Архитектурные и сопутствующие услуги (Грузия - Тендер #48153178)

სსიპ „საგანმანთლებლო და სამეცნიერო ინფრასტრუქტურის განვითარების სააგენტო“-ს მიერ 2023-2024-2025-2026 წლების სახელმწიფო ბიუჯეტის დაფინანსებით სამშენებლო-სარეაბილიტაციო სამუშაოების ტექნიკური ზედამხედველობის მომსახურების შესყიდვა

1.2.1. გასაწევი მომსახურების დეტალური აღწერილობა, მახასიათებლები და გასატარებელი ღონისძიებები განისაზღვება სატენდერო დოუმენტაციის დანართის N1 (ტექნიკური დავალება) მიხედვით.
1.2.2. საზედამხედველო მომსახურება გაწეული უნდა იყოს საორინტაციოდ 500 000 000 (ხუთასი მილიონი) ლარის ღირებულების საგანმანათლებლო დაწესებულებების სამსენებელო-სარეაბილიტაციო სამუშაოებზე.
1.2.3. ტენდერში გამარჯვებული კომპანია ვალდებულია, ხელშეკრულების გაფორმების შემდეგ შემსყიდველთან შეათანხმოს კონკრეტულ ობიექტზე გამოყოფილი თითოეული ტექნიკური ზედამხედველი.
1.2.3.4. სამშენებლო სამუშაოების მუდმივი ტექნიკური ზედამხედველობის მიზნით, მიმწოდებელმა თითოეულ სამშენებლო ობიექტზე (ლოკაციაზე) უნდა მიავლინოს საჭირო რაოდენობის და კვალიფიკაციის პერსონალი.

1.4.1. მომსახურების გაწევის ვადა განისაზღვრება ხელშეკრულების გაფორმებიდან 2025 წლის 31 დეკემბრის ჩათვლით.

1.5.1.მომსახურების მიწოდების ფორმა და პირობები მოცემულია სატენდერო დოუმენტაციის დანართის N1-ის (ტექნიკური დავალება) მიხედვით.
1.5.2. მომსახურების მიწოდება უნდა განხორციელდეს საქართველოს სხვადასხვა მუნიციპალიტეტებში.

პრეტენდენტს, საქართველოს ტერიტორიაზე ან/და სხვა ქვეყნის ტერიტორიაზე (გარდა იმ ქვეყნის ტერიტორიისა, სადაც რეგისტრირებულია პრეტენდენტი), 2018 წლის 01 იანვრიდან ელექტრონული ტენდერისათვის „წინადადებების მიღება დასრულებულია“ სტატუსის მინიჭების თარიღამდე პერიოდში, არაუმეტეს 2 (ორი) ხელშეკრულების ფარგლებში, ერთდროულად არანაკლებ 5 (ხუთი) რეგიონში გაწეული უნდა ჰქონდეს არანაკლებ 2,500,000.00 (ორი მილიონ ხუთასი ათასი) ლარის ღირებულების ზედამხედველობის მომსახურება, ნებისმიერი სამოქალაქო დანიშნულების ობიექტის მშენებლობის, ან რეკონსტრუქციის, ან რეაბილიტაციის სამუშაოებზე, ხოლო წარმოდგენილი ხელშეკრულებებიდან, არანაკლებ 1,500,000.00 ლარის ღირებულების საზედამხედველო მომსახურება უნდა შეეხებოდეს მხოლოდ სამოქალაქო დანიშნულების შენობების მშენებლობის, ან რეკონსტრუქციის, ან რეაბილიტაციის სამუშაოების ზედამხედველობის მომსახურებას.

გამოცდილების დამადასტურებელი დოკუმენტების ჩამონათვალი და მათი წარმოდგენისას გასათვალისწინებელი მოთხოვნა:
სისტემაში ატვირთული უნდა იყოს:
ა) ხელშეკრულება.

ბ) წარმოდგენილი ხელშეკრულების ფადგლებში მომსახურების მიწოდების დამადასტურებელი დოკუმენტაცია, კერძოდ:
ან მომსახურების მიღება-ჩაბარების აქტი, ან დამკვეთის (შემსყიდველი) წერილი შესყიდვის ობიექტის შინაარსის, ხელშეკრულების რეკვიზიტების, მიწოდებული მომსახურების ღირებულებისა და მიწოდების თარიღის მითითებით.

გამოცდილების დამადასტურებელი დოკუმენტაციის წარმოდგენისას გასათვალისწინებელი მოთხოვნა:

ა) გამოცდილების დამადასტურებელი დოკუმენტები წარმოდგენილი უნდა იყოს ისე, რომ სატენდერო კომისიამ შეძლოს სატენდერო პირობებით განსაზღვრული ყველა მოთხოვნის შეფასება.

ბ) საზღვარგარეთ შესრულებული სამუშაოების გამოცდილების დამადასტურებელი დოკუმენტების წარმოდგენის შემთხვევაში, აღნიშნული დოკუმენტები დამოწმებული უნდა იყოს სათანადო წესით: ლეგალიზებული, ან აპოსტილით დამოწმებული.

გ) გამოცდილების დამადასტურებელი დოკუმენტების შეფასებისას მხედველობაში მიიღება უშუალოდ პრეტენდენტის გამოცდილება, კერძოდ ქვეკონტრაქტი და ქვეკონტრაქტორის გამოცდილების შეფასება პრეტენდენტის გამოცდილებასთან ერთად არ განხორციელდება.

იმ შემთხვევაში თუ, სატენდერო პირობებით მოთხოვნილი ანალოგიური მომსახურების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენებით (w.w.w. http://procurement.gov.ge/) და წინამდებარე ელექტრონული ტენდერით მოთხოვნილი გამოცილების დამადასტურებელი დოკუმენტაცია ან ინფორმაცია დამკვეთის (შემსყიდველი) მიერ ატვირთულია სახელმწიფო შესყიდვების ერთიან ელექტრონულ სისტემაში, მოთხოვნილი დოკუმენტ(ებ)ის ან ინფორმაციის ნაცვლად შესაძლებელია წარმოდგენილი იყოს დოკუმენტაცია/ინფორმაცია სახელმწიფო შესყიდვების ერთიან ელექტრონულ სისტემის საშუალებით ჩატარებული შესყიდვის საშუალების ნომრის (SPA, DAP; NAT, DEP; MEP; TEP; GEO: CMR ან სხვა არსებობის შემთხვევაში ) შესახებ.

2.4.1.1. პრეტენდენტს, ტენდერით გათვალისწინებული მომსახურების გასაწევად უნდა ჰყავდეს დანართი N4-ით წარმოდგენილი სპეციალისტები, რომლებსაც ექნებათ შესაბამის სფეროში მუშაობის გამოცდილება. ინფორმაცია წარმოდგენილი უნდა იქნას დანართი N5-ის შესაბამისად.

2.4.1.2. პრეტენდენტმა, მის მიერ შემოთავაზებულ თითოეულ სპეციალისტზე უნდა წარმოადგინოს საანკეტო მონაცემები დანართი N6-ის შესაბამისად, რომელიც მოიცავს სპეციალისტების ბიოგრაფიულ მონაცემებს, ინფორმაციას მათი განათლების, კვალიფიკაციისა და სატენდერო დოკუმენტაციით გათვალისწინებული ანალოგიური სფეროში მუშაობის გამოცდილების ქონის შესახებ.

2.4.1.3. პრეტენდენტის მიერ შემოთავაზებულ თითოეულ სპეციალისტზე წარმოდგენილ უნდა იქნას პირადობის დამადასტურებელი მოწმობის ასლები და შესაბამისი განათლების დამადასტურებელი დოკუმენტის ასლები (დიპლომი, სხვა დამატებითი ტიპის დოკუმენტაცია).

2.4.1.4. პრეტენდენტმა უნდა წარმოადგინოს შესაბამის სპეციალისტებთან გაფორმებული წინარე შეთანხმება (თითოეულ სპეციალისტთან ცალ-ცალკე) დანართი N7-ის შესაბამისად, რომლის მიხედვითაც ტენდერში პრეტენდენტის გამარჯვების შემთხვევაში, სპეციალისტი იღებს ვალდებულებას, რომ კომპეტენციის შესაბამისად, პირადად განახორციელებს ამ ტენდერით გათვალისწინებული მომსახურების გაწევას.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

5 Процентов

10 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას;
ხელშეკრულების მოქმედების ვადა განისაზღვრება 2026 წლის 31 მარტის ჩათვლით.

6.4.1. ხელშეკრულების შესრულების უპირობო და გამოუთხოვადი გარანტია სავალდებულოდ გაცემული უნდა იყოს საქართველოს კანონმდებლობის შესაბამისად ლიცენზირებული დაწესებულებიდან, ეროვნულ ვალუტაში - ლარში (ან უცხო ქვეყნის საბანკო დაწესებულებიდან, რომელიც გადაზღვეული იქნება საქართველოს კანონმდებლობის შესაბამისად ლიცენზირებული დაწესებულების მიერ), შემდეგი ფორმის დაცვით: დაბეჭდილი, გარანტიის გამცემი დაწესებულების ტიტულიან ფურცელზე (ბლანკი), ხელმოწერილი, უფლებამოსილი პირის მიერ და ბეჭედდასმული.
6.4.2. საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).
6.4.3. პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.
6.4.4. ხელშეკრულების შესრულების უზრუნველყოფის უპირობო და გამოუთხოვადი საბანკო გარანტია წარმოდგენილი უნდა იქნას დანართის შესაბამისად (იხილეთ მიბმული ფაილი: საბანკო გარანტიის ფორმა).

7.1.1.1. საავანსო ანგარიშსწორება შესაძლებელია განხორციელდეს მიმწოდებლის მოთხოვნის საფუძველზე, ხელშეკრულების ღირებულების არაუმეტეს 20%-ის ოდენობით.
7.1.1.2. საავანსო ანგარიშსწორების მოთხოვნის შემთხვევაში „მიმწოდებელმა“ უნდა წარმოადგინოს საქართველოს კანონმდებლობის შესაბამისად ლიცენზირებული დაწესებულებიდან (ან უცხო ქვეყნის საბანკო დაწესებულებიდან, რომელიც გადაზღვეული იქნება საქართველოს კანონმდებლობის შესაბამისად ლიცენზირებული დაწესებულების მიერ) გაცემული საბანკო გარანტია, რომლის მოქმედების ვადა 1 (ერთი) თვით უნდა აღემატებოდეს ხელშეკრულების მოქმედების ვადას. გარანტია წარმოდგენილი უნდა იქნას ეროვნულ ვალუტაში - ლარში.
7.1.1.3. ავანსის სახით გადახდილი თანხის გაქვითვა მოხდება გაწეული მომსახურების ღირებულების პროპორციულად.
7.1.1.4. საავანსო გარანტია წარმოდგენილი უნდა იქნას დანართის შესაბამისად (იხილეთ მიბმული ფაილი: საავანსო გარანტიის ფორმა).

7.2.1. საზედამხედველო მომსახურეობის ღირებულება განისაზღვრება ყოველ კონკრეტულ ობიექტზე, დადასტურებული (პროექტის მენეჯერის მიერ ხელმოწერილი შესრულებული სამუშაოების აქტი - ფორმა #2) შესრულებული სამშენებლო სამუშაოების ღირებულების იმ პროცენტის ოდენობით, რომელიც მიმწოდებელსა და შემსყიდველს შორის გაფორმებულ ხელშეკრულებაში იქნება განსაზღვრული.
7.2.2. იმ შემთხვევაში, თუ განსაზღვრული გარემოებების გამო მიმწოდებლის მიერ გაწეული მომსახურების ღირებულებამ არ შეადგინა ამ ხელშეკრულებით გათვალისწინებული თანხა, შემსყიდველი აუნაზღაურებს მიმწოდებელს მის მიერ ფაქტობრივად გაწეული მომსახურების ღირებულებას ამ ხელშეკრულებით განსაზღვრული ფასების (პროცენტების) შესაბამისად. აღნიშნულიდან გამომდინარე მიმწოდებელს პრეტენზია არ უნდა გააჩნდეს აუთვისებელ მომსახურების მოცულობათა შესრულებაზე და მის გადახდაზე.
7.2.3. სააგენტოს მიერ 2023 წელს გათვალისწინებულია 186 500.00 ლარის ანაზღაურება, 2024 წელს გათვალისწინებული იქნება 6 000 000.00 ლარი, 2025 წელს გათვალისწინებული იქნება 6 200 000.00 ლარი, ხოლო 2026 წელს გათვალისწინებული იქნება 6 263 500.00 ლარი.

7.3.1. ანგარიშსწორებისათვის მიმწოდებელი ყოველ კონკრეტულ ობიექტზე წარუდგენს შემსყიდველს გაწეული საზედამხედველო მომსახურების მიღება-ჩაბარების ორმხრივ აქტს (წარმოდგენილი უნდა იყოს შესაბამისი დამატებითი ღირებულების გადასახადის ანგარიშ-ფაქტურა), რის საფუძველზეც შემსყიდველი აუნაზღაურებს მიმწოდებელს გაწეული მომსახურების ღირებულებას მიღება-ჩაბარების აქტისა და დამატებითი ღირებულების გადასახადის ანგარიშ-ფაქტურის წარდგენიდან 10 სამუშაო დღის განმავლობაში.

7.3.2. ანგარიშსწორება განხორციელდება მიღება-ჩაბარების აქტის (ფაქტობრივად გაწეული მომსახურების მოცულობების მიღების აქტი) და დამატებითი ღირებულების გადასახადის ანგარიშ-ფაქტურის გაფორმების საფუძველზე.

ნინო გლოველი, 577152075, gloveli.nino@gmail.com სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის – "კითხვა/პასუხის“ მეშვეობით, ან/და სატენდერო კომისიის აპარატში, წერილობითი მიმართვის შემთხვევაში. მის: ქ. თბილისი, სანდრო ეულის ქ. N5, მე-8 სართული, სსიპ საგანმანათლებლო და სამეცნიერო ინფრასტრუქტურის განვითარების სააგენტო.

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონის და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ შესაბამისად.

2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.

3. 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

4. სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

5. პრეტენდენტის მიერ ელექტრონულ სისტემაში ატვირთული სატენდერო დოკუმენტაცია უნდა იყოს ხელმოწერილი და ბეჭედდასმული უფლებამოსილი პირის მიერ. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

6. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

7. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

8. შესყიდვაში მონაწილე პირებმა (პრეტენდენტებმა) უნდა წარმოადგინონ შემდეგი ტექნიკური ინფორმაცია/დოკუმენტები:

(1) ფასების ცხრილი (ხარჯთაღრიცხვა), დანართი N2-ის შესაბამისად;
(2) გამოცდილების დამადასტურებელი დოკუმენტაცია, სატენდერო დოკუმენტაციის 2.2.1 პუნქტის შესაბამისად;


9. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე) თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი.