Оборудование для подъема и перемещения и запасные части для подобного оборудования (Грузия - Тендер #48153115)

შესყიდვის ობიექტია - სამგზავრო ლიფტის შესყიდვა თანმდევი მომსახურებით, ძველი არსებული ლიფტის მთლიანი კომპლექტაციის დემონტაჟით, მოწოდებული ლიფტის მონტაჟით, გაშვება-გაწყობით და ექსპლოატაციაში გაშვებით.

1.2.1 მიმწოდებელმა უნდა უზრუნველყოს არსებული/დამონტაჟებული 1 (ერთი) ერთეული მეორადი ლიფტის დემონტაჟი.
1.2.2 მიმწოდებელმა უნდა უზრუნველყოს დამკვეთის მიერ მითითებულ ტერიტორიაზე დემონტირებული ნაწილებისა და სხვა გამოუყენებელი მასალებისა თუ მაკომპლექტებლების ტრანსპორტირება - დასაწყობება (არა უმეტეს 45კმ-სა);
1.2.3 მიმწოდებელმა დემონტაჟისა და მონტაჟის სამუშაოები უნდა განახორციელოს საკუთარი მასალებითა და ხარჯებით, რეჟიმული შენობის სპეციფიურობის შესაბამისად;
1.2.4 მიმწოდებელი პასუხისმგებელია ლიფტების დემონტაჟი - მონტაჟის შედეგად გამოვლენილი დაზიანებ(ებ)ის აღდგენაზე. ასეთ შემთხვევაში შენობის დაზიანებული ნაწილების აღდგენა და მოპირკეთება უნდა მოხდეს მიმწოდებლის მიერ საკუთარი ხარჯებით, შემსყიდველის მიერ დამატებითი ანაზღაურების გარეშე;
1.2.5 შემოთავაზებული ,,საქონელი" უნდა იყოს ახალი, არ უნდა იყოს ექსპლუატაციაში ნამყოფი, წარმოებული არაუადრეს 2021 წლისა;
1.2.6 მიმწოდებელი ვალდებულია/პასუხისმგებელია ლიფტის ექსპლოატაციაში გაშვებაზე (მოქმედი კანონმდებლობის შესაბამისად);
1.2.7 მიმწოდებელმა ლიფტის დემონტაჟის და მიწოდება-მონტაჟის სამუშაოები უნდა განახორციელოს საქართველოს მთავრობის 2011 წლის 26 ივლისის N289 დადგენილების („ლიფტის უსაფრთხოების შესახებ ტექნიკური რეგლამენტის დამტკიცების თაობაზე“) მიხედვით;
1.2.8 ახალი ლიფტის დამონტაჟების სამუშაოების დასრულების შემდგომ ლიფტმა უნდა გაიაროს ტექნიკური ინსპექტირება საქართველოს მთავრობის 2011 წლის 26 ივლისის N289 დადგენილების („ლიფტის უსაფრთხოების შესახებ ტექნიკური რეგლამენტის დამტკიცების თაობაზე“) მოთხოვნათა შესაბამისად;
1.2.9 მიმწოდებელი ვალდებულია სამუშაოები შეასრულოს მოქმედი სამშენებლო ნორმების და სტანდარტების მიხედვით;
1.2.10 მიმწოდებელი ვალდებულია სამუშაოების წარმოების დროს გამოიყენოს ყველა მასალა-მოწყობილობა (მასალა-მოწყობილობა უნდა იყოს ახალი არ უნდა იყოს ნამყოფი ექსპლუატაციაში) ქარხნული წარმოების, მაღალი ხარისხის და შეესაბამებოდეს ამ სფეროში აღიარებულ სტანდარტებს ლიფტ(ებ)ის ექსპლუატაციაში გაშვებაზე მოქმედი კანონმდებლობის შესაბამისად;
1.2.11 მიმწოდებელმა უნდა შეასრულოს სამუშაო უსაფრთხო, ეკოლოგიურად მისაღები გზით და ვალდებულია მინიმუმამდე დაიყვანოს მუშაობით გამოწვეული ხმაურის და ვიბრაციის დონე;
1.2.12 მიმწოდებელი პასუხისმგებელია სამუშაოების მსვლელობის მთელი პერიოდის განმავლობაში უსაფრთხოების წესების დაცვაზე, იმ შემთხვევაში, თუ მიმწოდებელი სამუშაოების შესრულების პროცესში, დააზიანებს შემსყიდველის ქონებას, იგი ვალდებული იქნება უზრუნველყოს შემსყიდველის ქონებისათვის პირვანდელი სახის აღდგენა საკუთარი ხარჯებით;
1.2.13 მიმწოდებელი ვალდებულია დემონტაჟისა და მონტაჟის მიმდინარეობის პროცესი უზრუნველყოს შესაბამისი რესურსით (მათ შორის - ადამიანური რესურსით, მოწყობილობებით და მასალით).
1.2.14 მიმწოდებელმა საკუთარი ხარჯით უნდა უზრუნველყოს მის მიერ დამონტაჟებული ლიფტის გარე ფასადზე ინტერიერის შესაბამისი ჩარჩოს მოწყობა (ე.წ მოჩარჩოვება) შვიდივე სართულზე (ახალი მასალით).
1.2.15 ღირებულება უნდა მოიცავდეს არსებული ლიფტის დემონტაჟის ღირებულებას, ასევე ახალი ლიფტის მიწოდება-მონტაჟის, გაშვება-გაწყობის, ექსპლუატაციაში მიღების და სხვა ყველა საჭირო ღირებულებას.
1.2.16 შემოთავაზებული ლიფტი თავსებადი უნდა იყოს არსებულ ლიფტის შახტასთან.
1.2.17 მიმწოდებელი ვალდებულია ახალ დამონტაჟებულ ლიფტზე წარმოადგინოს შესაბამის სფეროში აკრედიტირებული ინსპექტირების ორგანოს მიერ გაცემული ინსპექტირების სერტიფიკატი, რომლის ღირებულება უნდა დაფაროს მიმწოდებელმა საკუთარი ხარჯებით.
1.2.18 მოსაწოდებელი შესყიდვის ობიექტის მიღება მოხდება ინსპექტირების განმახორციელებელი პირის/პირების დადებითი დასკვნის/დასკვნების საფუძველზე.
1.2.19 ლიფტის მიწოდებისას თან უნდა ახლდეს პასპორტი (დედანი) სადაც გაწერილი იქნება ლიფტის ძირითადი ტექნიკური მახასიათებლები.

მიმწოდებელმა შესყიდვის ობიექტის მიწოდება-მონტაჟი და ექსპლუატაციაში გაშვება უნდა უზრუნველყოს ხელშეკრულების გაფორმებიდან 95 კალენდარული დღის განმავლობაში.

1.5.1 შესყიდვის ობიექტის მიწოდება უნდა უზრუნველყოს მიმწოდებელმა, საკუთარი ხარჯებით.
1.5.2 შესყიდვის ობიექტის მიწოდების ადგილია: ქ. თბილისი, მინდელის ქ. N7.

1.7.1.1 ლიფტისა და მისი მაკომპლექტებელი ნაწილების საგარანტიო მომსახურეობის (და არა საექსპლოატაციო) ვადა უნდა შეადგენდეს მიღება-ჩაბარების აქტის გაფორმებიდან არანაკლებ 3 (სამი) წელს, რაც გულისხმობს მიმწოდებლის მიერ საგარანტიო პერიოდში დაზიანებული მაკომპლექტებელი ნაწილის უსასყიდლოდ მიწოდება-მონტაჟს.
1.7.1.2 საგარანტიო პირობების მოქმედების პერიოდში ხარვეზის აღმოფხვრა უნდა განხორციელდეს შემსყიდველის მოთხოვნიდან 20 (ოცი) კალენდარული დღის განმავლობაში (გამოძახების თარიღად ჩაითვალება შემსყიდველის მიერ გაგზავნილი შეტყობინება (წერილი, სატელეფონო შეტყობინება ან ელ. ფოსტა).
1.7.1.3.საგარანტიო პირობები არ მოქმედებს არაკვალიფიციურ პირთა მიერ განხორციელებული არასანქცირებული ქმედებების შედეგად დამდგარი და უცხო პირთა მიერ განზრახ ვანდალური დაზიანებების შემთხვევებზე;

პრეტენდენტმა ინფორმაცია საგარანტიო ვადის შესახებ უნდა მიუთითოს ფასების ცხრილში.

2.1.1.1 პრეტენდენტი ვალდებულია წარმოსადგენ ფასების ცხრილში მიუთითოს შესყიდვის ობიექტის წარმოშობის ქვეყანა, მწარმოებელი/ბრენდი და მოდელი/დასახელება (მოდელი არსებობის შემთხვევაში).
2.1.1.2 აღნიშნული ინფორმაციის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

2.2.1.1 პრეტენდენტს 2020 წლიდან ტენდერის გამოცხადებამდე, უნდა გააჩნდეს ლიფტის მიწოდებისა და მონტაჟის გამოცდილება ჯამური ღირებულებით არანაკლებ 252000.00 ლარი.

2.2.1.2. პრეტენდენტმა გამოცდილების დადასტურების მიზნით უნდა წარმოადგინოს გაფორმებული ხელშეკრულებ(ები)ა და ამ ხელშეკრულების შესაბამისი მიღება-ჩაბარების აქტ(ებ)ი ან/და ანგარიშ-ფაქტურ(ები)ა ან/და ზედნადებ(ებ)ი (თუ მხოლოდ მიღება-ჩაბარების დამადასტურებელი დოკუმენტიდან ირკვევა ანალოგიური მომსახურების მიწოდების შესახებ ინფორმაცია, მაშინ აუცილებელი არ არის ხელშეკრულების წარმოდგენა).

2.2.1.3 იმ შემთხვევაში, თუ სატენდერო დოკუმენტაციის 2.2.1.2 მუხლით მოთხოვნილი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში N2-ში მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

2.7.1.1 პრეტენდენტმა უნდა წარმოადგინოს სერტიფიკატი, რომელიც დაადასტურებს, რომ შემოთავაზებული ლიფტის მწარმოებელი კომპანია აკმაყოფილებს ISO-9001 სტანდარტს;

2.7.1.2 პრეტენდენტმა უნდა წარმოადგინოს სერტიფიკატ(ებ)ი, რომელიც დაადასტურებს, რომ შემოთავაზებული ლიფტის მწარმოებელს გააჩნია CE მარკირება. ასევე, აკმაყოფილებს EN-81-20 ან EN-81-1 სტანდარტს და 2014/33/EU და 2014/30/EU ევროპულ დირექტივას;

2.7.1.3 ქვემოთ ჩამოთვლილ ლიფტის მაკომპლექტებელ მოწყობილობებზე პრეტენდენტმა უნდა წარმოადგინოს შესაბამისი მწარმოებლის ევროპული შესაბამისობის სერტიფიკატ(ებ)ი:

- მდორე გაჩერების ავარიულ სამუხრუჭე ხუნდებზე (Progressive Safety Gears);
- ორმხრივი სიჩქარის გადაჭარბების მექანიზმზე (Bi-directional overspeed governor);
- შახტის კარების გამღები მექანიზმის ჩამკეტ მოწყობილობაზე (door lock);
- ენერგიის განმუხტვის ჰიდრავლიკურ ბუფერზე (Hydraulic Buffer);

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერთიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერთიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

1.7.1.1 წინასწარი ანგარიშსწორების (ავანსი) გამოყენება შესაძლებელია,ხელშეკრულების ღირებულების 100%-ის ოდენობით. მიმწოდებლის მიერ წარმოდგენილი საავანსო თანხის იდენტური ოდენობის, უპირობო, გამოუთხოვადი საბანკო გარანტიის (რომლის მოქმედების ვადა არანაკლებ 60 კალენდარული დღით უნდა აღემატებოდეს ხელშეკრულების მოქმედების ვადას) საფუძველზე. რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები.
7.1.1.2 წინასწარი ანგარიშსწორების (საავანსო) გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან ეროვნულ ვალუტაში - ლარში.
7.1.1.3 მიმწოდებელმა ავანსის თანხა უნდა გამოიყენოს მხოლოდ ამ შესყიდვასთან დაკავშირებული ვალდებულებების შესასრულებლად.

7.2.1 ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
7.2.2 ანგარიშსწორება განხორციელდება ფაქტიურად მიწოდებული შესყიდვის ობიექტის შესაბამისად, მხარეებს შორის გაფორმებული მიღება-ჩაბარების აქტისა და ინსპექტირების აქტის საფუძველზე.
7.2.3. ხელშეკრულების ღირებულების 100%-ს ანაზღაურება მოხდება 2023 წლის სახელმწიფო ბიუჯეტის ასიგნებების ფარგლებში.

7.3.1 წინასწარი ანგარიშსწორება განხორციელდება მიმწოდებლის მიერ საავანსო თანხის იდენტური ოდენობის, უპირობო, გამოუთხოვადი გარანტიის წარმოდგენიდან 10 სამუშაო დღის განმავლობაში.

თაია გოგოლიძე, 598886911, taia.gogolidze93@gmail.com

10.1.1. პრეტენდენტის მიერ ერთიან ელექტრონულ სისტემაში ატვირთული შესაბამისი დოკუმენტები უნდა იყოს უფლებამოსილი პირის მიერ კვალიფიციური ელექტრონული შტამპით ან კვალიფიციური ელექტრონული ხელმოწერით დამოწმებული, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3. ალტერნატიული სატენდერო წინადადება არ განიხილება;
10.1.4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით;
10.1.5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.