სიგრძის micro-HDMI კაბელი
გარანტია არანაკლებ 1 (ერთი) წელი.

1.2.3. ჭკვიანი საკონფერენციო კამერის შტატივი - 3 ცალი
CPV32351000
შტატივი უნდა იყოს სრულად თავსებადი პირველი პოზიციით მოთხოვნილ საკონფერენციო კამერასთან
დამზადებული უნდა იყოს ალუმინისგან, უნდა გააჩნდეს 3 ტელესკოპური კეცვადი ფეხი.
სიმაღლე გაშლილ მდომარეობაში არანაკლებ 180სმ.,
უნდა მოყვებოდეს შესაბამისი ჩანთა/შალითა.
გარანტია არანაკლებ 1 (ერთი) წელი.

1.2.4. ჭკვიანი საკონფერენციო კამერის ქეისი - 3 ცალი
CPV32351000
უნდა იყოს სრულად თავსებადი პირველი პოზიციით მოთხოვნილ საკონფერენციო კამერასთან.
ქეისი უნდა იყოს მაღალი ხარისხის, ამინდისა და ვარდნის მიმართ მდგრადი შიდა მხარე შევსებული უნდა იყოს კამერაზე მორგებული ღრუბლით, უნდა გააჩნდეს სათავსოები კაბელების და კვების ადაპტერისთვის.
გარანტიას ქარხნული წუნის შემთხვევაში.

შენიშვნა:
სატენდერო დოკუმენტაციაში, შესყიდვის ობიექტის აღწერილობაში თუ იკითხება: სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება „მსგავსი” „ეკვივალენტური”.

შესყიდვის ობიექტის მიწოდება, უნდა განხორციელდეს ხელშეკრულების გაფორმების დღიდან 60 (სამოცი) კალენდარული დღის განმავლობაში.

1.5.1. საქონლის მიწოდების ადგილია სსიპ ივანე ჯავახიშვილის სახელობის თბილისის სახელმწიფო უნივერსიტეტის პირველი კორპუსი, მისამართი: ქ. თბილისი, ჭავჭავაძის გამზ #1. (თსუ საწყობი)
1.5.2. შესყიდვის ობიექტის მიწოდება, უნდა განხორციელდეს ერთჯერადად.

1.7.1.1. მიმწოდებელი იძლევა მიწოდებული შესყიდვის ობიექტის არსებულ სტანდარტებთან შესაბამისობის გრანტიას, რომ შესყიდვის ობიექტი იქნება ახალი, არა მეორადი ქარხნულად აღდგენილი/ გადამუშავებული. საქონელი შეფუთული უნდა იყოს მწარმოებლის ბრენდირებულ კოლოფში, კოლოფზე ქარხნულად დაბეჭდილი მწარმოებლის მითითებით, შეფუთვის მთლიანობა არ იქნება დარღვეული.
1.7.1.2. შესყიდვის ობიექტის სრულფასოვანი ფუნქციონირების საგარანტიო ვადა განისაზღვრება ფასების ცხრილში მითითებული ინფორმაციის შესაბამისად.
1.7.1.3. საგარანტიო პერიოდში ინსპექტირება ხორციელდება ხელშეკრულების შესრულების ნებისმიერ ეტაპზე, საქონლის მიღებისას, აგრეთვე მიღების შემდეგ, მათ შორის, ხელშეკრულების მოქმედების ვადის გასვლის შემდეგ, ხელშეკრულებიდან გამომდინარე ვალდებულებების არსებობის პერიოდში.
1.7.1.4. საქონლის მიღებისას ინსპექტირების პროცესში ქარხნული წუნი/ხარვეზის აღმოჩენის შემთხვევაში მიმწოდებელი ვალდებულია შეცვალოს საქონელი ახლით წუნი/ხარვეზის დაფიქსირებიდან 20 (ოცი) კალენდარული დღის ვადაში.
1.7.1.5. საგარანტიო პერიოდში ექსპლუატაციის პროცესში, მექანიკური, უხარისხო ძაბვით და/ან არასწორი მოხმარებით გამოწვეული დაზიანების გარდა, წარმოქმნილი ხარვეზების არსებობის შემთვევაში, შემსყიდველი წერილობით ან/და ელექტრონული ფორმით აცნობებს მომსახურების გაწევის საჭიროების შესახებ „მიმწოდებელს“. „მიმწოდებელი“ მისი წარმომადგენლის მიერ, საკუთარი ხარჯებით (ტრანსპორტირების ჩათვლით) შეტყობინებიდან არაუგვიანეს მესამე სამუშაო დღისა ახდენს რეაგირებას. საჭიროების შემთხვევაში ორი სამუშაო დღის ვადაში დგება დეფექტური აქტი, რომელიც მოიცავს შესასრულებელ სამუშაოებს და მათ ხანგრძლივობას. სერვის მომსახურება განხორციელდება არაუმეტეს 10 (ათი) კალენდარული დღის ვადაში თუ ასეთი პროდუქციისათვის საჭირო სათადარიგო ნაწილები მიმწოდებელს აქვს ადგილზე (საწყობში), წინააღმდეგ შემთხვევაში დეფექტური აქტით განსაზღვრულ გონივრულ ვადაში, მაგრამ არაუმეტეს 30 (ოცდაათი) კალენდარული დღისა.

პრეტენდენტმა ფასების ცხრილი, დანართი N1-ის სახით უნდა წარმოადგინოს შემდეგი ინფორმაცია:
შესყიდვის ობიექტის დასახელება, მწარმოებელი, მოდელი ან/და სერიული ნომერი ან/და PartNumber ან/და მაიდენტიფიცირებელი ნიშანი, შესყიდვის ობიექტის აღწერილობა.

1. მწარმოებელი - მწარმოებელი კომპანია/ფირმა/ბრენდი;
2. მოდელი - შემოთავაზებული შესყიდვის ობიექტის მოდელი ან/და სერიული ნომერი ან/და PartNumber ან/და მაიდენტიფიცირებელი, რომლითაც მოხდება პროდუქტის ტექნიკური პარამეტრების იდენტიფიცირება.

მწარმოებელისა და მოდელის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.

აუცილებელი მოთხოვნა:
შესყიდვის ობიექტის მახასიათებლების სატენდერო დოკუმენტაციასთან შესაბამისობის დადგენის მიზნით, წარმოდგენილი მოდელი ან/და სერიული ნომერი ან/და PartNumber-ან/და მაიდენტიფიცირებელი ნიშნის მიხედვით შემოთავაზებული საქონლის ტექნიკური პარამეტრები უნდა იძებნებოდეს (ინტერნეტ წყაროების საშუალებით) წინააღმდეგ შემთხვევაში პრეტენდენტმა უნდა წარმოადგინოს მწარმოებლის მიერ გაცემული ოფიციალური ინფორმაცია ტექნიკური მახასიათებლების შესახებ, (მწარმოებელი კომპანიის წერილი ან/და დასკანერებული ტექნიკური პასპორტი ან/და data sheet ან/და ვებ-გვერდის მისამართი).

წინადადების წარდგენის დროს „ფასების ცხრილი - დანართი N1“ ერთიან ელექტრონულ სისტემაში უნდა ატვირთოს Excel-ის ფორმატის ცხრილის სახით. ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდა იქნეს „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის, მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

7.2.1. ანგარიშსწორება იწარმოებს ერთჯერადად უნაღდო ანგარიშსწორებით ფაქტობრივად მოწოდებული საქონლის შესაბამისად „შემსყიდველსა“ და „მიმწოდებელს“ შორის მიღება-ჩაბარების აქტის, სასაქონლო ზედნადების და/ან საგადასახადო ანგარიშ–ფაქტურის გამოწერიდან და ინსპექტირების ჯგუფის დადებითი დასკვნის საფუძველზე.
7.2.2. ანგარიშსწორება შესაძლებელია განხორციელდეს წინასწარი ანგარიშსწორებით, შემსყიდველის მოთხოვნის შემთხვევაში, საგრანტო პროექტის ვადებიდან გამომდინარე, წარმოდგენილი შესაბამისი საავანსო გარანტიის საფუძველზე სახელშეკრულებო ღირებულების 100% ოდენობით, საავანსო გარანტიის წარმოდგენიდან არაუგვიანეს 3 (სამი) სამუშაო დღის ვადაში. საავანსო გადახდაზე საბანკო გარანტია წარმოდგენილი უნდა იქნას მოთხოვნიდან 3 (სამი) სამუშაო დღის განმავლობაში და მოქმედების ვადა 30 დღით უნდა აღემატებოდეს ხელშეკრულების მოქმედების ვადას. იმ შემთხვევაში თუ მიმწოდებლის საგარანტიო ვალდებულებები სრულად შესრულდება აღნიშნულ ვადამდე, შემსყიდველი უფლებამოსილია მიმწოდებელს დაუბრუნოს გარანტია. გარანტია უკან დაუბრუნდება შესყიდვის ობიექტის მიღების შემდეგ, ხელშეკრულებით განსაზღვრული პირობების შესაბამისად 5 (ხუთი) სამუშაო დღის განმავლობაში.
7.2.3. გარანტია უნდა იყოს უპირობო ე.ი. გარანტიით გათვალისწინებული თანხები შემსყიდველმა უნდა მიიღოს ყოველგვარი დამატებითი განმარტებისა და მტკიცებულების წარდგენის გარეშე, პირველივე მოთხოვნისთანავე. გარანტიაში არ უნდა იყოს მითითებული, რომ იგი მცირდება შესრულების პროპორციულად.
7.2.4. გამოუთხოვადი საავანსო გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, - ეროვნულ ვალუტაში. რომელიც წარმოადგენს ხელშეკრულების განუყოფელ ნაწილს.
7.2.5. სახელმწიფო შესყიდვების სააგენტოს თავმჯდომარის 2016 წლის 26 თებერვლის №2 ბრძანებით დამტკიცებული ,,თეთრი სიის წარმოების წესისა და პირობების’’ მე-10 მუხლის პირველი პუნქტის ,,ბ“ ქვეპუნქტის შესაბამისად, კომპანია უფლებამოსილია წარმოადგინოს წინასწარ გადასახდელი თანხის ნახევარი ოდენობის საავანსო გარანტია.

ანგარიშსწორება იწარმოებს უნაღდო ანგარიშსწორებით ფაქტობრივად მოწოდებული საქონლის შესაბამისად „შემსყიდველსა“ და „მიმწოდებელს“ შორის მიღება-ჩაბარების აქტის, სასაქონლო ზედნადების და/ან საგადასახადო ანგარიშ–ფაქტურის გამოწერიდან და ინსპექტირების ჯგუფის დადებითი დასკვნის წარმოდგენიდან 10 (ათი) სამუშაო დღის განმავლობაში.

დინარა ტიკარაძე, 577943999, dinara.tikaradze@tsu.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.