Услуги в области сточных вод (Грузия - Тендер #48153195)

შსს კახეთის პოლიციის დეპარტამენტის ბალანსზე რიცხული შენობების საკანალიზაციო სისტემის და სეპტიკური ჭების გაწმენდის მომსახურების შესყიდვა.

1.2.1მიმწოდებელმა უნდა მიიღოს ყველა შესაძლო ზომა მომსახურების წარმატებით განსახორციელებლად და დაიცვას მომსახურების გაწევასთან დაკავშირებული ყველა უსაფრთხოების წესი.

1.2.2 შემსყიდველის მხრიდან შეტყობინების ტელეფონის ან კომუნიკაციის სხვა საშუალებით მიღების შემდგომ, მიმწოდებელმა არაუმეტეს 1 (ერთი) კალენდარული დღის განმავლობაში უნდა უზრუნველყოს სპეციალისტის გამოგზავნა მოთხოვნილ მისამართზე და შესაბამისი მომსახურების დაუყოვნებლივ დაწყება.

1.2.2 მიმწოდებელმა მომსახურების გაწევისას მაქსიმალურად უნდა დაიცვას ჰიგიენის ნორმები და საჭიროების შემთხვევაში უნდა უზრუნველყოს დაბინძურებული ტერიტორიის დეზინფექცია.

1.2.3 სატრანსპორტო საშუალებას უნდა მართავდეს შესაბამისი კატეგორიის მართვის მოწმობის მქონე მძღოლი. სატრანსპორტო საშუალებას გავლილი უნდა ჰქონდეს კანონმდებლობით გათვალისწინებული შესაბამისი სავალდებულო ტექ. დათვალიერება. მომსახურების გაწევამდე შემსყიდველის მოთხოვნის შემთხვევაში, მიმწოდებელმა შემსყიდველს უნდა წარუდგინოს ზემოაღნიშნულის დამადასტურებელი დოკუმენტები.

1.2.4. ასანიზაციის სატუმბი სპეციალიზირებული მანქანით მომსახურეობა გულისხმობს: მანქანის გასაჩერებელი მოედნიდან არანაკლებ 8 მეტრით დაშორებული და არანაკლებ 6 მეტრი სიღრმის საკანალიზაციო ჭიდან ნარჩენების სრული რაოდენობის ამოტუმბვას და ტერიტორიიდან გატანას;
1.2.5. საკანალიზაციო ქსელის წყლის ჭავლით გარეცხვა გულისხმობს: მაგისტრალური ჰორიზონტალური საკანალიზაციო მილების გაწმენდას სპეციალური მანქანის გამოყენებით, მაღალი წნევის წყლის ჭავლის საშუალებით (არანაკლებ 650 ლ/წთ), ერთჯერადად არანაკლებ 50 მეტრი სიგრძის გაწმენდის შესაძლებლობით;
1.2.6. საკანალიზაციო ჭის მექანიკური ამოწმენდა გულისხმობს: შემკრებ და გამანაწილებელ საკანალიზაციო ჭაში დალექილი მკვრივი ნივთიერებების სრულ ამოწმენდას - სპეციალური შესაძლებლობების მქონე მანქანით (გარემო პირობებიდან გამომდინარე მანქანის სატუმბი შლანგის სიგრძე უნდა იყოს არანაკლებ 25 მ, სიმძლავრე არანაკლებ 3000 ლ/წთ) ან სხვა მექანიკური საშუალებებით;
1.2.7. საკანალიზაციო ქსელის ვიდეო თვალით დათვალიერება გულისხმობს: საკანალიზაციო ქსელის ვიდეო თვალით დათვალიერებას, მათ შორის თვითმავალი რობოტის გამოყენებით, რათა განისაზღვროს ქსელის დიამეტრი; დაზიანების მონაკვეთები და მანძილიდან გამომდინარე ქსელის პროცენტული დახრილობა - რის შესახებაც უნდა შედგეს ინსპექტირების დიაგნოსტიკური დოკუმენტი (მათ შორის CD დისკი);
1.2.8 მიმწოდებელი ვალდებულია სამუშაოების წარმოებისას შემსყიდველის ქონებაზე მიყენებული ზიანი აღმოფხვრას საკუთარი ხარჯებით.

მომსახურება უნდა განხორციელდეს 2024 წლის 01 იანვრიდან 2024 წლის 31 დეკემბრის ჩათვლით, ეტაპობრივად, ელექტრონული ფოსტით ან/და სატელეფონო შეტყობინების მიღებიდან, კვირის ნებისმიერ დღეს, შემსყიდველის მოთხოვნის შესაბამისად. 1 (ერთი) კალენდარული დღის განმავლობაში 1.5 პუნქტში მითითებულ მისამართებზე.

მომსახურეობა ხორციელდება შემდეგ ტერიტორიაზე:

კახეთის პოლიციის დეპარტამენტი - ქ. თელავი, აჩინებულის N27
თელავის რაიონული სამმართველო - ქ. თელავი, ვარდოშვილის N9
გურჯაანის რაიონული სამმართველო -ქ. გურჯაანი, ნონეშვილის N6
საგარეჯოს რაიონული სამმართველო- ქ. საგარეჯო, კახეთის გზატკეცილი N110
დ/წყაროს რაიონული სამმართველო -ქ. დ/წყარო რუსთაველის ქუჩა
ლაგოდეხის რაიონული სამმართველო- ქ. ლაგოდეხი, დ.თავდადებულის N11
ყვარლის რაიონული სამმართველო - ქ. ყვარელი, კუდიგორის N7
ახმეტის რაიონული სამმართველო - ქ. ახმეტა, ჩოლოყაშვილის N49
სიღნაღის რაიონული სამმართველო - ქ. სიღნაღი, ბარათაშვილის N1
დუისის პოლიციის განყოფილება - ახმეტის მუნიციპალიტეტი სოფელი დუისი
კაჭრეთის პოლიციის განყოფილება - გურჯაანის მუნიციპალიტეტი სოფელი კაჭრეთი
წნორის პოლიციის განყოფილება - სიღნაღის მუნიციპალიტეტი სოფელი წნორი
იორმუღალოს პოლიციის განყოფილება- საგარეჯოს მუნიციპალიტეტი სოფელი იორმუღანლო
აფენის პოლიციის განყოფილება - ლაგოდეხის მუნიციპალიტეტი სოფელი აფენი
ნაფარეულის პოლიციის განყოფილება- თელავის მუნიციპალიტეტი სოფელი ნაფარეული
არხილოსკალოს პოლიციის განყოფილება - დ/წყაროს მუნიციპალიტეტი, სოფელი არხილოსკალო
ბირკიანის პოლიციის განყოფილება - ახმეტის მუნიციპალიტეტი, სოფ. ძიბახევი
ომალოს (თუშეთი) ადმინისტრაციული შენობა - ახმეტის მუნიციპალიტეტი სოფ.ომალო (თუშეთი )

ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია შეტყობინების მიღებიდან არაუმეტეს 1 (ერთი) კალენდარული დღის ვადაში გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე. შეტყობინება შესაძლებელია განხორციელდეს ელექტრონული ფოსტით ან/და ტელეფონით.

1. პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ, ასევე საბოლოო ფასის შესაბამის მომსახურების პრეისკურანტში მითითებული მომსახურების ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის მაქსიმალურ ზღვრულ ღირებულებას.

2. შემყიდველი ორგანიზაციის მიერ სახელმწიფო შესყიდვების ერთიან ელექტრონულ სისტემაში განსაზღვრული პრეისკურანტის სავარაუდო ღირებულების პრეტენდენტის მიერ შემცირების შემთხვევაში ფასთა კლება პროცენტულად და პროპორციულად (უცვლელი პროცენტული მნიშვნელობით) უნდა აისახოს მომსახურების პრეისკურანტში მოცემული ჩამონათვალის ერთეულის ფასებზე. ერთეულის ფასები უნდა დამრგვალდეს მეასედებამდე.

3. შემოთავაზებული შესყიდვის ობიექტის ერთეულის ფასები არ უნდა იყოს მრავალნიშნა ათწილადი და უნდა დამრგვალდეს მეასედებამდე.

4. დაზუსტებას არ ექვემდებარება ტექნიკური დოკუმენტაცია და პრეტენდენტი დაექვემდებარება დისკვალიფიკაციას, თუ პრეტენდენტის მიერ არ არის წარმოდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

5. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის მომსახურება, გასაწევი მომსახურების ერთეულის ფასი (მისი შესყიდვის აუცილებლობისას) დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

6.პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას.

7.პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასთა ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასთა ცხრილით განსაზღვრული შესყიდვის ობიექტის მიწოდების შესაძლებლობა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.დამოუკიდებელი სერთიფიცირებული აუდიტის დასკვნის საფუძველზე.

ანგარიშსწორება მოხდება უნაღდო ანგარიშსწორებით ლარში.
ანგარიშსწორება განხორციელდება 2024 წლის ბიუჯეტის სახსრებით. ანგარიშსწორება შემსყიდველის მიერ მოხდება ეტაპობრივად, ფაქტობრივად მოწოდებული შესყიდვის ობიექტის მიხედვით. მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის (კანონით დადგენილ შემთხვევაში) გამოწერისა და წარმოდგენის შემდეგ.

ანგარიშწორება განხორციელდება შესაბამისი დოკუმენტაციის წარმოდგენიდან არაუგვიანეს 10 სამუშაო დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს .

კახაბერ ჯიქიძე, 579400100, k.jiqidze@mia.gov.ge

„პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ" საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის".