Цистерны, резервуары и контейнеры, радиаторы центрального отопления и котлы (Грузия - Тендер #48199928)

ნაგვის კონტეინერების შესყიდვა.

1100 ლიტრიანი პლასტმასის ნაგავშემკრები კონტეინერის ტექნიკური მახასიათებლები(119 ცალი):
• ტევადობა 1100 ლიტრი;
• სიმაღლე: არანაკლებ 1300მმ, არაუმეტეს 1500 მმ;
• სიგანე: არანაკლებ 1350მმ, არაუმეტეს1400 მმ;
• სიღრმე: არანაკლებ 1000მმ, არაუმეტეს 1200 მმ;
• ცარიელის წონა: არანაკლებ 46 კგ; კონტეინერი უნდა აკმაყოფილებდეს EN840 და RAL GZ 951/1 სტანდარტით გათვალისწინებულ ხარისხის მოთხოვნებს;
• მაქსიმალური ტვირთამწეობა: არანაკლებ 440კგ;
• ბორბლების დიამეტრი: კონტეინერს უნდა ქონდეს ოთხი 360 გრადუსით
მბრუნავი ბორბალი, ზომით არანაკლებ 180მმ, არაუმეტეს 200 მმ. წინა მხარეს განთავსებულ 2 ბორბალს უნდა გააჩნდეს ორმაგი სამუხრუჭე სისტემა. პედალზე ფეხის დაჭერით უნდა იბლოკებოდეს, როგორც ბორბალი, ასევე მოტრიალების გორგოლაჭიც;
• სახურავის ტიპი: ბრტყელი;
• გამოყენებული უნდა იყოს შემდეგი მასალა: HDPE (დამზადებული უნდა იყოს მაღალი წნევით კომპაქტური ჩამოსხმის მეთოდით ან/და როტაციული ჩამოსხმის მეთოდით მაღალმოლეკულური პირველადი პოლიეთილენისგან), რომელიც მდგრადია მაღალი და დაბალი ატმოსფერული ტემპერატურის, ქიმიური და ბიოლოგიური ზემოქმედების მიმართ. არ უნდა შეიცავდეს კადმიუმს;
• კონტეინერს სახურავზე უნდა ახლდეს ერთი ცალი დამატებითი ხუფი მცირე ზომის ნარჩენების განსათავსებლად თავსახურის წინა (ფასადის) მხარეს. ზომით, სიგრძე არანაკლებ 1000 მმ, სიგანე შიდა მიმმართველის ჩათვლით არანაკლებ 300მმ, დამატებითი ხუფი უნდა იყოს განთავსებული კონტეინერის მთლიან სიგრძეზე; • დამატებით ხუფს უნდა გააჩნდეს სახელური;
• კონტეინერს გვერდებზე უნდა გააჩნდეს სახელურები და სტანდარტული ნაგავმზიდის დამცლელ სისტემასთან თავსებადი ,,ყურები“, „ყურები“ შიგნიდან გამაგრებული უნდა იყოს შესაბამისი ზომის მეტალის ღერძით;
• ყველა მეტალის დეტალი დამზადებული უნდა იყოს კოროზიაგამძლე მეტალისგან.
• კონტეინერს წინა და უკანა კედელზე უნდა გააჩნდეს სიხისტის ჩაღრმავებები, დეფორმაციის თავიდან აცილების მიზნით;
• კონტეინერზე დატანილი უნდა იქნას ნუმერაცია, ორი ამრეკლი წინა მხარეს ორივე კუთხეზე და აგრეთვე, დატანილი უნდა იქნას საინფორმაციო სტიკერები (სტიკერები შეთანხმდება შემსყიდველთან);
• კორპუსის ფერი - ლურჯი ან/და მუქი ნაცრისფერი ან/და შავი-შეთანხმდება შემსყიდველთან; • კონტეინერს წინა მხარეს სავალდებულოა ჰქონდეს სავარცხლისებური ჩასავლები სარტყელი, რომლის მეშვეობითაც მოხდება მისი აწევა და დაცლა სპეციალური ავტომანქანის მიერ.
• კონტეინერს უნდა გააჩნდეს სადრენაჟე გასასვლელი ჩამკეტით, რომელიც უზრუნველყოფს კონტეინერის შიდა სივრცის მარტივ, ჰიგიენურ წმენდას;
(იხ. დანართი - #1 პოზიცია);
120 ლიტრიანი პლასტმასის ნაგავშემკრები კონტეინერის ტექნიკური მახასიათებლები(17 ცალი):
• გორგოლაჭებიანი ურნის ტევადობა 120 ლიტრი;
• თავსახურით (ხელის მოსაკიდით);
• ბორბალი - 2 ცალი (ბორბლების დიამეტრი არანაკლებ 200 მმ);
• ურნაზე ხელის მოსაკიდით;
• ცარიელი ურნის წონა არანაკლებ 8 კგ;
• მაქსიმალური დატვირთვა არანაკლებ 60კგ;
• სიმაღლე - 95 სმ,
• სიღრმე - 55 სმ;
• სიგანე - 45სმ;
• დასაშვებია ცდომილება ზომაში ±5 სმ;
• ფერი შეთანხმებით. (მუქი ან შავი) ; (იხ. დანართი - #2 პოზიცია)

საქონლის მიწოდება უნდა განხორციელდეს ხელშეკრულების გაფორმებიდან არანაკლებ 90 კალენდარულ დღეში.

საქონლის მოწოდება უნდა განხორციელდეს დ.ადიგენში. ან/და მიმდებარე ტერიტორიაზე (კონკრეტული ლოკაცია მიმწოდებელს ეცნობება წინასწარ შემსყიდველისაგან).
მიმწოდებელი ვალდებულია თავისი ხარჯებით უზრუნველყოს საქონლის დაცლა-აწყობა.

- მოწოდებული საქონლის საგარანტიო ვადა უნდა შეადგენდეს მიღება-ჩაბარების აქტის გაფორმებიდან სწორი ექსპლუატაციის შემთხვევაში არანაკლებ 12 (თორმეტი) თვეს.
- მიმწოდებელი იღებს ვალდებულებას, რომ მიწოდებული ობიექტის ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს.
- მოწოდებული საქონელი უნდა იყოს ახალი და უნაკლო, მუშა მდგომარეობაში.
- გარანტია გულისხმობს დაზიანებული საქონლის შეკეთებას ან თუ ეს შეუძლებელია, მაშინ მის შეცვლას იგივე მახასიათებლების მქონე ახალი საქონლით 1 (ერთი) თვის ვადაში (გარდა მექანიკური დაზიანებისა).
- საგარანტიო პირობები არ ვრცელდება იმ შემთხვევაში თუ:
ა) საგარანტიო ვადა გასულია;
ბ) თუ მოწყობილობას აქვს არასწორი ექსპლუატაციის ან შეკეთების კვალი;
გ) საქონელზე, რომელზეც აღინიშნება: ფიზიკური დაზიანება.
- წუნის/დეფექტის/ხარვეზის/მწყობრიდან გამოსვლის გამო შეკეთების ან ახლით შეცვლის შემთხვევაში, შესყიდვის ობიექტის ტრანსპორტირება უნდა უზრუნველყოს მიმწოდებელმა.

- შემოთავაზებული საქონელი უნდა იწარმოებოდეს ევროკავშირის ან/და ეკონომიკური თანამშრომლობისა და განვითარების ორგანიზაციის (OECD) წევრ ქვეყანაში.
- პრეტენდენტმა შესყიდვის ობიექტის წარმოების ქვეყანა, მწარმოებელი კომპანია და შემოთავაზებული საქონლის მოდელი (ასეთის არსებობის შემთხვევაში), ასევე ერთეულის ფასი და ჯამური ღირებულება უნდა მიუთითოს დანართი N1-ის შესაბამისად.
- იმ შემთხვევაში, თუ პრეტენდენტი არ მიუთითებს მწარმოებელ ქვეყანას, მწარმოებლის დასახელებას და შემოთავაზებული საქონლის მოდელს (ასეთის არსებობის შემთხვევაში), პრეტენდენტი დაზუსტების გარეშე დაექვემდებარება დისკვალიფიკაციას.

1. პრეტენდენტმა ერთიან ელექტრონულ სისტემაში უნდა წარმოადგინოს შემოთავაზებული პროდუქტის EN 840 და RAL-GZ 951/1 სტანდარტთან შესაბამისობის დამადასტურებელი TUV, SKZ, GGAWB ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის DIN EN ISO/IEC 17025/17020 აკრედიტაციის დამადასტურებელი დოკუმენტის ასლი) მიერ გაცემული ძალაში მყოფი სერტიფიკატი;(ნოტარიალურად დამოწმებული თარგმანი ქართულ ენაზე);

1. პრეტენდენტმა უნდა წარმოადგინოს შემოთავაზებული პროდუქტის ვიზუალი - რომელშიც მოცემული იქნება წინხედი, გვერდხედი, ზედხედი და უკანა მხარე. აღნიშნული შესაძლებელია წარმოდგენილი იქნეს ფერადი ფოტოსურათ(ებ)ის ან/და მწარმოებლის ვებ გვერდის ბმულის მეშვეობით. პროდუქტი უნდა შეესაბამებოდეს სატენდერო დოკუმენტაციის 1.2 პუნქტის მოთხოვნებს.

2. პრეტენდნეტმა აგრეთვე უნდა წარმოადგინოს პროდუქტის ვიზუალი, რომელზეც დატანილი იქნება აბსოლუტური ზომები (მაქსიმალური სიმაღლე, მაქსიმალური სიგანე (გადახდილი სახურავი), მაქსიმალური სიგრძე) ტექნიკური დავალების მოთხოვნის პარამეტრების შესაბამისად.

3. წინამდებარე ტენდერის 2.9-2 პუნქტის შესაბამისად წარმოდგენილი ზომები უნდა შეესაბამებოდეს წინამდებარე სატენდერო დოკუმენტაციის 2.7.1-1 პუნქტის შესაბამისად წარმოდგენილ სერტიფიკატში მითითებულ ზომებს (თუ აღნიშნულ ინფორმაციას შეიცავს სერტიფიკატი).
3.1. თუ სერტიფიკატში მითითებულია ზომები, არ ასახავს წინამდებარე ტენდერში მოთხოვნილ პარამეტრებს, რომელიც მოცემულია ტექნიკურ დავალებაში, მაშინ პრეტენდენტი ვალდებულია წარმოადგინოს მასერთიფიცირებლის ან მწარმოებლის მიერ გაცემული ინფორმაცია/დოკუმენტი, რომელშიც მითითებული იქნება კონტეინერის რა ზომებია მითითებული სერტიფიკატში.

4. მიმწოდებელი ვალდებულია წარმოადგინოს სატენდერო დოკუმენტაციის 1.2 მუხლით განსაზღვრული ტექნიკური დავალების მოთხოვნების შესაბამისად მონაცემები, მისაწოდებელი პროდუქციის კონკრეტული (ზუსტი) პარამეტრების მითითებით;

5. მიმწოდებელი ვალდებულია შემსყიდველს გადასცეს უფლებრივად და ნივთობრივად უნაკლო, ახალი, ქარხნული, ექსპლუატაციაში არ მყოფი, ხარისხიანი საქონელი.

6. მიმწოდებელმა უნდა უზრუნველყოს კონტეინერზე მანიშნებელი სტიკერების და ნუმერაციის, ამრეკლის(ორივე კუთხეზე) დატანა, შემსყიდველის მოთხოვნის შესაბამისად.

იმ შემთხვევაში, როდესაც ტენდერში ელექტრონული ვაჭრობის შედეგად გამარჯვებული მიმწოდებლის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის სავარაუდო ღირებულებაზე, პრეტენდენტმა ფასწარმოქმნის ადეკვატურობა ან/და ამ ფასად ტენდერით გათვალისწინებული ვალდებულების შესრულების შესაძლებლობა უნდა დაასაბუთოს საექსპერტო, აუდიტორული ან/და საშემფასებლო დადებითი დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა. პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი. დასკვნის წარმოუდგენლობა გამოიწვევს ტენდერში მონაწილე პრეტენდენტის დისკვალიფიკაციას.
- დასკვნაში დასაბუთებული უნდა იყოს, რომ დასკვნის გაცემის მომენტისათვის მიმწოდებელს ან/და ერიცხება მის მიერ წარმოდგენილ ფასების ცხრილში დაფიქსირებული ფასების შესაბამისი საქონლის მარაგი, ან/და გააჩნია ხელშეკრულება/ინვოისი საქონლის მოწოდებაზე შესაბამისი მომწოდებლისაგან და საქართველოს კანონმდებლობით განსაზღვრული სავალდებულო გადასახადებისა და მოსაკრებლების და მიწოდების ადგილზე ტრანსპორტირების ხარჯების ჩათვლით შეუძლია მის მიერ დაფიქსირებულ საბოლო სატენდერო წინადადების ფასად შესაბამისი საქონლის მოწოდება შემსყიდველისათვის.
დასკვნასთან ერთად უნდა წარმოადგინოს ხელშეკრულებით ნაკისრი ვალდებულებების შესრულების შესაძლებლობის დამადასტურებელი დოკუმენტაცია (შესაბამისი საქონლის მარაგის დამადასტურებელი დოკუმენტი, ხელშეკრულებები, ინვოისი და სხვა).

ანგარიშსწორება განხორციელდება ეტაპობრივად, ეროვნულ ვალუტაში (ლარში) უნაღდო ანგარიშსწორების ფორმით. ხელშეკრულებით გათვალისწინებული შესრულებული სამუშაოს მოცულობის მიხედვით, მიღება-ჩაბარების აქტის და შესაბამისი საგადასახადო ანგარიშ-ფაქტურისა (სასაქონლო ზედნადების) საფუძველზე 10 სამუშაო დღის განმავლობაში.

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

თეა ბოჩიკაშვილი, 591111249, bochikashvilitea@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.პრეტენდენტმა უნდა ატვირთოს ფასების ცხრილი ექსელის (Excel) სახით
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ფასების ცხრილში (ხარჯთაღრიცხვაში) განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.