Образовательные услуги (Грузия - Тендер #48199863)

მოხელის პროფესიული განვითარების დამატებითი პროგრამების გავლის საჭიროებასთან დაკავშირებით, კახეთის მხარის მუნიციპალიტეტების საჯარო მოხელეებისათვის ტრენინგის ორგანიზების მომსახურების შესყიდვა.

ტექნიკური დავალება იხ. დანართის სახით.

გასაწევი მომსახურება გულისხმობს თელავის, ახმეტის, ყვარლის, გურჯაანის, ლაგოდეხის, საგარეჯოს, დედოფლისწყაროს, სიღნაღის 151 საჯარო მოხელის კვალიფიკაციის ამაღლების, პროფესიული ცოდნისა და პრაქტიკული უნარების დახვეწის მიზნით ტრენინგების ჩატარებას თემატიკის მიხედვით.

სწავლება მოიცავს შემდეგ სასწავლო კურსებს:
1. შიდა აუდიტი;
2. ადმინისტრაციული ზედამხედველობა და ჯარიმები;
3. საზოგადოებასთან ურთიერთობა;
4. სახელმწიფო (მუნიციპალური) შესყიდვები;
5. მუნიციპალიტეტის სივრცით-ტერიტორიული განვითარება;
6. ადამიანური რესურსების მართვა;
7. ინფრასტრუქტურული საკითხები;
8. საბუღალტრო აღრიცხვა;
9. მუნიციპალიტეტის წარმომადგენლობა სასამართლოში ადმინისტრაციულ საქმეებზე;
10. სამართალი (საკრებულოებისთვის).

პრეტენდენტმა დამსწრე მონაწილეებისთვის უნდა უზრუნველყოს:
ა)კვებითი (ლანჩის მოწყობა) მომსახურების ორგანიზება.
ბ)ტრენერის მგზავრობისა და დაბინავების მომსახურება.
გ)ტრენინგ მასალების ბეჭდვა და მონაწილეთათვის მიწოდება.

ტენდერში გამარჯვებულმა მომსახურების გაწევა უნდა უზრუნველყოს ეტაპობრივად, მოთხოვნის შესაბამისად (მუნიციპალიტეტების შეთანხმებით), ხელშეკრულების დადებიდან 2023 წლის 25 დეკემბრამდე.

სატრენინგო კურსები უნდა ჩატარდება საკლასო სწავლების მეთოდით, შემდეგ მისამართზე ქ. თელავი, ერეკლე მეორის გამზირი #16, თელავის მუნიციპალიტეტის ადმინისტრაციული შენობა.
შენიშვნა: მოცემული ტრენინგის ჩასატარებლად გათვლილია სამი დამოუკიდებელი ოთახები.

ტენდერში მონაწილე პრეტენდენტს, უკანასკნელი 3 (სამი) წლის (2020 წლის 1 იანვრიდან მოცემულ ტენდერში წინადადებების მიღების დასრულების დღემდე) განმავლობაში უნდა გააჩნდეს სატრენინგო მომსახურების შესრულების გამოცდილება, მათ შორის საჯარო სექტორის თანამშრომლებისათვის ტრენინგის ორგანიზების მიმართულებით. მომსახურების ჩამონათვალი და მათი ღირებულებები წარმოდგენილი უნდა იქნეს ზემოთ მოცემული ცხრილის სახით.
პრეტენდენტი ვალდებულია ცხრილში ჩამოთვლილი ინფორმაციის შესაბამისად წარმოადგინოს სატრენინგო მომსახურებაზე გაფორმებული ხელშეკრულებ(ებ)ის ასლ(ებ)ი და ამ მომსახურების შესრულების დამადასტურებელი დოკუმენტები (მიღება-ჩაბარების აქტ(ებ)ი ან/და დამკვეთის მიერ გაცემული გაწეული მომსახურების დამადასტურებელი ცნობა). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ აღნიშნული დოკუმენტები განთავსებულია სახელმწიფო შესყიდვების ერთიან ელექტრონულ სისტემაში საკმარისია სატენდერო განცხადების ნომრ(ებ)ის (SPA, NAT, DAP და ა.შ) ან/და ხელშეკრულების სისტემის CMR მოდულში რეგისტრაციის ნომრ(ებ)ის წარმოდგენა.

მოცემულ კანდიდატებს (მოთხოვნილი სასწავლო კურსის მიხედვით) უნდა ჰქონდეთ უმაღლესი განათლება და უნდა გააჩნდეთ ტრენერად მუშაობის არანაკლებ 3 (სამი) წლიანი, მათ შორის საჯარო სექტორის თანამშრომლებისათვის ტრენინგის ჩატარების მიმართულებით. ასევე ეკონომიკურ და განვითარების პროექტების მართვის საკითხებზე მუშაოების არანაკლებ 5 (ხუთი) წლიანი გამოცდილება. პრეტენდენტი ვალდებულია წარმოადგინოს მოწვეული ტრენერების საინფორმაციო ანკეტა (დანართი №4), უმაღლესი სასწავლებლის დიპლომების ასლები, გამოცდილების დამადასტურებელი დოკუმენტები (ხელშეკრულებები, მიღება-ჩაბარების აქტ(ებ)ი ან/და დამკვეთის მიერ გაცემული სატრენინგო მომსახურების დამადასტურებელი ცნობა).
მოცემული დანართები დამოწმებული დადასტურენული უნდა იქნეს მხარეთა მიერ კვალიფიციური ელექტრონული ხელმოწერით/ელექტრონული შტამპით.

თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, ამ შემთხვევაში, ფასწარმოქმნის ადეკვატურობის დასაბუთება არ იქნება მოთხოვნილი. ვინაიდან, შესყიდვის ობიექტის თავისებურებიდან და სპეციფიკიდან გამომდინარე ძირითადი ხარჯები მოდის ინტელექტუალურ რესურსზე.

ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
ანგარიშსწორება იწარმოებს, შესაბამისი მიღება-ჩაბარების აქტ(ებ)ის საფუძველზე.
ელექტრონულ ტენდერში გამარჯვებულთან გაფორმებული ხელშეკრულების ფარგლებში მუნიციპალიტეტების მიერ ანგარიშსწორება განხორციელდება ცალ-ცალკე.

ანგარიშსწორება განხორციელდება, შესაბამისი მიღება-ჩაბარების აქტ(ებ)ის ხელმოწერიდან 10 (ათი) სამუშაო დღის განმავლობაში.

ხათუნა ბერიკაშვილი, 598555825, berikashvilixatuna@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
5) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებს.