Фармацевтические продукты (Грузия - Тендер #48199946)

სადეზინფექციო,სასტერილიზაციო და ხელის ჰიგიენური საშუალებები

შესყიდვის ობიექტის ტექნიკური პარამეტრები და რაოდენობა იხილეთ ატვირთულ ფაილში (ტექნიკური დავალება დანართი N2).

საქონლის მიწოდება განხორციელდება ხელშეკრულების გაფორმების შემდგომ, 2024 წლის 1 იანვრიდან 2024 წლის 31 დეკემბრის ჩათვლით, ეტაპობრივად, შემსყიდველის მოთხოვნიდან არაუგვიანეს 3 (სამი) სამუშაო დღეში.

შესყიდვის ობიექტის მიწოდება და დაცლა/დასაწყობება მიმწოდებელმა უნდა უზრუნველყოს საკუთარი ხარჯით, შემდეგ მისამართებზე: ქ.თბილისი, ზურაბ ანჯაფარიძის N18 ან/და ქ. თბილისი ჟორესის ქ. N10.

1.7.1.1 შესყიდვის ობიექტს უნდა გააჩნდეს ვარგისიანობის ვადა არანაკლებ 18 (თვრამეტი) თვე.

1.7.1.2 მიმწოდებელმა საკუთარი ხარჯებით უნდა უზრუნველყოს წუნდებულ საქონელზე გამოვლენილი ნაკლის აღმოფხვრა (ან ახლით შეცვლა) შეტყობინების მიღებიდან არაუმეტესს 5 (ხუთი) სამუშაო დღის განმავლობაში.

პრეტენდენტმა ფასების ცხრილში (დანართი N1) უნდა მიუთითოს შესყიდვის ობიექტის წარმოშობის ქვეყანა, მწარმოებელი ან/და ბრენდი და მოდელი (მოდელის არარსებობის შემთხვევაში, უნდა მიეთითოს ტექსტი მოდელი არ აქვს). აღნიშნული ინფორმაციის მიუთითებლობა გამოიწვევს პრეტენდენტის დისკვალიფიკაციას.

პრეტენდენტმა შემოთავაზებული პროდუქციის ნიმუშებთან ერთად, შემსყიდველ ორგანიზაციაში, ასევე ერთიან ელექტრონულ სისტემაში უნდა წარმოადგინოს შემდეგი სახის ჩამონათვალი (დოკუმენტაცია):

1. სადეზინფექციო, სასტერილიზაციო და ანტისეპტიკური საშუალებები და დეზიფენქტანტები უნდა იყოს რეგისტრირებული საქართველოს კანონმდებლობის შესაბამისად: საქართველოს შრომის, ჯანმრთელობისა და სოციალური დაცვის მინისტრის 2002 წლის 19 მარტის №64/ნ ბრძანებით "ქვეყანაში სამედიცინო და პროფილაქტიკური სადეზინფექციო საქმიანობის სრულყოფის შესახებ."
2. საქონელი უნდა აკმაყოფილებდეს საქართველოს მთავრობის დადგენილება №185 - „სამედიცინო, საზოგადოებრივი ჯანმრთელობისა და საზოგადოებრივი მნიშვნელობის დაწესებულებებში დეზინფექციისა და სტერილიზაციის“ - ტექნიკური რეგლამენტის მოთხოვნებს;
3. მწარმოებლის ხარისხის სერტიფიკატი;
4. საქონლის გამოშვების თარიღი, ვადა, შემადგენლობა.
5. საქონლის დამზადება-გამოყენების თაობაზე დეტალური ინსტრუქცია.

შენიშვნა: დოკუმენტების უცხო ენაზე წარმოდგენის შემთხვევაში, მათ უნდა დაერთოს ნოტარიულად დამტკიცებული ქართული თარგმანი.

რეგისტრირებული სადეზინფექციო, სასტერილიზაციო და ანტისეპტიკური საშუალებების და დეზიფენქტანტების წარმოების, ტრანსპორტირების, შენახვის, გამოყენების, უტილიზაციისა და განადგურების შესახებ ახალი მონაცემების მიღების შემთხვევაში მწარმოებელი/მიმწოდებელი ვალდებულია აცნობოს აღნიშნულის შესახებ რეგისტრაციის განმახორციელებელ ადმინისტრაციულ ორგანოს რეესტრის მონაცემთა ბაზაში შესაბამისი ცვლილებების შეტანის მიზნით. საქართველოს შრომის, ჯანმრთელობისა და სოციალური დაცვის სამინისტრო უფლებამოსილია გააუქმოს სადეზინფექციო საშუალების რეგისტრაცია მასში შემავალი ნივთიერების შეზღუდვის ან აკრძალვის შემთხვევაში, ხოლო ადამიანის ჯანმრთელობასა და გარემოზე მავნე ზემოქმედების შესახებ ახალი მონაცემების მიღებისას – განიხილოს რეგისტრაციის მიზანშეწონილობის საკითხი.

ა) პრეტენდენტმა შემსყიდველ ორგანიზაციაში უნდა წარმოადგინოს მისაწოდებელი საქონლის ნიმუშები ტექნიკური დავალების (დანართი N2-ის) ყველა პოზიციაზე.

ბ) პრეტენდენტის მიერ წარმოდგენილი საქონლის ნიმუშები უნდა იყოს შეფუთული და ზედ დატანილი უნდა იყოს ინფორმაცია ტექნიკური პარამეტრების, ევროკავშირის მიერ აღიარებულ სტანდარტების (პირველიდან მე-5 პოზიციის ჩათვლით), წარმოშობის ქვეყნის, მწარმოებელის ან/და ბრენდის და მოდელის (არსებობის შემთხვევაში) შესახებ.

გ) პრეტენდენტის გამარჯვების შემთხვევაში საწყობში შეტანილი საქონელი უნდა იყოს შერჩევა-შეფასების ეტაპზე შემსყიდველ ორგანიზაციაში პრეტენდენტის მიერ წარმოდგენილი შემოთავაზებული საქონლის ნიმუშის იდენტური.

• იმ შემთხევვაში თუ პრეტენდენტის მიერ წარმოდგენილ ნიმუშებზე (პირველიდან მე-5 პოზიციის ჩათვლით), არ იქნება დატანილი ტექნიკური დავალების (დანართი N2-ის) ტექნიკური მახასაითებლების გათვალისწინებით ინფორმაცია იმის შესახებ, რომ მოსაწოდებელი პროდუქტი აკმაყოფილებდეს ევროკავშირის მიერ აღიარებულ სტანდარტებს, ამ შეთხვევაში პრეტენდეტი ვალდებულია აღნიშნულის შესახებ დოკუმენტაცია წარმოადგინოს ერთიანი ელექტრონული სისტემის მეშვეობით.


შენიშვნა:
- ტენდერში მონაწილე „დისკვალიფიცირებულ" პრეტენდენტს ნიმუშ(ებ)ის დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 კალენდარული დღის განმავლობაში, ხოლო „გამარჯვებულ" პრეტენდენტს საქონლის სრულად მიწოდების შემდეგ 30 კალენდარული დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშ(ებ)ის დაბრუნებაზე.
- იმ შემთხვევაში თუ ელექტრონულ ტენდერს მიენიჭება სტატუსი „შეწყვეტილია“ პრეტენდენტს ნიმუშ(ებ)ის დაბრუნების მოთხოვნა შეუძლია სტატუსის მინიჭებიდან 30 კალენდარული დღის განმავლობაში.
- იმ შემთხვევაში თუ კი წარმოდგენილი ნიმუშ(ებ)ი საჭიროებს შემოწმებას/გატესტვას შესაძლოა შესყიდვის ობიექტი პირვანდელი სახით ვერ დაუბრუნდეს პრეტენდენტს.

ნიმუშების წარმოდგენის ადგილია: ქ. თბილისი, ზურაბ ანჯაფარიძის ქ. N18

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის, ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).

ანგარიშსწორება მოხდება უნაღდო ანგარიშსწორებით ლარში.

მიმწოდებელთან ანგარიშსწორება განხორციელდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტის ხელმოწერის, სასაქონლო ზედნადების და საგადასახადო ანგარიშ-ფაქტურის (კანონმდებლობით დადგენილ შემთხვევებში) წარმოდგენის საფუძველზე, არაუგვიანეს 10 (ათი) სამუშაო დღის ვადაში.

თათია ყურაშვილი, 595075289, tkurashvili@sps.gov.ge ტექნიკურ საკითხებთან დაკავშირებით დაუკავშირდით ლიზა ჯორბენაძე 599 53 28 87

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.4 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7 მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი.
10.1.8 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის" მე-8 მუხლის შესაბამისად.