Почтовая и курьерская службы (Грузия - Тендер #48153206)

საფოსტო-საკურიერო მომსახურების შესყიდვა.

1. საფოსტო - საკურიერო მომსახურება მოიცავს:
-ნებისმიერი გზავნილის საქართველოს მასშტაბით 0,1 კგ-მდე 2500 ერთეულის,
-ნებისმიერი გზავნილის საქართველოს მასშტაბით 0,1 კგ-დან 0,25 კგ-მდე წონის -10 ერთეულის,
-ნებისმიერი გზავნილის საქართველოს მასშტაბით 0.25 კგ-ს ზევით 70 ერთეულის,
-ნებისმიერი სტანდარტული გზავნილის საზღვარგარეთ 0-დან 1 კგ-მდე (2-20 დღე) - 2 ერთულის;
-ნებისმიერი სწრაფი გზავნილის საზღვარგარეთ 0-დან 1 კგ-მდე (2-10 დღე) - 3 ერთულის ჩაბარებას.
2. მომსახურება უნდა განხორციელდეს ქ. ქუთაისის ფარგლებში არაუმეტეს 2 დღეში და საქართველოს რეგიონებში არაუმეტეს 3 დღეში. შეტყობინების უკან დაბრუნება უნდა განხორციელდეს წერილის ჩაბარებიდან არაუგვიანეს 5 დღეში.
3. მიმწოდებლისათვის გზავნილების გადაცემა განხორციელდება ქ. ქუთაისის მუნიციპალიტეტის კანცელარიაში დღეში ერთხელ, გზავნილები მიმწოდებლის უფლებამოსილ წარმომადგენელს გადაეცემა შესაბამის რეესტრთან ერთად.
4. გზავნილი მოიცავს კონვერტს გამგზავნი ორგანიზაციის და მიმღების მითითებით და კონვერტის შიგთავსს.
5. წერილის ადრესატის მისამართზე მიტანა უნდა განხორციელდეს 2-ჯერ მაინც, იმ შემთხვევაში თუ წერილის ჩაბარება ადრესატის ან მისი ოჯახის წევრებისათვის ვერ მოხერხდა წერილი უბრუნდება გამგზავნს შესაბამისი აღნიშვნით წერილის გადაცემიდან 4 დღეში.

შენიშვნა:
დანართი №1-ში (ფასების ცხრილებში) მოცემულია მომსახურების სავარაუდო მოცულობა, რომელიც შეიძლება სრულად არ იქნეს ათვისებული. ასევე, თუ მომსახურების გაწევისას აღმოჩნდა, რომ მომსახურების ჩამონათვალიდან რომელიმე პოზიციაზე მომსახურების მოცულობა (რაოდენობა) ამოიწურა და აღნიშნული მომსახურების გაწევა დამატებით გახდა აუცილებელი, შემსყიდველის შეხედულებისამებრ მხარეთა შეთანხმების საფუძველზე შესაძლებელია ხელშეკრულების ფარგლებში განხორციელდეს ცვლილება სხვა მომსახურების მოცულობის (რაოდენობის) შემცირებით.

მომსახურების გაწევა უნდა განხორციელდეს ეტაპობრივად, 2024 წლის 1 იანვრიდან 2024 წლის 31 დეკემბრის ჩათვლით.

მომსახურების გაწევა უნდა განხორციელდეს საქართველოს და საერთაშორისო ტერიტორიაზე.

პრეტენდენტს, 2020 წლის 1 იანვრიდან წინამდებარე ტენდერის დასრულების დღემდე უნდა გააჩნდეს საფოსტო და საკურიერო მომსახურების გაწევის გამოცდილება. აღნიშნულის დადასტურების მიზნით, პრეტენდენტი ვალდებულია წარმოადგინოს შესაბამისი ხელშეკრულებ(ებ)ი და ამავე ხელშეკრულებ(ებ)ის შესრულების დამადასტურებელი დოკუმენტები ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესყიდვის კონკრეტული შესყიდვის ნომრებზე (მაგ: NAT/CMR/SPA და ა.შ. სახელმწიფო შესყიდვების სისტემაში განთავსებული დოკუმენტაცია ხელმეორედ წარმოდგენას არ საჭიროებს და ინფორმაცია გამოცდილების შესახებ ატვირთული უნდა იყოს ცხრილის სახით).
ინფორმაცია ანალოგიური მომსახურების გამოცდილების თაობაზე -დანართი #2.xlsx

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით , რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე საერთო ღირებულებასთან მიმართებით.

1. ანგარიშსწორება განხორციელდება ეროვნულ ვალუტაში (ლარში) უნაღდო ანგარიშსწორების ფორმით.
2. ანგარიშსწორება განხორციელდება ეტაპობრივად, ფაქტიურად გაწეული მომსახურების შესაბამისად, მიღება-ჩაბარების აქტის და შესაბამისი საგადასახადო დოკუმენტის (საჭიროების შემთხვევაში) წარმოდგენიდან 10 (ათი) სამუშაო დღის განმავლობაში.

შესაბამისი დოკუმენტაციის წარმოდგენიდან 10 (ათი) სამუშაო დღის ვადაში

ირაკლი ადეიშვილი, 599285289, kutaisi.procurement@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.

2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.

3. 2019 წლის 1 იანვრიდან, შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით /კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა შესაძლებელია მხოლოდ PDF ფორმატის დოკუმენტებზე/

4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

5. პრედენდენტს არა აქვს უფლება წარმოადგინოს ალტერნატიული სატენდერო წინადადება.

6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.

7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე):
7.1. თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად.

8. წინადადების წარდგენის ეტაპზე ატვირთული ხარჯთაღიცხვა(ებ)ში მითითებული ერთეულის ღირებულებების გაზრდა დაუშვებელია ხარჯთაღრიცხვ(ები)ის დაზუსტების მოთხოვნის შემთხვევაში.