Ремонт и техническое обслуживание транспортных средств и оборудования и сопутствующие услуги (Грузия - Тендер #48199879)

საქართველოს პარლამენტის აპარატის ბალანსზე არსებული მანქანების რეცხვისა და მსგავსი მომსახურებების სახელმწიფო შესყიდვა (CPV 50112300).

1.2.1. მანქანების რეცხვა და მსგავსი მომსახურებები მოიცავს მსუბუქი ავტოსატრანსპორტო საშუალებების და მიკროავტობუსის რეცხვისა და ქიმწმენდის მომსახურებას.
1.2.2. მსუბუქი ავტოსატრანსპორტო საშუალებების და მიკროავტობუსის რეცხვისა და ქიმწმენდის მომსახურების გაწევის ჯერადობა (რაოდენობა) ასახულია სატენდერო დოკუმენტაციის დანართი #1-ში ""ფასების ცხრილი"", ამასთან შემსყიდველი ორგანიზაცია არ არის ვალდებული გასაწევი მომსახურების ჯამური რაოდენობა (ჯერადობა) შეისყიდოს სრულად.

შენიშვნა: პრეტენდენტი უფლებამოსილია დანართი №1 ""ფასების ცხრილი"" წარმოადგინოს Excel-ის ფორმატის ცხრილის სახით
(გთხოვთ გაითვალისწინოთ, რომ პრეტენდენტის მიერ Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)).
1.2.3. მსუბუქი ავტოსატრანსპორტო საშუალებების და მიკროავტობუსის რეცხვისა და ქიმწმენდის მომსახურების გაწევა უნდა განხორციელდეს პლასტიკური საბარათე სისტემის (დანართი №2 ""ტექნიკური დავალება - პლასტიკური საბარათე სისტემა"") მეშვეობით.

პრეტენდენტი ვალდებულია დეტალურად გაეცნოს დანართ №2-ში ""ტექნიკური დავალება - საბარათე სისტემა"" მოცემულ პირობებს/აღწერილობას და წარმოადგინოს აღნიშნული დანართი, მასში მითითებული პირობების/აღწერილობის უცვლელად.

აღნიშნული დოკუმენტი წარმოდგენილი უნდა იყოს სატენდერო დოკუმენტაციის 10.1.2 პუნქტით დადგენილი წესის შესაბამისად. პრეტენდენტი ვალდებულია გაითვალიწინოს, რომ დოკუმენტზე ხელმოწერით ეთანხმება და ადასტურებს დანართში მითითებულ პირობებს/აღწერილობას.
1.2.4 მსუბუქი ავტოსატრანსპორტო საშუალებების და მიკროავტობუსის რეცხვისა და ქიმწმენდის მომსახურების გაწევა უნდა განხორციელდეს შემდეგი პირობებით:
(ა) მიმწოდებელმა უნდა უზრუნველყოს სატრანსპორტო საშუალებების, როგორც ექსტერიერის (ძარა), ასევე ინტერიერის (სალონი, საბარგული) სრულად რეცხვა, გასუფთავება და გამშრალება, ხელით, სპეციალური მოწყობილობების, ინვენტარისა და სარეცხი საშუალებების გამოყენებით. რეცხვისთვის გამოყენებულ უნდა იქნეს მაღალი ხარისხის სარეცხი და საწმენდი საშუალებები.
(ბ) მიმწოდებელი ვალდებულია ავტომობილების სალონის ქიმწმენდა განახორციელოს ხელით, სპეციალური მოწყობილობების, ინვენტარისა და მაღალი ხარისხის სარეცხი საშუალებების გამოყენებით.
(გ) „მიმწოდებელმა“ რეცხვის/ქიმწმენდის მომსახურების გაწევის დაწყება უნდა განახორციელოს წინასწარი ჯავშნის (სატელეფონო საკომუნიკაციო საშუალების გამოყენებით) შემთხვევაში სატელეფონო შეტყობინებიდან არაუმეტეს 2 (ორი) საათში, ხოლო ავტოსამრეცხაო სადგურებში, წინასწარი ჯავშნის გარეშე, გამოცხადებული ავტომანქან(ებ)ის რეცხვის/ქიმწმენდის მომსახურების გაწევა უნდა დაიწყოს არაუმეტეს 1 (ერთ) საათში.
1.2.5. მომსახურების გაწევის დროს მიმწოდებლის ბრალეულობით შემსყიდველის ავტომანქანაზე მიყენებული ნებისმიერი ზარალის აღმოფხვრის ხარჯების ანაზღაურება ეკისრება მიმწოდებელს შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) 3 (სამი) სამუშაო დღის ვადაში.

„მიმწოდებელმა“ რეცხვის/ქიმწმენდის მომსახურების გაწევა უნდა განახორციელოს პერიოდულად, შემსყიდველის მოთხოვნის შესაბამისად, 2024 წლის 1-ლი იანვრიდან (ხოლო იმ შემთხვევაში თუ ხელშეკრულება ვერ გაფორმდება 2024 წლის პირველ იანვრამდე, მაშინ ხელშეკრულების გაფორმებიდან და მისი ძალაში შესვლიდან) - 2024 წლის 30 დეკემბრის ჩათვლით.

მიმწოდებლის მიერ რეცხვის/ქიმწმენდის მომსახურების გაწევა უნდა განხორციელდეს მიმწოდებლის ექსპლუატაციაში მყოფ ავტოსამრეცხაო სადგურებში, თბილისის მასშტაბით.

2.2.1.1 პრეტენდენტს 2021, 2022, 2023 (აღნიშნული ტენდერის გამოცხადებამდე) წლებში უნდა გააჩნდეს ანალოგიური მომსახურების გაწევის გამოცდილება თითოეულ წელს.

გაწეული ანალოგიური მომსახურების ღირებულება ერთ რომელიმე კონკრეტულ წელს ან ერთობლივად რამდენიმე წლის განმავლობაში ჯამურად (2021-2023 წლებში (აღნიშნული ტენდერის გამოცხადებამდე პერიოდში)) უნდა შეადგენდეს არანაკლებ 50,000.00 ლარს, საქართველოს კანონმდებლობით დადგენილი ყველა გადასახადის ჩათვლით.

აღნიშნულის თაობაზე პრეტენდენტმა სახელმწიფო შესყიდვების ერთიან ელექტრონულ სისტემაში, სატენდერო წინადადებასთან ერთად, უნდა წარმოადგინოს გამოცდილების დამადასტურებელი დოკუმენტები:
ა) შესაბამისი ხელშეკრულება და მიღება-ჩაბარების აქტი ან მიღება-ჩაბარების აქტის სანაცვლოდ მომსახურების გაწევის დამადასტურებელი ნებისმიერი სახის სხვა დოკუმენტი, ან
ბ) შესაბამისი ინფორმაცია სახელმწიფო შესყიდვის ერთიანი ელექტრონული სისტემის მონაცემებით, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალური ნომერი (აღნიშნული უნიკალური ნომრის მეშვეობით, სახელმწიფო შესყიდვის ერთიან ელექტრონულ სისტემაში უნდა იკითხებოდეს/იძებნებოდეს ""ა"" პუნქტის საფუძველზე მოთხოვნილი დოკუმენტები/ინფორმაცია).

(იმ შემთხვევაში თუ ""ა"" პუნქტის საფუძველზე წარმოდგენილ ხელშეკრულებაში ასახულია ""ბ"" პუნქტით გათვალისწინებული ინფორმაცია, მაშინ მიღება-ჩაბარების აქტების ან მათ სანაცვლოდ მომსახურების გაწევის დამადასტურებელი ნებისმიერი სახის სხვა დოკუმენტის წარმოდგენა სავალდებულო არაა).
2.2.1.2 პრეტენდენტი ვალდებულია წარმოადგინოს მინიმუმ 1 დადებითი რეკომენდაცია, გაცემული სხვა ორგანიზაციის (მათ შორის სხვა შემსყიდველი ორგანიზაციის) მიერ*, 2021 წლიდან აღნიშნული ტენდერის გამოცხადებამდე პერიოდში ანალოგიური მომსახურების გაწევის შესახებ. რეკომენდაციას თან უნდა ერთოდეს დამატებითი დოკუმენტაცია, კერძოდ: შესაბამისი ხელშეკრულება და მიღება-ჩაბარების აქტი ან მიღება-ჩაბარების აქტის სანაცვლოდ ნებისმიერი სახის სხვა დოკუმენტი, რომელიც დაადასტურებს ხელშეკრულების შესრულების ფაქტს.

იმ შემთხვევაში თუ პრეტენდენტის მიერ წარმოდგენილ რეკომენდაციაში მითითებულია სახელმწიფო შესყიდვის ერთიანი ელექტრონული სისტემის მონაცემები, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალური ნომერი, მაშინ დამატებითი დოკუმენტაციის (ხელშეკრულება და მიღება-ჩაბარების აქტი ან მიღება-ჩაბარების აქტის სანაცვლოდ ნებისმიერი სახის სხვა დოკუმენტი, რომელიც დაადასტურებს ხელშეკრულების შესრულების ფაქტს) წარმოდგენა სავალდებულო არაა.

რეკომენდაცია გაცემული უნდა იყოს კონკრეტულად აღნიშნული ტენდერისთვის (რეკომენდაცია კონკრეტულად მოცემული ტენდერისთვის ჩაითვლება იმ შემთხვევაშიც, თუ იგი გაცემულია მოცემულ ტენდერში სტატუსის - ""ტენდერი გამოცხადებულია""-ს მინიჭების შემდგომ პერიოდში).

*შენიშვნა: რეკომენდაციის წარმოდგენის დროს პრეტენდენტი ვალდებულია გაითვალისწინოს, რომ არ განიხილება შემსყიდველი ორგანიზაციის მიერ გაცემული რეკომენდაცია იმავე შემსყიდველი ორგანიზაციის მიერ გამოცხადებულ ელექტრონულ ტენდერში წარმოდგენის შემთხვევაში.

2.3.1.1 პრეტენდენტს ქ. თბილისის მასშტაბით ექსპლუატაციაში უნდა გააჩნდეს არანაკლებ 7 (შვიდი) ერთეული ავტოსამრეცხაო სადგური, აქედან:
ა) მინიმუმ 1 (ერთი) ერთეული ავტოსამრეცხაო სადგური უნდა იყოს არანაკლებ 5 (ხუთი) ადგილიანი, არანაკლებ 2 (ორი) ავტოსამრეცხაო სადგური უნდა იყოს არანაკლებ 4 (ოთხი) ადგილიანი, ხოლო დანაჩენი ავტოსამრეცხაო ავტოსადგურები უნდა იყოს არანაკლებ 2 (ორი) ადგილიანი. მინიმუმ 1 (ერთი) ერთეული ავტოსამრეცხაო სადგური უნდა მდებარეობდეს საქართველოს პარლამენტის სასახლიდან (რუსთაველის გამზირი #8) სამანქანო გზით არაუმეტეს 6 (ექვსი) კმ-ის მანძილზე.
არანაკლებ 2 (ორი) ავტოსამრეცხაო სადგურს უნდა გააჩნდეს მიკროავტობუსის რეცხვის შესაძლებლობა.
პრეტენდენტის მიერ შემოთავაზებულ ყველა ავტოსამრეცხაოებში რეცხვის/ქიმწმენდის მომსახურებით სარგებლობა შესაძლებელი უნდა იყოს ყოველდღე, არანაკლებ 09:00 სთ-დან - 19:00სთ-მდე.
ბ) პრეტენდენტის მიერ შემოთავაზებულ ყველა სამრეცხაო სადგურზე განთავსებული უნდა იყოს რეცხვის/ქიმწმენდის პლასტიკური ბარათის წამკითხველი (გასატარებელი) მოწყობილობა, რომელმაც უნდა უზრუნველყოს შესაბამისი მომსახურების მომენტალური ასახვა ელექტრონულ სისტემაში (შემსყიდველის სპეციალურ ანგარიშზე). აღნიშნულის უზრუნველსაყოფად, მიმწოდებელი ვალდებულია შემსყიდველს გაუხსნას სპეციალური ელექტრონული ანგარიში თავის ვებ-გვერდზე ან/და ელექტრონულ პორტალზე.
გ) პრეტენდენტის მიერ შემოთავაზებულ ყველა ავტოსამრეცხაო სადგურზე უნდა არსებობდეს დახურული მოსაცდელი.
დ) პრეტენდენტის მიერ შემოთავაზებულ ყველა ავტოსამრეცხაო სადგურზე არსებულ ყველა ე.წ. "სამრეცხაო ბოქსზე" უნდა მიმდინარეობდეს ვიდეო მეთვალყურეობა. ვიდეო მეთვალყურეობის აპარატურას უნდა ჰქონდეს არქივის ფუნქცია (მინიმუმ 14 დღიანი), რათა საჭიროების შემთხვევაში მოხდეს ჩანაწერის ამოღება.
ე) პრეტენდენტის მიერ შემოთავაზებულ ყველა ავტოსამრეცხაო სადგურზე უნდა არსებობდეს შესაბამისი საკონტაქტო პირი/პერსონალი (მაგ. სერვის მენეჯერი) რეცხვის/ქიმწმენდის მომსახურების მიღებისთვის ადგილ(ებ)ის წინასწარი დაჯავშნის მიზნით.
2.3.1.2 პრეტენდენტმა სატენდერო წინადადებასთან ერთად, ერთიან ელექტრონულ სისტემაში, უნდა წარმოადგინოს მის ექსპლუატაციაში არსებული ავტოსამრეცხაო სადგურების შესახებ სრული ინფორმაცია (ზუსტი/კონკრეტული ინფორმაცია, ყოველგვარი არანაკლებ, მინიმუმ და ა.შ. მითითებების გარეშე, შესაბამის მტკიცებით ფორმაში) მისამართების მითითებით. პრეტენდენტის მიერ წარმოდგენილი მატერიალურ ტექნიკური ბაზის შესახებ ინფორმაცია არ უნდა ეწინააღმდეგებოდეს სატენდერო დოკუმენტაციის 2.3.1.1 პუნქტის "ა"-"ე" ქვეპუნქტების პირობებს და უნდა მოიცავდეს აღნიშნული პუნქტის ყველა მოთხოვნას.
2.3.1.3 პრეტენდენტი ვალდებულია წარმოადგინოს მის ქსელში არსებული ავტოსამრეცხაოების საკუთრების ან/და სარგებლობის დამადასტურებელი დოკუმენტების ასლები (ქირავნობა, იჯარა, ლიზინგი, უზუფრუქტი და/ან სხვა), რომლებიც ძალაში უნდა იყოს მინიმუმ 2024 წლის 31 დეკემბრის ჩათვლით, ხოლო იმ შემთხვევაში თუ ტენდერით განსაზღვრული მომსახურების გასაწევად გამოყენებული იქნება ქვეკონტრაქტორ(ებ)ი პრეტენდენტი ვალდებულია იხელმძღვანელოს სატენდერო დოკუმენტაციის 2.8.1 პუნქტით.

ამასთან, პრეტენდენტი ვალდებულია გაითვალისწინოს, რომ შემოთავაზებული ავტოსამრეცხაო სადგურებიდან არანაკლებ 3 (სამი) მათგანი მაინც უნდა იყოს უშუალოდ პრეტენდენტის მფლობელობაში ან იჯარით/უზუფრუქტით აღებული.
2.3.1.4 შემსყიდველი უფლებამოსილია, ხოლო პრეტენდენტი ვალდებულია უზრუნველყოს შესყიდველის წარმომადგენლების იმ ავტოსამრეცხაო სადგურებში დაშვება და დათვალიერების უზრუნველყოფა, რომელიც პრეტენდენტის მიერ წარმოდგენილი იქნება სატენდერო წინადადებით, ტექნიკური დავალებით გათვალისწინებულ მოთხოვნებთან შესაბამისობის დადგენის მიზნით.
2.3.1.5 ხელშეკრულების მოქმედების პერიოდში მიმწოდებელი ვალდებულია მინიმუმ 10 დღით ადრე წერილობით შეატყობინოს შემსყიდველ ორგანიზაციას, საქართველოს მასშტაბით მის ექსპლუატაციაში არსებული ავტოსამრეცხაო სადგურ(ებ)ის ცვლილების (შესაბამისი მისამართებისა და საკონტაქტო ინფორმაციის მითითებით) შემთხვევაში.

იმ შემთხვევაში, თუკი პრეტენდენტის მიერ ტენდერით განსაზღვრული მომსახურების გასაწევად გამოყენებული იქნება ქვეკონტრაქტორ(ებ)ი, მაშინ პრეტენდენტი ვალდებულია წარმოადგინოს ქვეკონტრაქტორ(ებ)თან გაფორმებული ხელშეკრულებ(ებ)ის ასლები და ინფორმაცია ქვეკონტრაქტორ(ებ)ის ავტოსამრეცხაო(ები)ს მდებარეობის შესახებ. ქვეკონტრაქტორ(ებ)თან გაფორმებული ხელშეკრულებით გათვალისწინებული მომსახურების გაწევის ვადა უნდა იყოს არანაკლებ 2024 წლის 31 დეკემბრის ჩათვლით.

ამასთან, პრეტედენტი ვალდებულია გაითვალისწინოს, რომ ქვეკონტრაქტორ(ებ)ით მომსახურების გაწევის შემთხვევაში დასაშვებია ქვეკონტრაქტორ(ებ)ის ფარგლებში არაუმეტეს 4 ერთეული ავტოსამრეცხაო(ები)ს სადგურის შემოთავაზება.

სატენდერო დოკუმენტაციის 2.3.1.1. პუნქტის "ე" ქვეპუნქტის საფუძველზე, მიმწოდებელი ვალდებულია წინამდებარე ტენდერის ფარგლებში, შესაბამისი ხელშეკრულების გაფორმებიდან არაუგვიანეს 5 (ხუთი) სამუშაო დღის ვადაში წერილობით წარმოადგინოს საკონტაქტო პირის/პერსონალის შესახებ ინფორმაცია სახელის, გვარის, საკონტაქტო ტელეფონის ნომრის და კონკრეტული ავტოსამრეცხაო სადგურის მისამართის მითითებით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა.
4.1.1.2 ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. საჭიროების შემთხვევაში, პრეტენდენტის მიერ ასევე წარმოდგენილი უნდა იყოს დასკვნაზე ხელმომწერი პირის ხელმოწერის უფლებამოსილების დამადასტურებელი დოკუმენტი (მაგ. იმ შემთხვევაში თუ დასკვნის გამცემი პირია ორგანიზაცია - შპს, სს და ა.შ. და ორგანიზაციის სახელით გაცემულ დასკვნაზე არ ფიქსირდება სამეწარმეო და არასამეწარმეო სუბიექტების რეესტრის ამონაწერის მიხედვით განსაზღვრული ხელმძღვანელობაზე/წარმომადგენლობაზე უფლებამოსილი პირის ხელმოწერა)), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის, ასევე საერთო ღირებულებასთან მიმართებით.

7.2.1 ანგარიშსწორება განხორციელდება უნაღდო ანგარიშსწორებით, ეროვნულ ვალუტაში – ლარში, ფაქტიურად გაწეული მომსახურების შესაბამისად 10 (ათი) სამუშაო დღეში, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი სასაქონლო ზედნადების (კანონმდებლობით გათვალისწინებულ შემთხვევაში), ასევე ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე, ანდა გამოწერილი საგადასახადო დოკუმენტის (საგადასახადო დოკუმენტის გამოწერის შემთხვევაში სასაქონლო ზედნადების ან საგადასახადო ანგარიშ-ფაქტურის (მათ შორის, სპეციალური საგადასახადო ანგარიშ-ფაქტურის) გამოწერის ვალდებულება არ წარმოიშობა) საშუალებით.
7.2.2 დაფინანსების წყარო: საქართველოს 2024 წლის სახელმწიფო ბიუჯეტიდან საქართველოს პარლამენტისათვის გამოყოფილი ასიგნება.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

თათია უშვერიძე, 598201000, tushveridze@parliament.ge შესყიდვის ობიექტის ტექნიკურ საკითხებთან დაკავშირებით, ვახტანგ ცარციძე M: 577 35 59 62 vtsartsidze@parliament.ge.

10.1.1 პრეტენდენტი დაექვემდებარება დისკვალიფიკაციას (ყოველგვარი დაზუსტების პროცედურების გარეშე), თუ მის მიერ არ იქნება წარმოდგენილი ფასების ცხრილი ან ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.2 სახელმწიფო შესყიდვების ერთიან ელექტრონულ სისტემაში ატვირთული მხოლოდ პრეტენდენტის მიერ შექმნილი ყველა დოკუმენტი ან/და ინფორმაცია (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტები, გარდა დანართი №1 "ფასების ცხრილი". პრეტენდენტი უფლებამოსილია აღნიშნული დანართი წარმოადგინოს Excel-ის ფორმატის ცხრილის სახით, ხოლო Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტებზე) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელის მოწერისთვის გაცემული მინდობილობა
10.1.3 ტენდერის ნებისმიერ ეტაპზე ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4 ალტერნატიული სატენდერო წინადადება არ განიხილება.
10.1.5 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.6 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.